Udayavni Special

ಇಲ್ಲಿ ಬಂದ ಕೇಳ್ದವರಿಗೇ ಮತ ಹಾಕಿದ್ರ ಆತಲ್ಲ!


Team Udayavani, Apr 16, 2019, 5:43 PM IST

nc
ಬೆಳಗಾವಿ: ಕಿತ್ತೂರು ಮತಕ್ಷೇತ್ರ ಗಡಿ ಜಿಲ್ಲೆ ಬೆಳಗಾವಿಯ ಭಾಗವಾಗಿದ್ದರೂ ದೂರದ ಕರಾವಳಿ ಲೋಕಸಭೆ ವ್ಯಾಪ್ತಿಗೆ ಒಳಪಟ್ಟಿದ್ದು, ಇಲ್ಲಿ ಚುನಾವಣೆ ಗರಿಗೆದರಿದ್ದರೂ ಬಿಸಿಲಿನ ಬೇಗೆ ಮುದುವರಿದಿದೆ. ಬಹುತೇಕ ಮತದಾರರಿಗೆ ಒಬ್ಬ ಅಭ್ಯರ್ಥಿ ಬಿಟ್ಟರೆ ಇನ್ನುಳಿದ ಪ್ರತಿಸ್ಪರ್ಧಿಗಳ ಹೆಸರೇ ಗೊತ್ತಿಲ್ಲ.
ಕರಾವಳಿ ಹಾಗೂ ಕಿತ್ತೂರಿಗೆ ಅಜಗಜಾಂತರ ವ್ಯತ್ಯಾಸವಿದ್ದರೂ ಚುನಾವಣೆ ವೇಳೆ ಇವೆರಡಕ್ಕೂ ಅವಿನಾಭಾವ ಸಂಬಂಧ. ಕಿತ್ತೂರು ಕ್ಷೇತ್ರಕ್ಕೆ ಅಭ್ಯರ್ಥಿ ಮಾತ್ರ ಗೌಣ. ಆದರೆ ಇಲ್ಲಿ ದೇಶದ ಆಡಳಿತ ಚುಕ್ಕಾಣಿ ಹಿಡಿಯುವ ವಿಷಯವೇ ಪ್ರಧಾನವಾಗಿದೆ. ಚುನಾವಣಾ ಪ್ರಚಾರದ ವೇಳೆಯೂ ಈ ಭಾಗಕ್ಕೆ ಅಭ್ಯರ್ಥಿಗಳು ಬರುವುದು ವಿರಳ. ಇನ್ನು ಗೆದ್ದ ಮೇಲಂತೂ ಸಂಸದರು ಸುಳಿಯುವುದೇ ಅಪರೂಪ. ಲೋಕಸಭೆ ಮಟ್ಟಿಗಂತೂ ಈ ಕ್ಷೇತ್ರ ಸಂಪೂರ್ಣ ಹಿಂದುಳಿದಿದ್ದು, ಆದರೆ ಸಂಸದನನ್ನು ಗೆಲ್ಲಿಸುವ ತವಕದಲ್ಲಿ ಇಲ್ಲಿನ ಮತದಾರರು ಇದ್ದಾರೆ.
ಅಭ್ಯರ್ಥಿಯೇ ಲೆಕ್ಕಕ್ಕೆ ಇಲ್ಲದಂಥ ಸ್ಥಿತಿಯಲ್ಲಿರುವ ಕಿತ್ತೂರು ಮತಕ್ಷೇತ್ರದಲ್ಲಿ ಸ್ಥಳೀಯ ಸಮಸ್ಯೆಗಳಿಗಿಂತ ಮತದಾರರು
ರಾಷ್ಟ್ರೀಯ ಮಟ್ಟದ ವಿಚಾರಗಳ ಬಗ್ಗೆ ಆಸಕ್ತಿ ಹೊಂದಿದ್ದಾರೆ. ಪಾಕಿಸ್ತಾನದ ಮೇಲೆ ಭಾರತೀಯ ಸೈನ್ಯ ದಾಳಿ ಮಾಡಿರುವುದು ಪ್ರಮುಖ ವಿಷಯವಾಗಿದೆ. ವಿಂಗ್‌ ಕಮಾಂಡರ್‌ ಅಭಿನಂದನ್‌ ಅವರನ್ನು ಪಾಕಿಸ್ತಾನದಿಂದ ಒಂದೇ ದಿನದಲ್ಲಿ ಕರೆದು ತಂದಿರುವ ಬಗ್ಗೆಯೂ ಜನ ಮಾತನಾಡಿಕೊಳ್ಳುತ್ತಿದ್ದಾರೆ. ಜತೆಗೆ ಪುಲ್ವಾಮಾ ದಾಳಿಯಿಂದ ವೀರ ಮರಣವನ್ನಪ್ಪಿದ ಸೈನಿಕರ ಸೇವೆಯನ್ನೂ ಜನ ಕೊಂಡಾಡುತ್ತಿದ್ದಾರೆ.
