ಆಸ್ಟ್ರೇಲಿಯನ್ ಓಪನ್ ಟೆನಿಸ್: ಆ್ಯಶ್ಲಿ ಬಾರ್ಟಿ, ನಡಾಲ್ ಕ್ವಾ. ಫೈನಲ್ ಪ್ರವೇಶ
Team Udayavani, Jan 24, 2022, 5:00 AM IST
ಮೆಲ್ಬರ್ನ್: ನೆಚ್ಚಿನ ಆಟಗಾರರಾದ ಆ್ಯಶ್ಲಿ ಬಾರ್ಟಿ, ರಫೆಲ್ ನಡಾಲ್ “ಆಸ್ಟ್ರೇಲಿಯನ್ ಓಪನ್’ ಟೆನಿಸ್ ಪಂದ್ಯಾವಳಿಯ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ಈ ಹಂತಕ್ಕೇರಿದ ಉಳಿದ ಪ್ರಮುಖರೆಂದರೆ ಮ್ಯಾಡಿಸನ್ ಕೀಸ್, ಕ್ರೆಜಿಕೋವಾ, ಜೆಸ್ಸಿಕಾ ಪೆಗ್ಯುಲಾ; ಡೆನ್ನಿಸ್ ಶಪೊವಲೋವ್ ಮತ್ತು ಗೇಲ್ ಮಾನ್ಫಿಲ್ಸ್..
ಆತಿಥೇಯ ನಾಡಿವ ನಂ.1 ಆಟಗಾರ್ತಿ ಆ್ಯಶ್ಲಿ ಬಾರ್ಟಿ 74 ನಿಮಿಷಗಳ ಹೋರಾಟದ ಬಳಿಕ ಅಮೆರಿಕದ ಅಮಂಡಾ ಅನಿಸಿಮೋವಾ ಆಟವನ್ನು 6-4, 6-3ರಿಂದ ಕೊನೆಗೊಳಿಸಿದರು. ಹಾಲಿ ಚಾಂಪಿಯನ್ ನವೋಮಿ ಒಸಾಕಾ ಅವರನ್ನು ಮಣಿಸುವ ಮೂಲಕ ಅನಿಸಿಮೋವಾ ಭಾರೀ ಸುದ್ದಿಯಾಗಿದ್ದರು. ಇದಕ್ಕೂ ಮೊದಲು 2019ರ ಫ್ರೆಂಚ್ ಓಪನ್ ಸೆಮಿಫೈನಲ್ನಲ್ಲಿ ಅನಿಸಿಮೋವಾಗೆ ಸೋಲುಣಿಸಿದ ಬಾರ್ಟಿ, ಅಲ್ಲಿ ಚೊಚ್ಚಲ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಎತ್ತಿದ್ದರು.
ಕ್ವಾರ್ಟರ್ ಫೈನಲ್ನಲ್ಲಿ ಬಾರ್ಟಿ ಮತ್ತೋರ್ವ ಅಮೆರಿಕನ್ ಆಟಗಾರ್ತಿ ಜೆಸ್ಸಿಕಾ ಪೆಗುಲಾ ವಿರುದ್ಧ ಸೆಣಸಲಿದ್ದಾರೆ. ಪೆಗುಲಾ 7-6 (7-0), 6-3ರಿಂದ ಮರಿಯಾ ಸಕ್ಕರಿ ಆಟ ವನ್ನು ಕೊನೆಗೊಳಿಸಿದರು. ಅಮೆರಿಕಕ್ಕೆ ಮತ್ತೊಂದು ಸಂಭ್ರಮ ತಂದಿತ್ತವರು ಮ್ಯಾಡಿಸನ್ ಕೀಸ್. ಅವರು ಸ್ಪೇನ್ನ ಪೌಲಾ ಬಡೋಸಾ ವಿರುದ್ಧ 6-3, 6-1ರ ಸುಲಭ ಜಯ ಸಾಧಿಸಿದರು. ಇವರ ಕಾ.ಫೈನಲ್ ಎದುರಾಳಿ ಜೆಕ್ ಗಣರಾಜ್ಯದ ಕ್ರೆಜಿಕೋವಾ. ಇವರು ಬೆಲರೂಸ್ನ ವಿಕ್ಟೋರಿಯಾ ಅಜರೆಂಕಾ ವಿರುದ್ಧ 6-2, 6-2ರಿಂದ ವಿಕ್ಟರಿ ಸಾಧಿಸಿದರು.
ಇದನ್ನೂ ಓದಿ:ಭಾರತವನ್ನು ಕ್ಲೀನ್ ಸ್ವೀಪ್ ಮಾಡಿದ ದಕ್ಷಿಣ ಆಫ್ರಿಕಾ
ನಡಾಲ್ ವರ್ಸಸ್ ಶಪೊವಲೋವ್
ರಫೆಲ್ ನಡಾಲ್ 14ನೇ ಸಲ “ಮೆಲ್ಬರ್ನ್ ಪಾರ್ಕ್’ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದರು. ಫ್ರಾನ್ಸ್ನ ಆ್ಯಡ್ರಿಯನ್ ಮನ್ನಾರಿನೊ ವಿರುದ್ಧ ಮೊದಲ ಸೆಟ್ನಲ್ಲಿ ಸ್ಪೇನಿಗ ಭಾರೀ ಪ್ರತಿರೋಧ ಎದುರಿಸಬೇಕಾಯಿತು. ಆದರೆ ಮುಂದಿನ ಸೆಟ್ಗಳನ್ನು ಸುಲಭದಲ್ಲಿ ವಶಪಡಿಸಿಕೊಂಡರು. ಅಂತರ 7-6 (16-14), 6-2, 6-2.
