ಆಲ್ ಇಂಗ್ಲೆಂಡ್ ಬ್ಯಾಡ್ಮಿಂಟನ್: ಸಿಂಧು ಮುಂದಿದೆ ಉಜ್ವಲ ಅವಕಾಶ
Team Udayavani, Mar 17, 2021, 6:50 AM IST
ಬರ್ಮಿಂಗ್ಹ್ಯಾಮ್: ಭಾರತದ ಸ್ಟಾರ್ ಶಟ್ಲರ್ ಪಿ.ವಿ. ಸಿಂಧು ಸೇರಿದಂತೆ ಪ್ರಮುಖ ಆಟಗಾರರು ಬುಧವಾರದಿಂದ ಆರಂಭವಾಗಲಿರುವ “ಆಲ್ ಇಂಗ್ಲೆಂಡ್ ಬ್ಯಾಡ್ಮಿಂಟನ್ ಚಾಂಪಿಯನ್ಶಿಪ್’ ಕೂಟದಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿಯಲಿದ್ದಾರೆ. ಸ್ಟಾರ್ ಆಟಗಾರರ ಗೈರಿನಿಂದ ಪ್ರಶಸ್ತಿ ಗೆಲ್ಲುವ ಉಜ್ವಲ ಅವಕಾಶ ಭಾರತೀಯರ ಮುಂದಿದೆ.
ಕಳೆದ ಸ್ವಿಸ್ ಓಪನ್ ಫೈನಲ್ನಲ್ಲಿ ಕೈಜಾರಿದ್ದ ಪ್ರಶಸ್ತಿಯನ್ನು ಬ್ರಿಟನ್ ಕೂಟದಲ್ಲಿ ಎತ್ತಿ ಹಿಡಿಯುವುದು ಸಿಂಧು ಅವರ ಗುರಿ. ಗಾಯಾಳಾದ ಕಾರಣ ಸ್ವಿಸ್ ಚಾಂಪಿಯನ್ ಮರಿನ್ ಈ ಪಂದ್ಯಾವಳಿಯಿಂದ ದೂರ ಸರಿದಿದ್ದಾರೆ. ಜತೆಗೆ ಚೀನ, ಕೊರಿಯಾ ಮತ್ತು ಚೈನಿಸ್ ತೈಪೆಯ ಪ್ರಮುಖ ಆಟಗಾರರೂ ಈ ಸೂಪರ್ 1000 ಟೂರ್ನಿಯಲ್ಲಿ ಪಾಲ್ಗೊಳ್ಳುತ್ತಿಲ್ಲ. ಇದು ಟೋಕಿಯೊ ಒಲಿಂಪಿಕ್ಸ್ ಅರ್ಹತಾ ಅವಧಿಯ ಪಂದ್ಯಾವಳಿ ಆಗಿಲ್ಲದಿರುವುದೇ ಇದಕ್ಕೆ ಕಾರಣ.
ಹೀಗಾಗಿ ಸಿಂಧು ಮಹಿಳಾ ಸಿಂಗಲ್ಸ್ ವಿಭಾಗದ ಫೇವರಿಟ್ ಆಗಿ ಹೊರಹೊಮ್ಮಿದ್ದಾರೆ. ಭಾರತದ 19 ಮಂದಿ ಆಟಗಾರರು ಈ ಕೂಟದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. 2015ರ ರನ್ನರ್ ಅಪ್ ಆಗಿರುವ ಸೈನಾ ನೆಹ್ವಾಲ್, ಕೆ. ಶ್ರೀಕಾಂತ್, ಸಾತ್ವಿಕ್ ಸಾಯಿರಾಜ್-ಚಿರಾಗ್ ಶೆಟ್ಟಿ ಇವರಲ್ಲಿ ಪ್ರಮುಖರು.
5ನೇ ಶ್ರೇಯಾಂಕದ ಸಿಂಧು ಮೊದಲ ಸುತ್ತಿನಲ್ಲಿ ಮಲೇಶ್ಯದ ಸೋನಿಯಾ ಖೇ ವಿರುದ್ಧ ಆಡಲಿದ್ದಾರೆ. ಮುಂದುವರಿದರೆ ಕ್ವಾರ್ಟರ್ ಫೈನಲ್ನಲ್ಲಿ ಜಪಾನಿನ ಅಕಾನೆ ಯಮಾಗುಚಿ ಎದುರಾಗುವ ಸಾಧ್ಯತೆ ಇದೆ. ಸೈನಾ ನೆಹ್ವಾಲ್ ಅವರ ಮೊದಲ ಸುತ್ತಿನ ಎದು ರಾಳಿ ಡೆನ್ಮಾರ್ಕ್ನ ಮಿಯಾ ಬ್ಲಿಶ್ಫೆಲ್ಟ್.
ಪುರುಷರ ಸಿಂಗಲ್ಸ್
ಪುರುಷರ ಸಿಂಗಲ್ಸ್ನಲ್ಲಿ ಶ್ರೀಕಾಂತ್ ಇಂಡೋನೇಶ್ಯದ ಟಾಮಿ ಸುಗಿಯಾರ್ಟೊ ವಿರುದ್ಧ, ಬಿ. ಸಾಯಿ ಪ್ರಣೀತ್ ಫ್ರಾನ್ಸ್ನ ಟೋಮ ಜೂನಿಯರ್ ಪೊಪೋವ್ ವಿರುದ್ಧ ಮೊದಲ ಸುತ್ತಿನ ಪಂದ್ಯ ಆಡಲಿದ್ದಾರೆ. ಪಿ. ಕಶ್ಯಪ್ ಅವರಿಗೆ ಕಠಿನ ಸವಾಲು ಎದುರಾಗಿದ್ದು, ನಂ.1 ಆಟಗಾರ ಕೆಂಟೊ ಮೊಮೊಟ ವಿರುದ್ಧ ಸೆಣಸಬೇಕಿದೆ. ಎಚ್.ಎಸ್. ಪ್ರಣಯ್ ಅವರ ಮೊದಲ ಸುತ್ತಿನ ಎದುರಾಳಿ ಮಲೇಶ್ಯದ ಡ್ಯಾರೆನ್ ಲ್ಯೂ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Bidar; ನೇಹಾ ಪ್ರಕರಣದಲ್ಲಿ ಬಿಜೆಪಿ ರಾಜಕೀಯ ಮಾಡುವುದು ಸರಿಯಲ್ಲ: ಸಿಎಂ ಸಿದ್ಧರಾಮಯ್ಯ
Students Notes: ಸ್ಕ್ರೀನ್ ಶಾರ್ಟ್ಗಳೆಂದು ಪುಸ್ತಕವಾಗದಿರಲಿ
ತೆಲುಗಿನಲ್ಲಿ ಮಾಲಾಶ್ರೀ ಚಿತ್ರ; ಮಾರಕಾಸ್ತ್ರ ಈಗ ಮಾರಣಾಯುಧಂ
Devadurga: ಅಪಘಾತದಲ್ಲಿ ಬೈಕ್ ಸವಾರರಿಬ್ಬರು ಸಾವು
Arunachal Pradesh: ಧಾರಾಕಾರ ಮಳೆ… ಭೂಕುಸಿತ, ಕೊಚ್ಚಿಹೋದ ಚೀನಾ ಗಡಿ ಸಂಪರ್ಕ ಹೆದ್ದಾರಿ