ಸ್ವಾದಿಷ್ಟ ಪನ್ನೀರ್‌ ಖೀರ್‌

Team Udayavani, Mar 9, 2019, 7:44 AM IST

ಪನ್ನೀರ್‌ನ ಗ್ರೇವಿ, ಟಿಕ್ಕಾ, ಬಿರಿಯಾನಿ ಮಾಡಿ ಎಲ್ಲರೂ ಸವಿದಿರುತ್ತೇವೆ. ಆದರೆ ಖೀರ್‌ ಖಂಡಿತ ಇರಲಿಕ್ಕಿಲ್ಲ. ಹೆಚ್ಚಿನವರಿಗೆ ಇದು ಮಾಡುವ ವಿಧಾನವೂ ತಿಳಿದಿರಲಿಕ್ಕಿಲ್ಲ. ಅತ್ಯಲ್ಪ ಸಮಯದಲ್ಲಿ ಸುಲಭವಾಗಿ ಮಾಡಬಹುದಾದ ಖೀರ್‌ ಗಳಲ್ಲಿ ಪನ್ನೀರ್‌ ಖೀರ್‌ ಕೂಡ ಒಂದು. ಪನ್ನೀರ್‌ ಖೀರ್‌ ಮಾಡುವುದು ಎಷ್ಟು ಸುಲಭವೋ ಅದರ ಸವಿಯೂ ಅಷ್ಟೇ ರುಚಿಕರವಾಗಿರುತ್ತದೆ. ಹೇಳದೇ ಕೇಳದೇ ಅತಿಥಿಗಳು ಮನೆಗೆ ಬಂದಾಗ, ಯಾವುದೋ ಶುಭ ಸುದ್ದಿ ಸಿಕ್ಕಿದಾಗ ಅತ್ಯಲ್ಪ ಸಮಯದಲ್ಲಿ ಮಾಡಿ ಸವಿಯಬಹುದಾದ ಖೀರ್‌ ಗಳಲ್ಲಿ ಪನ್ನೀರ್‌ ಖೀರ್‌ ಕೂಡ ಒಂದು.

ಪನ್ನೀರ್‌ ಖೀರ್‌ ಮಾಡಲು ಮೊದಲಿಗೆ ಪನ್ನೀರ್‌ ಮಾಡಿಕೊಂಡಿರಬೇಕು. ಇದಕ್ಕಾಗಿ ಬೇಕಾದ ಸಾಮಗ್ರಿಗಳು ಒಂದು ಲೀಟರ್‌ ಹಾಲು, ಕಾಲು ಕಪ್‌ ಮೊಸರು, 4 ಚಮಚ ನಿಂಬೆ ರಸ, ಅರ್ಧ ಕಪ್‌ ಐಸ್‌ ತುಂಡುಗಳು.

ಮೊದಲಿಗೆ ಹಾಲನ್ನು ಕುದಿಸಿ. ಅದಕ್ಕೆ ಮೊಸರು ಸೇರಿಸಿ. ತತ್‌ ಕ್ಷಣ ಒಲೆ ಉರಿ ಆರಿಸಿ. ಕುದಿಯುವ ಹಾಲಿಗೆ ಮೊಸರು ಹಾಕುವುದರಿಂದ ಹೆಚ್ಚು ಸಾಫ್ಟ್ ಆಗಿರುವಂಥ ಪನ್ನೀರು ಮಾಡಬಹುದು. ಹಾಲು ತಣಿದ ಮೇಲೆ ಅದಕ್ಕೆ ಲಿಂಬೆ ರಸ ಸೇರಿಸಿ.
ಅರ್ಧ ಗಂಟೆ ಬಿಟ್ಟು ಬಳಿಕ ಅದರಲ್ಲಿರುವ ನೀರನ್ನು ಬೇರ್ಪಡಿಸಿ ಬಟ್ಟೆಯಲ್ಲಿ ಅರ್ಧ ಗಂಟೆಗಳ ಕಾಲ ಕಟ್ಟಿ ಇಟ್ಟರೆ ಪನ್ನೀರ್‌ ಸಿದ್ಧವಾಗುತ್ತದೆ.

ಪನ್ನೀರ್‌ ಖೀರ್‌ ಮಾಡಲು ಹೆಚ್ಚಿನ ಸಾಮಗ್ರಿಗಳೂ ಬೇಕಾಗಿಲ್ಲ. ತುರಿದುಕೊಂಡ ಪನ್ನೀರ್‌, ಮಂದಗೊಳಿಸಿದ ಹಾಲು, ಸಾಮಾನ್ಯ ಹಾಲು, ಒಣ ದ್ರಾಕ್ಷಿ, ಬಾದಾಮಿ, ಏಲಕ್ಕಿ ಹುಡಿ ಇದ್ದರೆ ಸಾಕು ಸುಲಭವಾಗಿ ಪನ್ನೀರ್‌ ಖೀರ್‌ ಮಾಡಬಹುದು.