ಕಾರವಾರ ಕಡೆ ಮಂದಿ ಕುಂತಾರ: ಕಿತ್ತೂರು ಕ್ಷೇತ್ರದ ಹಳ್ಳಿಗಳಲ್ಲಿ ಸುತ್ತು ಹಾಕಿದ ಮತದಾರ ಪ್ರಭು ತನ್ನ ಗುಟ್ಟು ಬಿಟ್ಟುಕೊಡುತ್ತಿಲ್ಲ. ಆದರೆ ಅವರ ಮಾತಿನ ಧಾಟಿಯಲ್ಲಿ ಸಂಸದರ ಹೆಸರು ಮಾತ್ರ ಸುಳಿದಾಡುತ್ತಿದೆ. ಇನ್ನೂ ಮಾತಿಗಿಳಿದಾಗ, ನಮ್ಮಂಗ ಮಾತಾಡವರೂ ಯಾರೂ ಕುಂತಿಲ್ಲ, ಆ ಕಡೆ ಕಾರವಾರದಾವರ ಕುಂತಾರ. ಇಲ್ಲಿ ಯಾರ ಬಂದ ಕೇಳ್ತಾರಲ್ಲ ಅವರಿಗೆ ಹಾಕಿದ್ರ ಆತಲ್ಲ ಅಂತಾರೆ ಹನುಮನಹಟ್ಟಿಯ ಬಸವರಾಜ.
ರಾಷ್ಟ್ರ ಮಟ್ಟದ ವಿಚಾರಗಳ ಬಗ್ಗೆ ಹೆಚ್ಚಿನ ಆಸಕ್ತಿ ಹೊಂದಿರುವುದೇ ಚುನಾವಣಾ ವಿಷಯವಾಗಿ ಮಾರ್ಪಟ್ಟಿದೆ. ಬೈಲಹೊಂಗಲಕ್ಕೆ ಹೊಂದಿಕಂಡಂತೆ ಇರುವ ದೇಶನೂರ, ಮರೆ, ಹೊಗರ್ತಿ, ನೇಸರಗಿ ಸೇರಿದಂತೆ ಇತರೆ ಹಳ್ಳಿಗಳಲ್ಲಿ ಸುತ್ತಾಡಿದಾಗ, ಪ್ರಧಾನಿ ನರೇಂದ್ರ ಮೋದಿ ಬಗೆಗಿನ ಅಭಿಮಾನ ಹೊರ ಹಾಕುತ್ತಿದ್ದಾರೆ. ಸಂಸದ ಅನಂತಕುಮಾರ ಹೆಗಡೆ ನಮ್ಮ ಭಾಗಕ್ಕೆ ಸುಳಿದಿಲ್ಲ ಎಂಬ ತೀವ್ರ ಆಕ್ರೋಶ ಇಲ್ಲಿಯ ಜನರಿಗಿದೆ. ಮದನಬಾಂವಿ, ಮಹಾಂತೇಶ ದೊಡಗೌಡರ ಜನರ ಮನವೊಲಿಸುವಲ್ಲಿ ಯತ್ನಿಸುತ್ತಿದ್ದಾರೆ.
ಎಲೆಕ್ಷನ್‌ ಬಂದಾಗ ನೋಡೋಣು: ಈ ಭಾಗದಲ್ಲಿ ಕೃಷಿಕರು ಹಾಗೂ ಮಧ್ಯಮ ವರ್ಗದವರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ಬಹುತೇಕ ಜನ ಸರ್ಕಾರಿ ಸೌಲಭ್ಯಗಳಿಂದ ವಂಚಿತರಾಗಿದ್ದಾರೆ. ಯಾರ ಬಂದ್ರ ನಮಗೇನ ಆಗೋದೈತಿ, ಮತ್ತ ಹರೇ ಹೊತ್ತ ಎದ್ದ ಹೊಲಕ್ಕ ಹೋಗೋದೇನೂ ತಪ್ಪೋದಿಲ್ಲ. ಸಂಜಿಕ ಮತ್ತ ಎಮ್ಮಿ ಹಾಲ ಹಿಂಡಿ ಡೈರಿಗಿ ಕಳಸಬೇಕ. ಎಲೆಕ್ಷನ್‌ ಬಂದಾಗ ಯಾರಿಗಿ ವೋಟ್‌ ಹಾಕೋದಂತ ನೋಡೋಣ ಎಂದು ಹೇಳುತ್ತ ಬಿಸಿಲಿನ ಬೇಗೆಯಲ್ಲಿಯೇ ಹೊಲದತ್ತ ಹೆಜ್ಜೆ ಹಾಕುತ್ತಾರೆ ದೇಶನೂರಿನ ಗಂಗಪ್ಪ.
ಮೈತ್ರಿ ಅಭ್ಯರ್ಥಿ ಹೆಸರೇ ಗೊತ್ತಿಲ್ಲ: ಇನ್ನು ಬಹುತೇಕ ಕಡೆ ಸುತ್ತಾಡಿದಾಗ ಮೈತ್ರಿ ಅಭ್ಯರ್ಥಿ ಆನಂದ ಅಸ್ನೋಟಿಕರ ಅವರ ಬಗ್ಗೆ ಕಿತ್ತೂರು ಕ್ಷೇತ್ರದ ಜನರಿಗೆ ಗೊತ್ತೇ ಇಲ್ಲ. ಬಹುತೇಕ ಜನರ ಬಾಯಲ್ಲಿ ಮೋದಿ ಹಾಗೂ ಹೆಗಡೆ ಬಿಟ್ಟರೆ ಬೇರೆ ವಿಷಯಗಳೇ ಚರ್ಚೆ ಆಗುತ್ತಿಲ್ಲ.
