ಮ್ಯೂಸಿಯಂ ವೀಕ್ಷಣೆ….ಅವರು ಹಾಗೆ ಹೇಳಿದಾಗ ವಿದ್ಯಾರ್ಥಿನಿ ಕಕ್ಕಾಬಿಕ್ಕಿ!
ಟಿಸ್ಸೋಟ್ ಕಲಾಕೃತಿ ಪ್ರದರ್ಶನ ಇದ್ದಿದ್ದರಿಂದ ಮ್ಯೂಸಿಯಂಗೆ ಭೇಟಿ ನೀಡಲು ಹುಯೆಟ್ ನಿರ್ಧರಿಸಿದ್ದಳು.
Team Udayavani, Sep 15, 2020, 1:38 PM IST
ಪ್ಯಾರಿಸ್: ಜೀನ್ ಹುಯೆಟ್ ಮತ್ತು ಮರಿಯನ್ ಕ್ಯಾನ್ ವೆಲ್ ಇಬ್ಬರು ಆಪ್ತ ಗೆಳೆಯರಾಗಿದ್ದು, ಒಂದು ಕೆಫೆಯಲ್ಲಿ ಭೇಟಿಯಾಗುತ್ತಾರೆ. ನಂತರ ಟ್ಯುಲೆರೀಸ್ ಗಾರ್ಡನ್ ನಲ್ಲಿ ಸುತ್ತಾಡಿ, ಮ್ಯೂಸಿಯಂನಲ್ಲಿ ತಮ್ಮ ದಿನವನ್ನು ಕಳೆಯಬೇಕೆಂದು ನಿರ್ಧರಿಸಿದ್ದರು. ಆದರೆ ಮ್ಯೂಸಿಯಂಗೆ ಹೋದಾಗ ನಡೆದ ಘಟನೆ ಜೀನ್ ಹುಯೆಟ್ ಗೆ ಅಚ್ಚರಿ, ಆಘಾತವನ್ನುಂಟು ಮಾಡಿರುವುದಾಗಿ ತಿಳಿಸಿದ್ದಾರೆ.
ಮ್ಯೂಸಿಯಂನಲ್ಲಿ ನಡೆದಿದ್ದೇನು?
22 ವರ್ಷದ ಜೀನ್ ಹುಯೆಟ್ ಯೂನಿರ್ವಸಿಟಿ ವಿದ್ಯಾರ್ಥಿನಿ, ಈಕೆ ಪ್ಯಾರಿಸ್ ನಲ್ಲಿ ವಾಸವಾಗಿದ್ದು, ಮ್ಯೂಸಿ ಡಿ ಓರ್ಸೆ ಗೆ ನಿರಂತರವಾಗಿ ಭೇಟಿ ನೀಡುವುದು ಹವ್ಯಾಸವಾಗಿತ್ತು. ಇದು ಯುರೋಪ್ ನಲ್ಲಿರುವ ಅತೀ ಜನಪ್ರಿಯ ಹಾಗೂ ಬೃಹತ್ ಮ್ಯೂಸಿಯಂ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಕಳೆದ ವಾರ ಖ್ಯಾತ ಫ್ರೆಂಚ್ ಕಲಾವಿದ ಜೇಮ್ಸ್ ಟಿಸ್ಸೋಟ್ ಕಲಾಕೃತಿ ಪ್ರದರ್ಶನ ಇದ್ದಿದ್ದರಿಂದ ಮ್ಯೂಸಿಯಂಗೆ ಭೇಟಿ ನೀಡಲು ಹುಯೆಟ್ ನಿರ್ಧರಿಸಿದ್ದಳು.
ಮಂಗಳವಾರ 4ಗಂಟೆಗೆ ಇಬ್ಬರು ಗೆಳತಿಯರು ಮ್ಯೂಸಿಯಂಗೆ ಆಗಮಿಸಿ, ವೀಕ್ಷಣೆಗಾಗಿ ಟಿಕೆಟ್ ಖರೀದಿಸುವ ಮುನ್ನವೇ ಮ್ಯೂಸಿಯಂ ಏಜೆಂಟ್ ಸಮೀಪಕ್ಕೆ ಬಂದು…ನಿನ್ನನ್ನು ಮ್ಯೂಸಿಯಂ ಒಳಗೆ ಬಿಡಲು ಸಾಧ್ಯವಿಲ್ಲ ಎಂದು ಹೇಳಿಬಿಟ್ಟಿದ್ದ!
ಇದನ್ನೂ ಓದಿ: ಜಿನ್ಪಿಂಗ್ಗೆ ತೀವ್ರ ಮುಖಭಂಗ; ಭಾರತದ ಮೇಲೆ ಚೀನಾದಿಂದ ದೊಡ್ಡ ದಾಳಿಗೆ ಸಿದ್ಧತೆ?
ಎಲ್ಲರೂ ಮ್ಯೂಸಿಯಂ ವೀಕ್ಷಣೆಗೆ ಒಳಹೋಗುತ್ತಿದ್ದರೆ, ತನ್ನನ್ನು ಮಾತ್ರ ಯಾಕೆ ತಡೆದು ನಿಲ್ಲಿಸಿದ್ದಾರೆ ಎಂದು ಹುಯೆಟ್ ಗೊಂದಲಕ್ಕೆ ಒಳಗಾಗಿಬಿಟ್ಟಿರುವುದಾಗಿ ತಿಳಿಸಿದ್ದಾರೆ. ಆಕೆ ಮತ್ತೊಮ್ಮೆ ತನ್ನನ್ನು ಯಾಕೆ ಒಳ ಬಿಡುತ್ತಿಲ್ಲ ಎಂದು ಪ್ರಶ್ನಿಸಿದ್ದಳು. ಆಗ ಮ್ಯೂಸಿಯಂ ಏಜೆಂಟ್ ವಾಪಸ್ ತೆರಳಿ, ಮ್ಯೂಸಿಯಂ ಸೆಕ್ಯುರಿಟಿ ಗಾರ್ಡ್ ಮತ್ತು ಮ್ಯಾನೇಜರ್ ಜತೆ ಬಂದಿರುವುದಾಗಿ ವರದಿ ತಿಳಿಸಿದೆ.
