ಯಾದಗಿರಿ: ಇಬ್ಬರಿಗೆ ಸೋಂಕು

Team Udayavani, Jul 1, 2020, 1:09 PM IST

ಯಾದಗಿರಿ: ಜಿಲ್ಲೆಯಲ್ಲಿ ಮಂಗಳವಾರ ಇಬ್ಬರಲ್ಲಿ ಸೋಂಕು ಕಾಣಿಸಿಕೊಂಡಿದ್ದು, ಸೋಂಕಿತರ ಸಂಖ್ಯೆ 941ಗೆ ಏರಿಕೆಯಾಗಿದೆ. ಗುರುಮಠಕಲ್‌ನ ಹರಿಜನವಾಡದ 50 ವರ್ಷದ ಪುರುಷ ಪಿ-14671 ಸೋಂಕಿನ ಮೂಲವೇ ಪತ್ತೆಯಾಗಿಲ್ಲ. ತೆಲಂಗಾಣದ ಸಂಪರ್ಕ ಹೊಂದಿರುವ ಅನಪುರ ಗ್ರಾಮದ 40 ವರ್ಷದ ಪುರುಷ ಪಿ-14672ಗೆ ಸೋಂಕು ದೃಢವಾಗಿದೆ.

ಜಿಲ್ಲೆಯಲ್ಲಿ ಸೋಂಕಿತ 941 ವ್ಯಕ್ತಿಗಳಲ್ಲಿ ಮಂಗಳವಾರದ 14 ಜನ ಸೇರಿ ಈವರೆಗೆ 837 ಜನ ಗುಣಮುಖರಾಗಿದ್ದು, 103 ಪ್ರಕರಣಗಳು ಸಕ್ರಿಯವಾಗಿವೆ. ಕೋವಿಡ್ ವೈರಸ್‌ ಪರೀಕ್ಷೆಗಾಗಿ ಜಿಲ್ಲೆಯಿಂದ ಕಳುಹಿಸಿದ ಮಾದರಿಗಳಲ್ಲಿ 561 ನೆಗೆಟಿವ್‌ ವರದಿ ಸೇರಿ ಈವರೆಗೆ 23822 ಜನರ ವರದಿ ನೆಗೆಟಿವ್‌ ಬಂದಿವೆ.

362 ಜನರ ಮಾದರಿ ಸಂಗ್ರಹಿಸಲಾಗಿದ್ದು 1149 ಮಾದರಿಗಳ ವರದಿ ಬರಬೇಕಿದೆ. ಸೋಂಕಿತರೊಂದಿಗೆ ಪ್ರಾಥಮಿಕ ಸಂಪರ್ಕದಲ್ಲಿದ್ದ 1636 ಜನ ಮತ್ತು ದ್ವಿತೀಯ ಸಂಪರ್ಕದಲ್ಲಿದ್ದ 2970 ಜನರನ್ನು ಪ್ರತ್ಯೇಕವಾಗಿರಿಸಲಾಗಿದೆ. ಜಿಲ್ಲೆಯಲ್ಲಿ 80 ಕಂಟೇನ್‌ ಮೆಂಟ್‌ ಝೋನ್‌ಗಳನ್ನು ರಚಿಸಲಾಗಿದೆ.