ಭಾರತದ ಮೀಸಲು ಸಾಮರ್ಥ್ಯಕ್ಕೊಂದು ವೇದಿಕೆ : ದ್ರಾವಿಡ್‌ ಮಾರ್ಗದರ್ಶನ, ಧವನ್‌ ಸಾರಥ್ಯ


Team Udayavani, Jul 18, 2021, 7:00 AM IST

ಭಾರತದ ಮೀಸಲು ಸಾಮರ್ಥ್ಯಕ್ಕೊಂದು ವೇದಿಕೆ : ದ್ರಾವಿಡ್‌ ಮಾರ್ಗದರ್ಶನ, ಧವನ್‌ ಸಾರಥ್ಯ

ಕೊಲಂಬೊ: ಏಕಕಾಲದಲ್ಲಿ ಎರಡು ದೇಶಗಳಲ್ಲಿ ಕ್ರಿಕೆಟ್‌ ಸರಣಿ ಏರ್ಪಡಿಸುವ ಬಿಸಿಸಿಐ ಯೋಜನೆ ರವಿವಾರ ಕೊಲಂಬೊದ “ಆರ್‌. ಪ್ರೇಮದಾಸ ಸ್ಟೇಡಿಯಂ’ನಲ್ಲಿ ಸಾಕಾರಗೊಳ್ಳಲಿದೆ. ಇಲ್ಲಿ ಶಿಖರ್‌ ಧವನ್‌ ನಾಯಕತ್ವದ ಟೀಮ್‌ ಇಂಡಿಯಾ-2 ಮೊದಲ ಏಕದಿನ ಪಂದ್ಯವಾಡಲಿದೆ. ಇನ್ನೊಂದೆಡೆ ವಿರಾಟ್‌ ಕೊಹ್ಲಿ ನೇತೃತ್ವದ ಮಾಮೂಲು ಪಡೆ ಇಂಗ್ಲೆಂಡ್‌ ಪ್ರವಾಸದಲ್ಲಿ ನಿರತವಾಗಿದೆ.

ವರ್ಷಾಂತ್ಯದ ಟಿ20 ವಿಶ್ವಕಪ್‌ಗಾಗಿ ಸೂಕ್ತ ಕಾಂಬಿ ನೇಶನ್‌ ಒಂದರ ಹುಡುಕಾಟದಲ್ಲಿರುವ ಭಾರತಕ್ಕೆ ಈ ಲಂಕಾ ಪ್ರವಾಸ ಹೆಚ್ಚು ಅನುಕೂಲವಾಗಲಿದೆ. ಇಲ್ಲಿನ ಬಹಳಷ್ಟು ಮಂದಿ ಯುವ ಆಟಗಾರರು ಐಪಿಎಲ್‌ನಲ್ಲಿ ಯಶಸ್ಸು ಸಾಧಿಸಿದವರೇ ಆಗಿದ್ದಾರೆ.

ಕೆಲವರಂತೂ ಎಂದಿನಿಂದಲೇ ಭಾರತ ತಂಡದ ಬಾಗಿಲು ಬಡಿಯುತ್ತ ಇದ್ದಾರೆ. ಈ ರೀತಿಯ ಎರಡು ತಂಡಗಳ ಪ್ರಯೋಗದಿಂದ ಇವರಿಗೆಲ್ಲ ಭರ್ಜರಿ ಲಾಭ ವಾಗಿರುವುದು ಸುಳ್ಳಲ್ಲ. ಜತೆಗೆ ಭಾರತದ ಮೀಸಲು ಸಾಮರ್ಥ್ಯಕ್ಕೂ ಇದೊಂದು ವೇದಿಕೆ ಆಗಲಿದೆ.

