Udayavni Special

ಗೋಕರ್ಣದಲ್ಲಿ ಅವೈಜ್ಞಾನಿಕ ಏಕಮುಖ ಸಂಚಾರ-ಆಕ್ಷೇಪ

ದೇವರ ಮುಟ್ಟೋದು ಸುಲಭ; ದೇಗುಲ ತಲುಪೋದೇ ಕಷ್ಟ!

Team Udayavani, Feb 18, 2021, 7:45 PM IST

Gokarna road problem

ಹೊನ್ನಾವರ: ಜಗತ್ತಿನ ಏಕೈಕ ಮಹಾಬಲೇಶ್ವರನ ಆತ್ಮಲಿಂಗ ಹಾಗೂ ಗಣಪತಿಯ ಹತ್ತಿರ ಹೋಗಿ ಮುಟ್ಟಿ ಪೂಜಿಸುವ ಅವಕಾಶವಿರುವ ಕ್ಷೇತ್ರವೆಂದರೆ ಗೋಕರ್ಣ ಮಾತ್ರ. ಆದರೆ ಇಲ್ಲಿ ದೇವಾಲಯ ತಲುಪುವುದೇ ದುಸ್ತರವಾಗಿದೆ.  ಕಾರಣ ಇಷ್ಟೇ ಇಲ್ಲಿನ ಅವೈಜ್ಞಾನಿಕ ಏಕಮುಖ ಸಂಚಾರ ವ್ಯವಸ್ಥೆ.

ಬಸ್‌ಸ್ಟಾಂಡ್‌ನಿಂದ ರಥಬೀದಿ ಅರ್ಧದವರೆಗೆ ಕಾರಿನಲ್ಲಿ ಸಾಗಬಹುದು. ಅಲ್ಲಿಂದ ನೇರ ದೇವಸ್ಥಾನ ಕಾಣುತ್ತದೆ. ದೇವಸ್ಥಾನ ದಾಟಿದ ಕೂಡಲೇ ಕಡಲ ತೀರದಲ್ಲಿ ಪಾರ್ಕಿಂಗ್‌ ವ್ಯವಸ್ಥೆ ಇದೆ. ಆದರೆ ಇಲ್ಲಿನ ಪೊಲೀಸರು ರಥಬೀದಿಯಿಂದಲೇ ಕಾರುಗಳನ್ನು ಊರು ಸುತ್ತಿ ದೇವಸ್ಥಾನದ ಎದುರು ಕಡಲತೀರಕ್ಕೆ ಬರುವ ಮಾರ್ಗ ತೋರಿಸುತ್ತಾರೆ. ಈ ಮಾರ್ಗದಲ್ಲಿ ಏಕಮುಖ ಸಂಚಾರವಿಲ್ಲ, ಹಾಗಂತ ಇಲ್ಲಿನ ರಥಬೀದಿ ಅಷ್ಟು ಅಗಲವೂ ಇಲ್ಲ. ಎದುರು ವಾಹನಗಳು ಬರುತ್ತಲೇ ಇರುತ್ತವೆ. ಇವುಗಳಿಂದ ತಪ್ಪಿಸಿಕೊಂಡು ಮೀನುಪೇಟೆ ದಟ್ಟಣೆ ದಾಟಿ ಕಡಲತೀರಕ್ಕೆ ಬರಬೇಕು. ದೇವಸ್ಥಾನದಲ್ಲಿ ಪೂಜೆ ಮಾಡಿ ಮರಳಿ ಕಾರು ಹತ್ತಿದರೆ ಪುನಃ ಏಕಮುಖ ಸಂಚಾರ ರಸ್ತೆಯಲ್ಲಿ ಬಸ್‌ಸ್ಟಾÂಂಡ್‌ ಹಾದು ಊರು ಸುತ್ತಿಕೊಂಡೇ ಹೊರಗೆ ಬರಬೇಕು.

