ಹಲಸಿನ ಢೋಕ್ಲಾ

ಬೇಕಾಗುವಸಾಮಗ್ರಿಗಳು
••ಹಲಸಿನ ಕಾಯಿ ಪಲ್ಪ್ – 1 ಕಪ್‌
••ಗೋಧಿ ರವ ( ಸಣ್ಣದು ) – 1 ಕಪ್‌
••ಮೊಸರು – 1 ಕಪ್‌
••ನೀರು – ಒಂದು ಕಪ್‌
••ಹಸಿ ಮೆಣಸು – 2 – 3
••ಶುಂಠಿ – ಅರ್ಧ ಇಂಚು
••ಅರಸಿನ ಪುಡಿ – ಅರ್ಧ ಚಮಚ
••ನಿಂಬೇ ರಸ – 2 ದೊಡ್ಡ ಚಮಚ
••ಈನೋ(Eno) – ಅರ್ಧ ಚ
••ಒಗ್ಗರಣೆಗೆ : ಸಾಸಿವೆ , ಉದ್ದಿನ ಬೇಳೆ , ಉಪ್ಪು ಜೀರಿಗೆ, ಎಣ್ಣೆ ಮತ್ತು ಇಂಗು.ಮಾಡುವ ವಿಧಾನ

ಹಲಸಿನ ಕಾಯಿ ಪಲ್ಪ್ಗೆ ಹಸಿ ಮೆಣಸಿನಕಾಯಿ, ಶುಂಠಿ, ಮೊಸರು ಸೇರಿಸಿ ಮಿಕ್ಸಿಯಲ್ಲಿ ಸ್ವಲ್ಪ ತಿರುವಬೇಕು. ಇದನ್ನು ಒಂದು ಪಾತ್ರೆಗೆ ಹಾಕಿರಿ. ಈ ಮಿಶ್ರಣಕ್ಕೆ ಈನೋ ಮತ್ತು ನಿಂಬೆ ರಸ, ಒಗ್ಗರಣೆ ಹೊರತುಪಡಿಸಿ ಇತರ ಸಾಮಗ್ರಿಗಳನ್ನು ಸೇರಿಸಿ ಮಿಶ್ರ ಮಾಡಿ.

ಇಡ್ಲಿ ಪಾತ್ರೆಯಲ್ಲಿ ನೀರು ಕುದಿಯಲು ಇಡಬೇಕು – ಒಂದು ಬಟ್ಟಲಿಗೆ ಸ್ವಲ್ಪ ಎಣ್ಣೆ / ತುಪ್ಪ ಹಚ್ಚಿ ನೀರು ಕುದಿಯುವಾಗ -ಈನೋ ಮತ್ತು 1 ದೊಡ್ಡ ಚಮಚ ನಿಂಬೇರಸ ಮಿಶ್ರಣವನ್ನು ಹಿಟ್ಟಿನ ಮೇಲೆ ಹುಯ್ಯಿರಿ. ತಟ್ಟೆ ಯನ್ನು ಇಡ್ಲಿ ಕುಕ್ಕರ್‌ನಲ್ಲಿ ಇಟ್ಟು 15 ನಿಮಿಷ ಬೆಂಕಿಯಲ್ಲಿಡಿ. ಒಂದು ಚೂರಿಯನ್ನು ಹಾಕಿ ಬೆಂದಿದೆಯೋ ಎಂದು ನೋಡಿರಿ. ಬೆಂಕಿಯಿಂದ ಇಳಿಸಿ 5 ನಿಮಿಷ ತಣಿಯಲು ಬಿಡಿರಿ. ಅನಂತರ ಇನ್ನೊಂದು ತಟ್ಟೆಗೆ ಅಡಿಮೇಲೆ ಮಾಡಿ ಹಾಕಿ. ನಂತರ ಅದನ್ನು ಕತ್ತರಿಸಿರಿ. ನಿಂಬೆ ರಸಕ್ಕೆ ಸ್ವಲ್ಪ ನೀರು ಸೇರಿಸಿ ಧೋಕ್ಲಾದ ಮೇಲೆ ಹುಯ್ಯಿರಿ. ಒಗ್ಗರಣೆ ಮಾಡಿ ಅದನ್ನು ಢೋಕ್ಲಾದ ಮೇಲೆ ಹೊಯ್ದು – ಮೇಲಿಂದ ಕಾಯಿತುರಿ ಮತ್ತು ಕೊತ್ತಂಬರಿ ಸೊಪ್ಪು ಹಾಕಿ ಅಲಂಕರಿಸಿರಿ. ಹಲಸಿನ ಕಾಯಿ ಢೋಕ್ಲಾ ತಯಾರ್‌.

••••ನಳಿನಿ ಮಾಯಿಲಂಕೋಡಿ, ಮಂಗಳೂರು