ಕಣ ಕುತೂಹಲ ಕ್ಷಣ ರೋಚಕ 2019ರ ಲೋಕಸಭೆ ಚುನಾವಣೆ

Team Udayavani, May 17, 2019, 10:33 AM IST

2019ರ ಲೋಕಸಭೆ ಚುನಾವಣೆ ಕ್ಷಣಕ್ಷಣದಲ್ಲೂ, ಕಣಕಣದಲ್ಲೂ ರೋಮಾಂಚಕಾರಿ ತಿರುವು ಪಡೆಯುತ್ತಾ ಇಡೀ ದೇಶವನ್ನು ಫ‌ಲಿತಾಂಶಕ್ಕಾಗಿ ತುದಿಗಾಲಲ್ಲಿ ನಿಲ್ಲಿಸಿದೆ. ಜಗತ್ತಿನ ಅತಿದೊಡ್ಡ ಪ್ರಜಾಸತ್ತಾತ್ಮಕ ಪ್ರಕ್ರಿಯೆಯ ಫ‌ಲಿತಾಂಶ ಬರಲು ಇನ್ನಿರುವುದು ಆರೇ ದಿನ. ಈ ಹಂತದಲ್ಲಿ ಫ‌ಲಿತಾಂಶದ ಒಂದು ಮಾರ್ಗ ಸೂಚಿ ನೀಡುವ ಪ್ರಯತ್ನ ಇಲ್ಲಿದೆ. ಮೊದಲಿಗೆ ಫ‌ಲಿತಾಂಶ ದಿನ ನೀವು ಈ 50 ಕ್ಷೇತ್ರಗಳನ್ನು ಗಮನಿಸಲು ಮರೆಯಬೇಡಿ.

Top 50 ಗಮನಿಸಬೇಕಾದ ಕ್ಷೇತ್ರಗಳು

ವಾರಾಣಸಿ (ಉತ್ತರ ಪ್ರದೇಶ)
ನರೇಂದ್ರ ಮೋದಿ (ಬಿಜೆಪಿ) Vs ಅಜಯ್‌ ರಾಯ್‌ (ಕಾಂಗ್ರೆಸ್‌)

* 1991ರಿಂದಲೂ ಈ ಕ್ಷೇತ್ರದಲ್ಲಿ ಬಿಜೆಪಿಯೇ ಗೆಲ್ಲುತ್ತಾ ಬರುತ್ತಿದೆ. 2004ರಲ್ಲಿ ಕಾಂಗ್ರೆಸ್‌ ಗೆದ್ದಿತ್ತು.
* ಪ್ರಧಾನಿ ಮೋದಿ ಸ್ಪರ್ಧೆಯಿಂದ ಇದು ದೇಶದ ಪ್ರಮುಖ ಕ್ಷೇತ್ರವಾಗಿದೆ. 5 ವಿಧಾನಸಭಾ ಕ್ಷೇತ್ರಗಳ ಪೈಕಿ ನಾಲ್ಕರಲ್ಲಿ ಬಿಜೆಪಿ, 1ರಲ್ಲಿ ಅಪ್ನಾದಳ ಶಾಸಕರಿದ್ದಾರೆ.
* ಕಾಂಗ್ರೆಸ್‌, ಎಸ್‌ಪಿ ಅಭ್ಯರ್ಥಿ ಇದ್ದರೂ ಪ್ರಧಾನಿ ವರ್ಚಸ್ಸಿನಿಂದ ಅವರ ಪ್ರಭಾವಳಿ ಕುಗ್ಗಿದೆ.

