ರಿಲಯನ್ಸ್; ರೇಮಂಡ್ ನಿಂದ ಪರಿಸರ ಸ್ನೇಹಿ “ಇಕೋವೇರಾ” ಬಟ್ಟೆ ಬಿಡುಗಡೆ

Team Udayavani, Apr 11, 2019, 3:16 PM IST

ಮುಂಬಯಿ: ಫ್ಯಾಶನ್ ಹಾಗೂ ಜವಳಿ ಉತ್ಪಾದನೆ ಮತ್ತು ಮಾರಾಟದಲ್ಲಿ ಭಾರತದ ಪ್ರಮುಖ ಸಂಸ್ಥೆಯಾದ ರೇಮಂಡ್ ಗ್ರೂಪ್, ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ (ಆರ್‌ಐಎಲ್) ಅತ್ಯಾಧುನಿಕR|Elan ತಂತ್ರಜ್ಞಾನ ಬಳಸಿ ತಯಾರಿಸಲಾದ ‘ಇಕೋವೇರಾ’ ಪರಿಸರ ಸ್ನೇಹಿ ವಸ್ತ್ರಗಳ ಶ್ರೇಣಿಯನ್ನು ಅನಾವರಣಗೊಳಿಸಿದೆ.

ಇಕೋವೇರಾ ಶ್ರೇಣಿಯು ಸದ್ಯದಲ್ಲೇ 700 ನಗರಗಳಲ್ಲಿರುವ 1500 ಮಳಿಗೆಗಳ ಮೂಲಕ ಲಭ್ಯವಾಗಲಿದೆ. ಈ ಶ್ರೇಣಿಯ ವಸ್ತ್ರಗಳನ್ನು ಪ್ರಪಂಚದಲ್ಲೇ ಅತ್ಯಂತ ಪರಿಸರ ಸ್ನೇಹಿ ಫೈಬರ್ ಆದ R|Elan ಗ್ರೀನ್‌ಗೋಲ್ಡ್ ಬಳಸಿ ತಯಾರಿಸಲಾಗಿದೆ. ಗ್ರಾಹಕರ ಬಳಕೆಯ ನಂತರ ಕಸಕ್ಕೆ ಸೇರುವ ನಿರುಪಯುಕ್ತ ಪೆಟ್ ಬಾಟಲುಗಳನ್ನು ಜೈವಿಕ ಇಂಧನ ಹಾಗೂ ಇಂಧನ ದಕ್ಷ ಪ್ರಕ್ರಿಯೆಗಳ ಮೂಲಕ ಸಂಸ್ಕರಿಸಿ R|Elan ಗ್ರೀನ್‌ಗೋಲ್ಡ್ ಅನ್ನು ತಯಾರಿಸಲಾಗುತ್ತದೆ.

ರಿಲಯನ್ಸ್‌ನ R|Elan ನಿಂದ ಸಶಕ್ತವಾದ ರೇಮಂಡ್‌ನ ಇಕೋವೇರಾ, ಸರಿಸುಮಾರು 1 ಮಿಲಿಯನ್ ಪೆಟ್ ಬಾಟಲುಗಳನ್ನು ಮಣ್ಣಿಗೆ ಸೇರದಂತೆ ತಡೆಯಲಿದೆ. ಭೂಮಿಯನ್ನು ರಕ್ಷಿಸುವ ಆರ್‌ಐಎಲ್ ಹಾಗೂ ರೇಮಂಡ್ಸ್ ಬದ್ಧತೆಗೆ ಈ ಬೆಳವಣಿಗೆ ಸಾಕ್ಷ್ಯವಾಗಿದೆ.

