ಕೋವಿಡ್-19 ನಿಯಂತ್ರಣಕ್ಕೆ ಸೆಣಸಿದವರಿಗೇ ಜೀವ ಬೆದರಿಕೆ!
ಸಾವು ನೋವು ಹೆಚ್ಚುತ್ತಿದೆ ಅಮೆರಿಕದಲ್ಲಿ
Team Udayavani, Apr 5, 2020, 11:15 AM IST
ನ್ಯೂಯಾರ್ಕ್: ಮಾರಣಾಂತಿಕ ಕೋವಿಡ್-19 ವೈರಸ್ ನಿಂದಾಗಿ ತತ್ತರಿಸುತ್ತಿರುವ ಅಮೆರಿಕವನ್ನು ನಿಯಂತ್ರಣಕ್ಕೆ ತರುವ ತಲೆಬಿಸಿಯೊಂದೇ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ರನ್ನು ಹಿಂಡಿ ಹಿಪ್ಪೆ ಮಾಡುತ್ತಿರುವಾಗ ಈಗ ಮತ್ತೂಂದು ತಲೆಬಿಸಿ ಆರಂಭವಾಗಿದೆ. ಅದೆಂದರೆ, ಟ್ರಂಪ್ ಅವರ ಆರೋಗ್ಯ ಚಿಂತಕರ ಚಾವಡಿ ಟಾಸ್ಕ್ ಫೋರ್ಸ್ನ ಪ್ರಮುಖ ಸಲಹೆಗಾರರಾದ ಉನ್ನತ ವೈದ್ಯಕೀಯ ತಜ್ಞ, ಡಾ| ಆಂಥೋನಿ ಫೌಸಿಗೆ ಪ್ರಾಣ ಬೆದರಿಕೆ ಕರೆಗಳು ಬಂದಿವೆ.
ಈ ಬೆದರಿಕೆ ಕರೆಗಳು ಯಾರಿಂದ ಮತ್ತು ಎಲ್ಲಿಂದ ಬಂದಿವೆ ಎಂಬುದನ್ನು ಪತ್ತೆ ಹಚ್ಚಲಾಗುತ್ತಿದೆ. ಈ ನಡುವೆ ಡಾ.ಆಂಥೋನಿ ಫೌಸಿ ಸುರಕ್ಷತೆಗೆ ಸೂಕ್ತ ಕ್ರಮ ಕೈಗೊಳ್ಳಲಾಗಿದೆ. ಅವರ ಮನೆಗೂ ಬಿಗಿ ಭದ್ರತೆ ಒದಗಿಸಲಾಗಿದೆ ಎಂದು ದಿ ವಾಷಿಂಗ್ಟನ್ ಪೋಸ್ಟ್ ಹೇಳಿದೆ.
79 ವರ್ಷದ ಡಾ. ಫೌಸಿಯ ಭದ್ರತೆಯ ಹೊಣೆಯನ್ನು ಎಚ್.ಎಸ್.ಎಸ್ ಅಧಿಕಾರಿಗಳಿಗೆ ವಹಿಸುವಂತೆ ಯು.ಎಸ್ ಮಾರ್ಷಲ್ ಸರ್ವೀಸ್ ಗೆ ಆರೋಗ್ಯ ಮತ್ತು ನಾಗರಿಕ ಸೇವೆಯ ಇಲಾಖೆ ಮತ್ತು ಕಾನೂನು ಜಾರಿ ವಿಭಾಗ ಕೇಳಿಕೊಂಡಿದೆ. ಅವರ ಮನೆಯ ಸುತ್ತ ವಾಷಿಂಗ್ಟನ್, ಡಿಸಿ ಮೆಟ್ರೋಪಾಲಿಟನ್ ಪೊಲೀಸ್ ಇಲಾಖೆಯವರ ಭದ್ರತೆ ಒದಗಿಸಲಾಗಿದೆ.
