ಮಾರುಕಟ್ಟೆಗೆ ಬಂದಿದೆ ರಿಯಲ್ ಮಿ 5, ರಿಯಲ್ ಮಿ 5 ಪ್ರೊ; ಇದರ ವಿಶೇಷತೆ ಏನು ಗೊತ್ತಾ ?

Team Udayavani, Aug 21, 2019, 12:14 PM IST

ಸೆಲ್ಫಿ ಕ್ಯಾಮಾರಗಳೇ ಹೆಚ್ಚಿನ ಪ್ರಾಮುಖ್ಯತೆ ಪಡೆಯುತ್ತಿರುವ ಈ ಕಾಲಘಟ್ಟದಲ್ಲಿ ಚೀನಾ ಮೂಲದ ರಿಯಲ್‌ಮಿ ಸ್ಮಾರ್ಟ್ ಫೋನ್ ಕಂಪೆನಿಯು ತನ್ನ ಬಹುನಿರೀಕ್ಷಿತ ರಿಯಲ್‌ಮಿ 5 ಮತ್ತು ರಿಯಲ್‌ಮಿ 5 ಪ್ರೊ ಬಿಡುಗಡೆ ಮಾಡಿದ್ದುಸ್ಮಾರ್ಟ್ ಫೋನ್ ಮಾರುಕಟ್ಟೆ ವಲಯದಲ್ಲಿ ಸಂಚಲನ ಮೂಡಿಸಿದೆ.

ರಿಯಲ್‌ಮಿ 5 ಸರಣಿಯ ಎರಡು ಫೋನ್‌ಗಳನ್ನು ಬಿಡುಗಡೆ ಮಾಡಿದ್ದು 48 ಮೆಗಾಫಿಕ್ಸೆಲ್ ಸಾಮರ್ಥ್ಯದ ನಾಲ್ಕು ಸೆನ್ಸರ್‌ಗಳಿರುವ ಕ್ಯಾಮೆರಾ ಈ ಫೋನ್‌ನ ವಿಶೇಷತೆಗಳಲ್ಲಿ ಒಂದಾಗಿದೆ. ಈ ಎರಡು ಸ್ಮಾರ್ಟ್ ಫೋನ್ ಗಳು ಮೂರು ವೇರಿಯಂಟ್‌ಗಳನ್ನು ಹೊಂದಿದ್ದು, ಇದೇ ಅಗಸ್ಟ್ 27 ರಂದು ರಿಯಲ್ ಮಿ 5 ಸ್ಮಾರ್ಟ್ ಫೋನ್ ನ ಮೊದಲ ಮಾರಾಟ ಅರಂಭವಾಗಲಿದೆ. ಹಾಗೆಯೇ ಸೆಪ್ಟೆಂಬರ್ 4 ರಂದು ರಿಯಲ್‌ಮಿ 5 ಪ್ರೊ ಸ್ಮಾರ್ಟ್ ಫೋನ್ ನ ಮೊದಲ ಮಾರಾಟ ನಡೆಯಲಿದೆ.

ರಿಯಲ್‌ಮಿ 5  ಪ್ರೊ, ಸೋನಿ ಐಎಮ್‌ಎಕ್ಸ್ 585  48ಎಂಪಿ ಸೆನ್ಸರ್ ಇರುವ ಮಧ್ಯಮ ಶ್ರೇಣಿ ಫೋನ್ ಆಗಿದೆ. ಇದು ಹಿಂದಿನ ರಿಯಲ್‌ಮಿ 3  ಪ್ರೊವನ್ನೆ ಬಹುತೇಕ ಹೋಲುತ್ತಿದ್ದು. ಕೆಲವೊಂದು ಸೂಕ್ಷ್ಮ ಬದಲಾವಣೆಗಳು ಮಾತ್ರ ಇವೆ.