ಸುಸ್ಥಿರ ಶ್ರೇಣಿಯ ಜಂಟಿ ಅಭಿವೃದ್ಧಿಯ ಕುರಿತು ಮಾತನಾಡಿದ ರೇಮಂಡ್ಸ್ ಲಿಮಿಟೆಡ್‌ನ ಜವಳಿ ವಿಭಾಗದ ಅಧ್ಯಕ್ಷ ಶ್ರೀ ಸುಧಾಂಶು ಪೋಖ್ರಿಯಾಲ್, “ನೈಸರ್ಗಿಕ ಹಾಗೂ ಮಾನವ ನಿರ್ಮಿತ ಫೈಬರ್‌ಗಳೆರಡನ್ನೂ ಬಳಸಿಕೊಂಡು ಹೊಸ ಬದಲಾವಣೆಗಳೊಡನೆ ಅತ್ಯುತ್ತಮ ಗುಣಮಟ್ಟದ ವಸ್ತ್ರಗಳ ತಯಾರಿಕೆಗೆ ನಮ್ಮ ಸಂಸ್ಥೆ ಹೆಸರುವಾಸಿ. ಪರಿಸರ ಸ್ನೇಹಿ, ಸುಸ್ಥಿರ ವಸ್ತ್ರಗಳನ್ನು ಸೃಷ್ಟಿಸುವ ನಮ್ಮ ಪ್ರಯತ್ನದಲ್ಲಿ ಹಲವಾರು ವೈಶಿಷ್ಟ್ಯಗಳುಳ್ಳ ವಸ್ತ್ರಗಳನ್ನು ತಯಾರಿಸಲು R|Elan ಗ್ರೀನ್‌ಗೋಲ್ಡ್ ನಿಜಕ್ಕೂ ಅತ್ಯುತ್ತಮ ಆಯ್ಕೆ. ನಮ್ಮ ಸಂಸ್ಥೆಯನ್ನು ಸುಸ್ಥಿರ ಹಾಗೂ ಪರಿಸರ ಸ್ನೇಹಿಯಾಗಿ ಬೆಳೆಸುವ ನಿಟ್ಟಿನಲ್ಲೂ R|Elan ಗ್ರೀನ್‌ಗೋಲ್ಡ್ ಒಂದು ಮಹತ್ವದ ಹೆಜ್ಜೆ.” ಎಂದು ಹೇಳಿದರು.

ಲಂಬವಾಗಿ ಹಾಗೂ ಅಡ್ಡಡ್ಡಲಾಗಿ ಸಂಯೋಜಿತವಾಗಿರುವ ಪ್ರಪಂಚದ ಅತಿದೊಡ್ಡ ವರ್‌ಸ್ಟೆಡ್ ಸೂಟಿಂಗ್ ವಸ್ತ್ರಗಳ ನಿರ್ಮಾತೃಗಳ ಪೈಕಿ ರೇಮಂಡ್‌ನದು ಪ್ರಮುಖ ಹೆಸರು. ಭಾರತದ ವರ್‌ಸ್ಟೆಡ್ ಸೂಟಿಂಗ್ ವಸ್ತ್ರಗಳ ಮಾರುಕಟ್ಟೆಯಲ್ಲಿ ಅದು ಶೇಕಡ 60ಕ್ಕಿಂತ ಅಧಿಕ ಪಾಲನ್ನು ಹೊಂದಿದೆ. ಆಧುನಿಕ ಪುರುಷನಿಗೆ ಸರಿಯಾದ ಉಡುಪುಗಳನ್ನು ಒದಗಿಸುವುದು (‘ಡ್ರೆಸಿಂಗ್ ದ ಮಾಡರ್ನ್ ಮ್ಯಾನ್ ರೈಟ್’) ಹಿಂದಿನಿಂದಲೂ ರೇಮಂಡ್‌ನ ಗುರಿಯಾಗಿದೆ.