ನಾಗ್ಪುರ (ಮಹಾರಾಷ್ಟ್ರ)
ನಿತಿನ್‌ ಗಡ್ಕರಿ (ಬಿಜೆಪಿ) Vs ನಾನಾಭಾವು ಪಟೋಲೆ (ಕಾಂಗ್ರೆಸ್‌)
* ಕಾಂಗ್ರೆಸ್‌ನ ವಿಲಾಸ್‌ ಮುಟ್ಟೆಮ್‌ವಾರ್‌ 4 ಬಾರಿ ಗೆದ್ದಿದ್ದ ಕ್ಷೇತ್ರದಲ್ಲಿ ನಿತಿನ್‌ ಗಡ್ಕರಿ 2.84 ಲಕ್ಷ ಮತಗಳ ಅಂತರದಿಂದ ಜಯ.
* 28 ವರ್ಷ ಬಳಿಕ ಕುನಿº ಸಮುದಾಯದ ವ್ಯಕ್ತಿಗೆ ಟಿಕೆಟ್‌ ನೀಡುವ ಮೂಲಕ ಗಡ್ಕರಿ ಗೆಲುವು ತಡೆವ ಯತ್ನ ಕಾಂಗ್ರೆಸ್‌ನದ್ದು
* ಕ್ಷೇತ್ರದಲ್ಲಿ ಕೈಗೊಂಡ ಮೆಟ್ರೋ, ರಸ್ತೆ ಸೇರಿ ಮೂಲ ಸೌಕರ್ಯ ಕಾಮಗಾರಿ, ಮೋದಿ ಪ್ರಭಾವಳಿ ಗಡ್ಕರಿಗೆ ಆಸರೆ.

ಬೆಗುಸರೈ (ಬಿಹಾರ)
ಗಿರಿರಾಜ್‌ ಸಿಂಗ್‌ (ಬಿಜೆಪಿ) Vs ಕನ್ಹಯ್ಯ ಕುಮಾರ್‌ (ಸಿಪಿಐ)
* ನವಾಡಾ ಕ್ಷೇತ್ರದ ಸಂಸದರಾಗಿರುವ ಗಿರಿರಾಜ್‌ ಸಿಂಗ್‌ ಮೈತ್ರಿ ರಾಜಕಾರಣಕ್ಕೆ ಕಟ್ಟುಬಿದ್ದು ಇಲ್ಲಿಂದ ಸ್ಪರ್ಧಿಸುತ್ತಿದ್ದಾರೆ.
ಕ್ಷೇತ್ರದಲ್ಲಿ ಎಡ-ಬಲ ಪಂಥವಾದಗಳ ಪ್ರಬಲ ಸ್ಪರ್ಧೆಯೆಂಬ ವಿಶ್ಲೇಷಣೆ ಈಗಾಗಲೇ ನಡೆದಿದೆ.
ಇಲ್ಲಿಂದ ಆರ್‌ಜೆಡಿ ಕೂಡ ಸ್ಪರ್ಧೆ ಮಾಡಿರುವುದರಿಂದ ಫ‌ಲಿತಾಂಶ ಏನಾಗಲಿದೆ ಎನ್ನುವುದೇ ಕುತೂಹಲಕ್ಕೆ ಕಾರಣವಾಗಿದೆ.

ಫಿಲಿಭೀತ್‌ (ಉತ್ತರ ಪ್ರದೇಶ)
ವರುಣ್‌ ಗಾಂಧಿ (ಬಿಜೆಪಿ) Vs ಹೇಮರಾಜ್‌ ವರ್ಮಾ (ಎಸ್‌ಪಿ)

* ಹಲವು ದಶಕಗಳಿಂದ ಮೂಲ ಸೌಕರ್ಯಗಳ ಕೆಲಸಗಳೇ ಆಗಿಲ್ಲವೆಂಬ ಮಾತುಗಳು ಜೋರಾಗಿವೆ.
* ಕಾಂಗ್ರೆಸ್‌ಗೆ ಅಮೇಠಿ-ರಾಯ್‌ಬರೇಲಿ ಹೇಗೋ, ಅದೇ ರೀತಿ ಮನೇಕಾ-ವರುಣ್‌ಗೂ ಇದೊಂದು ಸುರಕ್ಷಿತ ಕ್ಷೇತ್ರವೆಂಬ ಮಾತು ಚಾಲ್ತಿಯಲ್ಲಿದೆ.
* ಎಸ್‌ಪಿ-ಬಿಎಸ್‌ಪಿ ಮೈತ್ರಿ ಕೊಂಚ ಸವಾಲು ತಂದೊಡ್ಡ ಬಹುದು ಎಂಬ ನಿರೀಕ್ಷೆ ಇದೆ.