ದೇವಸ್ಥಾನ ಮತ್ತು ಕೋಟಿತೀರ್ಥ ಬಹಳ ದೂರವೇನಲ್ಲ. ವಯಸ್ಸಾದವರು, ಅಂಗವಿಕಲರು ದೇವಸ್ಥಾನಕ್ಕೆ ಬಂದರೆ ಊರಿನ ಮೂರು ಪ್ರದಕ್ಷಿಣೆ ಹಾಕಬೇಕಾಗುತ್ತದೆ. ಅಲ್ಲಿಂದ ಕೋಟಿತೀರ್ಥಕ್ಕೆ ಹೋಗಲು ಆರು ಪ್ರದಕ್ಷಿಣೆ ಹಾಕಬೇಕು. ಈ ರೀತಿ ಸಂಚಾರ ಸುಗಮಗೊಳಿಸುವ ಕಾರಣ ಹೇಳಿ ದಿಕ್ಕುತಪ್ಪಿಸುವ ಕೆಲಸ ನಿತ್ಯ ನಡೆದಿದೆ.

ಒಂದೆರಡು ಕಡೆ ಪ್ಲಾಸ್ಟಿಕ್‌ ಬೋರ್ಡ್‌ ತಗಲಿಸಿದ್ದಾರೆ. ಇಲ್ಲವಾದರೆ ಹೊರಟಲ್ಲಿಯೇ ಬಂದು ಸೇರುವ ಸ್ಥಿತಿ ಇದೆ. ರಥಬೀದಿಯಿಂದ ನೇರ ದೇವಸ್ಥಾನಕ್ಕೆ ಹೋಗಿ ಭಕ್ತರನ್ನು ಇಳಿಸಿ, ಕಡಲತೀರದಲ್ಲಿ ಕಾರು ನಿಲ್ಲಿಸುವ ವ್ಯವಸ್ಥೆ ಮಾಡಿದ್ದರೆ, ಅಗಲವಾದ ರಥಬೀದಿಯಲ್ಲಿ ವಾಹನಗಳು ನಿಲ್ಲಲು ಕೊಡದೆ ಹೋಗಿ ಬರುವಂತೆ ಮಾಡಿದ್ದರೆ ಸಮಸ್ಯೆ ನಿವಾರಣೆಯಾಗುತ್ತಿತ್ತು.

ಈ ಊರಲ್ಲಿ ರಿಕ್ಷಾ, ಬೈಕ್‌ಗಳಿಗೆ ಯಾವ ಸಂಚಾರ ನಿಯಮವೂ ಅನ್ವಯವಾದಂತಿಲ್ಲ. ಊರು ಸುತ್ತಿ ಮರಳುವಾಗ ಗೋಕರ್ಣದ ತ್ಯಾಜ್ಯದ ಸರೋವರ, ಮಂದವಾಗಿ ಹರಿಯುವ ಹಳ್ಳದಂತಹ ತ್ಯಾಜ್ಯ ಪ್ರವಾಹ, ಊರ ಗಲೀಜು, ಎಲ್ಲವನ್ನೂ ಅನುಭವಿಸುತ್ತಲೇ ಬರಬೇಕು. ನಿತ್ಯ ಐದು ಸಾವಿರಕ್ಕೂ ಹೆಚ್ಚು, ವಿಶೇಷ ಸಂದರ್ಭಗಳಲ್ಲಿ ಹತ್ತು ಸಾವಿರದಿಂದ ಲಕ್ಷ ಜನ ಸೇರುವ ಗೋಕರ್ಣ ಕ್ಷೇತ್ರಕ್ಕೆ ಮಾಸ್ಟರ್‌ ಪ್ಲಾನ್‌ ಇಲ್ಲ. ಪಂಚಾಯತದ ಆದಾಯ ಯಾತಕ್ಕೂ ಸಾಲುವುದಿಲ್ಲ. ಕೇಂದ್ರ, ರಾಜ್ಯ ಸರ್ಕಾರಗಳು ಕುಂಭಮೇಳದಂತಹ ಕಾರ್ಯಕ್ರಮಕ್ಕೆ ನೂರಾರು ಕೋಟಿ ರೂ. ನೀಡುತ್ತವೆ. ಗೋಕರ್ಣದ ಅಭಿವೃದ್ಧಿಗೆ ಹತ್ತು ಪೈಸೆ ಕೊಡುವುದಿಲ್ಲ.

