ಎಟಿಎಂ ವಹಿವಾಟು ಶುಲ್ಕ ಶೀಘ್ರ ಹೆಚ್ಚಳ

Team Udayavani, Jul 19, 2021, 2:03 AM IST

ಹೊಸದಿಲ್ಲಿ: ಮುಂದಿನ ವರ್ಷದ ಆರಂಭದಿಂದ ನಿಮ್ಮ ಎಟಿಎಂ ವಿತ್‌ಡ್ರಾ ಶುಲ್ಕ, ಡೆಬಿಟ್‌ ಕಾರ್ಡ್‌, ಕ್ರೆಡಿಟ್‌ ಕಾರ್ಡ್‌ ಶುಲ್ಕ ಹೆಚ್ಚಳವಾಗಲಿದೆ. ಗ್ರಾಹಕರಿಗೆ ಪ್ರತಿ ವಹಿವಾ ಟಿಗೂ ವಿಧಿಸುವ ಶುಲ್ಕದ ಮಿತಿಯನ್ನು ಬ್ಯಾಂಕುಗಳು 21 ರೂ.ಗಳಿಗೆ ಸೀಮಿತಗೊಳಿಸಬಹುದು ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌(ಆರ್‌ಬಿಐ) ಹೇಳಿದ್ದು, 2022ರ ಜ.1ರಿಂದ ಇದು ಅನ್ವಯವಾಗಲಿದೆ.

ಅದರಂತೆ, ಗ್ರಾಹಕರು ತಮ್ಮ ಖಾತೆಯಿರುವ ಬ್ಯಾಂಕ್‌ನ ಎಟಿಎಂಗಳಲ್ಲಿ ತಿಂಗಳಿಗೆ 5 ಬಾರಿ ಮಾತ್ರ ಉಚಿತವಾಗಿ ವಹಿವಾಟು ನಡೆಸಬಹುದು. ಈ ಮಿತಿಯನ್ನು ದಾಟಿದರೆ, ಪ್ರತಿ ವಹಿವಾಟಿನ ಮೇಲೂ ಹೆಚ್ಚುವರಿಯಾಗಿ 20 ರೂ. ಶುಲ್ಕ ಪಾವತಿಸ ಬೇಕಾಗುತ್ತದೆ. ಅದೇ ರೀತಿ, ಹಣ ವಿತ್‌ಡ್ರಾ ಮಾಡಲು ಬೇರೆ ಬ್ಯಾಂಕಿನ ಎಟಿಎಂ ಬಳಸುವುದಿದ್ದರೆ, ಮೆಟ್ರೋ ಕೇಂದ್ರಗಳಲ್ಲಿ ತಿಂಗಳಿಗೆ 3 ಬಾರಿ, ಇತರೆಡೆ 5 ಬಾರಿ ಮಾತ್ರ ಉಚಿತ ವಹಿವಾಟಿಗೆ ಅವಕಾಶವಿರುತ್ತದೆ.