ಆರೋಗ್ಯಕ್ಕೆ ಪೂರಕ ಬ್ಲ್ಯಾಕ್ ಕಾಫಿ

Team Udayavani, Jul 23, 2019, 5:00 AM IST

ಬೆಳಗ್ಗೆ ಎದ್ದ ಕೂಡಲೇ, ಸಂಜೆ, ಬಿಡುವಿನ ವೇಳೆ, ಕೆಲಸದ ಮಧ್ಯೆ ಕಾಫಿ, ಚಾ ಕುಡಿಯುವುದು ಬಹುತೇಕರ ಅಭ್ಯಾಸ. ಅದೇ ರೀತಿ ಬ್ಲ್ಯಾಕ್‌ ಕಾಫಿ ಕುಡಿಯುವುದು ಆರೋಗ್ಯದ ದೃಷ್ಟಿಯಿಂದ ಉತ್ತಮ. ಇದರಿಂದ ಅನೇಕ ಪ್ರಯೋಜನಗಳಿವೆ.

1 ಸ್ಮರಣ ಶಕ್ತಿ ಹೆಚ್ಚಳ: ಪ್ರತಿ ದಿನ ಬೆಳಗ್ಗೆ ಬ್ಲ್ಯಾಕ್‌ ಕಾಫಿ ಕುಡಿಯುವುದರಿಂದ ಮೆದುಳು ಚುರುಕಾಗುತ್ತದೆ. ಮಾತ್ರವಲ್ಲ ಸ್ಮರಣ ಶಕ್ತಿ ಹೆಚ್ಚುತ್ತದೆ. ಇದನ್ನು ಕುಡಿಯುವರಲ್ಲಿ ಅಲ್ಜೀಮರ್‌ ಪಮಾಣ ಕಡಿಮೆಯಂತೆ

2 ದೈಹಿಕ ಕಾರ್ಯಕ್ಷಮತೆ ಹೆಚ್ಚಳ: ಹಾಲು ರಹಿತ ಕಾಫಿ ಸೇವನೆ ದೇಹಕ್ಕೆ ಪುಷ್ಟಿ ನೀಡುತ್ತದೆ. ಅದರಲ್ಲೂ ಜಿಮ್‌ನಲ್ಲಿ ಕಸರತ್ತು ಮಾಡುವವರಿಗೆ ಬೇಕಾದಷ್ಟು ಶಕ್ತಿ ಇದರಿಂದ ಲಭಿಸುತ್ತದೆ. ಅದಕ್ಕೆ ಜಿಮ್‌ನಲ್ಲಿ ವರ್ಕ್‌ಔಟ್ ಮಾಡುವ ಮುನ್ನ ಬ್ಲ್ಯಾಕ್‌ ಕಾಫಿ ಕುಡಿಯುವಂತೆ ಸಲಹೆ ನೀಡಲಾಗುತ್ತದೆ.

3 ಬುದ್ದಿ ಚುರುಕು: ಬ್ಲ್ಯಾಕ್‌ ಕಾಫಿಯ ಸೇವನೆ ನಿಮ್ಮ ಶಕ್ತಿಯನ್ನು ವೃದ್ಧಿಸುತ್ತದೆ. ಮನಸ್ಸನ್ನು ಉಲ್ಲಸಿತಗೊಳಿಸುತ್ತದೆ. ಹೀಗೇ ಇಡೀ ದಿನ ನೀವು ಚಟುವಟಿಕೆಯಿಂದ ಇರಲು ಸಹಾಯ ಮಾಡುತ್ತದೆ.

4 ಹೊಟ್ಟೆ ಶುದ್ಧೀಕರಿಸುತ್ತದೆ: ಸಕ್ಕರೆ ರಹಿತ ಬ್ಲ್ಯಾಕ್‌ ಕಾಫಿ ಕುಡಿಯುವುದರಿಂದ ಹೊಟ್ಟೆಯಲ್ಲಿನ ಕಶ್ಮಲಗಳೆಲ್ಲ ಮೂತ್ರದ ರೂಪದಲ್ಲಿ ಹೊರ ಹೋಗುತ್ತದೆ ಎನ್ನುತ್ತದೆ ಸಂಶೋಧನೆ.

5 ಕೊಬ್ಬು ಕರಗಿಸಲು: ಜಿಮ್‌ನಲ್ಲಿ ಕಸರತ್ತು ಆರಂಭಿಸುವ ಅರ್ಧ ಗಂಟೆ ಮೊದಲು ಬ್ಲ್ಯಾಕ್‌ ಕಾಫಿ ಸೇವಿಸುವುದು ಕೊಬ್ಬು ಕರಗಿಸುವ ಪ್ರಯತ್ನಕ್ಕೆ ವೇಗ ನೀಡುತ್ತದೆ.

6 ಹೃದಯದ ರಕ್ತ ನಾಳದ ಆರೋಗ್ಯಕ್ಕೆ ಪೂರಕ: ಪ್ರತಿ ದಿನ 1 ಅಥವಾ 2 ಕಪ್‌ ಬ್ಲ್ಯಾಕ್‌ ಕಾಫಿ ಸೇವನೆ ಹೃದಯದ ರಕ್ತ ನಾಳದ ಆರೋಗ್ಯವನ್ನು ವೃದ್ಧಿಸುತ್ತದೆ ಮತ್ತು ಸ್ಟ್ರೋಕ್‌ ಕಾಣಿಸಿಕೊಳ್ಲುವ ಸಾಧ್ಯತೆ ಕಡಿಮೆಯಾಗುತ್ತದೆ. 7 ಪೋಷಕಾಂಶಗಳ ಆಗರ: ಬ್ಲ್ಯಾಕ್‌ ಕಾಫಿ ವಿಟಮಿನ್‌ ಬಿ 2, ಬಿ 3, ಬಿ 5, ಮ್ಯಾಂಗನೀಸ್‌, ಪೊಟ್ಯಾಶಿಯಂ ಮುಂತಾದ ಅಂಶಗಳನ್ನು ಒಳಗೊಂಡಿದೆ.

8 ಮಧುಮೇಹದ ಸಾಧ್ಯತೆ ಕ್ಷೀಣ: ದಿನಾ ಬ್ಲ್ಯಾಕ್‌ ಕಾಫಿಯ ಸೇವಿಸುವುದರಿಂದ ಮಧುಮೇಹ ಕಾಣಿಸಿಕೊಳ್ಳುವ ಸಾಧ್ಯತೆಯನ್ನು ಕಡಿಮೆ ಮಾಡಬಹುದು.

•ರಮೇಶ್‌ ಬಳ್ಳಮೂಲೆ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