ಆನಂದ ಅಸ್ನೋಟಿಕರ ಜೆಡಿಎಸ್‌ ಅಭ್ಯರ್ಥಿ ಆಗಿದ್ದು, ಕಾಂಗ್ರೆಸ್‌ ಕಾರ್ಯಕರ್ತರಲ್ಲಿ ಅಸಮಾಧಾನವಿದೆ. ಕಿತ್ತೂರು ಸೇರಿದಂತೆ ಬಹುತೇಕ ಹಳ್ಳಿಗಳಲ್ಲಿ ಕಾಂಗ್ರೆಸ್‌ನ ಮುಖಂಡರು ಯಾರೊಬ್ಬರೂ ಪ್ರಚಾರಕ್ಕೆ ಇಳಿದಿಲ್ಲ. ಲಕ್ಕುಂಡಿ, ವಣ್ಣೂರ, ಸಂಪಗಾಂವ, ಮೇಕಲಮರ್ಡಿ ಗ್ರಾಮಗಳಲ್ಲಿ ಹೋದಾಗ, ಜೆಡಿಎಸ್‌ ಅಂತೂ ಇಲ್ಲಿ ಅಷ್ಟಕ್ಕಷ್ಟೇ. ಕಾಂಗ್ರೆಸ್‌ ಪ್ರಬಲವಾಗಿದ್ದರೂ ಮೈತ್ರಿ ಅಭ್ಯರ್ಥಿ ಪರ ಪ್ರಚಾರಕ್ಕೆ ಇಳಿಯದಿರುವುದೇ ದುರಂತ. ಅಭ್ಯರ್ಥಿ ಯಾರೆಂಬುದೇ ಜನರಿಗೆ ಗೊತ್ತಿಲ್ಲ.
ಚುನಾವಣೆ ಕಾವು ಜೋರಾಗಿದ್ದರೂ ಇನ್ನೂವರೆಗೆ ರಾಷ್ಟ್ರ ಹಾಗೂ ರಾಜ್ಯ ಮಟ್ಟದ ಯಾವೊಬ್ಬ ನಾಯಕರು ಈ ಕ್ಷೇತ್ರಕ್ಕೆ ಆಗಮಿಸಿಲ್ಲ. ಬಿಜೆಪಿ ಸಂಸದ ಅನಂತಕುಮಾರ ಹೆಗಡೆ ವಿಧಾನಸಭೆ ಚುನಾವಣೆ ವೇಳೆ ದೊಡಗೌಡ್ರ ಪರ ಪ್ರಚಾರ ನಡೆಸಿದ್ದರು. ಸದ್ಯ ಬಿಜೆಪಿ ಶಾಸಕ ದೊಡಗೌಡ್ರ ಪ್ರಚಾರ ಜೋರಾಗಿ ನಡೆಸಿದ್ದಾರೆ. ಮೈತ್ರಿ ಅಭ್ಯರ್ಥಿ ಆನಂದ ಅಸ್ನೋಟಿಕರ ಇತ್ತ ಇನ್ನೂ ಸುಳಿದಿಲ್ಲ. ಅವರ ಪರ ಪ್ರಚಾರವೂ ಇಲ್ಲಿ ಅಷ್ಟಕ್ಕಷ್ಟೇ ಎಂಬಂತಿದೆ.
ಈ ಹಳ್ಳಿಗಳಲ್ಲೇ ಅಡ್ಡಾಡ್ತಾರೆ ಬೆಳಗಾವಿ ಲೋಕಸಭೆ ಅಭ್ಯರ್ಥಿಗಳು ಕಾರವಾರ(ಕೆನರಾ) ಲೋಕಸಭೆ ಕ್ಷೇತ್ರಕ್ಕೆ
ಸೇರಿಕೊಂಡಿರುವ ಕಿತ್ತೂರು ವಿಧಾನಸಭಾ ಕ್ಷೇತ್ರದ ಹನುಮನಹಟ್ಟಿ, ನೇಸರಗಿ, ದೇಶನೂರ, ಹೊಗರ್ತಿ ಗ್ರಾಮಗಳು ಬೆಳಗಾವಿಗೆ ಅತೀ ಸಮೀಪ. ಈ ಹಳ್ಳಿಗಳ ಮೇಲಿಂದಲೇ ಬೆಳಗಾವಿ ಲೋಕಸಭೆ ಅಭ್ಯರ್ಥಿಗಳು ತಿರುಗಾಡಬೇಕು. ಆದರೆ ಇವು ಬೆಳಗಾವಿ ಕ್ಷೇತ್ರಕ್ಕೆ ಸಂಬಂಧಿಸಿದವು ಅಲ್ಲ. ಬೈಲಹೊಂಗಲ, ರಾಮದುರ್ಗ, ಸವದತ್ತಿ, ಯರಗಟ್ಟಿಗೆ ಹೋಗಬೇಕಾದರೆ ಈ ಹಳ್ಳಿಗಳ ಮಾರ್ಗವೇ ಇವರಿಗೆ ಆಸರೆ. ಇದಕ್ಕೆ ಸಂಬಂಧಿಸಿದ ಕೆನರಾ ಲೋಕಸಭೆ ಅಭ್ಯರ್ಥಿಗಳು ಬರುವುದಂತೂ ದೂರವೇ ಉಳಿದಂತೆ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಕಿಕ್‌ಗೆ ನಲುಗಿದ ಬ್ರೆಜಿಲ್‌;ಸೋಂಕಿತರ ಲೆಕ್ಕದಲ್ಲಿ 2ನೇ ಸ್ಥಾನಕ್ಕೇರಿದ ಲ್ಯಾಟಿನ್‌ ಅಮೆರಿಕ ದೇಶ

