ಕೊಪಾ ಅಮೆರಿಕ: ಆರ್ಜೆಂಟೀನಾ ಫೈನಲ್ಗೆ
Team Udayavani, Jul 7, 2021, 10:13 PM IST
ಬ್ರಸಿಲಿಯಾ (ಬ್ರಝಿಲ್) : ಶನಿವಾರದ “ಕೊಪಾ ಅಮೆರಿಕ’ ಫುಟ್ಬಾಲ್ ಪ್ರಶಸ್ತಿ ಸೆಣಸಾಟದಲ್ಲಿ ಲಿಯೋನೆಲ್ ಮೆಸ್ಸಿ ಅವರ ಆರ್ಜೆಂಟೀನಾ ಹಾಗೂ ನೇಯ್ಮರ್ ಅವರ ಬ್ರಝಿಲ್ ತಂಡಗಳು ಮುಖಾಮುಖೀಯಾಗಲಿವೆ. ರಿಯೋ ಡಿ ಜನೈರೋದ ಐತಿಹಾಸಿಕ “ಮರಕಾನ ಸ್ಟೇಡಿಯಂ’ನಲ್ಲಿ ಈ ಕಾಲ್ಚೆಂಡಿನ ಕದನ ಏರ್ಪಡಲಿದೆ.
ದ್ವಿತೀಯ ಸೆಮಿಫೈನಲ್ನಲ್ಲಿ ಆರ್ಜೆಂಟೀನಾ ಪಡೆ ಶೂಟೌಟ್ನಲ್ಲಿ ಕೊಲಂಬಿಯಾವನ್ನು 3-2 ಗೋಲುಗಳಿಂದ ಕೆಡವಿತು. ಗೋಲ್ಕೀಪರ್ ಎಮಿಲಿಯಾನೊ ಮಾರ್ಟಿನೆಜ್ 3 ಸಲ ಚೆಂಡನ್ನು ತಡೆದು ತಂಡಕ್ಕೆ ಗೆಲುವು ತಂದುಕೊಡುವಲ್ಲಿ ಮಹತ್ವದ ಪಾತ್ರ ವಹಿಸಿದರು. ನಿಗದಿತ ಅವಧಿಯಲ್ಲಿ ಪಂದ್ಯ 1-1ರಿಂದ ಸಮನಾಗಿತ್ತು.
“ಡಿಬು ಓರ್ವ ಅಸಾಮಾನ್ಯ ಹಾಗೂ ಚಮತ್ಕಾರಿ ಕೀಪರ್. ನಮಗೆ ಅವರ ಮೇಲೆ ಭಾರೀ ನಂಬಿಕೆ ಇದೆ…’ ಎಂಬುದಾಗಿ ಮೆಸ್ಸಿ ಹೇಳಿದರು. “ಡಿಬು’ ಎಂಬುದು ಮಾರ್ಟಿನೆಜ್ ಅವರ ನಿಕ್ನೇಮ್.
ಇದನ್ನೂ ಓದಿ :ಕ್ಷಿಪ್ರಗತಿಯಲ್ಲಿ ಲಸಿಕೆ ಹಾಕಿಸಿದಲ್ಲಿ ಭಾರತದ ಅರ್ಥವ್ಯವಸ್ಥೆ ಚೇತರಿಕೆ : ಫಿಚ್
1993ರಲ್ಲಿ ಚಾಂಪಿಯನ್
ಆರ್ಜೆಂಟೀನಾ ಕೊನೆಯ ಸಲ ಕೊಪಾ ಅಮೆರಿಕ ಚಾಂಪಿಯನ್ ಎನಿಸಿದ್ದು 1993ರಲ್ಲಿ. ಅಂದಿನ ಸೆಮಿಫೈನಲ್ ಶೂಟೌಟ್ನಲ್ಲೂ ಅದು ಕೊಲಂಬಿಯಾವನ್ನು ಮಣಿಸಿತ್ತು. ಆದರೆ ಅಂತರ 6-5 ಆಗಿತ್ತು. ಫೈನಲ್ನಲ್ಲಿ ಮೆಕ್ಸಿಕೊವನ್ನು 2-1ರಿಂದ ಮಣಿಸಿ ಕಪ್ ಎತ್ತಿತ್ತು.
ಆದರೆ ಈ ಬಾರಿ ಆತಿಥೇಯ ಬ್ರಝಿಲ್ ಎದುರಿಗಿದೆ. ಪೆರು ತಂಡವನ್ನು 1-0 ಅಂತರದಿಂದ ಮಣಿಸಿ ಬಂದ ಬ್ರಝಿಲ್, ತವರಿನ ಫೈನಲ್ನಲ್ಲಿ ಒಮ್ಮೆಯೂ ಸೋತಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Horoscope: ಉದ್ಯೋಗ ಸ್ಥಾನದಲ್ಲಿ ಮೇಲಿನವರಿಂದ ಶ್ಲಾಘನೆ, ಮಹಿಳಾ ಉದ್ಯಮಿಗಳಿಗೆ ಯಶಸ್ಸು
ಸಂಸದ ಡಿ.ಕೆ.ಸುರೇಶ್ ಆಸ್ತಿ ಮೌಲ್ಯ 593 ಕೋಟಿ ರೂ.!
IPL; ಇಂದು ಚಿನ್ನಸ್ವಾಮಿಯಲ್ಲಿ ಆರ್ಸಿಬಿ ಬಲೆಗೆ ಬೀಳುತ್ತಾ ಕೋಲ್ಕತಾ?
Raichur Lok Sabha Constituency: ಎಸ್ಟಿ ಮೀಸಲು ಕ್ಷೇತ್ರದಲ್ಲಿ 14 ಸಲ ಗೆದ್ದ ಕಾಂಗ್ರೆಸ್
Subramanya: ಮಗು ಮಲಗಿದೆ ಜೋರಾಗಿ ಮಾತನಾಡಬೇಡಿ ಎಂದಿದಕ್ಕೆ ಕತ್ತಿಯಿಂದ ಹಲ್ಲೆ