ಪಾಂಟಿಂಗ್ಗೆ ಅಜಿತ್ ಅಗರ್ಕರ್ ತಮಾಷೆ! ಲಾರ್ಡ್ಸ್ನಲ್ಲಿ ನಿಮ್ಮದೆಷ್ಟು ಸೆಂಚುರಿ?
Team Udayavani, Jun 9, 2020, 6:30 AM IST
ಮುಂಬಯಿ: ಮಾಜಿ ಆಲ್ರೌಂಡರ್ ಅಜಿತ್ ಅಗರ್ಕರ್ ಹೆಸರಲ್ಲಿ ಅಮೋಘ ಬ್ಯಾಟಿಂಗ್ ದಾಖಲೆ ಯೊಂದಿದೆ. ಅದೆಂದರೆ, “ಕ್ರಿಕೆಟ್ ಕಾಶಿ’ ಎನಿಸಿದ ಐತಿಹಾಸಿಕ ಲಾರ್ಡ್ಸ್ ಅಂಗಳದಲ್ಲಿ ಟೆಸ್ಟ್ ಶತಕವೊಂದನ್ನು ಬಾರಿಸಿದ್ದು. ದಾಖಲೆಗಳ ಮೇಲೆ ದಾಖಲೆಯನ್ನು ಪೇರಿಸಿದ ತೆಂಡುಲ್ಕರ್ಅವರಿಗೂ ಇಲ್ಲಿ ಸೆಂಚುರಿಯೊಂದನ್ನು ಬಾರಿಸಲು ಸಾಧ್ಯವಾಗಿಲ್ಲ. ಈ ಸಾಲಿಗೆ ಸೇರುವ ಮತ್ತೋರ್ವ ಪ್ರಮುಖ ಕ್ರಿಕೆಟಿ ಗನೆಂದರೆ ಆಸ್ಟ್ರೇಲಿಯದ ರಿಕಿ ಪಾಂಟಿಂಗ್.
ಅಜಿತ್ ಅಗರ್ಕರ್ 2002ರ ಇಂಗ್ಲೆಂಡ್ ಪ್ರವಾಸದ ವೇಳೆ ಲಂಡನ್ನಿನ ಲಾರ್ಡ್ಸ್ನಲ್ಲಿ ನಡೆದ ಟೆಸ್ಟ್ ಪಂದ್ಯದ ದ್ವಿತೀಯ ಇನ್ನಿಂಗ್ಸ್ನಲ್ಲಿ ಅಜೇಯ 109 ರನ್ ಬಾರಿಸಿ ಮೆರೆದಾಡಿದ್ದರು. ಒಮ್ಮೆ ಐಪಿಎಲ್ನಲ್ಲಿ ಕೆಕೆಆರ್ ಪರ ಒಟ್ಟಿಗೇ ಆಡುತ್ತಿದ್ದಾಗ ಈ ಶತಕದ ಸ್ಫೂರ್ತಿಯಲ್ಲಿ ರಿಕಿ ಪಾಂಟಿಂಗ್ ಅವರಲ್ಲಿ ಅಗರ್ಕರ್ ತಮಾಷೆಯಾಗಿ, “ಲಾರ್ಡ್ಸ್ನಲ್ಲಿ ನಿಮ್ಮದೆಷ್ಟು ಶತಕ ದಾಖಲಾಗಿದೆ?’ (ಹೌ ಮಚ್ ಸೆಂಚುರಿ ಅಟ್ ಲಾರ್ಡ್ಸ್ ಯಾ?) ಎಂದು ಕೇಳಿದ್ದರಂತೆ.
ಗೌರವ್ ಕಪೂರ್ ನಡೆಸಿಕೊಡುವ “22 ಯಾರ್ಡ್ಸ್’ ಕಾರ್ಯಕ್ರಮದಲ್ಲಿ ಅಜಿತ್ ಅಗರ್ಕರ್ ಈ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ.
“ಪಾಂಟಿಂಗ್ ಅದೆಷ್ಟೋ ಸೆಂಚುರಿ ಹೊಡೆದವರು. ನನ್ನದೋ… ಅದೊಂದು ಲಾರ್ಡ್ಸ್ ಶತಕ. ಅವ ರನ್ನು ಹೀಗೆ ಕೇಳಿದ್ದು ಖಂಡಿತ ಅಗೌರವದಿಂದಲ್ಲ, ಕೇವಲ ತಮಾಷೆಗೆ. ಲಾರ್ಡ್ಸ್ ಅಂಗಳದಲ್ಲಿ ಶತಕ ಹೊಡೆ ದದ್ದು ನನ್ನ ಪಾಲಿನ ಅದೃಷ್ಟ. ಅದೊಂದು ಸವಿ ಸವಿ ನೆನಪು’ ಎಂದು ಅಗರ್ಕರ್ ಹೇಳಿದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ದೇಶ ಒಡೆಯುವ ಮಾನಸಿಕತೆ ಕಾಂಗ್ರೆಸ್ನದ್ದು: ಮೀನಾಕ್ಷಿ ಲೇಖಿ
Lok Sabha Elections; ಕಾಂಗ್ರೆಸ್ಗೆ ಉತ್ತಮ ಅವಕಾಶ: ದಿನೇಶ್ ಗುಂಡೂರಾವ್
Mangaluru ಪೆಟ್ರೋಲ್, ಡೀಸೆಲ್ ತುಟ್ಟಿ : ಪುಷ್ಪಾ ಅಮರನಾಥ್
Congress ಆಳ್ವಿಕೆಯಲ್ಲಿ ಹಿಂದುಗಳಿಗೆ ಉಳಿಗಾಲ ಇಲ್ಲ : ಯಶ್ಪಾಲ್
Lok Sabha Election ಫಲಿತಾಂಶದ ಬೆನ್ನಲ್ಲೇ ಮುಖ್ಯಮಂತ್ರಿ ಕುರ್ಚಿ ಅಲುಗಾಡಲಿದೆ: ಡಿ.ವಿ.