ದ್ರಾವಿಡ್‌-ಧವನ್‌ ಕಾಂಬಿನೇಶನ್‌
ಸಶಕ್ತ ಯುವ ಪಡೆಯೊಂದನ್ನು ಕಟ್ಟಿ ಭಾರತೀಯ ಕ್ರಿಕೆಟ್‌ ಭವಿಷ್ಯವನ್ನು ಗಟ್ಟಿಗೊಳಿಸಿದ “ಗೋಡೆ’ ಖ್ಯಾತಿಯ ರಾಹುಲ್‌ ದ್ರಾವಿಡ್‌ ಈ ತಂಡದ ಕೋಚ್‌ ಆಗಿರುವುದು ಆಟಗಾರರ ಅದೃಷ್ಟವೇ ಆಗಿದೆ. ಅಂಡರ್‌-19, ಭಾರತ ಎ ತಂಡವನ್ನು ಬಲಿಷ್ಠ ಗೊಳಿಸಿದ ದ್ರಾವಿಡ್‌ ಪಾಲಿಗೆ ಇದು ಸೀನಿಯರ್‌ ತಂಡದ ಮೊದಲ ಕೋಚಿಂಗ್‌ ಅನುಭವ. ಅವರ ಗರಡಿಯಲ್ಲಿ ಬೆಳೆದವರೇ ಇಲ್ಲಿದ್ದಾರೆ. ಇನ್ನೊಂದೆಡೆ ಧವನ್‌ ಮೊದಲ ಸಲ ನಾಯಕರಾಗಿ ಟೀಮ್‌ ಇಂಡಿಯಾವನ್ನು ಮುನ್ನಡೆಸಲಿದ್ದಾರೆ. ಇವರಿಬ್ಬರ ಕಾಂಬಿನೇಶನ್‌ನಲ್ಲಿ ಭಾರತ ಮ್ಯಾಜಿಕ್‌ ಮಾಡುವುದು ಖಂಡಿತ ಎಂಬುದು ಎಲ್ಲರ ಲೆಕ್ಕಾಚಾರ.

6 ಮಂದಿ ಹೊಸಬರು
ದೇವದತ್ತ ಪಡಿಕ್ಕಲ್‌, ಋತುರಾಜ್‌ ಗಾಯಕ್ವಾಡ್‌, ಕೃಷ್ಣಪ್ಪ ಗೌತಮ್‌, ಇಶಾನ್‌ ಕಿಶನ್‌, ವರುಣ್‌ ಚಕ್ರವರ್ತಿ, ಚೇತನ್‌ ಸಕಾರಿಯಾ… ಹೀಗೆ ಹನ್ನೊಂದರ ಬಳಗಕ್ಕೆ ಪದಾರ್ಪಣೆ ಮಾಡುವವರ ದೊಡ್ಡ ಯಾದಿಯೇ ಇಲ್ಲಿದೆ. ಆಯ್ಕೆಯಾದ ಎಲ್ಲರಿಗೂ ಅವಕಾಶ ಸಿಗುವುದು ಕಷ್ಟ, ಆದರೆ ಈ ನಿಟ್ಟಿನಲ್ಲಿ ಗರಿಷ್ಠ ಪ್ರಯತ್ನ ಮಾಡುತ್ತೇನೆ ಎಂದು ದ್ರಾವಿಡ್‌ ಭರವಸೆ ನೀಡಿರುವುದರಿಂದ ಇವರೆಲ್ಲರೂ ತುದಿಗಾಲಲ್ಲಿ ನಿಂತಿದ್ದಾರೆ.