ರಿಯಲ್‌ಮಿ 5 ಪ್ರೊ ವಿಶೇಷತೆಗಳು:
ರಿಯಲ್‌ಮಿ 5 ಪ್ರೊ ಸ್ಮಾರ್ಟ್ ಫೋನ್ 2340 x 1080 ಫಿಕ್ಸೆಲ್ ರೆಶಲ್ಯೂಷನ್ ಸಾಮರ್ಥ್ಯದೊಂದಿಗೆ 6.3 ಇಂಚಿನ ಪೂರ್ಣ ಪ್ರಮಾಣದ ಹೆಚ್‌ಡಿ ಪ್ಲಸ್ ಡಿಸ್‌ಪ್ಲೇ ಯನ್ನು ಹೊಂದಿದೆ. ರಕ್ಷಣೆಗಾಗಿ ಗೊರಿಲ್ಲಾ ಗ್ಲಾಸ್ 3 ನೀಡಲಾಗಿದ್ದು ಹೆಚ್ಚು ಪ್ರಖರವಾಗಿರುವ ಈ ಡಿಸ್‌ಪ್ಲೆಯು 450 ನಿಟ್ಸ್ ಬ್ರೈಟ್ ನೆಸ್ ಸಾಮರ್ಥ್ಯ ಪಡೆದಿದೆ. ಓಕ್ಟಾಕೋರ್ ಕ್ವಾಲ್‌ಕಾಂ ಸ್ನ್ಯಾಪ್ ಡ್ರ್ಯಾಗನ್ 710 ಪ್ರೊಸೆಸರ್ ಪವರ್ ಪಡೆದಿದ್ದು ಅದರ ವೇಗ 2.3  GHz .
RAM/ROM : 4GB /64GB
ಹಿಂಬದಿ ಕ್ಯಾಮೆರಾ: 4 ಸೆನ್ಸರ್, 48 ಮೆಗಾಫಿಕ್ಸೆಲ್. ಸೋನಿ ಪ್ರಧಾನ ಸೆನ್ಸರ್, 119 ಡಿಗ್ರಿ ವೈಡ್ ಆ್ಯಂಗಲ್ ಲೆನ್ಸ್, ಸೂಪರ್ ಮ್ಯಾಕ್ರೋ ಲೆನ್ಸ್ ಮತ್ತು ಡೆಪ್ತ್ ಸೆನ್ಸರ್ ಸಹಿತ.
ಸೆಲ್ಫಿ ಕ್ಯಾಮೆರಾ: 16 ಮೆಗಾಫಿಕ್ಸೆಲ್
• 6.3 ಇಂಚು FHD ಸ್ಕ್ರೀನ್, ಡ್ಯೂಡ್ರಾಪ್ ಡಿಸ್ ಪ್ಲೇ
• Vooc ಫ್ಲಾಶ್ ಚಾರ್ಜ್, 3.0 ವೇಗದ ಚಾರ್ಜಿಂಗ್ ವ್ಯವಸ್ಥೆ
• ಹಿಂಭಾಗದಲ್ಲಿ ಫಿಂಗರ್ ಪ್ರಿಂಟ್ ಸೆನ್ಸರ್
ಎರಡು ಬಣ್ಣಗಳಲ್ಲಿ ಲಭ್ಯ – ಕ್ರಿಸ್ಟಲ್ ಗ್ರೀನ್ ಮತ್ತು ಸ್ಪಾರ್ಕಿಂಗ್ ಬ್ಲೂ

ಮೂರು ಮಾದರಿಗಳ ಬೆಲೆ
4 GB /64 GB ಅವೃತ್ತಿಗೆ 13,999 ರೂ.
6GB/64GB ಅವೃತ್ತಿಗೆ 14,999 ರೂ.
8GB/ 128GB ಅವೃತ್ತಿಗೆ 16,999 ರೂ.

ಫ್ಲಿಪ್ ಕಾರ್ಟ್ ನಲ್ಲಿ ಸೆಪ್ಟೆಂಬರ್ 4 ರಂದು ಮಧ್ಯಾಹ್ನ 12 ಗಂಟೆಗೆ ಮೊದಲ ಮಾರಾಟ. ಪೇಟಿಎಂ ಮೂಲಕ ಪಾವತಿಸಿದರೆ 2000 ರೂ ಕ್ಯಾಶ್‌ಬ್ಯಾಕ್, ಜಿಯೋದಿಂದ 7 ಸಾವಿರವರೆಗೂ ಪ್ರಯೋಜನಗಳು.

