ನಾನು ಹಳ್ಳಿಯವನು, ನನ್ನ ಭಾಷೆ ಒರಟು : ಸಿದ್ದರಾಮಯ್ಯ

ಬಸವಣ್ಣ ಹೇಳಿದ್ದನ್ನು ಹೇಳಿದರೆ ಲಿಂಗಾಯತ ವಿರೋಧಿಯೇ ? ಮಾಜಿ ಸಿಎಂ ಪ್ರಶ್ನೆ

Team Udayavani, May 22, 2019, 3:26 PM IST

ಮೈಸೂರು : ನಾನು ಹಳ್ಳಿಯಿಂದ ಬಂದವನು, ನನ್ನ ಭಾಷೆ ಒರಟು. ನನ್ನನ್ನು ದುರಹಂಕಾರಿ ಎನ್ನುತ್ತಾರೆ. ಬಸವಣ್ಣ ಹೇಳಿರುವುದನ್ನು ಹೇಳಿದರೆ ಲಿಂಗಾಯತ ವಿರೋಧಿ ಹೇಗಾಗುತ್ತೇನೆ ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಪ್ರಶ್ನಿಸಿದ್ದಾರೆ.

ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು , ರೋಷನ್‌ ಬೇಗ್‌ ಅವರು ಅಧಿಕಾರ ದಾಹದಿಂದ ಹೇಳಿಕೆ ನೀಡಿದ್ದಾರೆ.ಅವರಿಗೆ ಸಚಿವ ಸ್ಥಾನ ನೀಡಲಿಲ್ಲ,ಎಂಪಿ ಟಿಕೆಟ್ ನೀಡಲಿಲ್ಲ ಎಂದು ಹಾಗೆ ಮಾತನಾಡುತ್ತಿದ್ದಾರೆ ಎಂದರು.

ವಿಶ್ವನಾಥ್‌ ನಮ್ಮ ಪಕ್ಷದವರಲ್ಲ
ವಿಶ್ವನಾಥ್‌ ಅವರು ನೀಡಿರುವ ಹೇಳಿಕೆ ಬಗ್ಗೆ ಬಹಿರಂಗ ಚರ್ಚೆ ಮಾಡುವುದಕ್ಕೆ ಹೋಗುವುದಿಲ್ಲ.ಅವರು ನಮ್ಮ ಪಕ್ಷದವರಲ್ಲ. ಈ ಬಗ್ಗೆ ಸಮನ್ವಯ ಸಮಿತಿಯಲ್ಲಿ ಮಾತನಾಡುತ್ತೇನೆಎಂದರು.

ಎಲ್ಲಾ ರಾಜ್ಯಗಳಲ್ಲಿ ಇಲ್ಲ!

ನನಗೆ ಮೊದಲಿನಿಂದಲೂ ಇವಿಎಂ ಟ್ಯಾಂಪರಿಂಗ್‌ ಮೇಲೆಅನುಮಾನಇದೆ. ಎಲ್ಲಾ ರಾಜ್ಯಗಳಲ್ಲೂ ಮಾಡಲ್ಲ, ಕೆಲವು ರಾಜ್ಯಗಳಲ್ಲಿ ಮಾಡುತ್ತಾರೆ. ಉತ್ತರಪ್ರದೇಶ, ಬಿಹಾರ , ರಾಜಸ್ಥಾನ, ಮಧ್ಯಪ್ರದೇಶ, ಹರಿಯಾಣದಲ್ಲೆಲ್ಲಾ ಮಾಡುತ್ತಾರೆ. ಇಲ್ಲೂ ಮಾಡುವ ಆತಂಕ ಇದೆ.ಎಂದರು.

ಕುದುರೆ ವ್ಯಾಪಾರ ಮತ್ತೆ ಆರಂಭ

ಶಾಸಕರ ಕುದುರೆ ವ್ಯಾಪಾರ ಮಾಡಲಿಕ್ಕೆ ಪ್ರಾರಂಭ ಮಾಡಿದ್ದಾರೆ. ಮೊದತಲಿಂದಲೂ ಯತ್ನ ಮಾಡಿದ್ದರು ಯಶಸ್ವಿಯಾಗಿಲ್ಲ. ಈಗ ಮತ್ತೆ ಪ್ರಾರಂಭ ಮಾಡಿದ್ದಾರೆ ಎಂದ ಕಿಡಿ ಕಾರಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

ಹೊಸ ಸೇರ್ಪಡೆ