ಸುಂದರವಾಗಲಿ ನಮ್ಮ ನಗರ

Team Udayavani, Apr 14, 2019, 6:47 AM IST

ದಕ್ಷಿಣ ಕನ್ನಡ ಜಿ. ಪಂಚಾಯತ್‌ಗೆ ನಾಗರಿಕರನ್ನು ಸ್ವಾಗತಿಸಲು ನಗರದ ಕೊಟ್ಟಾರ- ಉರ್ವಸ್ಟೋರ್‌ ಪ್ರದೇಶದ ಮುಖ್ಯ ರಸ್ತೆಯ ಬದಿಯಲ್ಲಿ ಆಕರ್ಷಕ ಪ್ರವೇಶ ದ್ವಾರ ನಿರ್ಮಾಣಗೊಳ್ಳುತ್ತಿದೆ. ಇದನ್ನು 19 ವರ್ಷಗಳ ಮೊದಲೇ ಮಾಡಬಹುದಿತ್ತು. ಈಗಲಾದರೂ ಮಾಡುತ್ತಿದ್ದಾರೆ ಎಂದು ಸಂಭ್ರಮ ಪಡಬೇಕಿದೆ. ಯಾಕೆಂದರೆ ನಗರ ಸೌಂದರ್ಯ ವೃದ್ಧಿಸುವಲ್ಲಿ ಪ್ರವೇಶ ದ್ವಾರವೂ ಮುಖ್ಯವೆನಿಸುತ್ತದೆ.
ನಗರವನ್ನು ಆಕರ್ಷಕ ಗೊಳಿಸಬೇಕೆಂದಿದ್ದರೆ ಕೆಲವೊಂದು ವಿಚಾರಗಳತ್ತ ಗಮನಹರಿಸುವುದು ಬಹುಮುಖ್ಯ.

ವೆನಾÉಕ್‌ ಆಸ್ಪ‌ತ್ರೆಯಿಂದ ಸ್ಟೇಟ್‌ಬ್ಯಾಂಕ್‌ನ ಸಮೀಪದವರೆಗೆ, ರಸ್ತೆಯ ಒಂದು ಬದಿ ಹೆಚ್ಚಿನೆಡೆ ಸರಕಾರಿಗಳು ಕಚೇರಿಗಳು, ಆಸ್ಪತ್ರೆ ಮತ್ತು ಕಾಲೇಜುಗಳಿದ್ದು, ಮತ್ತೂಂದು ಕಡೆ ನೆಹರೂ ಮೈದಾನ ಮತ್ತು ಪುರಭವನವಿದೆ. ಪುರಭವನಕ್ಕೆ ಕೆಲವು ವರ್ಷಗಳ ಮೊದಲು ಸಂಯುಕ್ತ ಗೋಡೆಯನ್ನು (ಕಾಂಪೌಂಡ್‌ವಾಲ್‌) ನಿರ್ಮಿಸಿದ್ದು, ಅದು ಆಕರ್ಷಕವಾಗಿದೆ. ಅಂತಹ ಸಂಯುಕ್ತ ಗೋಡೆಯನ್ನು ಸರಕಾರಿ ಕಚೇರಿಗಳು, ಕಾಲೇಜುಗಳು ಮತ್ತು ಆಸ್ಪತ್ರೆಗಳಿರುವ ರಸ್ತೆ ಬದಿಯಲ್ಲೂ ಮಾಡುವತ್ತ ಚಿಂತನೆ ಹರಿಸಬೇಕಿದೆ.ಕ್ಲಾಕ್‌ ಟವರ್‌ನಿಂದ ಎ.ಬಿ. ಶೆಟ್ಟಿ ವೃತ್ತದವರೆಗೆ ಅತ್ಯುತ್ತಮವಾದ ರಸ್ತೆ ಮಾಡುವ ಕೆಲಸವೂ
ಪ್ರಗತಿಯಲ್ಲಿದೆ. ಒಟ್ಟಿನಲ್ಲಿ ಈ ರೀತಿ ಅಭಿವೃದ್ಧಿಪಡಿಸಿದಲ್ಲಿ, ಆ ಪ್ರದೇಶವು ತುಂಬಾ ಆಕರ್ಷಕವಾಗಿ ಕಾಣಲು ಸಾಧ್ಯವಿದೆ.

