ಬದಿಯಡ್ಕ: ಸ್ಮಾರ್ಟ್ ಸ್ಟೇಶನ್ಗೆ ಚಾಲನೆ
Team Udayavani, May 14, 2019, 5:16 PM IST
ಬದಿಯಡ್ಕ : ಸ್ಮಾರ್ಟ್ ಪೊಲೀಸ್ ಸ್ಟೇಶನ್ ಯೋಜನೆ ಮೂಲಕ ರಾಜ್ಯದ ಪೊಲೀಸ್ ಠಾಣೆಗಳ ನೋಟ ಬದಲಾಗುತ್ತಿದೆ. ನವೀಕರಣ ಪೂರ್ಣವಾದ ಪಾಲಕ್ಕಾಡು ಮಲಂಬುಯ ಪೊಲೀಸ್ ಠಾಣೆ ವಿಭಿನ್ನ ದೃಶ್ಯವನ್ನು ಠಾಣೆಗೆ ತಲುಪುವವರಿಗೆ ನೀಡುತ್ತಿದೆ.
ಮಲಂಬುಯದ ಠಾಣೆಗೆ ತಲುಪುವವರು ಅಚ್ಚರಿಯಾಗುವುದು ಸಹಜ. ಮೊದಲು ಪ್ರವೇಶಿಸುವುದು ಮನೋಹರವಾಗಿ ನವೀಕರಿಸಿದ ಸ್ವಾಗತ ಕೊಠಡಿಗೆ. ಠಾಣೆಗೆ ದೂರಿನೊಂದಿಗೆ ತಲುಪುವವರಿಗೆ ವಿಶ್ರಾಂತಿ ಪಡೆಯಲು ಹಾಗೂ ದೂರು ಬರೆದು ತಯಾರಿಸಲು ಕರ್ತವ್ಯದಲ್ಲಿರುವ ಪೊಲೀಸರಿಗೆ ಅತ್ಯುತ್ತಮ ಸೌಕರ್ಯಗಳನ್ನು ಪೊಲೀಸ್ ಠಾಣೆಯಲ್ಲಿ ವ್ಯವಸ್ಥೆಗೊಳಿಸಲಾಗಿದೆ.
ರಾಜ್ಯದ ಪೊಲೀಸ್ ಠಾಣೆಗಳನ್ನು ಸ್ಮಾರ್ಟ್ ಆಗಿ ಮಾರ್ಪಾಡುಗೊಳಿಸುವುದರ ಅಂಗವಾಗಿ ಮಲಂಬುಯ ಪೊಲೀಸ್ ಠಾಣೆಯನ್ನು ನವೀಕರಿಸಲಾಗಿದೆ. ಮೊದಲ ಹಂತದಲ್ಲಿ ರಾಜ್ಯದಲ್ಲಿ ಐವತ್ತು ಪೊಲೀಸ್ ಠಾಣೆಗಳನ್ನು ನವೀಕರಿಸಲಾಗುತ್ತಿದೆ. ಯೋಜನೆಯ ಮೂಲಕ ಪಾಲಕ್ಕಾಡಿನ ಆರು ಪೊಲೀಸ್ ಠಾಣೆಗಳನ್ನು ಹೆಚ್ಚು ಜನಸ್ನೇಹಿಯನ್ನಾಗಿಸಲು ಸ್ಮಾರ್ಟ್ ಪೊಲೀಸ್ ಠಾಣೆ ಯೋಜನೆ ಮೂಲಕ ಉದ್ದೇಶಿಸಲಾಗಿದೆ.