ಕುಡಿಯುವ ನೀರು, ವ್ಯವಸ್ಥಿತ ರಸ್ತೆ, ದೀಪ, ಒಳಚರಂಡಿ, ಇಂತಹ ವ್ಯವಸ್ಥೆಯನ್ನು ಗೋಕರ್ಣಕ್ಕೆ ಸರ್ಕಾರಗಳು ಮಾಡಿಕೊಡಬೇಕು. ಕರ್ನಾಟಕದಲ್ಲಿ ಉತ್ತರ ಕನ್ನಡದ ಪುಣ್ಯಕ್ಷೇತ್ರಗಳು ಅನಾಥ. ಸಂಚಾರ ವ್ಯವಸ್ಥೆ ಸಹಿತ ಎಲ್ಲ ವ್ಯವಸ್ಥೆಯನ್ನು ಗೋಕರ್ಣದಲ್ಲಿ ವೈಜ್ಞಾನಿಕವಾಗಿ ರೂಪಿಸಬೇಕಾಗಿದೆ. ನೂರಾರು ಕೋಟಿ ಬೇಕು. ಹೇಳುವವರೂ ಇಲ್ಲ, ಕೇಳುವವರೂ ಇಲ್ಲದಂತಾಗಿದೆ. ಉತ್ತರ ಭಾರತದ ಧಾರ್ಮಿಕ ಕ್ಷೇತ್ರ ಉತ್ಸವಗಳಿಗೆ ಕೇಂದ್ರ ಮತ್ತು ಆಯಾ ರಾಜ್ಯ ಸರಕಾರಗಳು ಧಾರಾಳವಾಗಿ ಹಣ ನೀಡುತ್ತವೆ.

ಹೊಸದಾಗಿ ಗುಜರಾತ್‌ನ ಪಟೇಲ ಸ್ಮಾರಕ,ರಾಜಕೀಯ ಪ್ರಾಮುಖ್ಯತೆಯ ರಾಮ ಮಂದಿರಗಳಿಗೆ ಹಣದ ಹೊಳೆ ಹರಿದಿದೆ. ಪ್ರಧಾನಿಯವರ ಕ್ಷೇತ್ರ ವಾರಾಣಸಿಯಲ್ಲೂ ಕಾರಿಡಾರ್‌ ನಿರ್ಮಾಣ, ಗಂಗಾ ಸ್ವತ್ಛತೆ ಎಂದು ಹಣದ ಹೊಳೆ ಹರಿದಿದೆ. ಅಷ್ಟೇ ಮಹತ್ವದ ದಕ್ಷಿಣ ಕಾಶಿ ಗೊಕರ್ಣ ಕ್ಷೇತ್ರವನ್ನು ಸಂಪೂರ್ಣನಿರ್ಲಕ್ಷಿಸಲಾಗಿದೆ ಎಂದು ಸಾರ್ವಜನಿಕರ ಆರೋಪವಾಗಿದೆ.

ಟಾಪ್ ನ್ಯೂಸ್

ಹೆಜಮಾಡಿ ಯುವಕರ ತಂಡದಿಂದ ಮೈಕ್ರೋ ಸೀಪ್ಲೇನ್‌ ಆವಿಷ್ಕಾರ

ಹೆಜಮಾಡಿ ಯುವಕರ ತಂಡದಿಂದ ಮೈಕ್ರೋ ಸೀಪ್ಲೇನ್‌ ಆವಿಷ್ಕಾರ

Untitled-2

ಕಾಂಗ್ರಸ್ ನಲ್ಲಿ ಮೂರು ಗುಂಪುಗಳ ನಡುವೆ ಗುದ್ದಾಟ ಹೊಸದೆನ್ನಲ್ಲ : ಡಿಸಿಎಂ ಗೋವಿಂದ ಕಾರಜೋಳ

devegowda talk about party member

ಅಸ್ನೋಟಿಕರ್‌, ಜಿ.ಟಿ. ಜೆಡಿಎಸ್‌ ಬಿಡುವುದಿಲ್ಲ: ದೇವೇಗೌಡ

jio

ಕಡಿಮೆ ದರದಲ್ಲಿ 4G ಮೊಬೈಲ್,ಎರಡು ವರ್ಷ ಉಚಿತ ಕರೆ … ‘ಜಿಯೋ’ ಹೊಸ ಆಫರ್ ಘೋಷಣೆ

nalin kumar katil talk about HK patil

ಎಚ್.ಕೆ.ಪಾಟೀಲರಿಂದ ಹತಾಶೆಯ ಅಪ್ರಬುದ್ಧ ಹೇಳಿಕೆ:ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‍ಕುಮಾರ್ ಕಟೀಲ್