ಗೋರಖ್‌ಪುರ (ಉತ್ತರ ಪ್ರದೇಶ)
ರವಿ ಕಿಶನ್‌ (ಬಿಜೆಪಿ) Vs ರಾಂ ಭುವಾಲ್‌ (ಎಸ್‌ಪಿ)
* ಬಿಜೆಪಿ ಅಭ್ಯರ್ಥಿಗಿಂತ ಯೋಗಿ ಆದಿತ್ಯನಾಥ್‌ ಪ್ರಭಾವಳಿಯೇ ಈ ಬಾರಿ ಹೆಚ್ಚಾಗಿದೆ.
* ಉಪ ಚುನಾವಣೆಯಲ್ಲಿ ಎಸ್‌ಪಿ ಗೆದ್ದಿದ್ದರಿಂದ ಈ ಬಾರಿ ಕ್ಷೇತ್ರದಲ್ಲಿ ಮತ್ತೆ ಗೆಲ್ಲುವ ಅನಿವಾರ್ಯತೆ ಬಿಜೆಪಿಗೆ.
* ಉತ್ತರಪ್ರದೇಶದಲ್ಲಿ ಎಸ್‌ಪಿ-ಬಿಎಸ್‌ಪಿ ಮೈತ್ರಿಕೂಟವೇ ಪ್ರಸಕ್ತ ಸಾಲಿನ ಹೊಸ ಸವಾಲು ಬಿಜೆಪಿಗೆ.

ರಾಯ್‌ಬರೇಲಿ (ಉತ್ತರ ಪ್ರದೇಶ)
ಸೋನಿಯಾ ಗಾಂಧಿ (ಕಾಂಗ್ರೆಸ್‌) Vs ದಿನೇಶ್‌ ಪ್ರತಾಪ್‌ ಸಿಂಗ್‌ (ಬಿಜೆಪಿ)
* 3 ಅವಧಿಗೆ ಹೊರತುಪಡಿಸಿದರೆ 1957ರಿಂದ 2014ರ ಚುನಾವಣೆ ವರೆಗೆ ಕಾಂಗ್ರೆಸ್‌ ಗೆದ್ದಿದೆ.
* 1999ರಿಂದ ಸೋನಿಯಾ ಗಾಂಧಿಯವರು ನಾಲ್ಕು ಬಾರಿ ಆಯ್ಕೆಯಾಗಿದ್ದಾರೆ. 2014ರ ಚುನಾವಣೆಯಲ್ಲಿ ಮೋದಿ ಅಲೆ ಇದ್ದಾಗಲೂ ಕಾಂಗ್ರೆಸ್‌ ಕ್ಷೇತ್ರ ಉಳಿಸಿಕೊಂಡಿತ್ತು.
* ಬಿಜೆಪಿ ವತಿಯಿಂದ ಸ್ಪರ್ಧೆ ಮಾಡಿರುವ ಅಭ್ಯರ್ಥಿ ಸೋನಿಯಾಗೆ ಹೋಲಿಕೆ ಮಾಡಿದರೆ ವರ್ಚಸ್ವಿ ನಾಯಕ ಅಲ್ಲ.

ಲಕ್ನೋ (ಉತ್ತರ ಪ್ರದೇಶ)
ರಾಜನಾಥ್‌ ಸಿಂಗ್‌ (ಬಿಜೆಪಿ) Vs ಪೂನಂ ಸಿನ್ಹಾ (ಎಸ್‌ಪಿ)

* ಹಾಲಿ ಅವಧಿ ಸೇರಿದಂತೆ ಆರು ಬಾರಿ ಬಿಜೆಪಿ ಈ ಕ್ಷೇತ್ರದಿಂದ ಗೆದ್ದಿದೆ. ದಿ.ಅಟಲ್‌ ಬಿಹಾರಿ ವಾಜಪೇಯಿ 5 ಬಾರಿ ಆಯ್ಕೆಯಾಗಿದ್ದರು.
* ಎಸ್‌ಪಿಯಿಂದ ಶತ್ರುಘ್ನ ಸಿನ್ಹಾ ಪತ್ನಿ ಪೂನಂ ಸಿನ್ಹಾ, ಕಾಂಗ್ರೆಸ್‌ನಿಂದ ಪ್ರಮೋದ್‌ ಕೃಷ್ಣಂ ಸ್ಪರ್ಧಿಸಿದ್ದಾರೆ.
* ಇಬ್ಬರು ಹುರಿಯಾಳುಗಳಿಗೆ ಹೋಲಿಸಿದರೆ ಕೇಂದ್ರ ಗೃಹ ಸಚಿವರ ಛಾಪು ಕ್ಷೇತ್ರದಲ್ಲಿ ಹೆಚ್ಚಾಗಿಯೇ ಇದೆ.