ರಿಲಯನ್ಸ್‌ನ ವ್ಯಾಪಕ ಸಂಶೋಧನೆ ಮತ್ತು ಅಭಿವೃದ್ಧಿ ಹಾಗೂ ಫೈಬರ್‌‍ಗಳನ್ನು ಕುರಿತ ಅಗಾಧ ಅನುಭವದ ಹಿನ್ನೆಲೆಯಲ್ಲಿ ರೂಪುಗೊಂಡಿರುವ R|Elan ಸಾಮಾನ್ಯಕ್ಕಿಂತ ಹೆಚ್ಚನ್ನು ಸಾಧಿಸುವ ವಿನೂತನ ವಸ್ತ್ರಗಳ ಸಂಗ್ರಹವಾಗಿದೆ. ಆರ್‌ಐಎಲ್‌ನ R|Elan ಗ್ರೀನ್‌ಗೋಲ್ಡ್ ಜಾಗತಿಕವಾಗಿ ಅತ್ಯುತ್ತಮ ಇಕೋ ಕ್ರೆಡೆನ್‌ಶಿಯಲ್‌ಗಳನ್ನು ಹೊಂದಿರುವ ಹೊಸ ತಲೆಮಾರಿನ ತಂತ್ರಜ್ಞಾನವಾಗಿದ್ದು, ಸುಸ್ಥಿರ ಫ್ಯಾಶನ್‌ಗಾಗಿ ಗ್ರಾಹಕರ ಬೇಡಿಕೆಯನ್ನು ಪೂರೈಸುವ ನಿಟ್ಟಿನಲ್ಲಿ ಅದನ್ನು ರೂಪಿಸಲಾಗಿದೆ. ಫ್ಯಾಶನ್ ಉದ್ದಿಮೆಗೆ ಅತ್ಯಂತ ಪರಿಸರ ಸ್ನೇಹಿ ಕಚ್ಚಾ ಪದಾರ್ಥಗಳಲ್ಲೊಂದಾದ ಗ್ರೀನ್‌ಗೋಲ್ಡ್, ಪ್ರಮುಖ ಬ್ರಾಂಡುಗಳಿಗೆ ಪರಿಸರದ ಕುರಿತ ತಮ್ಮ ಬದ್ಧತೆಯನ್ನು ಪೂರ್ಣಗೊಳಿಸಲು ನೆರವಾಗುತ್ತಿದೆ.

ಆರ್‌ಐಎಲ್ ಪಾಲಿಯೆಸ್ಟರ್ ಬಿಸಿನೆಸ್‌ನ ಸಿಎಂಓ ಶ್ರೀ ಗುಂಜನ್ ಶರ್ಮಾ ಮಾತನಾಡಿ, “ರೇಮಂಡ್‌ನೊಡನೆ ಜೊತೆಗೂಡಲು ನಮಗೆ ಹೆಮ್ಮೆಯೆನಿಸುತ್ತದೆ. ಪರಿಸರಕ್ಕಾಗಿ ನಮ್ಮ ಪಾಲಿನ ಕೊಡುಗೆ ನೀಡಲು ಇದು ನಮಗೊಂದು ಅವಕಾಶ ನೀಡಿದೆ. ಸುಸ್ಥಿರತೆಯ ಹೆಚ್ಚುವರಿ ಸೇರ್ಪಡೆಯೊಡನೆ ವಿನೂತನವಾದ ಫ್ಯಾಶನಬಲ್ ವಸ್ತ್ರಗಳನ್ನು ರೂಪಿಸಲು ರೇಮಂಡ್ ಸಂಸ್ಥೆಗೆ R|Elan ಗ್ರೀನ್‌ಗೋಲ್ಡ್ ನೆರವಾಗುತ್ತದೆ” ಎಂದು ಹೇಳಿದರು.

