ವರ್ಷಕ್ಕೊಂದು ವಿಶ್ವಕೂಟ : ಐಸಿಸಿ ನಿಲುವಿಗೆ ಬಿಸಿಸಿಐ ವಿರೋಧ
Team Udayavani, Feb 28, 2021, 2:28 AM IST
ಮುಂಬಯಿ: 2023ರಿಂದ 2031ರ ವರೆಗೆ ವರ್ಷಕ್ಕೊಂದರಂತೆ ವಿಶ್ವ ಕ್ರಿಕೆಟ್ ಕೂಟಗಳನ್ನು ನಡೆಸುವ ಐಸಿಸಿ ಹೊಸ ನೀತಿಗೆ ಬಿಸಿಸಿಐ ವಿರೋಧ ಮುಂದುವರಿದಿದೆ. ಮೊನ್ನೆಯ ಐಸಿಸಿ ಸದಸ್ಯ ರಾಷ್ಟ್ರಗಳ ಸಭೆಯಲ್ಲಿ ಭಾಗವಹಿಸಿದ್ದ ಬಿಸಿಸಿಐ ಅಧ್ಯಕ್ಷ ಸೌರವ್ ಗಂಗೂಲಿ ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದರು.
ಹೀಗೆ ಮಾಡುವುದರಿಂದ ದ್ವಿಪಕ್ಷೀಯ ಸರಣಿಗಳು, ಐಪಿಎಲ್, ಬಿಗ್ ಬಾಶ್ನಂತಹ ಲೀಗ್ಗಳನ್ನು ನಡೆಸಲು ಕಷ್ಟವಾಗುತ್ತದೆ ಎನ್ನುವುದು ಇದರ ಹಿಂದಿನ ತರ್ಕ. 2021-31ರ ವರೆಗೆ ವನಿತಾ ಪಂದ್ಯಾವಳಿಯೂ ಸೇರಿ ಒಟ್ಟು 20 ವಿಶ್ವ ಕ್ರಿಕೆಟ್ ಕೂಟಗಳನ್ನು ನಡೆಸಲು ಐಸಿಸಿ ಚಿಂತಿಸಿದೆ. ಇದರಿಂದ ಹೊಸ ರಾಷ್ಟ್ರಗಳಲ್ಲಿ ಕ್ರಿಕೆಟನ್ನು ಜನಪ್ರಿಯ ಗೊಳಿಸಬಹುದೆಂಬುದು ಐಸಿಸಿ ನೂತನ ಸಿಇಒ ಮನು ಸಾಹಿ° ವಾದ.