 

ರಿಯಲ್‌ಮಿ 5 ವಿಶೇಷತೆಗಳು: ರಿಯಲ್‌ಮಿ  5ಯ ಬ್ಯಾಟರಿ 5000mAh ಸಾಮರ್ಥ್ಯ ಹೊಂದಿದ್ದು, 48ಎಂಪಿ ಸೆನ್ಸರ್ ಒಳಗೊಂಡ ಕ್ಯಾಮೆರಾವನ್ನು ಕೂಡ ಹೊಂದಿದೆ. 720 x 1600 ಪಿಕ್ಸೆಲ್ ರೆಶಲ್ಯೂಷನ್ ಸಾಮರ್ಥ್ಯದೊಂದಿಗೆ 6.5 ಇಂಚಿನ ವಿಶಾಲ ಹೆಚ್‌ಡಿ ಪ್ಲಸ್ ಡಿಸ್‌ಪ್ಲೇಯನ್ನು ಒಳಗೊಂಡಿದೆ. ಅದರ ರಕ್ಷಣೆಗಾಗಿ ಗೊರಿಲ್ಲಾ ಗ್ಲಾಸ್ 3 ನೀಡಲಾಗಿದ್ದು, ಅಂಚು ರಹಿತ ಮತ್ತು ಮಿನಿ ಡ್ರಾಪ್ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇಯು ಅತ್ಯುತ್ತಮ ವೀಕ್ಷಣೆಯ ಅನುಭವವನ್ನು ನೀಡುತ್ತದೆ.
ರಿಯಲ್‌ಮಿ 5 ಪ್ರೊಸೆಸರ್ ವೇಗ 2.0Ghz ಅಗಿದ್ದು, ಪ್ರೊಸೆಸರ್ ವೇಗಕ್ಕೆ ಆಂಡ್ರಾಯ್ಡ್ 9 ಪೈ ಓಎಸ್ ಬೆಂಬಲವಿದೆ. ಜೊತೆಗೆ ಈ ಸ್ಮಾರ್ಟ್ ಫೋನ್ 3+32 ಸ್ಟೋರೇಜ್ , 4+64 ಸ್ಟೋರೇಜ್ ಮತ್ತು 4+128 ಆಂತರಿಕ ಸ್ಟೋರೇಜ್ ವೇರಿಯಂಟ್ ಆಯ್ಕೆಗಳನ್ನು ಹೊಂದಿದೆ.

ಈ ಫೋನ್‌ನ ಹಿಂಬದಿಯಲ್ಲಿ ತ್ರಿಬಲ್ ಕ್ಯಾಮೆರಾ ನೀಡಲಾಗಿದ್ದು, ಪ್ರಾಥಮಿಕ ಕ್ಯಾಮೆರಾ 12 ಎಂಪಿ ಸೆನ್ಸರ್ ಹೊಂದಿದೆ. ಇನ್ನು ಸೆಲ್ಫಿ ಕ್ಯಾಮೆರಾ 13 ಎಂಪಿ ಸೆನ್ಸರ್‌ನಲ್ಲಿದ್ದು ಬ್ಯೂಟಿ ಮೋಡ್‌ನ್ನು ಒಳಗೊಂಡಿದೆ. 5000mAh ಈ ಫೋನ್‌ಗೆ ದೀರ್ಘಕಾಲದ ಬ್ಯಾಟರಿ ಬ್ಯಾಕಪ್ ಒದಗಿಸಲಿದ್ದು. ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವೂ ಇದೆ. ನಿರಂತರ 30 ಗಂಟೆಗಳ ಮ್ಯೂಸಿಕ್ ಪ್ಲೇ ಬ್ಯಾಕ್ ಸಾಮಾರ್ಥ್ಯ ಹೊಂದಿದೆ.

ಬೆಲೆ:
3GB/32GB ಅವೃತ್ತಿಗೆ 9,999 ರೂ.
4GB/64GB ಅವೃತ್ತಿಗೆ 10,999 ರೂ.
4GB/128GB ಅವೃತ್ತಿಗೆ 11, 999 ರೂ.

ರಿಯಲ್‌ಮಿ 5 ಫೋನ್ ಆಗಸ್ಟ್ 27ರಿಂದಲೇ ಫ್ಲಿಪ್‌ಕಾರ್ಟ್ ಮೂಲಕ ದೊರೆಯುತ್ತದೆ.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