ಕಿಕ್‌ಗೆ ನಲುಗಿದ ಬ್ರೆಜಿಲ್‌

ಲಾಕ್‌ಡೌನ್‌ ನಲ್ಲಿ ಕಳೆದ ಆಧಾರ್‌ ಪಡೆಯೋದು ಹೇಗೆ?

ಲಾಕ್‌ಡೌನ್‌ ನಲ್ಲಿ ಕಳೆದ ಆಧಾರ್‌ ಪಡೆಯೋದು ಹೇಗೆ?

ಬೆಂಗಳೂರಿಗಿಂತ ಧರ್ಮಶಾಲಾ ಸುರಕ್ಷಿತ ತಾಣ

ಬೆಂಗಳೂರಿಗಿಂತ ಧರ್ಮಶಾಲಾ ಸುರಕ್ಷಿತ ತಾಣ

ಕೋವಿಡ್- 19 ಸೇನಾನಿಗಳ ಸುರಕ್ಷೆಗೆ ಇನ್ನಷ್ಟು ಆದ್ಯತೆ ಬೇಕು

ಕೋವಿಡ್- 19 ಸೇನಾನಿಗಳ ಸುರಕ್ಷೆಗೆ ಇನ್ನಷ್ಟು ಆದ್ಯತೆ ಬೇಕು

ಜಾಗತಿಕ ಉತ್ಪಾದನಾ ಕೇಂದ್ರವಾಗಬಲ್ಲದೇ ಭಾರತ?

ಜಾಗತಿಕ ಉತ್ಪಾದನಾ ಕೇಂದ್ರವಾಗಬಲ್ಲದೇ ಭಾರತ?

ಮಹಾದಾಯಿ ಹುಲಿಗಳ ಸಾವಿಗೆ ವಿಷ ಕಾರಣ!