ಟ್ರಂಪ್ ಸಲಹೆಗಾರ
ಈ ಕುರಿತು ಮಾತನಾಡಿರುವ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ದೇಶದ ಕೋವಿಡ್-19 ವೈರಸ್ ಎಕ್ಸ್ಪರ್ಟ್ ಡಾ| ಆಂಥೋನಿ ಫೌಸಿ ಗೆ ಭದ್ರತೆಯ ಆವಶ್ಯಕತೆ ಇಲ್ಲ. ಅವರನ್ನು ಎಲ್ಲರೂ ಪ್ರೀತಿಸುತ್ತಾರೆ ಎಂದಿದ್ದಾರೆ. ಕೋವಿಡ್-19 ವೈರಸ್ ಸೋಂಕು ಅನ್ನು ತಡೆಯಲು ಹಲವು ನಿರ್ಬಂಧಗಳನ್ನು ಹೇರಲು ಟ್ರಂಪ್ ಗೆ ಇವರೇ ಸೂಚಿಸಿದ್ದರು. ಆರಂಭದಿಂದಲೇ ಅಮೆರಿಕ ಮುಂಜಾಗ್ರತೆ ವಹಿಸಿತ್ತು. ಇದನ್ನು ಕಡೆಗಣಿಸಿದರೆ ಸುಮಾರು 1-2 ಲಕ್ಷ ಜನ ಸಾವನ್ನಪ್ಪಬಹುದು ಎಂದು ಡಾ.ಆಂಥೋನಿ ಫೌಸಿ ಎಚ್ಚರಿಸಿದ್ದರು. ಇಂತಹ ಭೀಕರ ಸಂದರ್ಭದಲ್ಲಿ ಪೌಸಿ ಅವರ ಮೇಲೆ ದಾಳಿಯಾದರೆ ಕೋವಿಡ್-19 ವಿರುದ್ಧದ ಸಮರದಲ್ಲಿ ಹಿನ್ನಡೆಯಾಗಲಿದೆ. ಈ ಹಿನ್ನೆಲೆಯಲ್ಲಿ ಸ್ವತಃ ಟ್ರಂಪ್ ಅವರೇ ಡಾ.ಆಂಥೋನಿ ಫೌಸಿ ಅವರ ಭದ್ರ ತೆಯ ಮೇಲೆ ವಿಶೇಷ ನಿಗಾ ಇರಿಸಿದ್ದಾರೆ. ಇತ್ತೀಚೆಗಷ್ಟೇ ಡಾ. ಫೌಸಿ, ಲಾಕ್ಡೌನ್ ನಿಯಮ ಪಾಲಿಸಿ ಮನೆಯೊಳಗಿರದಿದ್ದರೆ ಭಾರೀ ಬೆಲೆ ತೆರಬೇಕಾದೀತು. ಕೋವಿಡ್-19 ಎದುರಿಸಲು ಸಾಮಾಜಿಕ ಅಂತರ ಪಾಲನೆಯೇ ದೊಡ್ಡ ಅಸ್ತ್ರ. ಇದನ್ನು ಅರ್ಥ ಮಾಡಿಕೊಳ್ಳಿ ಎಂದು ಕರೆ ನೀಡಿದ್ದರು. ಜತೆಗೆ ಇದನ್ನು ಮೀರಿದರೆ 2 ಲಕ್ಷಕ್ಕೂ ಹೆಚ್ಚು ಸಾವು ಸಂಭವಿಸಬಹುದು ಎಂದಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ
Rain: ವರುಣನ ಆರ್ಭಟಕ್ಕೆ ನಲುಗಿದ ದುಬೈ… ವಿಮಾನ ನಿಲ್ದಾಣ ಜಲಾವೃತ, ಜನಜೀವನ ಅಸ್ತವ್ಯಸ್ಥ
Israel-Iran ಅಣುಯುದ್ಧ? ಇರಾನ್ನ ಅಣುಸ್ಥಾವರಗಳ ಮೇಲೆ ದಾಳಿ: ವಿಶ್ವಸಂಸ್ಥೆ ಆತಂಕ