ಸರ್ಕ್ಯುಲರ್ ಇಕಾನಮಿ, ಮರುಬಳಕೆ ಹಾಗೂ ಕಸ ತಗ್ಗಿಸುವಿಕೆಯ ಪರಿಕಲ್ಪನೆಗಳನ್ನು ಅವಲಂಬಿಸಲು ಆರ್‌ಐಎಲ್‌ನ ಪೆಟ್ರೋಕೆಮಿಕಲ್ಸ್ ಬಿಸಿನೆಸ್ ಬದ್ಧವಾಗಿದೆ. ಈ ಪರಿಕಲ್ಪನೆಗಳನ್ನು ಬಳಸುವಲ್ಲಿ ಭಾರತದ ಜವಳಿ ಹಾಗೂ ಫ್ಯಾಶನ್ ಉದ್ದಿಮೆಯನ್ನು ಮುಂಚೂಣಿ ಸ್ಥಾನಕ್ಕೆ ತರುವುದು ಅದರ ಗುರಿ. ಹೀಗೆ, R|Elan ಉತ್ಪನ್ನಗಳು ಇತ್ತೀಚಿನ ಫ್ಯಾಶನ್ ಟ್ರೆಂಡ್‌ಗಳಿಗೆ ಅನುಗುಣವಾದ ಹೊಸ ತಲೆಮಾರಿನ ವಸ್ತ್ರಗಳನ್ನು ಗ್ರಾಹಕರಿಗೆ ನೀಡುವುದರ ಜೊತೆಗೆ ಅವರ ಜೀವನಶೈಲಿಯ ಅಗತ್ಯಗಳನ್ನೂ ಪೂರೈಸಲಿವೆ. ಹೊರಗೆ R|Elan ಇದ್ದರೆ, ಒಳಗೆ ವಿಶೇಷವಾದದ್ದೇನೋ ಇದೆ ಎನ್ನುವ ಖಾತರಿಯನ್ನು ಆರ್‌ಐಎಲ್‌ನ ಪ್ರಯತ್ನಗಳು ಗ್ರಾಹಕರಿಗೆ ನೀಡಲಿವೆ.


ಈ ವಿಭಾಗದಿಂದ ಇನ್ನಷ್ಟು

  • ಚಿನ್ನ ಹಾಗೂ ಮಹಿಳೆಗೆ ಅದೇನೋ ನಂಟು. ಯಾವುದೇ ಕಾಲಕ್ಕೂ ಮಹಿಳೆಯರಿಗೆ ಚಿನ್ನದ ಮೇಲಿನ ವ್ಯಾಮೋಹ ಕಿಂಚಿತ್ತು ಕಡಿಮೆಯಾಗುವುದಿಲ್ಲ. ಚಿನ್ನ ಧರಿಸದೆ ಇದ್ದರೂ ಓಲೆ,...

  • ಕಾಲಕ್ಕೆ ತಕ್ಕಂತೆ ಹೊಂದಿಕೊಳ್ಳಬೇಕು ಅಂದ್ರೆ ನಮ್ಮ ಆಹಾರ, ಉಡುಗೆ- ತೊಡುಗೆಯೂ ಬದಲಾಗುತ್ತಿರ ಬೇಕು. ಚಳಿಗೊಂದು, ಮಳೆ ಗೊಂದು ಎಂಬಂತೆ ಬೇಸಗೆಗೂಂದು ಉಡುಗೆಯಬೇಕು....

  • ಪುರುಷರಿಗೆ ತುಂಬಾ ಹೊಂದಿಕೊಳ್ಳುವ ಬಂಗಾಲಿ ದಿರಿಸಿನಲ್ಲಿ ಮೊತ್ಕಾ ಫ್ಯಾಬ್ರಿಕ್‌ ಕೂಡ ಒಂದು. ತುಂಬಾ ಹಗುರವಾದ ಬಟ್ಟೆ ಇದಾಗಿದ್ದು, ದೇಹಕ್ಕೆ ಫಿಟ್‌ ಎನಿಸುತ್ತದೆ. ಹಬ್ಬದ...

