ಜೋಹರ್ ಕಣಿವೆ ರಸ್ತೆ 2023ರಲ್ಲಿ ಮುಕ್ತಾಯ
ಭಾರತೀಯ ಸೇನೆ ಕಷ್ಟಪಡುತ್ತಿತ್ತು. ನಿರ್ಮಾಣ ಮುಗಿದ ಮೇಲೆ ಆ ರಗಳೆ ಇರುವುದಿಲ್ಲ.
Team Udayavani, Dec 3, 2021, 10:27 AM IST
ಪಿಥೋರಗಢ: ಭಾರತದ ಗಡಿ ಸಂರಕ್ಷಣೆ ದೃಷ್ಟಿಯಿಂದ, ಚೀನದ ಕಳ್ಳಾಟಗಳನ್ನು ತಡೆಯುವ ದೃಷ್ಟಿಯಿಂದ ಅತ್ಯಂತ ಮಹತ್ವದ್ದಾಗಿರುವ ಮುನ್ಸಿಯಾರಿ -ಮಿಲಮ್ ರಸ್ತೆ ನಿರ್ಮಾಣ 2023ರ ಅಂತ್ಯದೊಳಗೆ ಮುಗಿಯಲಿದೆ ಎಂದು ಗಡಿ ರಸ್ತೆ ನಿರ್ಮಾಣ ಸಂಸ್ಥೆ (ಬಿಆರ್ಒ) ತಿಳಿಸಿದೆ.
ಇದನ್ನೂ ಓದಿ:ವಿದ್ಯಾರ್ಥಿಗಳ ಹೊಡೆದಾಟ: ರಕ್ಷಣೆಗೆ ಬಂದ ಪೊಲೀಸರ ಮೇಲೂ ಹಲ್ಲೆ; ಹಲವರ ಬಂಧನ
ಈ ರಸ್ತೆ ನಿರ್ಮಾಣ ಮುಗಿದ ಮೇಲೆ ಉತ್ತರಾಖಂಡದ ಜೋಹರ್ ಕಣಿವೆಯಲ್ಲಿರುವ ಭಾರತ-ಚೀನ ಗಡಿ ಭಾಗದ ಕಡೆಯ ಪೋಸ್ಟನ್ನು ತಲುಪಲು ಭಾರತೀಯ ಸೈನಿಕರಿಗೆ ಸಾಧ್ಯವಾಗಲಿದೆ. ಅತ್ಯಂತ ಕನಿಷ್ಠ ತಾಪಮಾನದ ಈ ಭಾಗದಲ್ಲಿ ಇದುವರೆಗೆ ಭಾರತೀಯ ಸೇನೆ ಕಷ್ಟಪಡುತ್ತಿತ್ತು. ನಿರ್ಮಾಣ ಮುಗಿದ ಮೇಲೆ ಆ ರಗಳೆ ಇರುವುದಿಲ್ಲ.
ಮುನ್ಸಿಯಾರಿ ಭಾಗದಿಂದ ಈಗಾಗಲೇ 25 ಕಿ.ಮೀ. ರಸ್ತೆ ನಿರ್ಮಾಣ ಮುಗಿದಿದೆ. ಮಿಲಮ್ ಭಾಗದಲ್ಲಿ 9 ಕಿ.ಮೀ. ನಿರ್ಮಾಣವಾಗಿದೆ. ಇನ್ನೂ 15 ಕಿ.ಮೀ. ನಿರ್ಮಾಣ ಕಠಿನ ಹೆಬ್ಬಂಡೆಗಳಿರುವ ಪರ್ವತಪ್ರದೇಶದಲ್ಲಿ ಆಗುತ್ತಿರುವ ಕಾರಣ ತಡವಾಗಿದೆ. ಅಲ್ಲದೇ ಕಳೆದ ವರ್ಷ ಕೊರೊನಾ ಲಾಕ್ಡೌನ್ನಿಂದಲೂ ನಿರ್ಮಾಣ ತಡವಾಗಿದೆ ಎಂದು ಬಿಆರ್ಒ ಮಾಹಿತಿ ನೀಡಿದೆ.