ಧವನ್‌, ಶಾ, ಸೂರ್ಯಕುಮಾರ್‌, ಪಾಂಡೆ, ಹಾರ್ದಿಕ್‌, ಭುವನೇಶ್ವರ್‌, ಚಹಲ್‌, ಕುಲದೀಪ್‌, ಸೈನಿ ಅವರೆಲ್ಲ ಮೊದಲ ಆಯ್ಕೆಯ ಆಟಗಾರರು ಎನ್ನಲಡ್ಡಿಯಿಲ್ಲ. ಉಳಿದಂತೆ ಓಪನಿಂಗ್‌ ವಿಭಾಗದಲ್ಲಿ ಪಡಿಕ್ಕಲ್‌-ಗಾಯಕ್ವಾಡ್‌-ರಾಣಾ, ಕೀಪಿಂಗ್‌ನಲ್ಲಿ ಸ್ಯಾಮ್ಸನ್‌-ಇಶಾನ್‌ ಕಿಶನ್‌ ನಡುವೆ ಪೈಪೋಟಿ ಇದೆ. ಏಕದಿನಕ್ಕೆ ಸ್ಯಾಮ್ಸನ್‌, ಟಿ20ಗೆ ಇಶಾನ್‌ ಕಿಶನ್‌ ಕೀಪಿಂಗ್‌ ನಡೆಸಬಹುದು.

ಮುಂಬರುವ ಟಿ20 ವಿಶ್ವಕಪ್‌ ದೃಷ್ಟಿಯಿಂದ ತಂಡಕ್ಕೆ ಎಂಥ ಆಟಗಾರರ ಅಗತ್ಯವಿದೆ ಎಂಬುದರ ಕುರಿತು ದ್ರಾವಿಡ್‌-ಧವನ್‌ ಈಗಾಗಲೇ ಕೊಹ್ಲಿ- ರವಿಶಾಸ್ತ್ರಿ ಜತೆ ಚರ್ಚೆ ನಡೆಸಿದ್ದಾಗಿ ವರದಿಯಾಗಿದೆ. ಆ ಪ್ರಕಾರವೇ ಲಂಕೆಯಲ್ಲಿ ಯುವ ಆಟಗಾರರನ್ನು ಆಡಿಸುವ ಯೋಜನೆ ಹಾಕಿಕೊಂಡಿರುವ ಸಾಧ್ಯತೆ ಇದೆ.

ಲಂಕಾ ದುರ್ಬಲ ತಂಡ
ಶ್ರೀಲಂಕಾ ತನ್ನ ಕ್ರಿಕೆಟ್‌ ಇತಿಹಾಸದಲ್ಲೇ ಅತ್ಯಂತ ದುರ್ಬಲ ತಂಡವನ್ನು ಹೊಂದಿದೆ. ಇತ್ತೀಚೆಗೆ ಇಂಗ್ಲೆಂಡ್‌ನ‌ಲ್ಲಿ ಮಣ್ಣು ಮುಕ್ಕಿ ವಾಪಸಾಗಿರುವ ಲೆಕ್ಕದ ಭರ್ತಿಯ ತಂಡವಿದು. 4 ವರ್ಷಗಳಲ್ಲಿ 10ನೇ ನಾಯಕನನ್ನು ಕಾಣುತ್ತಿದೆ. ಇದ್ದವರಲ್ಲೇ ಉತ್ತಮರು ಎಂಬಂತಿದ್ದ ಕುಸಲ್‌ ಮೆಂಡಿಸ್‌, ನಿರೋಷನ್‌ ಡಿಕ್ವೆಲ್ಲ, ಏಂಜೆಲೊ ಮ್ಯಾಥ್ಯೂಸ್‌, ಕುಸಲ್‌ ಪೆರೆರ ಅವರೆಲ್ಲರ ಸೇವೆ ಇಲ್ಲಿ ಲಭ್ಯವಾಗುತ್ತಿಲ್ಲ.

ಈ ನಡುವೆ “ಭಾರತದ್ದು ದ್ವಿತೀಯ ದರ್ಜೆಯ ತಂಡ, ಇದರಿಂದ ಲಂಕಾ ಕ್ರಿಕೆಟನ್ನು ಅಪಹಾಸ್ಯ ಮಾಡಿದಂತೆ…’ ಎಂದು ಲಂಕೆಯ ಮಾಜಿ ನಾಯಕ ಅರ್ಜುನ ರಣತುಂಗ ಖ್ಯಾತೆ ತೆಗೆದಿದ್ದಾರೆ. ಈ ಕಾರಣಕ್ಕಾದರೂ ಗೆದ್ದು ತೋರಿಸಬೇಕಾದ ಸವಾಲು ಶ್ರೀಲಂಕಾ ಮುಂದಿದೆ!