ಪುರಿ (ಒಡಿಶಾ)
ಸಂಭಿತ್‌ ಪಾತ್ರ (ಬಿಜೆಪಿ) Vsಪಿನಾಕಿ ಮಿಶ್ರಾ (ಬಿಜೆಡಿ)
* 1998ರಿಂದ ಸತತವಾಗಿ ಈ ಕ್ಷೇತ್ರದಲ್ಲಿ ಬಿಜೆಡಿ ಗೆಲ್ಲುತ್ತಾ ಬರುತ್ತಿದೆ. ಈ ಬಾರಿ ಅಲ್ಲಿ ಆಡಳಿತ ವಿರೋಧಿ ಅಲೆ ಇದೆ ಎಂಬ ವಿಶ್ಲೇಷಣೆ ಇದೆ.
* ಈ ಚುನಾವಣೆಯಲ್ಲಿ ಕಾಂಗ್ರೆಸ್‌, ಬಿಜೆಪಿ, ಬಿಜೆಡಿಯ ಮೂವರು ವಕ್ತಾರರ ನಡುವೆ ಪ್ರಬಲ ಪೈಪೋಟಿ ಇದೆ.
* 2014ರ ಚುನಾವಣೆಯಲ್ಲಿ 1 ಸ್ಥಾನ ಗೆದ್ದಿರುವ ಬಿಜೆಪಿಗೆ ಈ ಚುನಾವಣೆ ಪ್ರಮುಖವಾದದ್ದು.

ಮಾಧೇಪುರ (ಬಿಹಾರ)
ಪಪ್ಪು ಯಾದವ್‌ (ಸ್ವತಂತ್ರ) Vs ಶರದ್‌ ಯಾದವ್‌ (ಆರ್‌ಜೆಡಿ)
* ಹಿಂದಿನ ಬಾರಿ ಆರ್‌ಜೆಡಿ ಹುರಿಯಾಳಾಗಿದ್ದ ಪಪ್ಪು ಯಾದವ್‌ ಸ್ವತಂತ್ರರಾಗಿ ಸ್ಪರ್ಧಿಸುತ್ತಿದ್ದಾರೆ.
* ಕ್ಷೇತ್ರದಲ್ಲಿ ಯಾದವ ಸಮುದಾಯದವರೇ ನಿರ್ಣಾಯಕರು
* ಕೇಂದ್ರದ ಮಾಜಿ ಸಚಿವ ಶರದ್‌ಯಾದವ್‌ ಕೂಡ 4 ಬಾರಿ ಈ ಕ್ಷೇತ್ರದಿಂದ ಗೆದ್ದಿದ್ದರು. ಆರ್‌ಜೆಡಿ ವರಿಷ್ಠ ಲಾಲೂ ಯಾದವ್‌ ಜಯ ಸಾಧಿಸಿದ್ದ ಪ್ರಮುಖ ಕಣವಿದು.

ಮೈನ್‌ಪುರಿ (ಉತ್ತರ ಪ್ರದೇಶ)
ಮುಲಾಯಂ ಸಿಂಗ್‌ ಯಾದವ್‌ (ಎಸ್‌ಪಿ) Vs ಪ್ರೇಮ್‌ ಸಿಂಗ್‌ ಶಕ್ಯಾ (ಬಿಜೆಪಿ)
* 2004, 2014ರಲ್ಲಿ ಗೆದ್ದಿದ್ದ ಕ್ಷೇತ್ರವನ್ನು
ಎಸ್‌ಪಿ ಸಂಸ್ಥಾಪಕ ಮುಲಾಯಂ ಸಿಂಗ್‌ ಯಾದವ್‌ ತ್ಯಜಿಸಿ, ಪಕ್ಷದ ಹುರಿಯಾಳುಗಳನ್ನು ಗೆಲ್ಲಿಸಿದ್ದರು.
* ಎಸ್‌ಪಿ-ಬಿಎಸ್‌ಪಿ ಮೈತ್ರಿ ಹಿನ್ನೆಲೆಯಲ್ಲಿ ಮತ್ತೂಮ್ಮೆ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ ಉ.ಪ್ರ.ಮಾಜಿ ಸಿಎಂ.
* ಬಿಜೆಪಿ ಅಭ್ಯರ್ಥಿ ಕಣದಲ್ಲಿದ್ದಾರೆ. ಕಾಂಗ್ರೆಸ್‌ ಅಭ್ಯರ್ಥಿ ಹಾಕುವ ಗೋಜಿಗೇ ಹೋಗಿಲ್ಲ.