ಒಂದು ಪಾತ್ರೆಯಲ್ಲಿ ಅರ್ಧ ಕಪ್‌ ತುರಿದುಕೊಂಡ ಪನ್ನೀರ್‌ ಹಾಕಿ ಬಿಸಿ ಮಾಡಿ. ತತ್‌ ಕ್ಷಣವೇ ಅದಕ್ಕೆ ಅರ್ಧ ಲೀಟರ್‌ ಹಾಲು ಸೇರಿಸಿ. ಗಂಟುಗ ಳಾಗ ದಂತೆ 5- 6 ನಿಮಿಷಗಳ ಕಾಲ ನಿರಂತರವಾಗಿ ಸೌಟಿನಲ್ಲಿ ತಿರುವುತ್ತಾ ಇರಿ. ಮಂದಗೊಳಿಸಿದ ಮುಕ್ಕಾಲ್‌ ಕಪ್‌  ಹಾಲನ್ನು ಇದಕ್ಕೆ ಸೇರಿಸಿ 3- 4 ನಿಮಿಷಗಳ ಕಾಲ ನಿರಂತರವಾಗಿ ಸೌಟ್‌ ಹಾಕಿ ತಿರುವುತ್ತಾ ಇರಿ.

ಈಗ ಒಂದು ಚಮಚ ಏಲಕ್ಕಿ ಹುಡಿಯನ್ನು ಸೇರಿಸಿ ಚೆನ್ನಾಗಿ ಮಿಶ್ರ ಗೊ ಳಿಸಿ. 2- 3 ಒಣ ದ್ರಾಕ್ಷಿ, ಒಂದು ಚಮಚ ಬಾದಾಮಿ ಚೂರನ್ನು ಸೇರಿಸಿ. ಚೆನ್ನಾಗಿ ಮಿಶ್ರ ಗೊ ಳಿಸಿ ಒಂದು ಬೌಲ್‌ ಗೆ ಹಾಕಿದರೆ ಖೀರ್‌ ಸಿದ್ಧ. ಬಳಿಕ ಖೀರ್‌ ಅನ್ನು ಒಣ ದ್ರಾಕ್ಷಿಯಿಂದ ಅಲಂಕರಿಸಿ. ಫ್ರಿಜ್‌ ನಲ್ಲಿಟ್ಟು ತಂಪಾದ ಬಳಿಕ ಸವಿಯಲು ಕೊಟ್ಟರೆ ಹೆಚ್ಚು ರುಚಿಯಾಗಿರುತ್ತದೆ.

ವಿದ್ಯಾ ಕೆ. ಇರ್ವತ್ತೂರು

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಹಬ್ಬ ಬಂತೆದರೆ ಸಾಕು, ಏನು ಮಾಡುವುದು? ಎಂಬುದು ಹೆಂಗಸರಿಗೆ ಯಾವಾಗಲೂ ಇರುವ ಸಮಸ್ಯೆ. ಮಾಡಿದ್ದೇ ಮಾಡಿದರೆ ಮನೆಯಲ್ಲಿ ತಿನ್ನುವವರು ಯಾರು ಇಲ್ಲ. ಎಲ್ಲರೂ ಏನಾದರೂ...

  • ತಮಿಳನಾಡಿನಲ್ಲಿ ವಿಶೇಷವಾಗಿರುವ ಮಾಲಾಡು ಹಬ್ಬಗಳ ಸಮಯದಲ್ಲಿ ಮಾಡುತ್ತಾರೆ. ಕಡಿಮೆ ಸಮಯದಲ್ಲಿ ಸುಲಭವಾಗಿ ಮಾಡಬಹುದಾದ ತಿಂಡಿ ಇದಾಗಿದೆ. ಮಾಡುವ ವಿಧಾನ ಮೊದಲು...

  • ನಾಗರಪಂಚಮಿಗೆ ತುಳುನಾಡಿನಲ್ಲಿ ವಿಶೇಷವಾದ ಪ್ರಾಮುಖ್ಯತೆಯಿದೆ. ನಾಗದೇವರನ್ನು ಆರಾಧಿಸುವ ಈ ಹಬ್ಬದಲ್ಲಿ ಹಬ್ಬದೂಟಕ್ಕೂ ಅಷೇ ಪ್ರಾಮುಖ್ಯತೆಯಿದೆ. ಹಬ್ಬದ ಸಂದರ್ಭದಲ್ಲಿ...