ಸಂಭಾವ್ಯ ತಂಡಗಳು
ಭಾರತ: ಶಿಖರ್‌ ಧವನ್‌ (ನಾಯಕ), ಪೃಥ್ವಿ ಶಾ, ಸೂರ್ಯಕುಮಾರ್‌ ಯಾದವ್‌, ಮನೀಷ್‌ ಪಾಂಡೆ, ಇಶಾನ್‌ ಕಿಶನ್‌ (ವಿ.ಕೀ.), ಹಾರ್ದಿಕ್‌ ಪಾಂಡ್ಯ, ಕೃಣಾಲ್‌ ಪಾಂಡ್ಯ, ಭುವನೇಶ್ವರ್‌ ಕುಮಾರ್‌, ನವದೀಪ್‌ ಸೈನಿ/ದೀಪಕ್‌ ಚಹರ್‌, ಕುಲದೀಪ್‌ ಯಾದವ್‌/ವರುಣ್‌ ಚಕ್ರವರ್ತಿ/ರಾಹುಲ್‌ ಚಹರ್‌, ಯಜುವೇಂದ್ರ ಚಹಲ್‌.

ಶ್ರೀಲಂಕಾ: ಆವಿಷ್ಕ ಫೆರ್ನಾಂಡೊ, ಪಥುಮ್‌ ನಿಸ್ಸಂಕ, ಮಿನೋದ್‌ ಭನುಕ (ವಿ.ಕೀ.), ಧನಂಜಯ ಡಿ ಸಿಲ್ವ, ಭನುಕ ರಾಜಪಕ್ಷ, ದಸುನ್‌ ಶಣಕ (ನಾಯಕ), ವನಿಂದು ಹಸರಂಗ, ಇಸುರು ಉದಾನ, ಲಕ್ಷಣ ಸಂದಕನ್‌, ದುಷ್ಮಂತ ಚಮೀರ, ಕಸುನ್‌ ರಜಿತ.

ಟಾಪ್ ನ್ಯೂಸ್

22congress

ಬಿಜೆಪಿ ಶಾಸಕರೆಲ್ಲ ಶೇ.40 ರಷ್ಟು ಮಾಮೂಲಿ ಫಿಕ್ಸ್ ಮಾಡಿದ್ದಾರೆ: ಮಾಜಿ ಸಚಿವ ಅನ್ಸಾರಿ

“ಕೈಗೆ ಬಂದಿದ್ದು ಬಾಯಿಗೆ ಬರಲಿಲ್ಲ..” ಕಿವೀಸ್ ಗ್ರೇಟ್ ಎಸ್ಕೇಪ್ ಗೆ ನೆಟ್ಟಿಗರ ಪ್ರತಿಕ್ರಿಯೆ

“ಕೈಗೆ ಬಂದಿದ್ದು ಬಾಯಿಗೆ ಬರಲಿಲ್ಲ..” ಕಿವೀಸ್ ಗ್ರೇಟ್ ಎಸ್ಕೇಪ್ ಗೆ ನೆಟ್ಟಿಗರ ಪ್ರತಿಕ್ರಿಯೆ

ಭಾರತದ ಜಯಕ್ಕೆ ಅಡ್ಡಿಯಾದ ರವೀಂದ್ರ ಮತ್ತು ಮಂದಬೆಳಕು: ಕಾನ್ಪುರ ಟೆಸ್ಟ್ ಡ್ರಾನಲ್ಲಿ ಅಂತ್ಯ

ಭಾರತದ ಜಯಕ್ಕೆ ಅಡ್ಡಿಯಾದ ರವೀಂದ್ರ ಮತ್ತು ಮಂದಬೆಳಕು: ಕಾನ್ಪುರ ಟೆಸ್ಟ್ ಡ್ರಾನಲ್ಲಿ ಅಂತ್ಯ

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 153 ಅಂಕ ಏರಿಕೆ; 17 ಸಾವಿರ ಗಡಿ ದಾಟಿದ ನಿಫ್ಟಿ

