ಚಳಿಗಾಲಕ್ಕೆ ಬೆಚ್ಚನೆಯ ಟ್ರೆಂಡಿ ಸ್ವೆಟರ್‌

Team Udayavani, Nov 13, 2020, 1:51 PM IST

ಫ್ಯಾಷನ್‌ ಎಂದಿಗೂ ಸ್ಥಿರವಾಗಿರುವುದಿಲ್ಲ. ಋತುಮಾನಕ್ಕೆ ತಕ್ಕ ಹಾಗೇ ಫ್ಯಾಷನ್‌ ಬದಲಾಗುತ್ತದೆ. ಬೇಸಗೆ ಕಾಲ ಬಂದರೆ ಸೀ ಸೈಡ್‌ ಸ್ಟ್ರೈಪ್ಸ್‌ ಡ್ರೆಸ್‌ಗಳ ಮೊರೆ ಹೋದರೆ, ಚಳಿಗಾಲಕ್ಕೆ ಬೆಚ್ಚನೆಯ ಉಡುಪುಗಳತ್ತ ಮನಸ್ಸು ವಾಲುತ್ತದೆ. ಸದ್ಯ ಚುಮು ಚುಮು ಚಳಿ ಶುರುವಾಗಿದ್ದು, ತ್ವಚ್ಛೆಯ ರಕ್ಷಣೆಗೆ ಬೆಚ್ಚನೆ ಧಿರಿಸುಗಳ ಅಗತ್ಯವಿದೆ. ವಿಂಟರ್‌ ಸೀಸನ್‌ಗೆ ಸೂಕ್ತವೆನ್ನಿಸುವ ಟ್ರೆಂಡಿ ಸ್ವೆಟರ್‌ಗಳ ಮಾಹಿತಿ ಇಲ್ಲಿದೆ.

ಕ್ರಾಪ್‌ ಡಿಸೈನ್‌ ಸ್ವೆಟರ್‌ಗಳು
ಇಷ್ಟು ದಿನ ಕೇವಲ ಟಾಪ್‌ ಹಾಗೂ ಟೀ ಶರ್ಟ್‌ಗೆ ಸೀಮಿತವಾಗಿದ್ದ ಕ್ರಾಪ್‌ ಡಿಸೈನ್‌ ಇದೀಗ ಸ್ವೆಟರ್‌ ಹಾಗೂ ಪುಲ್‌ಓವರ್‌ಗೂ ಕಾಲಿಟ್ಟಿದೆ. ನೋಡಲು ಗಿಡ್ಡವಾದಂತೆ ಕಾಣುವ, ಸರಿಯಾಗಿ ಕಟ್‌ ಮಾಡಿರದಂತೆ ಇರುವ ಕ್ರಾಪ್‌ ಸ್ವೆಟರ್‌, ಹೊಟ್ಟೆಯಿಂದ ಮೇಲೆ, ಬದಿಯಲ್ಲಿ ಕೊಂಚ ಬಾಗಿದಂತಿರುತ್ತದೆ. ಇದೀಗ ಈ ಕ್ರಾಪ್‌ ಸ್ವೆಟರ್‌ಗಳು ವಿಂಟರ್‌ ಸೀನನ್‌ನಲ್ಲಿ ಟ್ರೆಂಡ್‌ನ‌ಲ್ಲಿವೆ.

ಯಾರಿಗೆ ಸೂಟ್‌ ಆಗುತ್ತದೆ
ಉದ್ದವಿರುವ ಸಪೂರದ ಹುಡುಗಿ ಯರಿ ಗಂತೂ ಕ್ರಾಪ್‌ ಸ್ಟೆಟರ್‌ ನೋಡಲು ಚೆನ್ನಾಗಿ ಕಾಣುತ್ತದೆ. ಮಾತ್ರ ವಲ್ಲ, ಮತ್ತಷ್ಟು ಎತ್ತರವಾಗಿರುವಂತೆ ಕಾಣಿಸುತ್ತದೆ. ನಾರ್ಮಲ್‌ ಪ್ಯಾಂಟ್‌, ಪಲ್ಹಾಜೂ, ಕೇಪ್ರಿಸ್‌ಗಳಿಗೂ ಕ್ರಾಪ್‌ ಸ್ವೆಟರ್‌ ಸೂಟ್‌ ಆಗುತ್ತದೆ. ಆದರೆ, ಪ್ಯಾಂಟ್‌ಗಳ ಕಟ್ಸ್‌ ಹಾಗೂ ಸ್ಟಿಚ್ಚಿಂಗ್‌ ಕ್ರಾಪ್‌ ಟಾಪ್‌ಗ್ಳಿಗೆ ಮ್ಯಾಚ್‌ ಆಗಬೇಕು. ಕ್ರಾಪ್‌ ಸ್ವೆಟರ್‌ಗಳು ಸೇಮಿ ಫಾರ್ಮಲ್‌ ಉಡುಪುಗಳಿಗೂ ಮ್ಯಾಚ್‌ ಆಗುತ್ತವೆ.

