ಉಡುಪಿ‌, ಮಣಿಪಾಲದಲ್ಲಿ ಪ್ರತಿಭಟನೆಗಿಳಿದ ಸ್ವಿಗ್ಗಿ ಬಾಯ್ಸ್ : ಡೆಲಿವರಿ ಸ್ಥಗಿತ

Team Udayavani, Jul 29, 2022, 6:20 PM IST

ಉಡುಪಿ : ನೂರಕ್ಕೂ ಹೆಚ್ಚು ಮಂದಿ ಸ್ವಿಗ್ಗಿ ಡೆಲಿವರಿ ಬಾಯ್ಸ್ ಗಳು ಪ್ರತಿಭಟನೆಗಿಳಿದಿದ್ದು, ಮಣಿಪಾಲ ಮತ್ತು ಉಡುಪಿಯಲ್ಲಿ ಡೆಲಿವರಿ ಸ್ಥಗಿತಗೊಳಿಸಲಾಗಿದೆ.

ಡೆಲಿವರಿ ಬಾಯ್ಸ್ ಗಳಿಗೆ ಕಿರುಕುಳ ನೀಡಲಾಗುತ್ತಿದೆ. ಹೋದ ಸ್ವಿಗ್ಗಿ ಮ್ಯಾನೇಜರ್ ವಿರುದ್ದ ಅಕ್ರೋಶ ಹೊರ ಹಾಕಿದ್ದು, ಗೂಗಲ್ ಮ್ಯಾಪ್ ನಲ್ಲಿ ಮೂರು ಕಿಲೋ ಮೀಟರ್ ತೋರಿಸಿದರೆ ಸ್ವಿಗ್ಗಿ ಮ್ಯಾಪ್ ನಲ್ಲಿ 1 ಕಿಲೋ ಮೀಟರ್ ತೋರಿಸುತ್ತಿದೆ. ಹಿಂದೆ ಸರಿಯಾಗಿಯೇ ಇತ್ತು, ಹೊಸ ಮ್ಯಾನೇಜರ್ ಬಂದಾಗಿನಿಂದ ತೊಂದರೆ ಆಗಿದೆ. ಅಪಘಾತಗಳು ಆದಾಗಲೂ ಸ್ಪಂದನೆ ತೋರಿಲ್ಲ ಎಂದು ಆಕ್ರೋಶ ಹೊರ ಹಾಕಿದ್ದಾರೆ.

ಕೋವಿಡ್ ವೇಳೆ, ಮಳೆ ಸೇರಿ ಪ್ರತಿ ನಿತ್ಯ ನಾವು ಕಷ್ಟ ಪಟ್ಟಿದ್ದೇವೆ ಎಂದು ಡೆಲಿವರಿ ಬಾಯ್ಸ್ ನೋವು ತೋಡಿಕೊಂಡಿದ್ದಾರೆ.

ಡೆಲಿವರಿ ಬಾಯ್ಸ್ ಗಳ ಹೋರಾಟಕ್ಕೆ ತುಳುನಾಡು ರಕ್ಷಣಾ ವೇದಿಕೆ ಬೆಂಬಲ ನೀಡಿದ್ದು, ಕಾನೂನು ಹೋರಾಟಕ್ಕೂ ಸಿದ್ಧ ಎಂದು ಹೇಳಿದೆ.