ಮುಂಬೈಯಿಂದ ಮದುವೆಗೆ ಬಂದವರಿಗೂ ಕೋವಿಡ್
Team Udayavani, Jun 16, 2020, 7:38 AM IST
ಹೊನ್ನಾವರ: ಮುಂಬೈಯಿಂದ ನಗರದ ಚರ್ಚ್ ರಸ್ತೆಯಲ್ಲಿರುವ ಮನೆಯೊಂದಕ್ಕೆ ಮದುವೆಗೆ ಬಂದಿದ್ದ ನಾಲ್ವರಿಗೆ ಕೋವಿಡ್ ಸೋಂಕು ತಗಲಿದ್ದು, ಅವರನ್ನು ಕಾರವಾರ ಕ್ರಿಮ್ಸ್ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಇವರು 7 ದಿನ ಕ್ವಾರಂಟೈನ್ನಲ್ಲಿದ್ದು, ಮನೆಯ ಕ್ವಾರಂಟೈನ್ಗೆ ಹೋದಾಗ ಸೋಂಕು ಕಾಣಿಸಿಕೊಂಡಿದೆ. ಇವರ ಸಂಪರ್ಕಕ್ಕೆ ಬಂದ ಇತರರನ್ನು ಗುರುತಿಸುವ ಕಾರ್ಯ ನಡೆದಿದೆ. ಉಪವಿಭಾಗಾಧಿಕಾರಿಗಳು ಆಗಮಿಸಿ ಪರಿಶೀಲನೆ ನಡೆಸಿದರು. ಇನ್ನು ಈ ಸಮಸ್ಯೆಯೊಂದಿಗೆ ಬದುಕಬೇಕಾಗಿದ್ದು, ನೇರ ಬಂದವರಿಗೆ ತಗಲುವುದರಿಂದ ಭಯಪಡುವುದಕ್ಕಿಂತ ಸ್ಥಳೀಯರಿಗೆ ಹಬ್ಬದಿರುವಂತೆ ನೋಡಿಕೊಳ್ಳುವುದು ಮುಖ್ಯವಾಗಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಸೋಮವಾರ ನಗರದಲ್ಲಿ 107 ಜನ ಕ್ವಾರಂಟೈನ್ನಲ್ಲಿದ್ದಾರೆ. ಅವರಲ್ಲಿ 66 ಜನ ಬಿಸಿಎಂ ಹಾಸ್ಟೆಲ್ನಲ್ಲಿ ಉಳಿದವರು ವಿವಿಧ ಹೊಟೇಲ್ಗಳಲ್ಲಿ ಇದ್ದಾರೆ.