ನೇತ್ರ ತಪಾಸಣೆ ಶಿಬಿರ, ಕನ್ನಡಕ ವಿತರಣೆ

Team Udayavani, Mar 13, 2022, 2:32 PM IST

ಸುರಪುರ: ನಗರದ ಉಪ ಕಾರಾಗೃಹದಲ್ಲಿ ಜಿಲ್ಲಾ ಅಂಧತ್ವ ನಿವಾರಣೆ ಹಾಗೂ ತಾಲೂಕು ಆರೋಗ್ಯ ಇಲಾಖೆ ಸಹಯೋಗದಲ್ಲಿ ವಿಚಾರಣಾಧಿಧೀನ ಆರೋಪಿಗಳಿಗೆ ನೇತ್ರ ತಪಾಸಣೆ ಶಿಬಿರ ಆಯೋಜಿಸಲಾಗಿತ್ತು.

ನೇತ್ರ ತಜ್ಞ ಡಾ| ಶಮೀಮ ಗೋಗಿ ಮಾತನಾಡಿ, ಶಿಬಿರದಲ್ಲಿ ಒಟ್ಟು 64 ಜನ ವಿಚಾರಣಾ ಆರೋಪಿಗಳಿಗೆ ನೇತ್ರ ತಪಾಸಣೆ ಮಾಡಲಾಗಿದೆ. ಅರ್ಹ 6 ಜನರಿಗೆ ಮಾತ್ರ ಇಲಾಖೆಯಿಂದ ಉಚಿತ ಕನ್ನಡ ನೀಡಲಾಗಿದ್ದು, ಉಳಿದವರಿಗೆ ಔಷಧೋಪಚಾರ ನೀಡಲಾಗಿದೆ ಎಂದು ಹೇಳಿದರು.

ನಗರದ ಸರ್ಕಾರಿ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಪ್ರತಿ ದಿನ ಉಚಿತ ನೇತ್ರ ತಪಾಸಣೆ-ಶಸ್ತ್ರ ಚಿಕಿತ್ಸೆ ಮಾಡಲಾಗುತ್ತಿದೆ. ಶಸ್ತ್ರ ಚಿಕಿತ್ಸೆ ಒಳಗಾದವರಿಗೆ ಇಲಾಖೆಯಿಂದ ಉಚಿತವಾಗಿ ಕನ್ನಡಕ ನೀಡಲಾಗುತ್ತದೆ. ದೃಷ್ಟಿದೋಷ ಉಳ್ಳವರು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದರು.

ಈ ವೇಳೆ ಆರೋಗ್ಯ ಇಲಾಖೆಯ ಪ್ರದೀಪ ಸೂರ್ಯವಂಶಿ, ಕಾರಾಗೃಹ ಅಧೀಕ್ಷಕಿ ವಿಜಯಲಕ್ಷ್ಮೀ, ಸಿಬ್ಬಂದಿಗಳಾದ ಅರುಣಕುಮಾರ, ಹುಲಗೇಶ ಗಾದಗಿ, ಬಸವರಾಜ, ಬಸಮ್ಮ, ರೇಣುಕಾ ಇತರರಿದ್ದರು.