ನಳಿನ್ಗಿಂತ ಪತ್ನಿಯೇ ಸಿರಿವಂತೆ !
ಕುಟುಂಬದ ಒಟ್ಟು ಆಸ್ತಿ 1.45 ಕೋಟಿ ರೂ.
Team Udayavani, Mar 26, 2019, 6:30 AM IST
ಮಂಗಳೂರು: ದಕ್ಷಿಣ ಕನ್ನಡ ಲೋಕಸಭಾ ಕ್ಷೇತ್ರದ ಅಭ್ಯರ್ಥಿ, ಸಂಸದ ನಳಿನ್ ಕುಮಾರ್ ಕಟೀಲು ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಅಫಿದವಿವತ್ ಪ್ರಕಾರ ಚರಾಸ್ತಿ ಹಾಗೂ ಸ್ಥಿರಾಸ್ತಿ ಸೇರಿದಂತೆ ಒಟ್ಟು 26,68,251 ರೂ. ಆಸ್ತಿ ಹೊಂದಿದ್ದಾರೆ. ಅವರ ಪತ್ನಿ ಶ್ರೀದೇವಿ ಎನ್. ಶೆಟ್ಟಿ ಹೆಸರಿನಲ್ಲಿ ಚಿರಾಸ್ತಿ ಹಾಗೂ ಚರಾಸ್ತಿ ಸೇರಿ ಒಟ್ಟು 1,18,42,048 ರೂ. ಆಸ್ತಿ ಇದೆ.
ನಳಿನ್ ಹೆಸರಿನಲ್ಲಿ ಯಾವುದೇ ಸಾಲ ಇಲ್ಲ. ಆದರೆ ಪತ್ನಿ ಹೆಸರಿನಲ್ಲಿ 44.50 ಲಕ್ಷ ರೂ. ಸಾಲವಿದೆ. ನಳಿನ್ ಕುಮಾರ್ ನಗದು 60,000 ರೂ. ಬ್ಯಾಂಕ್ ಖಾತೆಗಳಲ್ಲಿ 4,94,281 ರೂ., ವಿಮೆ 50,000 ರೂ., 28,000 ರೂ. ಮೊತ್ತದ 10 ಗ್ರಾಂ ಚಿನ್ನ, 18,000 ರೂ. ಮೌಲ್ಯದ ಬೆಳ್ಳಿ ಸೇರಿದಂತೆ ಒಟ್ಟು 6,55,251 ರೂ. ಚರಾಸ್ತಿ ಹೊಂದಿದ್ದಾರೆ. ಪುತ್ತೂರಿನ ಪಾಲ್ತಾಡಿಯಲ್ಲಿ ಕುಟುಂಬಿಕರ ಹೆಸರಿನಲ್ಲಿ 10.15 ಎಕ್ರೆ ಭೂಮಿ ಇದ್ದು ಪ್ರಸ್ತುತ ಮಾರುಕಟ್ಟೆ ಬೆಲೆ 80,52,000 ರೂ. ಆಗಿರುತ್ತದೆ. ಇದರಲ್ಲಿ ನಳಿನ್ ಅವರು 20,13,000 ರೂ. ಮೊತ್ತದ ಆಸ್ತಿ ಪಾಲು ಹೊಂದಿದ್ದಾರೆ. ನಳಿನ್ ಹೆಸರಿನಲ್ಲಿ ಯಾವುದೇ ವಾಹನ ಇಲ್ಲ. ಪತ್ನಿ ಹೆಸರಿನಲ್ಲಿ ಒಂದು ಮಾರುತಿ ಆಲ್ಟೊ ಕಾರು ಇದ್ದು ಪ್ರಸ್ತುತ ಮಾರುಕಟ್ಟೆ ಬೆಲೆ 60,000 ರೂ.
ಪತ್ನಿ ಹೆಸರಿನಲ್ಲಿ 29,25,000 ರೂ. ಮೌಲ್ಯದ 970 ಗ್ರಾಂ ಚಿನ್ನ ಸೇರಿ ಒಟ್ಟು 30,42,048 ಚರಾಸ್ತಿ ಹಾಗೂ ಬೋಳೂರಿನಲ್ಲಿ 88,00000 ರೂ. ಮೌಲ್ಯದ ಫ್ಲಾ Âಟ್ ಇದೆ. ಇಬ್ಬರು ಮಕ್ಕಳ ಹೆಸರಿನಲ್ಲಿ ಬ್ಯಾಂಕ್ನಲ್ಲಿ ತಲಾ 15,633 ರೂ.ಇದ್ದು, ತಲಾ 84,000 ರೂ. ಮೌಲ್ಯದ ತಲಾ 30 ಗ್ರಾಂ ಚಿನ್ನ ಹೊಂದಿದ್ದಾರೆ.