ಪ್ಯಾರಾಲಿಂಪಿಕ್ಸ್ ಗೆ ಭಾರತದ 24 ಕ್ರೀಡಾಪಟುಗಳು
Team Udayavani, Jul 3, 2021, 11:03 PM IST
ಹೊಸದಿಲ್ಲಿ: ಟೋಕಿಯೊ ಪ್ಯಾರಾಲಿಂಪಿಕ್ಸ್ಗೆ ಭಾರತದ 24 ಸದಸ್ಯರ ತಂಡವನ್ನು ಅಧಿಕೃತವಾಗಿ ಪ್ರಕಟಿಸಲಾಗಿದೆ. ಸ್ಟಾರ್ ಜಾವೆಲಿನ್ ಎಸೆತಗಾರ ದೇವೇಂದ್ರ ಜಜಾರಿಯಾ, ಹೈಜಂಪರ್ ಮರಿಯಪ್ಪನ್ ತಂಗವೇಲು ಈ ತಂಡದ ಪ್ರಮುಖ ಸದಸ್ಯರು. ಪದಕದ ಭರವಸೆಯೂ ಆಗಿದ್ದಾರೆ.
ಎಫ್-57 ಜಾವೆಲಿನ್ ಎಸೆತಗಾರ ರಂಜೀತ್ ಭಾಟಿ ಈ ತಂಡದ ಮತ್ತೋರ್ವ ಪ್ರಮುಖ ಸದಸ್ಯ. 4 ವನಿತಾ ಆ್ಯತ್ಲೀಟ್ಸ್ ಈ ತಂಡದಲ್ಲಿದ್ದಾರೆ. ಇವರೆಂದರೆ ಏಕ್ತಾ ಭ್ಯಾನ್, ಕಾಶಿಷ್ ಲಾಕ್ರಾ (ಕ್ಲಬ್ ತ್ರೋ ಎಫ್-51), ಭಾಗ್ಯಶ್ರಿ ಜಾಧವ್ (ಶಾಟ್ಪಿಟ್ ಎಫ್-34) ಮತ್ತು ಸಿಮ್ರಾನ್ (100 ಮೀ. ಟಿ-13).
ಹೊಸದಿಲ್ಲಿಯಲ್ಲಿ ಜೂನ್ ಕೊನೆಯಲ್ಲಿ ನಡೆದ ಎರಡು ದಿನಗಳ ಆಯ್ಕೆ ಟ್ರಯಲ್ಸ್ ಬಳಿಕ ಪ್ಯಾರಾಲಿಂಪಿಕ್ ಕಮಿಟಿ (ಪಿಸಿಐ) ತಂಡವನ್ನು ಅಂತಿಮಗೊಳಿಸಿತು. ದೀಪಾ ಮಲಿಕ್ ಪಿಸಿಐ ಅಧ್ಯಕ್ಷರಾಗಿದ್ದಾರೆ.
ಇದನ್ನೂ ಓದಿ :ಮಾತೃಭಾಷೆ ಶಿಕ್ಷಣದಲ್ಲಿ ಕರ್ನಾಟಕವೇ ಮುಂದೆ! ರಾಜ್ಯದಲ್ಲಿ ಶೇ.53ರಷ್ಟು ಮಕ್ಕಳು ಕನ್ನಡ ಮಾಧ್ಯಮ