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 153 ಅಂಕ ಏರಿಕೆ; 17 ಸಾವಿರ ಗಡಿ ದಾಟಿದ ನಿಫ್ಟಿ

1-nirani

ಮುಖ್ಯಮಂತ್ರಿಯಾಗುತ್ತಾರೆ: ಈಶ್ವರಪ್ಪ ಹೇಳಿಕೆಗೆ ನಾನು ಋಣಿ ಎಂದ ನಿರಾಣಿ

yaddi

‘ತಮಾಷೆಗಾಗಿ ಹೇಳಿದ್ದು’ ಎಂದು ಈಶ್ವರಪ್ಪ ಹೇಳಿದ್ದಾರಲ್ಲ : ಯಡಿಯೂರಪ್ಪ ಸ್ಪಷ್ಟನೆ

1-sdsd

ಸಂಕಷ್ಟದ ಸಂದರ್ಭ ಬೊಮ್ಮಾಯಿ ಬದಲಾವಣೆ ಅಸಾಧ್ಯ: ಕಾರಜೋಳ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

“ಕೈಗೆ ಬಂದಿದ್ದು ಬಾಯಿಗೆ ಬರಲಿಲ್ಲ..” ಕಿವೀಸ್ ಗ್ರೇಟ್ ಎಸ್ಕೇಪ್ ಗೆ ನೆಟ್ಟಿಗರ ಪ್ರತಿಕ್ರಿಯೆ

“ಕೈಗೆ ಬಂದಿದ್ದು ಬಾಯಿಗೆ ಬರಲಿಲ್ಲ..” ಕಿವೀಸ್ ಗ್ರೇಟ್ ಎಸ್ಕೇಪ್ ಗೆ ನೆಟ್ಟಿಗರ ಪ್ರತಿಕ್ರಿಯೆ

ಭಾರತದ ಜಯಕ್ಕೆ ಅಡ್ಡಿಯಾದ ರವೀಂದ್ರ ಮತ್ತು ಮಂದಬೆಳಕು: ಕಾನ್ಪುರ ಟೆಸ್ಟ್ ಡ್ರಾನಲ್ಲಿ ಅಂತ್ಯ

ಭಾರತದ ಜಯಕ್ಕೆ ಅಡ್ಡಿಯಾದ ರವೀಂದ್ರ ಮತ್ತು ಮಂದಬೆಳಕು: ಕಾನ್ಪುರ ಟೆಸ್ಟ್ ಡ್ರಾನಲ್ಲಿ ಅಂತ್ಯ

Ravichandran Ashwin Surpasses Harbhajan Singh

418 ಟೆಸ್ಟ್ ವಿಕೆಟ್ ಗಳೊಂದಿಗೆ ಹರ್ಭಜನ್ ಸಿಂಗ್ ದಾಖಲೆ ಮುರಿದ ರವಿ ಅಶ್ವಿನ್

ಕೆ.ಎಲ್.ರಾಹುಲ್ ಕಾರಣಕ್ಕೆ ಲಕ್ನೋ ಫ್ರಾಂಚೈಸಿ ವಿರುದ್ಧ ದೂರು ನೀಡಿದ ಐಪಿಎಲ್ ತಂಡಗಳು!

ಕೆ.ಎಲ್.ರಾಹುಲ್ ಕಾರಣಕ್ಕೆ ಲಕ್ನೋ ಫ್ರಾಂಚೈಸಿ ವಿರುದ್ಧ ದೂರು ನೀಡಿದ ಐಪಿಎಲ್ ತಂಡಗಳು!

