ಪಯಸ್ವಿನಿ ನದಿಗೆ ಕಿಂಡಿ ಅಣೆಕಟ್ಟು;ಗುತ್ತಿಗೆದಾರರ ನಿರ್ಲಕ್ಷ್ಯ

ನೀರು ಪಾಲಾಗಲಿದೆ ನೂರಾರು ಲೋಡ್‌ ಮಣ್ಣು

Team Udayavani, Jun 14, 2019, 5:33 AM IST

ಬದಿಯಡ್ಕ: ಕುಂಟಾರು ದೇಗುಲ ಸಮೀಪ ಪಯಸ್ವಿನಿ ನದಿಗೆ ನಿರ್ಮಿಸಿದ ಕಿಂಡಿ ಅಣೆಕಟ್ಟು ಕಾಮಗಾರಿ ಪೂರ್ಣಗೊಂಡಿದ್ದರೂ ಅಸಮರ್ಪಕತೆಯ ಬಗ್ಗೆ ಇನ್ನೂ ದೂರುಗಳು ಕೇಳುತ್ತಲೇ ಇವೆ.

ಬೆಳ್ಳೂರು ಜಲ ವಿತರಣ ಯೋಜನೆಯ ಸ್ಥಳಕ್ಕಿಂತ ಕೆಳ ಭಾಗದಲ್ಲಿ, ಅಂದರೆ ಕುಂಟಾರು ತೂಗು ಸೇತುವೆಗಿಂತ 75 ಮೀಟರ್‌ನಷ್ಟು ದೂರದಲ್ಲಿ 3 ಕೋಟಿ ರೂಪಾಯಿ ವೆಚ್ಚದಲ್ಲಿ ಕಿಂಡಿ ಅಣೆಕಟ್ಟು (ಚೆಕ್‌ ಡ್ಯಾಂ) ನಿರ್ಮಿಸಲಾಗಿದೆ. ಪಯಸ್ವಿನಿ ನದಿಯ ನೀರನ್ನು ತಡೆಹಿಡಿಯಲು ಎರಡು ಮೀಟರ್‌ ಎತ್ತರದ, ಸುಮಾರು 93 ಮೀ. ಉದ್ದದ ಕಾಂಕ್ರೀಟ್‌ ತಡೆಗೋಡೆ ನಿರ್ಮಿಸಲಾಗಿದೆ. ನಿರ್ಮಾಣ ಕಾಮಗಾರಿ ಆರಂಭಗೊಂಡಂದಿನಿಂದ ಸ್ಥಳೀಯರನ್ನು ಕೆಲವು ಸಮಸ್ಯೆಗಳು ಕಾಡುತ್ತಲೇ ಇವೆ. ತೀವ್ರ ನೀರಿನ ಕೊರತೆ ಎದುರಿಸುತ್ತಿರುವಾಗಲೇ ಚೆಕ್‌ ಡ್ಯಾಮ್‌ ನಿರ್ಮಾಣ ಭಾರೀ ನೀರಿನ ಕೊರತೆಗೂ ಮತ್ತಷ್ಟು ಕಾರಣವಾಯಿತು.

ನದಿಗೆ ಅಡ್ಡವಾಗಿ ಅಣೆಕಟ್ಟನ್ನು ನಿರ್ಮಿಸಲು ಆರಂಭಗೊಂಡಾಗ ನೀರಿನ ಹರಿವು ಸಾಕಷ್ಟಿತ್ತು. ಈ ನೀರನ್ನು ತಡೆಗಟ್ಟಿ ಅಣೆಕಟ್ಟಿನ ಅಡಿಪಾಯ ನಿರ್ಮಿಸಲು ಕುಂಟಾರು ದೇಗುಲ ಪರಿಸರದ ದೊಡ್ಡ ಗುಡ್ಡದ ಮಣ್ಣನ್ನೆಲ್ಲÉ ನದಿಯಲ್ಲಿ ರಾಶಿ ಹಾಕಲಾಯಿತು. ಪರಿಣಾಮವಾಗಿ ನದಿಯಲ್ಲಿ ಸಾವಿರಾರು ಲೋಡ್‌ ಮಣ್ಣು ತುಂಬಿ ಈ ಬಯಲು ಪ್ರದೇಶವಾಗಿಸಿತು. ಈಗ ನದಿಯಲ್ಲಿ ನೀರಿನ ಸುಳಿವೇ ಇಲ್ಲದಾಗಿದೆ. ಅಡಿಪಾಯ ನಿರ್ಮಾಣ ಸಲೀಸಾಗಿ ಮುಗಿದಿದೆ. ರಾಶಿ ಹಾಕಿದ ಈ ಮಣ್ಣನ್ನು ಹಾಗೆಯೇ ಬಿಡು ವಂತೆಯೂ ಇಲ್ಲ. ಈ ಸಂದರ್ಭದಲ್ಲಿ ನದಿಯ ಮಣ್ಣಿನ ರಾಶಿಗೆ ಗತಿ ಕಾಣಿಸಲು ಕಡು ಬೇಸಗೆಯಲ್ಲಿ ನದಿಯ ಉಸಿರಾಗಿರುವ ನೀರಿನ ಕಯಗಳನ್ನು ಮುಚ್ಚಿ ಬಯಲಾಯಿತು. ಪರಿಣಾಮವಾಗಿ ನೀರಿನ ಒಸರು ಸಮಾಧಿ ಯಾಯಿತು. ಇಲ್ಲಿನ ಕೃಷಿಕರು ಸದಾ ಉಪಯೋಗಿಸುತ್ತಿದ್ದ ನೀರಿನ ಮೂಲ ಇಲ್ಲದಾಗಿದೆ. ಸಾರ್ವಜನಿಕರಿಗೆ ನೀರು ವಿತರಿಸುವ ಓಟೆ ಪ್ರಮಾಣ ಜಲ ವಿತರಣೆ ಯೋಜನೆಗೆ ನೀರಿಲ್ಲದ ಸ್ಥಿತಿ ಉಂಟಾಗಿದೆ.

