ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲಾಮ್ : ಮೂರನೇ ಸುತ್ತಿಗೆ ಅಲೆಕ್ಸಾಂಡರ್ ಜ್ವೆರೇವ್, ರೂಡ್
Team Udayavani, Jun 3, 2021, 12:59 AM IST
ಪ್ಯಾರಿಸ್: ಜರ್ಮನಿಯ 6ನೇ ಶ್ರೇಯಾಂಕದ ಆಟಗಾರ ಅಲೆಕ್ಸಾಂಡರ್ ಜ್ವೆರೇವ್ ಫ್ರೆಂಚ್ ಓಪನ್ ಗ್ರ್ಯಾನ್ಸ್ಲಾಮ್ ಪಂದ್ಯಾವಳಿಯಲ್ಲಿ ಗೆಲುವಿನ ಓಟ ಮುಂದುವರಿಸಿ 3ನೇ ಸುತ್ತು ಪ್ರವೇಶಿಸಿದ್ದಾರೆ. ಆದರೆ ದ್ವಿತೀಯ ಸುತ್ತಿನ ಮುಖಾಮುಖೀಯಲ್ಲಿ ಅವರು ರಶ್ಯದ ಅರ್ಹತಾ ಆಟಗಾರ ರೊಮಾನ್ ಸಫಿಯುಲಿನ್ ವಿರುದ್ಧ ಭಾರೀ ಬೆವರಿಳಿಸಿಕೊಳ್ಳಬೇಕಾಯಿತು.
ಮೊದಲ ಹಾಗೂ ಕೊನೆಯ ಸೆಟ್ಗಳನ್ನು ಟೈ ಬ್ರೇಕರ್ಗೆ ಎಳೆತಂದದ್ದು 182ನೇ ರ್ಯಾಂಕಿಂಗ್ ಆಟಗಾರ ಸಫಿಯುಲಿನ್ ಅವರ ಅಮೋಘ ಸಾಧನೆ ಎನಿಸಿತು. ಜ್ವೆರೇವ್ ಗೆಲುವಿನ ಅಂತರ 7-6 (7 -4), 6-3, 7-6 (7-1).
ಕೆಲವು ದಿನಗಳ ಹಿಂದಷ್ಟೇ ಜಿನೇವಾ ಓಪನ್ ಪ್ರಶಸ್ತಿಯ ಜಯಿಸಿದ್ದ ನಾರ್ವೆಯ ಕ್ಯಾಸ್ಪರ್ ರೂಡ್ ಕೂಡ ತೃತೀಯ ಸುತ್ತು ತಲುಪಿದ್ದಾರೆ. ಅವರು ಪೋಲೆಂಡ್ನ ಕ್ಯಾಮಿಲ್ ಮೈಕ್ಸಾಕ್ ವಿರುದ್ಧ 6-3, 6-2, 6-4 ನೇರ ಸೆಟ್ಗಳ ಜಯ ಸಾಧಿಸಿದರು.
ಆದರೆ ಸ್ಪೇನಿನ 11ನೇ ಶ್ರೇಯಾಂಕದ ರಾಬರ್ಟೊ ಬೌಟಿಸ್ಟ ಅಗುಟ್ ಅವರ ಆಟ ಎರಡನೇ ಸುತ್ತಿಗೇ ಕೊನೆಗೊಂಡಿತು. ಅವರನ್ನು ಸ್ವಿಸ್ ಟೆನಿಸಿಗ ಹೆನ್ರಿ ಲ್ಯಾಕೊÕàನೆನ್ 6-2, 2-6, 6-3, 6-2 ಅಂತರದಿಂದ ಪರಾಭವಗೊಳಿಸಿದರು.
ವನಿತಾ ಸಿಂಗಲ್ಸ್
ವನಿತಾ ಸಿಂಗಲ್ಸ್ನಲ್ಲಿ ಜೆಕ್ ಆಟಗಾರ್ತಿ ಮಾರ್ಕೆಟಾ ವೋಂಡೌÅಸೋವಾ ದ್ವಿತೀಯ ಸುತ್ತು ದಾಟುವಲ್ಲಿ ಯಶಸ್ವಿಯಾಗಿದ್ದಾರೆ. ಫ್ರಾನ್ಸ್ನ ಹಾರ್ಮನಿ ಟಾನ್ ವಿರುದ್ಧ ಅವರು 6-1, 6-3 ಅಂತರದ ಮೇಲುಗೈ ಸಾಧಿಸಿದರು.