Open With Wriddhiman Saha”: Wasim Jaffer

ವೃದ್ಧಿಮಾನ್ ಸಾಹಾಗೆ ಆರಂಭಿಕ ಆಟಗಾರನ ಸ್ಥಾನ ನೀಡಿ: ವಾಸಿಂ ಜಾಫರ್ ವಿಶೇಷ ಸಲಹೆ

MUST WATCH

udayavani youtube

ಕಟ್ಟಡ ತೆರವಿಗೆ ಕೂಡಿ ಬರದ ಗಳಿಗೆ : ಅವಘಡ ಸಂಭವಿಸುವ ಮೊದಲು ಎಚ್ಚೆತ್ತುಕೊಳ್ಳಿ

udayavani youtube

ನೋಂದಣೆ ಕಚೇರಿಗೆ ವಕೀಲರು ಬರದಂತೆ ಅಧಿಕಾರಿಗಳ ತಾಕೀತು : ಪ್ರತಿಭಟನೆಗಿಳಿದ ವಕೀಲರು

udayavani youtube

Suratkal : ಮತ್ತೆ ATM ಕೇಂದ್ರ ಪುಡಿ ಪುಡಿ! 2ತಿಂಗಳ ಅಂತರದಲ್ಲಿ ನಡೆದ 2ನೇ ಘಟನೆ

udayavani youtube

ದಾಂಡೇಲಿ : ಹಾಡಹಗಲೇ ಮನೆಗೆ ನುಗ್ಗಿದ ಕಳ್ಳರು, ಮನೆಯ ವಸ್ತುಗಳೆಲ್ಲ ಚೆಲ್ಲಾಪಿಲ್ಲಿ

udayavani youtube

ಭೀಕರ ರಸ್ತೆ ಅಪಘಾತ : ಅಂತ್ಯಕ್ರಿಯೆಗೆ ತೆರಳುತ್ತಿದ್ದ 18 ಮಂದಿ ದುರ್ಮರಣ

ಹೊಸ ಸೇರ್ಪಡೆ

ಪ್ರಜಾಪ್ರಭುತ್ವ ಪರಿಕಲ್ಪನೆ ನೀಡಿದ ಬಸವಣ್ಣವರು

ಪ್ರಜಾಪ್ರಭುತ್ವ ಪರಿಕಲ್ಪನೆ ನೀಡಿದ ಬಸವಣ್ಣವರು

ಆಸ್ಪತ್ರೆ ಪ್ಲಾನ್

56 ಕೋಟಿ ರೂ.ವೆಚ್ಚದಲ್ಲಿ ತಾಯಿ ಮಗು ಆಸ್ಪತ್ರೆ

22congress

ಬಿಜೆಪಿ ಶಾಸಕರೆಲ್ಲ ಶೇ.40 ರಷ್ಟು ಮಾಮೂಲಿ ಫಿಕ್ಸ್ ಮಾಡಿದ್ದಾರೆ: ಮಾಜಿ ಸಚಿವ ಅನ್ಸಾರಿ

ಹಳೇಹುಬ್ಬಳ್ಳಿ ಸಂಪರ್ಕ ಮುಖ್ಯರಸ್ತೆ ತ್ರಿಶಂಕು ಸ್ಥಿತಿ

ಹಳೇಹುಬ್ಬಳ್ಳಿ ಸಂಪರ್ಕ ಮುಖ್ಯರಸ್ತೆ ತ್ರಿಶಂಕು ಸ್ಥಿತಿ

ಅಭಿವೃದ್ಧಿ ಕಾಮಗಾರಿಗಳೊಂದಿಗೆ ಜನರ ವಿಶ್ವಾಸ ಗಳಿಕೆಗೆ ಸಲಹೆ

ಅಭಿವೃದ್ಧಿ ಕಾಮಗಾರಿಗಳೊಂದಿಗೆ ಜನರ ವಿಶ್ವಾಸ ಗಳಿಕೆಗೆ ಸಲಹೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.