ತಾರೆಯರ ಲಿಸ್ಟ್‌ನಲ್ಲಿ ಕ್ರಾಪ್‌ ಸ್ವೆಟರ್‌
ಸ್ಯಾಂಡಲ್‌ವುಡ್‌, ಬಾಲಿವುಡ್‌, ಹಾಲಿವುಡ್‌ ತಾರೆಯರು ಕೂಡ ಟ್ರೆಂಡಿ ಕ್ರಾಪ್‌ ಸ್ವೆಟರ್‌ ಆಯ್ಕೆ ಮಾಡಿಕೊಳ್ಳುತ್ತಿದ್ದು, ತಾರೆಯರು ಉದ್ದನೆಯ ಸ್ಕರ್ಟ್‌ ಜತೆಗೆ ಟೈಟ್‌ ಅಥವಾ ಫಿಟ್‌ ಆಗಿರುವ ಕ್ರಾಪ್‌ ಸ್ವೆಟರ್‌ ಧರಿಸುತ್ತಿದ್ದಾರೆ. ತಮ್ಮ ನೆಚ್ಚಿನ ತಾರೆಯರು ಫಾಲೋ ಮಾಡುವ ಫ್ಯಾಷನ್‌ ಯುವತಿಯರನ್ನು ಇದು ಆಕರ್ಷಿಸಿದೆ.

ಆಯ್ಕೆಗೆ ಮಹ್ವತ ಕೊಡಿ
ಕ್ರಾಪ್‌ ಸ್ವೆಟರ್‌ ಜತೆಗೆ ಮ್ಯಾಚ್‌ ಆಗುವಂತಹ ಶೇಡ್‌ ಇಲ್ಲವೇ ಪ್ರಿಂಟೆಡ್‌, ಜೀನ್ಸ್‌ ಪ್ಯಾಂಟ್‌ ಆಯ್ಕೆ ಮಾಡಿ. ಸೂಟ್‌ ಮೇಲೆ ಕ್ರಾಪ್‌ ಸ್ವೆಟರ್‌ ಕ್ಲಾಸ್‌ ಆಗಿ ಕಾಣಲಿದ್ದು, ಜತೆಗೆ ಕಲರ್‌ ಫ್ರೆಮ್‌ ಇರುವ ಕೂಲಿಂಗ್‌ ಗ್ಲಾಸ್‌ ಧರಿಸಿದರೆ ಟ್ರೆಂಡಿ ಲುಕ್‌ ಗ್ಯಾರಂಟಿ.

ಸೂಟ್‌ ಆಗುವ ಹೇರ್‌ ಸ್ಟೈಲ್
ಹೈ ಪೋನಿ, ಫಿಶ್‌ಟೇಲ್‌, ಸೈಟ್‌ ಪೋನಿ, ಲಾಂಗ್‌ ಸೈಡ್‌ ಚೋಟಿಯಂತಹ ಹೇರ್‌ ಸ್ಟೈಲ್‌ ಈ ಉಡುಪಿಗೆ ಹೊಂದಿಕೆ ಆಗುತ್ತವೆ. ಇನ್ನು ಹೇರ್‌ ಕಲರಿಂಗ್‌ ಮಾಡಿರುವವರಿಗೆ ಇದು ಮತ್ತಷ್ಟು ಚೆನ್ನಾಗಿ ಕಾಣುತ್ತದೆ.