ವಿಂಬಲ್ಡನ್ ಕೂಟ : ನಾಲ್ಕನೇ ಸುತ್ತಿಗೆ ಆ್ಯಂಜೆಲಿಕ್ ಕೆರ್ಬರ್, ಕೊಕೊ ಗಾಫ್
ಸಾನಿಯಾ ಜೋಡಿಗೆ ಸೋಲು
Team Udayavani, Jul 4, 2021, 6:50 AM IST
ಲಂಡನ್ : ಜರ್ಮನಿಯ ಮಾಜಿ ಚಾಂಪಿಯನ್ ಜರ್ಮನಿಯ ಆ್ಯಂಜೆಲಿಕ್ ಕೆರ್ಬರ್ ಮತ್ತು ಅಮೆರಿಕದ ಕೊಕೊ ಗಾಫ್ ಶನಿವಾರದ 3ನೇ ಸುತ್ತಿನ ಪಂದ್ಯವನ್ನು ಗೆದ್ದು ವಿಂಬಲ್ಡನ್ ಕೂಟದ “ರೌಂಡ್ ಆಫ್ ಸಿಕ್ಸ್ಟೀನ್’ಗೆ ಪ್ರವೇಶ ಪಡೆದಿದ್ದಾರೆ. ಈ ಸುತ್ತಿನಲ್ಲಿ ಇವರಿಬ್ಬರು ಪರಸ್ಪರ ಎದುರಾಗಲಿದ್ದಾರೆ.
2018ರ ಚಾಂಪಿಯನ್ ಆ್ಯಂಜೆಲಿಕ್ ಕೆರ್ಬರ್ ಬೆಲರೂಸ್ನ ಅಲೆಕ್ಸಾಂಡ್ರಾ ಸಾನ್ಸೋವಿಕ್ ವಿರುದ್ಧ 2-6, 6-0, 6-1 ಅಂತರದಿಂದ ಗೆದ್ದು ಬಂದರು. ಇನ್ನೊಂದು ಮುಖಾಮುಖೀಯಲ್ಲಿ ಕೊಕೊ ಗಾಫ್ ಸ್ಲೊವೇನಿಯಾದ ಕಾಜಾ ಜುವಾನ್ ವಿರುದ್ಧ 6-3, 6-3 ನೇರ ಸೆಟ್ಗಳ ಮೇಲುಗೈ ಸಾಧಿಸಿದರು.
ಸಾನಿಯಾ ಜೋಡಿಗೆ ಸೋಲು
ವನಿತಾ ಡಬಲ್ಸ್ನಲ್ಲಿ ಭಾರೀ ಭರವಸೆ ಮೂಡಿಸಿದ ಸಾನಿಯಾ ಮಿರ್ಜಾ-ಅಮೆರಿಕದ ಬೆಥನಿ ಮಾಟೆಕ್ ಸ್ಯಾಂಡ್ಸ್ ದ್ವಿತೀಯ ಸುತ್ತಿನಲ್ಲಿ ಪರಾಭವಗೊಂಡರು. ರಶ್ಯದ ಎಲೆನಾ ವೆಸ್ನಿನಾ-ವೆರೋನಿಕಾ ಕುಡೆರ್ಮಟೋವಾ 6-4, 6-3ರಿಂದ ಇಂಡೋ-ಅಮೆರಿಕನ್ ಜೋಡಿಗೆ ಸೋಲುಣಿಸಿದರು.
ಸಾನಿಯಾ ಮಿರ್ಜಾ ಅವರಿನ್ನು ರೋಹನ್ ಬೋಪಣ್ಣ ಜತೆ ಮಿಶ್ರ ಡಬಲ್ಸ್ ದ್ವಿತೀಯ ಸುತ್ತಿನಲ್ಲಿ ಆಡಲಿದ್ದಾರೆ.
ಜೊಕೋವಿಕ್ಗೆ 75ನೇ ಜಯ
ವಿಶ್ವದ ನಂಬರ್ ವನ್ ಟೆನಿಸಿಗ ನೊವಾಕ್ ಜೊಕೋವಿಕ್ ವಿಂಬಲ್ಡನ್ ಕೂಟದ 4ನೇ ಸುತ್ತಿಗೆ ಮುನ್ನಡೆದಿದ್ದಾರೆ. ಶುಕ್ರವಾರ ರಾತ್ರಿಯ ಮುಖಾಮುಖೀಯಲ್ಲಿ ಅವರು ಅಮೆರಿಕದ ಅರ್ಹತಾ ಆಟಗಾರ, 114ನೇ ರ್ಯಾಂಕಿಂಗ್ನ ಡೆನ್ನಿಸ್ ಕುಡ್ಲ ವಿರುದ್ಧ 6-4, 6-3, 7-6 (9-7) ಅಂತರದ ಜಯ ಸಾಧಿಸಿದರು. ಇದು ವಿಂಬಲ್ಡನ್ನಲ್ಲಿ ಜೊಕೋವಿಕ್ಗೆ ಒಲಿದ 75ನೇ ಗೆಲುವು.