ಮಳೆಗಾಲದಲ್ಲಿ ನೀರಿನ ಹೊಡೆತಕ್ಕೆ ನದಿಯ ದಡವು ನೀರು ಪಾಲಾಗುವ ಸಾಧ್ಯತೆ ಇರುವ ಕಾರಣ ಈ ಅಣೆಕಟ್ಟು ಕಟ್ಟಿದ ಸ್ಥಳದ ಇಕ್ಕಡೆಗಳಲ್ಲಿ ಎರಡು ಮೀಟರ್‌ನಷ್ಟು ಎತ್ತರಕ್ಕೆ ಕಾಂಕ್ರೀಟ್‌ ಭಿತ್ತಿಗಳನ್ನು ಕಟ್ಟಲಾಗಿತ್ತು. ಸ್ಥಳೀಯರ ದೂರಿನ ಹಿನ್ನೆಲೆಯಲ್ಲಿ ಅದನ್ನು ಏರಿಸಲಾಗಿದೆ. ಆದರೆ ಈಗ ಕಟ್ಟಿದ ಭಿತ್ತಿಗಳ ಗಟ್ಟಿತನ ಸಂಶಯಕ್ಕೆ ಎಡೆ ಮಾಡುವಂತಿದೆ.

ಬೆಳ್ಳೂರು ಗ್ರಾ. ಪಂ.ನ ಜನರ ಕುಡಿಯುವ ನೀರಿನ ಸಮಸ್ಯೆಯನ್ನು ಪರಿಹರಿಸಲು ವಿಶ್ವ ಬ್ಯಾಂಕಿನ ನೆರವಿನೊಂದಿಗೆ ರಾಜ್ಯ ಸರಕಾರ, ಗ್ರಾಮ ಪಂ.ನ ಆರ್ಥಿಕ ಸಹಾಯದೊಂದಿಗೆ ಪಂಚಾಯತ್‌ನ 1,126 ಕುಟುಂಬಗಳಿಗೆ ಕುಡಿಯುವ ನೀರನ್ನು ಒದಗಿಸುವ ಸಲುವಾಗಿ ನಿರ್ಮಿಸಿದ ಯೋಜನೆಗೆ ಚೆಕ್‌ಡ್ಯಾಮ್‌ ನಿರ್ಮಾಣ ಕಾಮಗಾರಿ ಪೂರ್ತಿಗೊಂಡ ಹಿನ್ನೆಲೆಯಲ್ಲಿ ಜಲ ವಿತರಣೆ ಆರಂಭ ಗೊಂಡೀತೇ? ಈಗಿನ ಸ್ಥಿತಿಯನ್ನು ನೋಡಿದರೆ ಅಣೆಕಟ್ಟು ಕಟ್ಟಿದರೂ ನೀರು ಪೂರೈಕೆಗೆ ಅಗತ್ಯವಾದ ನೀರು ಲಭಿಸುವುದು ಕಷ್ಟ ಸಾಧ್ಯ!

ಕಯಗಳು ಮುಚ್ಚುವ ಆತಂಕ
ಇಲ್ಲಿ ಕೆಲವು ಕುಟುಂಬಗಳ ಪಾಲಿಗೆ ಆಧಾರ ವಾಗಿರುವುದು ಡ್ಯಾಮ್‌ನ ಹತ್ತಿರದಲ್ಲಿರುವ ಬೃಹತ್‌ ಕಯ. ಇದರಲ್ಲಿ ಈಗಲೂ ಒಂದಡಿ ಯಷ್ಟು ನೀರಿದೆ. ಈ ಕಯವೂ ಮಳೆಗಾಲದಲ್ಲಿ ಮುಚ್ಚಿಹೋಗುವ ಸಾಧ್ಯತೆ ಇದೆ. ಇದು ನೀರಿನ ಸಂಗ್ರಹಕ್ಕೆ ಧಕ್ಕೆ ತರಬಹುದು.