  • ಫ್ಯಾಶನ್‌ ಲೋಕದಲ್ಲಿ  ದಿನೇ ದಿನ ಹೊಸ ಹೊಸ ರೀತಿಯ ಬದಲಾವಣೆಗಳು ನಡೆಯುತ್ತಲೇ ಇರುತ್ತವೆ. ಅದಕ್ಕೆ ತಕ್ಕಂತೆ ಫ್ಯಾಶನ್‌ ಪ್ರಿಯರು ಕೂಡ ಬಗೆಬಗೆಯ ಉಡುಗೆಗೆ ಬೇಡಿಕೆ...

ಹೊಸ ಸೇರ್ಪಡೆ

  • ಹೊಸದಿಲ್ಲಿ : ಭಾರತದ ವರಿಷ್ಠ ನ್ಯಾಯಮೂರ್ತಿ (ಸಿಜೆಐ) ರಂಜನ್‌ ಗೊಗೊಯ್‌ ಅವರಿಂದು ಶನಿವಾರ ಸುಪ್ರೀಂ ಕೋರ್ಟಿನ ವಿಶೇಷ ಪೀಠದಲ್ಲಿದ್ದುಕೊಂಡು ತನ್ನ ವಿರುದ್ಧ...

  • ಇಂದು ನಿತ್ಯ ಹರಿದ್ವರ್ಣ ಕಾಡುಗಳಲ್ಲಷ್ಟೇ ಬೃಹತ್‌ ಗಾತ್ರದ ದೇವದಾರು, ತೇಗ, ಬೀಟೆ ಮೊದಲಾದ ಮರಗಳನ್ನು ಕಾಣಬಹುದು. ಆದರೆ ಸವಣೂರಿನ ಕಲ್ಮಠದಲ್ಲಿ ಸಾವಿರಾರು ವರ್ಷಗಳ...

  • Gadwall (Anas strepera) M -Duck + ಗದ್ವಾಲ್‌ ಬಾತನ್ನು ಚರ್ಲೆ ಅಥವಾ ಸರಳೆ ಬಾತು ಎಂದು ಕರೆಯಲಾಗುತ್ತದೆ. ಈ ಹಕ್ಕಿ, ನೀರಿನಲ್ಲಿ ಮುಳುಗಿ ಅಲ್ಲಿರುವ ಕ್ರಿಮಿ ಕೀಟಗಳನ್ನು ಬೇಟೆಯಾಡುತ್ತದೆ....

  • ವೃತ್ತಿಯಲ್ಲಿ ಶಿಕ್ಷಕರಾದ ಕಲ್ಯಾಣ್‌ ಕುಮಾರ್‌ ಅವರಿಗೆ ಪತ್ರಿಕೆ ಸಂಗ್ರಹಿಸುವ ಹವ್ಯಾಸ. ಇದು ಹುಟ್ಟಿದ್ದು ಪರ ಊರಿಗೆ ಪ್ರಯಾಣಿಸುವಾಗ . ಬೇಜಾರು ಕಳೆಯಲಿಕ್ಕೆ...

  • ಉದ್ದಾನ ವೀರಭದ್ರಸ್ವಾಮಿಗಳು ಈ ಆಂಜನೇಯನಿಗೆ ಲಿಂಗಧಾರಣೆ ಮಾಡಿದ್ದು, ಕೊರಳಿನಲ್ಲಿ ರುದ್ರಾಕ್ಷಿ ಮಾಲೆ ಇರುವುದು ಒಂದು ವಿಶೇಷ. ಸೊಂಟದಲ್ಲಿ ಕತ್ತಿ ಇರುವುದು...

  • ಅರಳಿಮರದ ಬುಡದಲ್ಲಿ ಕುಳಿತು ಸರ್ವಾಂತರ್ಯಾಮಿಯಾದ ಭಗವಂತನ ಸ್ವರೂಪವನ್ನು ಯೋಗಿಗಳಿಂದ ಕೇಳಿ ತಿಳಿದ ರೀತಿಯಲ್ಲೇ ಧ್ಯಾನ ಮಾಡತೊಡಗಿದ್ದರು. ಏಕಾಗ್ರಚಿತ್ತದಿಂದ...