ನಡಾಲ್ ಅವರ ಕ್ವಾರ್ಟರ್ ಫೈನಲ್ ಎದುರಾಳಿ ಕೆನಡಾದ ಡೆನ್ನಿಸ್ ಶಪೊವಲೋವ್. ಅವರು ಅಲೆಕ್ಸಾಂಡರ್ ಜ್ವೆರೇವ್ಗೆ 6-3, 7-6 (7-5), 6-3ರಿಂದ ಸೋಲುಣಿಸಿದರು. ದಿನದ ಇನ್ನೊಂದು ಪಂದ್ಯದಲ್ಲಿ ಫ್ರಾನ್ಸ್ನ ಗೇಲ್ ಮಾನ್ಫಿಲ್ಸ್ ಸರ್ಬಿಯಾದ ಮಿಯೋಮಿರ್ ಕೆಮನೋವಿಕ್ ವಿರುದ್ಧ 7-5, 7-6 (7-4), 6-3ರಿಂದ ಮೇಲುಗೈ ಸಾಧಿಸಿದರು
ಕ್ವಾರ್ಟರ್ ಫೈನಲ್ಗೆ ಸಾನಿಯಾ-ರಾಜೀವ್ ರಾಮ್
ಸಾನಿಯಾ ಮಿರ್ಜಾ ಮತ್ತು ಅವರ ಅಮೆರಿಕನ್ ಜತೆಗಾರ ರಾಜೀವ್ ರಾಮ್ ಮಿಶ್ರ ಡಬಲ್ಸ್ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ರವಿವಾರದ ದ್ವಿತೀಯ ಸುತ್ತಿನ ಮುಖಾಮುಖಿಯಲ್ಲಿ ಇವರು ಎಲೆನ್ ಪೆರೆಝ್-ಮಿಡ್ಲ್ಕೂಪ್ ವಿರುದ್ಧ ದಿಟ್ಟ ಹೋರಾಟವೊಂದನ್ನು ಪ್ರದರ್ಶಿಸಿ 7-6 (8-6), 6-4 ಅಂತರದ ಗೆಲುವು ಸಾಧಿಸಿದರು.
ಕ್ವಾ.ಫೈನಲ್ನಲ್ಲಿ ಸಾನಿಯಾ-ರಾಜೀವ್ ರಾಮ್ ಆಸ್ಟ್ರೇಲಿಯನ್ ಜೋಡಿಯೊಂದನ್ನು ಎದುರಿಸಬೇಕಿದೆ. ಇಲ್ಲಿ ಆತಿಥೇಯ ನಾಡಿನ ಸಮಂತಾ ಸ್ಟೋಸರ್-ಮ್ಯಾಥ್ಯೂ ಹಾಗೂ ಜೇಮಿ ಫೋರ್ಲಿಸ್-ಜಾಸನ್ ಕ್ಯುಬ್ಲಿರ್ ಜೋಡಿ ಮುಖಾಮುಖೀ ಆಗಲಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Wrestlers: ದುಬಾೖ ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಇಬ್ಬರು ಕುಸ್ತಿಪಟುಗಳು
LSG vs CSK: ಲಕ್ನೋದಲ್ಲೂ ಚೆನ್ನೈ ಫೇವರಿಟ್
IPL; ರೋಚಕ ಪಂದ್ಯದಲ್ಲಿ ಪಂಜಾಬ್ ಎದುರು 9 ರನ್ ಜಯ ಸಾಧಿಸಿದ ಮುಂಬೈ
Austria Marathon: ಭಾರತವನ್ನು ಪ್ರತಿನಿಧಿಸಲಿರುವ ಕೊಡಗಿನ ಅಪ್ಪಚಂಗಡ ಬೆಳ್ಯಪ್ಪ
ಮೊಣಕಾಲಿನ ಗಾಯಕ್ಕೆ ಶಸ್ತ್ರಚಿಕಿತ್ಸೆ ಅಗತ್ಯ ಒಲಿಂಪಿಕ್ಸ್ನಿಂದ ಹೊರಬಿದ್ದ ಶ್ರೀಶಂಕರ್
MUST WATCH
ಹೊಸ ಸೇರ್ಪಡೆ
Gadag Incident; ದರೋಡೆಯ ಉದ್ದೇಶವಿಲ್ಲ; ಕೊಲೆ ಮಾಡಲೆಂದೆ ಬಂದಿದ್ದಾರೆ; ಐಜಿಪಿ ಹೇಳಿಕೆ
Udupi-ಚಿಕ್ಕಮಗಳೂರಿನಲ್ಲಿ ಬಿಜೆಪಿಗರೂ ಜೆಪಿ-ಜೆಪಿ ಎನ್ನುತ್ತಿದ್ದಾರೆ: ನಿಕೇತ್ರಾಜ್ ಮೌರ್ಯ
Food Safety: ಆಹಾರ ಸುರಕ್ಷೆ- ನೂರು ಪ್ರತಿಶತ ಖಾತರಿ ಅಗತ್ಯ
Gujarat Lok Sabha Constituency: ಗುಜರಾತ್ ಎಂಬ ಕೇಸರಿ ಕೋಟೆಗೆ ಲಗ್ಗೆ ಸಾಧ್ಯವೇ?
Lok Sabha Election: ಮಠಾಧೀಶರ ಆಶೀರ್ವಾದ ಪಡೆದ ಬಿಜೆಪಿ ಅಭ್ಯರ್ಥಿ ಗಾಯತ್ರಿ ಸಿದ್ದೇಶ್ವರ