ಗಾಯ: ಹಿಂದೆ ಸರಿದ ಕ್ವಿಟೋವಾ
ಎರಡು ಬಾರಿಯ ವಿಂಬಲ್ಡನ್ ಚಾಂಪಿಯನ್ ಪೆಟ್ರಾ ಕ್ವಿಟೋವಾ ಕಾಲಿನ ಗಾಯದಿಂದಾಗಿ ಫ್ರೆಂಚ್ ಓಪನ್ ಟೂರ್ನಿಯಿಂದ ಹೊರ ನಡೆದಿದ್ದಾರೆ.
ಕ್ವಿಟೋವಾ ಸುದ್ದಿಗೋಷ್ಠಿ ವೇಳೆ ಆಯತಪ್ಪಿ ಬಿದ್ದು ಕಾಲಿನ ಗಾಯಕ್ಕೆ ಸಿಲುಕ್ಕಿದ್ದೊಂದು ಅಚ್ಚರಿ ಹಾಗೂ ಆಘಾತಕಾರಿ ಸಂಗತಿ ಎನಿಸಿತು. “ಎಂಐಆರ್ ಸ್ಕ್ಯಾನ್ ವರದಿ ಪ್ರತಿಕೂಲವಾಗಿದೆ. ಹೀಗಾಗಿ ತಂಡದೊಂದಿಗೆ ಚರ್ಚೆ ನಡೆಸಿ ನಾನು ಕಠಿನ ನಿರ್ಧಾರ ತೆಗೆದುಕೊಂಡಿದ್ದೇನೆ. ಫ್ರೆಂಚ್ ಓಪನ್ನಿಂದ ಹಿಂದೆ ಸರಿಯುತ್ತಿದ್ದೇನೆ’ ಎಂದು ಕ್ವಿಟೋವಾ ತಿಳಿಸಿದ್ದಾರೆ.
ಇದರೊಂದಿಗೆ ಸತತ ಎರಡು ದಿನ ಇಬ್ಬರು ಪ್ರಮುಖ ಆಟಗಾರ್ತಿಯರು ಕೂಟದಿಂದ ಹಿಂದೆ ಸರಿದಂತಾಯಿತು. ನವೋಮಿ ಒಸಾಕ ಸಂಘಟಕರೊಂದಿಗೆ ಜಿದ್ದಿಗೆ ಬಿದ್ದು ಬಾಯ್ಕಟ್ ಮಾಡಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Vijayendra ಜತೆ ಚರ್ಚೆ: ಮಂಡ್ಯದಲ್ಲೇ ನಿರ್ಧಾರ ತಿಳಿಸುತ್ತೇನೆ ಎಂದ ಸುಮಲತಾ
Vasooli Titans;ಪ್ರಧಾನಿ, ಬಿಜೆಪಿ ವಿರೋಧಿ ಪೋಸ್ಟ್ ಗಾಗಿ ಕ್ಷಮೆ ಯಾಚಿಸಿದ ವಸ್ತ್ರಾಕರ್
Yathindra Siddaramaiah ಗೂಂಡಾ, ರೌಡಿ ಹೇಳಿಕೆ : EC ಗೆ ದೂರು ನೀಡಿದ ಬಿಜೆಪಿ
AAP ‘ಮಹಾರ್ಯಾಲಿ’ಯಲ್ಲಿ ಭಾಗಿಯಾಗಲಿರುವ ರಾಹುಲ್,ಖರ್ಗೆ,ಪವಾರ್, ಅಖಿಲೇಶ್
Lok Sabha Election: ಮಹಿಳೆ ಅಡುಗೆ ಮನೆಗಷ್ಟೇ ಸೀಮಿತವಲ್ಲ: ಗಾಯತ್ರಿ ಸಿದ್ದೇಶ್ವರ