ಯುವತಿಯಿಂದ ಹಣ ದೋಚಿದ ಸೈಬರ್‌ ವಂಚಕ!

Team Udayavani, Dec 6, 2019, 9:30 PM IST

ಬೆಂಗಳೂರು: ವೈವಾಹಿಕ ಜಾಲತಾಣದ ಮೂಲಕ ಯುವತಿಯೊಬ್ಬರನ್ನು ಪರಿಚಯಿಸಿಕೊಂಡ ವಂಚಕ ವಿದೇಶಿ ಉಡುಗೊರೆ ಕಳುಹಿಸುವ ನೆಪದಲ್ಲಿ 2.30 ಲ. ರೂ. ಪಡೆದು ವಂಚಿರುವ ಪ್ರಕರಣ ಕಬ್ಬನ್‌ ಪಾರ್ಕ್‌ ಪೊಲೀಸ್‌ ಠಾಣೆಯಲ್ಲಿ ದಾಖಲಾಗಿದೆ.

ಖಾಸಗಿ ಕಂಪೆನಿ ಉದ್ಯೋಗಿ ಆಗಿರುವ ಸೋನಾಲಿ ಸುಲ್ತಾನ ಚೌಧರಿ ಎಂಬವರು ನೀಡಿರುವ ದೂರಿನ ಅನ್ವಯ ಮನೋಜ್‌ ಗುಪ್ತಾ ಎಂಬಾತನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ವೈವಾಹಿಕ ಜಾಲತಾಣದ ಮೂಲಕ ಪರಿಚಯವಾಗಿದ್ದ ಮನೋಜ್‌ ಗುಪ್ತಾ ಹೆಸರಿನ ವ್ಯಕ್ತಿ ತಾನು ಲಂಡನ್‌ನಲ್ಲಿ ಕೆಲಸ ಮಾಡುತ್ತಿರುವುದಾಗಿ ಸೋನಾಲಿ ಅವರಿಗೆ ಹೇಳಿದ್ದ. ಹೀಗೆ ಆತ್ಮೀಯರಾದ ಬಳಿಕ ನ.25ರಂದು ಲಂಡನ್‌ನಿಂದ ವಿದೇಶಿ ಉಡುಗೊರೆ ಕಳುಹಿಸುತ್ತಿರುವುದಾಗಿ ಹೇಳಿದ್ದ. ಉಡುಗೊರೆ ಪಡೆಯಲು ಸುಂಕ ದರ 34.500 ರೂ. ಮತ್ತು ವಿಮಾ ಪಾಲಿಸಿ ದರ 95 ಸಾವಿರ ರೂ. ಅಕೌಂಟ್‌ಗೆ ಕಳುಹಿಸುವಂತೆ ಹೇಳಿದ್ದು ಇದನ್ನು ನಂಬಿದ್ದ ಸೋನಾಲಿ ಆತ ಸೂಚಿಸಿದ ಬ್ಯಾಂಕ್‌ ಖಾತೆಗಳಿಗೆ ಹಣ ಕಳುಹಿಸಿಕೊಟ್ಟರೂ ಉಡುಗೊರೆ ಮಾತ್ರ ಬಂದಿರಲಿಲ್ಲ.

ಇದಾದ ಐದು ದಿನಗಳ ಬಳಿಕ ನ.30ರಂದು ಉಡುಗೊರೆ ತೆಗೆದುಕೊಂಡು ಮುಂಬಯಿ ವಿಮಾನ ನಿಲ್ದಾಣಕ್ಕೆ ಬಂದಿದು, “ಹಳದಿ ಜ್ವರ ಮುಕ್ತ’ ವ್ಯಕ್ತಿಯೆಂಬುದಕ್ಕೆ ಪ್ರಮಾಣಪತ್ರ ಪಡೆಯಲು 28,500 ಪಾವತಿಸಬೇಕು. ಹೀಗಾಗಿ ಹಣ ಕಳುಹಿಸುವಂತೆ ಕೋರಿದ್ದಾನೆ. ಆಗಲೂ ಸೋನಾಲಿ ಹಣ ಕಳುಹಿಸಿದ್ದಾರೆ. ಬಳಿಕ ತನ್ನ ಬಳಿಯಿರುವ 21 ಸಾವಿರ ಅಮೆರಿಕನ್‌ ಡಾಲರ್‌ ರೂಪಾಯಿಗೆ ಬದಲಾಯಿಸಿಕೊಳ್ಳಬೇಕು ಎಂದು ಹೇಳಿ 72,900 ರೂ. ಹಣ ಪಡೆದುಕೊಂಡಿದ್ದಾನೆ.ಇದಾದ ಕೆಲವೇ ಸಮಯಕ್ಕೆ ಮೊಬೈಲ್‌ ಸ್ವಿಚ್‌ಆಫ್ ಮಾಡಿಕೊಂಡಿದ್ದು ಬಳಿಕ ಸೋನಾಲಿ ಅವರ ಸಂಪರ್ಕಕ್ಕೆ ಸಿಕ್ಕಿಲ್ಲ.

ಕಡೆಗೆ ತಾನು ಮೋಸಹೋಗಿರುವುದು ಗೊತ್ತಾಗಿ ದೂರು ನೀಡಿದ್ದಾರೆ. ಆರೋಪಿ ವಿರುದ್ಧ ಮಾಹಿತಿ ತಂತ್ರಜ್ಞಾನ ಮತ್ತು ವಂಚನೆ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇಲ್ಲಿಯವರೆಗೂ ಏಷ್ಟೋ ದೈವ ದೇವರು ಜ್ಯೋತಿಷ್ಯರಲ್ಲಿ ಕೇಳಿ ಸರಿಯಾದ ಪರಿಹಾರ ಸಿಗದೆ ನೊಂದಿದ್ದರೆ.ಅಂತಃಹ ಯಾವುದೇ ಕಠಿಣ ಸಮಸ್ಯೆ ಗಳಿದ್ದರು ಉತ್ತಮ ಸಲಹೆ ಹಾಗೂ ಶಾಶ್ವತ ಪರಿಹಾರ ತಿಳಿಸುತ್ತಾರೆ.

ಇಂದೇ ಸಂಪರ್ಕಿಸಿ ಶ್ರೀ ಶ್ರೀ ಬಿ.ಎಚ್ ಆಚಾರ್ಯರು 8884889444

ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