  • ದೇಹಕ್ಕೆ ಬೇಕಾಗಿರುವ ಪೋಷಕಾಂಶವನ್ನು ಒದಗಿಸುವ ನಿಟ್ಟಿನಲ್ಲಿ ತರಕಾರಿಗಳು ನಮಗೆ ಹೆಚ್ಚು ಸಹಕಾರಿ. ದೇಹಕ್ಕೆ ಬೇಕಾದ ವಿಟಾಮಿನ್‌ಗಳನ್ನು ಪೂರೈಸುವ ಕೆಲಸವನ್ನು...

  • ಉಪ್ಪುನೀರಲ್ಲಿ ಹಾಕಿಟ್ಟ ಸೋಳೆಯನ್ನು ಚೆನ್ನಾಗಿ ತೊಳೆದು,ನೀರಿನಲ್ಲಿ 3ಗಂಟೆಗಳ ಕಾಲ ನೆನೆಸಿಡಬೇಕು.ಅದರಲ್ಲಿರುವ ಹೆಚ್ಚಿನ ಉಪಿನಾಂಶ ಕಡಿಮೆಯಾಗುತ್ತದೆ. ಅನಂತರ...

ಹೊಸ ಸೇರ್ಪಡೆ

  • ಬೆಂಗಳೂರು: ರಾಜ್ಯದಲ್ಲಿ ಸಂಭವಿಸಿದ ಪ್ರವಾಹಕ್ಕೆ ಪರಿಹಾರ ನೀಡುವಂತೆ ಕೇಂದ್ರ ಸರ್ಕಾರವನ್ನು ಆಗ್ರಹಿಸಲು ಶೀಘ್ರವೇ ಸರ್ವ ಪಕ್ಷಗಳ ನಿಯೋಗ ಕರೆದೊಯ್ಯುವಂತೆ...

  • ಬೆಂಗಳೂರು: ಕೇವಲ ಎಂಟು ವರ್ಷಗಳ ಹಿಂದಿನ ಮಾತು. ನಗರದಲ್ಲಿ ಪ್ರತಿಷ್ಠಾಪನೆ ಆಗುತ್ತಿದ್ದ ಗಣೇಶ ಮೂರ್ತಿಗಳ ಸಂಖ್ಯೆ 12-14 ಲಕ್ಷ. ಇದರಲ್ಲಿ "ಪರಿಸರ ಸ್ನೇಹಿ'ಗಳ ಸಂಖ್ಯೆ...

  • ಬೆಂಗಳೂರು: ಪ್ರತಿಪಕ್ಷ ನಾಯಕನ ಆಯ್ಕೆ ಹಾಗೂ ಕೆಪಿಸಿಸಿ ಅಧ್ಯಕ್ಷರ ಬದಲಾವಣೆ ಕುರಿತಂತೆ ಚರ್ಚಿಸಲು ರಾಜ್ಯಸಭೆಯ ಪ್ರತಿಪಕ್ಷದ ನಾಯಕ ಗುಲಾಂ ನಬಿ ಆಜಾದ್‌ ಅವರು...

  • ಬೆಂಗಳೂರು: "ನಗರದ ಹೃದಯ ಭಾಗದಲ್ಲಿರುವ ಶಾಲೆ, ಕಾಲೇಜುಗಳ ವಾಹನಗಳನ್ನು ರಸ್ತೆ ಬದಿ ನಿಲ್ಲಿಸುತ್ತಾರೆ. ಕೇಳಿದರೆ "ಪೊಲೀಸ್ರೇ ಕೇಳಲ್ಲ ನೀವು ಯಾರು ಕೇಳ್ಳೋಕೆ?' ಎಂದು...

  • ಬೆಂಗಳೂರು: ನಗರದಲ್ಲಿ ವಾಣಿಜ್ಯ ಜಾಹೀರಾತು ಪ್ರದರ್ಶನ ನಿಷೇಧಕ್ಕೆ ಸಂಬಂಧಿಸಿದಂತೆ ಬಿಬಿಎಂಪಿ ರೂಪಿಸಿದ್ದ "ಹೊರಾಂಗಣ ಸೈನೇಜ್‌ ಮತ್ತು ಸಾರ್ವಜನಿಕ ಸಂದೇಶ ನೀತಿ...