programme held at bangalore

ಮಾರ್ಚ್‌ 2ರಂದು ಎಂಜಿನಿಯರಿಂಗ್‌ ಸಂಶೋಧನೆ ಮತ್ತು ಅಭಿವೃದ್ಧಿ ನೀತಿ ಲೋಕಾರ್ಪಣೆ

kalnurgi

ಡಿಸಿ ಕಚೇರಿ ಆವರಣದಲ್ಲೇ ಕ್ರಿಮಿನಾಶಕ ಸೇವಿಸಿದ ಖಾಸಗಿ ಶಾಲೆ ಮುಖ್ಯಸ್ಥ







ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Ulavi Basavanna Jatres

ಉಳವಿ ಚೆನ್ನಬಸವೇಶ್ವರ ಮಹಾರಥೋತ್ಸವ ನಾಳೆ

Karwar APMC

ಸಂಕಷ್ಟದಲ್ಲಿವೆ ಎಪಿಎಂಸಿಗಳು

protest for Sirasi district

ಶಿರಸಿ ಜಿಲ್ಲೆಗೆ ಆಗ್ರಹಿಸಿ ಸ್ವಯಂ ಪ್ರೇರಿತ ಬಂದ್‌

Verli art

ವರ್ಲಿ ಕಲೆಯ ಮೋಡಿಗಾರ ರಾಮಚಂದ್ರ ಕಲಾಲ

ಆ್ಯಪ್‌ನಲ್ಲಿ ಅಡಕೆ ಬದಲು ಬಾಳೆ!1

ಆ್ಯಪ್‌ನಲ್ಲಿ ಅಡಕೆ ಬದಲು ಬಾಳೆ!

MUST WATCH

udayavani youtube

CoWin App ಸಮಸ್ಯೆ ! ಎರಡು ದಿನ ಲಸಿಕೆ ಹಂಚಿಕೆ ಇಲ್ಲ ! | Udayavani

udayavani youtube

ದಾನದ ಪರಿಕಲ್ಪನೆಯ ಕುರಿತು Dr. Gururaj Karajagi ಹೇಳಿದ ಕತೆ ಕೇಳಿ.. Part-3

udayavani youtube

ಕಾಯಕದಲ್ಲಿ ಕಟ್ಟಡ ಕಟ್ಟುವ ಮೇಸ್ತ್ರಿ; ಬಿಡುವಿನಲ್ಲಿ ಹಾಳೆ ಮುಟ್ಟಾಳೆ ತಯಾರಕರು

udayavani youtube

ಪದೇ ಪದೇ Tea – Coffee ಕುಡಿಯುವುದರಿಂದ ಉಂಟಾಗುವ ಸಮಸ್ಯೆಗಳೇನು?

udayavani youtube

ಕುಮಾರಸ್ವಾಮಿ ಪಕ್ಷ ಜೋಕರ್ ನಂತೆ: ಸಿ.ಪಿ. ಯೋಗೀಶ್ವರ್ ಟೀಕೆ

ಹೊಸ ಸೇರ್ಪಡೆ

ಹೆಜಮಾಡಿ ಯುವಕರ ತಂಡದಿಂದ ಮೈಕ್ರೋ ಸೀಪ್ಲೇನ್‌ ಆವಿಷ್ಕಾರ

ಹೆಜಮಾಡಿ ಯುವಕರ ತಂಡದಿಂದ ಮೈಕ್ರೋ ಸೀಪ್ಲೇನ್‌ ಆವಿಷ್ಕಾರ

HD Revanna

ಮಾ.1ರಿಂದ ಹಾಲು ಖರೀದಿ ದರ 3 ರೂ. ಹೆಚ್ಚಳ

passion

ಫ್ಯಾಷನ್‌ ಡಿಸೈನ್‌ ಸ್ಪರ್ಧೆಗೆ ಆಡಿಷನ್‌

Untitled-2

ಕಾಂಗ್ರಸ್ ನಲ್ಲಿ ಮೂರು ಗುಂಪುಗಳ ನಡುವೆ ಗುದ್ದಾಟ ಹೊಸದೆನ್ನಲ್ಲ : ಡಿಸಿಎಂ ಗೋವಿಂದ ಕಾರಜೋಳ

Tumkur congress Proitest

ತೈಲ ಬೆಲೆ ಏರಿಕೆ ಖಂಡಿಸಿ “ಕೈ’ ಪ್ರತಿಭಟನೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.