ಗಾಂಧಿನಗರ (ಗುಜರಾತ್‌)
ಅಮಿತ್‌ ಶಾ (ಬಿಜೆಪಿ) Vs ಸಿ.ಜೆ.ಚಾವಾ (ಕಾಂಗ್ರೆಸ್‌)

* ಎಲ್‌.ಕೆ.ಅಡ್ವಾಣಿ ಸತತವಾಗಿ 5 ಬಾರಿ ಪ್ರತಿನಿಧಿಸಿರುವ ಕ್ಷೇತ್ರದಲ್ಲಿ ಈ ಬಾರಿ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಸ್ಪರ್ಧಿಸುತ್ತಿದ್ದಾರೆ.
* ಗುಜರಾತ್‌ನಲ್ಲಿ ಬಿಜೆಪಿ ಸರ್ಕಾರ ಆಡಳಿತದಲ್ಲಿ ಇರುವುದರಿಂದ ಸುಲಭ ಜಯ ನಿರೀಕ್ಷೆ
* ಬಿಜೆಪಿಯ ಹಿರಿಯ ನಾಯಕ ಎಲ್‌.ಕೆ.ಅಡ್ವಾಣಿ ಪ್ರಭಾವ , ಪ್ರಧಾನಿ ಮೋದಿ ವರ್ಚಸ್ಸು, ಅಭಿವೃದ್ಧಿ ಕಾಮಗಾರಿಗಳು ಬಿಜೆಪಿಗೆ ನೆರವಾಗಲಿದೆ.

ಆಜಂಗಢ (ಉತ್ತರ ಪ್ರದೇಶ)
ಅಖೀಲೇಶ್‌ ಯಾದವ್‌ (ಎಸ್‌ಪಿ) Vs ದಿನೇಶ್‌ ನಿರಾಹುವಾ (ಬಿಜೆಪಿ)
* ಎಸ್‌ಪಿಯ ಭದ್ರ ಕೋಟೆ ಇದು. 2009ರ ಚುನಾವಣೆಯಲ್ಲಿ ಮಾತ್ರ ಇಲ್ಲಿ ಬಿಜೆಪಿ ಗೆದ್ದಿತ್ತು.
* 2014ರಲ್ಲಿ ಮುಲಾಯಂ ಸ್ಪರ್ಧಿಸಿದ್ದರೆ, ಈಗ ಅವರ ಪುತ್ರ ಸ್ಪರ್ಧಿಸುತ್ತಿದ್ದಾರೆ. ಎಸ್‌ಪಿ- ಬಿಎಸ್‌ಪಿ ಮೈತ್ರಿ ಈ ಬಾರಿಯ ವಿಶೇಷತೆ
* ಭೋಜ್‌ಪುರಿ ಭಾಷೆಯನಟ ದಿನೇಶ್‌ ನಿರಾಹುವ ಬಿಜೆಪಿ ಅಭ್ಯರ್ಥಿ ಯಾಗಿರುವುದು ಅಖೀಲೇಶ್‌ ಯಾದವ್‌ಗೆ ಬಹಳ ಅನುಕೂಲ. ಇದು ನಿರಾಹುವಾಗೆ ಮೊದಲ ಚುನಾವಣೆ.

