ಅಳಿಯನಿಗಾಗಿ 379 ಬಗೆಯ ಖಾದ್ಯ

Team Udayavani, Jan 20, 2023, 6:55 AM IST

ವರ್ಷದ ಮೊದಲ ಹಬ್ಬ ಮಕರ ಸಂಕ್ರಾಂತಿಯನ್ನು ದೇಶಾದ್ಯಂತ ವಿಜೃಂಭಣೆಯಿಂದ ಜನರು ಆಚರಿಸಿದ್ದಾರೆ. ಆದ್ರೆ ಆಂಧ್ರಪ್ರದೇಶದ ಕುಟುಂಬವೊಂದು ನವವಿವಾಹಿತ ಮಗಳು-ಅಳಿಯನ ಜತೆಗೆ ಸಂಕ್ರಮಣವನ್ನ ವಿಭಿನ್ನವಾಗಿ ಆಚರಿಸಿದ್ದು, ಅಳಿಯನಿಗಾಗಿ 379 ಬಗೆಯ ಖಾದ್ಯಗಳನ್ನ ತಯಾರಿಸಿರುವ ವಿಚಾರ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಹೌದು, ಈಲೂರಿನ ನಿವಾಸಿಗಳಾದ ಭೀಮರಾವ್‌ ಹಾಗೂ ಚಂದ್ರಲೀಲಾ ದಂಪತಿ, ಅವರ ಅಳಿಯ ಮುರಳೀಧರ್‌ಗಾಗಿ 379 ಬಗೆಯ ಖಾದ್ಯ ತಯಾರಿಸಿ, ಆತನ ಮುಂದೆ ಅವೆಲ್ಲವನ್ನೂ ಬಡಿಸಿ, ಫೋಟೋವನ್ನ ಜಾಲತಾಣದಲ್ಲಿ ಹಂಚಿಕೊಂಡಿದ್ರು. 40 ಬಗೆಯ ರೈಸ್‌ ಐಟಂ, 20 ಬಗೆಯ ರೋಟಿ ಚಟ್ನಿ, 40 ಕರಿ, 40 ಫ್ರೈ, 100 ಸಿಹಿ ತಿನಿಸು ಸೇರಿದಂತೆ ಸಾಕಷ್ಟು ಖಾದ್ಯಗಳನ್ನ ತಯಾರಿಸಿದ್ರು.

ಫೋಟೋವನ್ನು 5,333ಕ್ಕೂ ಅಧಿಕ ಮಂದಿ ಲೈಕ್‌ ಮಾಡಿದ್ದು, ಕೆಲ ನೆಟ್ಟಿಗರು ಇಂಥ ಅತ್ತೆ-ಮಾವ ಸಿಗಲು ಅದೃಷ್ಟ ಮಾಡಿರಬೇಕು ಎಂದು ಅಭಿಪ್ರಾಯ ಕೂಡ ವ್ಯಕ್ತಪಡಿಸಿದ್ದರು.