ತಾಳಹಿಡಿದು ಭಜನೆ ಹಾಡಿದ ಶ್ರೀಗಳು

Team Udayavani, Oct 10, 2019, 5:05 AM IST

ಉಡುಪಿ: ಮಧ್ವಜಯಂತಿ ಪ್ರಯುಕ್ತ ವಿವಿಧ ಮಠಾಧೀಶರು ಮಂಗಳವಾರ ರಾತ್ರಿ ಅಖಂಡ ಭಜನೆ ನಡೆಯುವಲ್ಲಿ ಸುಮಾರು ಒಂದು ಗಂಟೆ ಕಾಲ ಭಜನೆಗಳನ್ನು ಹಾಡಿದರು.

ದಾಸವರೇಣ್ಯರ ಎಂಟು ಹಾಡು ಗಳನ್ನು ಹಾಡಲಾಯಿತು. ಶ್ರೀಅದಮಾರು ಮಠದ ಕಿರಿಯ ಶ್ರೀಈಶಪ್ರಿಯತೀರ್ಥ ಶ್ರೀಪಾದರು, ಶ್ರೀಕಾಣಿಯೂರು ಮಠದ ಶ್ರೀವಿದ್ಯಾವಲ್ಲಭತೀರ್ಥ ಶ್ರೀಪಾದರು ಮುಖ್ಯವಾಗಿ ಭಜನೆಗಳನ್ನು ಸುಶ್ರಾವ್ಯವಾಗಿ ಹಾಡಿದರೆ ಶ್ರೀಸೋದೆ ಮಠದ ಶ್ರೀವಿಶ್ವವಲ್ಲಭತೀರ್ಥ ಶ್ರೀಪಾದರು ಖಂಜಿರ ನುಡಿಸಿದರು.

ಶ್ರೀಕೃಷ್ಣಾಪುರ ಮಠದ ಶ್ರೀವಿದ್ಯಾ ಸಾಗರತೀರ್ಥ ಶ್ರೀಪಾದರು, ಅದಮಾರು ಮಠದ ಶ್ರೀವಿಶ್ವಪ್ರಿಯತೀರ್ಥ ಶ್ರೀಪಾದರು, ಶ್ರೀಪಲಿಮಾರು ಮಠದ ಶ್ರೀವಿದ್ಯಾವಲ್ಲಭತೀರ್ಥ ಶ್ರೀಪಾದರು, ಕಿರಿಯ ಶ್ರೀವಿದ್ಯಾರಾಜೇಶ್ವರತೀರ್ಥ ಶ್ರೀಪಾದರು ತಾಳ ಹಾಕಿ ಭಜನೆಗೆ ದನಿಗೂಡಿಸಿದರು.

2018ರ ಜ. 18ರ ಬೆಳಗ್ಗೆ ಶ್ರೀಪಲಿಮಾರು ಮಠದ ಶ್ರೀವಿದ್ಯಾ ಧೀಶತೀರ್ಥ ಶ್ರೀಪಾದರು ಪರ್ಯಾಯ ಪೂಜೆಯನ್ನು ಆರಂಭಿಸುವಾಗ ಆರಂಭವಾದ ಅಖಂಡ ಭಜನೆ ಇದುವರೆಗೂ ನಿರಂತರವಾಗಿ ನಡೆಯುತ್ತಿದ್ದು ಇನ್ನೂ ನೂರು ದಿನಗಳ ಕಾಲ ನಡೆಯಲಿದೆ.

2020ರ ಜ. 17ರ ಮಧ್ಯರಾತ್ರಿ ವರೆಗೆ ಅಖಂಡ ಭಜನೆ ನಡೆಯಲಿದೆ. ಇದುವರೆಗೆ ನಾಡಿನ ವಿವಿಧೆಡೆಗಳಿಂದ ಆಗಮಿಸಿದ ಭಜನಾ ಮಂಡಳಿಗಳ ಸದಸ್ಯರು ಆಗಮಿಸಿ ಭಜನೆಗಳನ್ನು ಹಾಡಿದರೆ ಮಂಗಳವಾರ ರಾತ್ರಿ ಸ್ವಾಮೀಜಿಯವರೇ ಭಜನೆಗಳನ್ನು ಹಾಡಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