ಅದೇ ರೀತಿ, ನೆಹರೂ ಮೈದಾನದ ಕ್ರಿಕೆಟ್‌ ಮೈದಾನ ಪ್ರದೇಶಕ್ಕೆ ಮಾಡಿರುವಂತಹ ಕಬ್ಬಿಣದ ಬೇಲಿಯನ್ನು ಕಾಲ್ಚೆಂಡು ಮೈದಾನಕ್ಕೂ ಮಾಡಿದರೆ, ಆ ಪ್ರದೇಶವು ಮತ್ತೂ ಆಕರ್ಷಕವಾಗುವುದು. ಅಲ್ಲದೇ ಈ ತಡೆಗೋಡೆಗಳ ಬದಿಗಳಲ್ಲಿ ಗಿಡಗಳನ್ನು ನೆಟ್ಟರೆ ಸುಂದರವಾದ ವಾತಾವರಣ ಸೃಷ್ಟಿಯಾಗುವುದು. ನಮ್ಮ ಮನೆ ಆವರಣ ಸುಂದರವಾಗಿರುವಂತೆ ಎಲ್ಲರೂ ಬಯಸುತ್ತೇವೆ. ಅದೇ ರೀತಿ ನಗರದಲ್ಲಿರುವ ಎಲ್ಲ ಸರಕಾರಿ ಕಚೇರಿಗಳು, ಶಿಕ್ಷಣ ಸಂಸ್ಥೆಗಳ ಆವರಣವೂ ಸುಂದರ, ಆಕರ್ಷಕಗೊಳಿಸಿದರೆ ನಗರ ಸೌಂದರ್ಯ ವೃದ್ಧಿಯಾಗುವುದು. ಈ ನಿಟ್ಟಿನಲ್ಲಿ ಸಂಬಂಧಪಟ್ಟವರು ಗಮನಹರಿಸಬೇಕಿದೆ.

-ವಿಶ್ವನಾಥ್‌ ಕೋಟೆಕಾರ್‌,ಮಂಗಳೂರು

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • ದಿನೇ ದಿನ ಪೆಟ್ರೋಲ್‌, ಡಿಸೇಲ್‌ ಬೆಲೆ ಏರಿಕೆಯಾಗುತ್ತಿರುವುದು ವಾಹನ ಚಾಲಕರನ್ನು ಸಂಕಷ್ಟಕ್ಕೀಡು ಮಾಡುತ್ತಿದೆ. ಹೀಗಾಗಿ ಪೆಟ್ರೋಲ್‌, ಡಿಸೇಲ್‌ ವಾಹನಗಳಿಗೆ...

  • ಬೈಕ್‌ ನಿರೀಕ್ಷಿಸಿದಷ್ಟು ಮೈಲೇಜ್‌ ಕೊಡುತ್ತಿಲ್ಲ ಎನ್ನುವ ಆರೋಪ ನಿಮ್ಮದಾಗಿರಬಹುದು. ಅದಕ್ಕೆ ಕೆಲವೊಂದು ಕಾರಣಗಳಿದ್ದು ಅದರಿಂದಾಗಿಯೂ ಸಮಸ್ಯೆ ಉಂಟಾಗಿರಬಹುದು....

  • ಫ್ಯಾಷನ್‌ ಜಗತ್ತಿನಲ್ಲಿ ಪ್ರತಿದಿನ ಹೊಸತನದ ಗಾಳಿ ಬೀಸುತ್ತದೆ. ಈ ಗಾಳಿ ಸಾಂಪ್ರದಾಯಿಕ ಧಿರಿಸು ಸೀರೆಗೂ ಸೋಕಿ ವಿಭಿನ್ನ ರೀತಿಯ ಸೀರೆಗಳು ಮಾರುಕಟ್ಟೆಗೆ ಬರಲಾರಂಭಿಸಿವೆ....

  • ತಂದೆಯ ಚಿನ್ನದ ಅಂಗಡಿಯಲ್ಲಿದ್ದ ಕೆಲಸಗಾರ ಒಂದು ರಾತ್ರಿ ಅಂಗಡಿಯಲ್ಲಿದ್ದ ಚಿನ್ನವನ್ನೆ ಕಳ್ಳತನ ಮಾಡಿ ಓಡಿಹೋಗಿದ್ದ ಘಟನೆ, ಮಾನಸಿಕ ಆಕೆಗೆ ಆಘಾತ ಉಂಟು ಮಾಡಿತ್ತು....

  • "ನಿಮ್ಮ ಹೆಸರು...' ಅಂದೆ, ಆಕೆಯ ವಿವರ ಬರೆದುಕೊಳ್ಳುತ್ತ. 2 ನಿಮಿಷವಾದರೂ ಉತ್ತರವಿಲ್ಲ! "ಅಯ್ಯ..ಹೆಸರು ಹೇಳಲೂ ಇಷ್ಟು ಯೋಚಿಸಬೇಕೆ..?' ಆಕೆ ನನ್ನ ಕ್ಲೈಂಟ್‌. ವಿಮಾ ಸಂಸ್ಥೆಯ...

ಹೊಸ ಸೇರ್ಪಡೆ