ಮಹಾದಾಯಿ ಹುಲಿಗಳ ಸಾವಿಗೆ ವಿಷ ಕಾರಣ!

ಇಂದಿನಿಂದ ದೇಶೀಯ ವಿಮಾನಯಾನ

ಇಂದಿನಿಂದ ದೇಶೀಯ ವಿಮಾನಯಾನ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಚಿಕಿತ್ಸೆ ಪಡೆದರಷ್ಟೇ ಕೋವಿಡ್ ದಿಂದ ಮುಕ್ತಿ

ಚಿಕಿತ್ಸೆ ಪಡೆದರಷ್ಟೇ ಕೋವಿಡ್ ದಿಂದ ಮುಕ್ತಿ

ಕಾರವಾರ: 20 ಕೋವಿಡ್‌ ಪೀಡಿತರು ಗುಣಮುಖ

ಕಾರವಾರ: 20 ಕೋವಿಡ್‌ ಪೀಡಿತರು ಗುಣಮುಖ

ಹಾರ್ಟೀ ಕ್ಲೀನಿಕ್‌ಗೆ ಗೇಟ್‌ ಪಾಸ್‌!:

ಹಾರ್ಟೀ ಕ್ಲೀನಿಕ್‌ಗೆ ಗೇಟ್‌ ಪಾಸ್‌!: ರೈತರಿಗೆ ಕೃಷಿ ಮಾಹಿತಿ ಪಡೆಯಲು ಸರಕಾರಿ ಕತ್ತರಿ

ಕ್ವಾರೆಂಟೈನ್‌ ಕೇಂದ್ರದಲ್ಲಿ ಮೂಲ ಸೌಕರ್ಯ ಒದಗಿಸಿ

ಕ್ವಾರೆಂಟೈನ್‌ ಕೇಂದ್ರದಲ್ಲಿ ಮೂಲ ಸೌಕರ್ಯ ಒದಗಿಸಿ

ಕಾರವಾರ ಕೋವಿಡ್ ನಿಂದ ಗುಣಮುಖರಾದ 19 ಮಂದಿ ಇಂದು‌ ಬಿಡುಗಡೆ

ಕಾರವಾರ ಕೋವಿಡ್ ನಿಂದ ಗುಣಮುಖರಾದ 19 ಮಂದಿ ಇಂದು‌ ಬಿಡುಗಡೆ

MUST WATCH

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

udayavani youtube

Karnataka : A Farmer who quits Private Job & became Successful in Agriculture

udayavani youtube

MOTHERSDAY ಪ್ರಯುಕ್ತ ನಾಡಿನ ಎಲ್ಲಾ ಅಮ್ಮಂದಿರಿಗೆ ಶುಭಾಶಯವನ್ನು ಕೋರಿದ SHINE SHETTY

ಹೊಸ ಸೇರ್ಪಡೆ

ಬೈಲಹೊಂಗಲದಲ್ಲಿ ಉತ್ತಮ ಪ್ರತಿಕ್ರಿಯೆ

ಬೈಲಹೊಂಗಲದಲ್ಲಿ ಉತ್ತಮ ಪ್ರತಿಕ್ರಿಯೆ

ಮಂಗಳೂರು: ಇಂದಿನಿಂದ ದೇಶೀಯ ಯಾನ

ಮಂಗಳೂರು: ಇಂದಿನಿಂದ ದೇಶೀಯ ಯಾನ: ಮುಂಬಯಿ, ಚೆನ್ನೈಯಿಂದ ಬರುವವರಿಗೆ 7 ದಿನ ಕ್ವಾರಂಟೈನ್‌

bidi haavali

ನಾಯಿಗಳ ಹಾವಳಿ ತಪ್ಪಿಸಲು ಆಗ್ರಹ

ಆಯುರ್ವೇದದಿಂದ ಕೋವಿಡ್  ತಡೆ ಸಾಧ್ಯ

ಆಯುರ್ವೇದದಿಂದ ಕೋವಿಡ್ ತಡೆ ಸಾಧ್ಯ

ಸಂಪೂರ್ಣ ಲಾಕ್‌ಡೌನ್ ಉಡುಪಿ ನಾಗರಿಕರಿಂದ ಉತ್ತಮ ಸ್ಪಂದನೆ

ಸಂಪೂರ್ಣ ಲಾಕ್‌ಡೌನ್ ಉಡುಪಿ ನಾಗರಿಕರಿಂದ ಉತ್ತಮ ಸ್ಪಂದನೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.