ಶ್ರೀನಗರ (ಜಮ್ಮು-ಕಾಶ್ಮೀರ)
ಡಾ.ಫಾರೂಕ್‌ ಅಬ್ದುಲ್ಲಾ (ನ್ಯಾಷನಲ್‌ ಕಾನ್ಫರೆನ್ಸ್‌) Vs ಅಗಾ ಸಯ್ಯದ್‌ ಮೊಹ್ಸಿನ್‌ (ಪಿಡಿಪಿ)
* 2014ರ ಚುನಾವಣೆ ಸೋತಿದ್ದ ಫಾರೂಕ್‌ ಅಬ್ದುಲ್ಲಾ ನಂತರ ನಡೆದಿದ್ದ ಉಪ ಚುನಾವಣೆಯಲ್ಲಿ ಗೆದ್ದಿದ್ದರು.
* ಉಗ್ರಗಾಮಿಗಳ ಉಪಟಳ, ಭದ್ರತಾ ಪಡೆಗಳು ಮತ್ತು ನಾಗರಿಕ ನಡುವಿನ ಸಂಘರ್ಷದಿಂದ ಮತ ಪ್ರಮಾಣ ತಗ್ಗಿದೆ.
* ಕಾಂಗ್ರೆಸ್‌ ಜತೆಗೆ ಫ್ರೆಂಡ್ಲಿ ಫೈಟ್‌ ಎಂದು ಘೋಷಣೆ ಮಾಡಿರುವುದರಿಂದ ಹಿರಿಯ ನಾಯಕನಿಗೆ ಅನುಕೂಲವೆಂಬ ವಿಶ್ಲೇಷಣೆ.

ಉಳಿದ 32 ಕ್ಷೇತ್ರಗಳು ಮುಂದಿನ ಸಂಚಿಕೆಯಲ್ಲಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ದೇಶಾದ್ಯಂತ ಒಂದೊಂದು ಲೋಕಸಭಾ ಕ್ಷೇತ್ರವೂ ಒಂದೊಂದು ರೀತಿಯಲ್ಲಿ ವಿಶೇಷತೆ ಪಡೆದುಕೊಂಡಿದೆ. ದಿಗ್ಗಜ ನಾಯಕರಿಂದ ಹಿಡಿದು, ಇದೇ ಮೊದಲ ಬಾರಿಗೆ ಅಖಾಡಕ್ಕೆ ಇಳಿದಿರುವವರೂ...

  • ಮಥುರಾ (ಉತ್ತರ ಪ್ರದೇಶ) ಹೇಮಮಾಲಿನಿ (ಬಿಜೆಪಿ) Vs ಕುನ್ವರ್‌ ನರೇಂದ್ರ ಸಿಂಗ್‌ (ಆರ್‌ಎಲ್‌ಡಿ) * ಜಾಟ್‌ ಸಮುದಾಯದ ಪ್ರಾಬಲ್ಯದ ಕ್ಷೇತ್ರದಲ್ಲಿ ಕಳೆದ ಬಾರಿ ಕನಸಿನ...

  • ಲೋಕಸಭಾ ಚುನಾವಣೆಯ ಫ‌ಲಿತಾಂಶದ ದಿನ ಹತ್ತಿರವಾಗುತ್ತಿದ್ದು, ಈ ಬಾರಿ ಆಡಳಿತ ಪಕ್ಷ ಮತ್ತು ಪ್ರತಿಪಕ್ಷಗಳ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿದೆ. ಇದಷ್ಟೇ ಅಲ್ಲದೆ,...

  • ಕಾಂಗ್ರೆಸ್‌ ಹಾಗೂ ಬಿಜೆಪಿಯೇತರ ಪಕ್ಷಗಳನ್ನು ಒಗ್ಗೂಡಿಸಲು ತೆಲಂಗಾಣ ಸಿಎಂ ಕೆ. ಚಂದ್ರಶೇಖರ್‌ ರಾವ್‌ ಪ್ರಯತ್ನಿಸುತ್ತಿದ್ದು, ಡಿಎಂಕೆ ಮುಖ್ಯಸ್ಥ ಎಂ.ಕೆ.ಸ್ಟಾಲಿನ್‌ರನ್ನು...

  • ಜನಸಂಖ್ಯೆಯ ದೃಷ್ಟಿಯಿಂದ ನವದೆಹಲಿಯ ಚಾಂದ್‌ನೀ ಚೌಕ್‌ ದೆಹಲಿಯ ಅತಿ ಚಿಕ್ಕ ಲೋಕಸಭಾ ಕ್ಷೇತ್ರವಾದರೂ ಇಲ್ಲಿನ ಗೆಲುವು ಬಿಜೆಪಿ, ಕಾಂಗ್ರೆಸ್‌ ಮತ್ತು ಆಪ್‌ಗೆ...

ಹೊಸ ಸೇರ್ಪಡೆ