ಭೂಮಿಯ ಸಮೀಪಕ್ಕೆ “ಸ್ವಾನ್’ ಧೂಮಕೇತು !
ಈಗ ಮುಂಜಾವ ದೃಷ್ಟಿ ಗೋಚರ
Team Udayavani, May 16, 2020, 6:10 AM IST
ಉಡುಪಿ: ಸ್ವಾನ್ ಹೆಸರಿನ ಧೂಮಕೇತು ಭೂಮಿಯ ಸಮೀಪಕ್ಕೆ ಬರುತ್ತಿದ್ದು, ಸೂರ್ಯೋ ದಯಕ್ಕೆ ಮುನ್ನ ನೋಡುವ ಅವಕಾಶವಿದೆ.
1980ರ ದಶಕದಲ್ಲಿ ಹ್ಯಾಲಿ ಧೂಮಕೇತು ವೀಕ್ಷಣೆಗೆ ಸಿಕ್ಕಿತ್ತು. ಇನ್ನೊಮ್ಮೆ ಅದು ಭೂಮಿಯ ಬಳಿ ಬರುವುದು 2061ಕ್ಕೆ. ಈಗ ಸ್ವಾನ್ ಧೂಮಕೇತುವನ್ನು ನೋಡುವ ಅವಕಾಶ ನಮಗಿದೆ. ಇದು ಸೂರ್ಯನ ಅತೀ ಸಮೀಪಕ್ಕೆ ಈ ವರ್ಷದ ಮೇ 28ರಂದು ಬರಲಿದೆ.
ಈ ಧೂಮಕೇತು ಸೂರ್ಯೋದಯಕ್ಕೆ ಮುನ್ನ ಒಂದೂವರೆ ತಾಸು ಕಾಣಿಸುತ್ತದೆ. ಉಡುಪಿ-ಮಂಗಳೂರಿನಂಥ ಸ್ಥಳಗಳಲ್ಲಿ ಪ್ರತೀ ದಿನ ಮುಂಜಾನೆ 4 ಗಂಟೆಯ ಸುಮಾರಿಗೆ ಕಾಣಿಸಲಿದ್ದು, ವಿವಿಧ ರಾಶಿಗಳ ಬಳಿ ತನ್ನದೇ ಮಾರ್ಗದಲ್ಲಿ ಚಲಿಸುತ್ತದೆ.
ಮೇ 20 ವೀಕ್ಷಣೆ ಸುಲಭ
ಮೇ 20ರಂದು ಈ ಧೂಮಕೇತುವನ್ನು ನೋಡಲು ಒಳ್ಳೆಯ ದಿನ. ಆ ದಿನ ಇದು ಪಾರ್ಥ ರಾಶಿಯ ಎರಡನೇ ಅತಿ ಪ್ರಕಾಶಮಾನವಾದ ಆಲ್ಗೋಲ್ ನಕ್ಷತ್ರದ ಬಳಿ ಹಾದುಹೋಗುತ್ತದೆ. ಈ ನಕ್ಷತ್ರವನ್ನು ಗುರುತಿಸಲು ಮತ್ತು ಧೂಮಕೇತುವನ್ನು ಕಂಡುಹಿಡಿಯಲು ಸಹಾಯ ಮಾಡುವ ಹಲವು ಸ್ಕೈ ಮ್ಯಾಪ್ ಅಪ್ಲಿಕೇಶನ್ಗಳು ಲಭ್ಯವಿವೆ. ಧೂಮಕೇತು ಮೇ 22ರ ತನಕ ಇದೇ ಹೊಳಪಿನಲ್ಲಿ ಉಳಿಯುತ್ತದೆ.
ಬೆಳಗ್ಗಿನ ಜಾವ ಗೋಚರ
ಸ್ವಾನ್ ಹೆಸರಿನ ಧೂಮಕೇತು ಈ ಬಾರಿ ಗೋಚರಕ್ಕೆ ಬರುತ್ತಿದೆ. ಬೆಳಗ್ಗಿನ ಜಾವ ಸುಮಾರು 4ರಿಂದ 4.30ರ ಅವಧಿಯ ವೇಳೆ ಇದು ಕಾಣಸಿಗುತ್ತಿದೆ. ಸೂರ್ಯನ ಹತ್ತಿರಕ್ಕೆ ಹೋದಂತೆ ಗೋಚರವಾಗುತ್ತಿದೆ.
– ಎ.ಪಿ. ಭಟ್, ಖಗೋಳಶಾಸ್ತ್ರಜ್ಞರು, ಉಡುಪಿ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Udupi ಶ್ರೀಕೃಷ್ಣ ಮಠ ; ಸುಂದರಕಾಂಡ ಪ್ರವಚನಕ್ಕೆ ಚಾಲನೆ
ಜಯಪ್ರಕಾಶ್ ಹೆಗ್ಡೆ ಗೆಲುವು ಖಚಿತ: ಕೆಪಿಸಿಸಿ ವಕ್ತಾರ ಸುಧೀರ್ ಕುಮಾರ್ ಮುರೊಳ್ಳಿ
ಓಲೈಕೆ ರಾಜಕಾರಣ ಮಾಡುವ ಕಾಂಗ್ರೆಸ್ಗೆ ಜನ ತಕ್ಕ ಪಾಠ ಕಲಿಸಲಿದ್ದಾರೆ: ಮಂಜು
ಕಾರ್ಗಿಲ್ ಯೋಧ ಮೆಲ್ವಿನ್ ಆಳ್ವರಿಗೆ ಮಿಲಿಟರಿ ಗೌರವ ಸಹಿತ ಅಂತ್ಯಸಂಸ್ಕಾರ
ರಾಜ್ಯಕ್ಕೆ ಅನ್ಯಾಯವಾದಾಗ ಸ್ಪಂದಿಸದ ಕೇಂದ್ರ ಸರಕಾರ: ಇಂಧನ ಸಚಿವ ಜಾರ್ಜ್