ಮಣ್ಣನ್ನು ತೆರವುಗೊಳಿಸಬೇಕು ಎಂಬ ಸೂಚನೆ ಕರಾರಿನಲ್ಲಿದ್ದರೂ ನದಿಯಲ್ಲಿಯೇ ಚೆಕ್‌ ಡ್ಯಾಮ್‌ನ ಕೆಳಭಾಗದಲ್ಲಿ ನೂರಾರು ಲೋಡ್‌ ಮಣ್ಣನ್ನು ರಾಶಿ ಹಾಕಲಾಗಿದೆ. ಇದು ಮಳೆ ಬಂದರೆ ಇದು ನೀರಿನಲ್ಲಿ ಕೊಚ್ಚಿ ಹೋಗಲಿ ಎಂಬ ಉದ್ದೇಶದಿಂದಲೇ ರಾಶಿ ಹಾಕಲಾಗಿದ್ದು ಪರಿಣಾಮವಾಗಿ ನೀರು ಕಲಕು ವುದು ಮಾತ್ರವಲ್ಲ, ಇಷ್ಟೊಂದು ಮಣ್ಣೂ ಸಮುದ್ರ ಪಾಲಾಗಲಿದೆ. ಈ ಬಗ್ಗೆ ಅಧಿಕೃತರು ಗಮನಹರಿಸಬೇಕೆಂದು ಸ್ಥಳೀಯರು ಒತ್ತಾಯಿಸಿದ್ದಾರೆ.

 

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ

  • ಬೆಂಗಳೂರು: ಕೇಂದ್ರದಿಂದ ರಾಜ್ಯಕ್ಕೆ ಬರಬೇಕಾದ ಸಹಾಯಾನುದಾನ ಮತ್ತು ವಂತಿಗೆ ಹಾಗೂ ತೆರಿಗೆ ಪಾಲಿನ ಕಡಿತದ ಪರಿಣಾಮ 2020-21 ನೇ ಸಾಲಿನ ಬಜೆಟ್‌ ಮೇಲೆ ಪರಿಣಾಮ ಬೀರಲಿದ್ದು...

  • ಹುಬ್ಬಳ್ಳಿ: ಮಹದಾಯಿ ಕುರಿತು ಕೇಂದ್ರದಿಂದ ಅಧಿಸೂಚನೆ ಹೊರಡಿಸುವುದು ವಿಶೇಷವಾಗಿ ಇಬ್ಬರು ಸಚಿವರಿಗೆ ಪ್ರತಿಷ್ಠೆಯಾಗಿತ್ತು. ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ,...

  • ಕಾರವಾರ: ಕೊರೊನಾ ವೈರಸ್‌ ಕಾರಣಕ್ಕೆ ಜಪಾನ್‌ನ ಯೊಕೊಹಾಮಾದಲ್ಲಿ ಡೈಮಂಡ್‌ ಪ್ರಿನ್ಸಸ್‌ ಎಂಬ ಕ್ರೂಸ್‌ ಹಡಗಿನಲ್ಲಿ ಬಂಧಿಯಾಗಿದ್ದ ಕಾರವಾರ ಮೂಲದ ಅಭಿಷೇಕ್‌...

  • ಮುದಗಲ್ಲ (ರಾಯಚೂರು): ಚೀನಾದಲ್ಲಿ ಮಾರಣಹೋಮ ನಡೆಸಿರುವ ಕೊರೊನಾ ವೈರಸ್‌ ಪರಿಣಾಮ ಇಲ್ಲಿನ ಕಲ್ಲು ಗಣಿಗಾರಿಕೆ ಮೇಲೂ ಆಗಿದೆ. ಕೊರೊನಾ ವೈರಸ್‌ ಪರಿಣಾಮ ಚೀನಾ ಸೇರಿ...

  • ಬೆಂಗಳೂರು: ಸಿದ್ದರಾಮಯ್ಯ ಹೇಳಿದ ಕೂಡಲೇ ಕಾಂಗ್ರೆಸ್‌ ಬಿಟ್ಟು ಹೋಗಿರುವವರು ವಾಪಸ್‌ ಬರ್ತಾರೆ ಎಂದು ಕಾಂಗ್ರೆಸ್‌ ಹಿರಿಯ ನಾಯಕಿ ಮಾರ್ಗರೇಟ್‌ ಆಳ್ವಾ ಹೇಳಿಕೆಯನ್ನು...