ರಸ್ತೆ ತೆರವುಗೊಳಿಸದ ಗ್ರಾಪಂ: ಸಾರ್ವಜನಿಕರ ಆಕ್ರೋಶ

Team Udayavani, Jun 24, 2019, 1:01 PM IST

ಜೋಯಿಡಾ: ಭೀಕರ ಬಿರುಗಾಳಿಗೆ ತಾಲೂಕಿನ ನಗರಿ ರಸ್ತೆಯಲ್ಲಿ ಬೃಹತ್‌ ಮರವೊಂದು ಮರಿದು ಬಿದ್ದಿದೆ.

ಜೋಯಿಡಾ: ತಾಲೂಕಿನ ನಗರಿ ಗ್ರಾಮದ ಮುಖ್ಯ ರಸ್ಥೆ ಮೇಲೆ ಕಳೆದೊಂದು ವಾರದಿಂದ ಮರ ಮುರಿದು ಬಿದ್ದಿದ್ದರೂ ಯಾರೂ ಇದನ್ನು ತೆರವುಗೊಳಿಸಲು ಮುಂದಾಗದೇ ಹಾಗೇ ಉಳಿದಿದೆ.

ಗ್ರಾ.ಪಂ. ಸದಸ್ಯರೊಬ್ಬರು ನಗರಿ ಗ್ರಾಮದವರಾಗಿದ್ದು, ಅವರದೇ ಪೆಸೆಂಜರ ಜೀಪ್‌ ಈ ಮಾರ್ಗದಿಂದ ದಿನನಿತ್ಯ ಓಡಾಡಿಕೊಂಡಿದ್ದರೂ ಈ ಗಿಡವನ್ನು ತೆರವುಗೊಳಿಸುವ ವ್ಯವಸ್ಥೆ ಮಾಡಿಸಲಿಲ್ಲ. ಇದರಿಂದ ಸಂಚಾರಕ್ಕೆ ಅಡಚಣೆ ಉಂಟಾಗಿದ್ದ ಈ ಮರವನ್ನು ತೆರವುಗೊಳಿಸುವ ವ್ಯವಸ್ಥೆ ಮಾಡಿಸದಿದ್ದಕ್ಕೆ ಗ್ರಾಮಸ್ಥರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ನಗರಿ ರಸ್ತೆಯಲ್ಲಿ ಬಿದ್ದ ಮರವನ್ನು ಅರಣ್ಯ ಇಲಾಖೆ ಅಥವಾ ಗ್ರಾಪಂ ತೆರವುಗೊಳಿಸುವ ಮೂಲಕ ಗ್ರಾಮಸ್ಥರ ಸಂಚಾರಕ್ಕೆ ಅನುಕೂಲ ಮಾಡಿಕೊಡಬೇಕೆಂದು ಗ್ರಾಮಸ್ಥರಾದ ಗಣೇಶ ಹೆಗಡೆ, ವಿಶ್ವ ನಾಯ್ಕ, ಇತರರು ದೂರಿದ್ದಾರೆ.