ನಾನೇನಾದರೂ ಮ್ಯೂಸಿಯಂನ ಕಾನೂನನ್ನು ಉಲ್ಲಂಘಿಸಿದ್ದೇನೆಯೇ ಎಂದು ಹುಯೆಟ್ ಮ್ಯೂಸಿಯಂ ಸೆಕ್ಯುರಿಟಿ ಮತ್ತು ಮ್ಯಾನೇಜರ್ ಬಳಿ ಪ್ರಶ್ನಿಸಿದ್ದಳು. ಆಗ ಮ್ಯಾನೇಜರ್ ನಕ್ಕುಬಿಟ್ಟಿದ್ದ…ಸೆಕ್ಯುರಿಟಿ ಗಾರ್ಡ್…ಶಾಂತರಾಗಿ, ಗಾಬರಿಯಾಗಬೇಡಿ ಎಂದು ಹೇಳಿದ್ದನಂತೆ. ಇಷ್ಟಾದರೂ ಹುಯೆಟ್ ಗೆ ನಿಜವಾದ ವಿಷಯ ಏನೆಂದು ಗೊತ್ತಾಗದೆ ಗೊಂದಲಕ್ಕೆ ಬಿದ್ದಿರುವುದಾಗಿ ತಿಳಿಸಿದ್ದಾಳೆ.
ಇದನ್ನೂ ಓದಿ: ಸ್ಯಾಂಡಲ್ ವುಡ್ ಡ್ರಗ್ ಪ್ರಕರಣ: ಮಾಜಿ ಸಚಿವರ ಪುತ್ರ ಆದಿತ್ಯ ಆಳ್ವ ಮನೆ ಮೇಲೆ ಸಿಸಿಬಿ ದಾಳಿ
ಯಾರೊಬ್ಬರು ಆಕೆಗೆ ನೇರವಾಗಿ ಉತ್ತರವನ್ನೇ ಕೊಟ್ಟಿಲ್ಲವಂತೆ..ನಂತರ ಮ್ಯೂಸಿಯಂ ಮ್ಯಾನೇಜರ್, ನೀನು ಮೊದಲು ನಿನ್ನ ಮೈಮೇಲೆ ಜಾಕೆಟ್ ಹಾಕಿಕೊಂಡು ನಂತರ ಒಳಗೆ ಹೋಗು ಎಂದು ಸೂಚನೆ ನೀಡಿರುವುದಾಗಿ ಆಕೆ ತಿಳಿಸಿದ್ದಾಳೆ. ಮ್ಯೂಸಿಯಂ ವೀಕ್ಷಣೆಗೆ ಬಂದವರು ತನ್ನನ್ನು ಕೆಟ್ಟ ದೃಷ್ಟಿಯಿಂದ ನೋಡುತ್ತಿರುವುದು ನನ್ನ ಗಮನಕ್ಕೆ ಬಂದಿತ್ತು. ಅಲ್ಲದೇ ಬಹಿರಂಗವಾಗಿ ಅವರು ಹಾಗೆ ಹೇಳಿದಾಗ ನನಗೆ ಮುಜುಗರವಾಗಿರುವುದಾಗಿ ವಿದ್ಯಾರ್ಥಿನಿ ತಿಳಿಸಿದ್ದಾಳೆ ಎಂದು ವರದಿ ಹೇಳಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Jamie Dimon: ಮೋದಿ ಆರ್ಥಿಕ ನೀತಿ ಅದ್ಭುತ, ಅಮೆರಿಕದಲ್ಲೂ ಜಾರಿ ಮಾಡಿ: ಜೇಮಿ
Sunita Williams: ಮೇ 6ರಂದು 3ನೇ ಬಾರಿಗೆ ಸುನಿತಾ ವಿಲಿಯಮ್ಸ್ ಗಗನ ಯಾತ್ರೆ
Thailandನಲ್ಲಿ ಗುಜರಿ ಮಾಫಿಯಾದ ಕಿಂಗ್ ಪಿನ್ ರವಿ ಕಾನಾ, ಪ್ರಿಯತಮೆ ಕಾಜಲ್ ಜಾ ಬಂಧನ
ತಂಗಿಯ ಸಮಾಧಿ ಸ್ಥಳಕ್ಕೆ ಭೇಟಿ ನೀಡುವುದನ್ನು ವ್ಲಾಗ್ ವಿಡಿಯೋ ಮಾಡಿದ ಯೂಟ್ಯೂಬರ್: ಆಕ್ರೋಶ
Kyrgyzstan; ಹೆಪ್ಪುಗಟ್ಟಿದ ಜಲಪಾತದಲ್ಲಿ ಸಿಲುಕಿ ಆಂಧ್ರದ ವಿದ್ಯಾರ್ಥಿ ಸಾವು
MUST WATCH
ಹೊಸ ಸೇರ್ಪಡೆ
IPL: ಎಲ್ಲೆ ಮೀರಿ ವಿಕೆಟ್ ಸಂಭ್ರಮಾಚರಣೆಡೆಲ್ಲಿ ವೇಗಿ ರಸಿಕ್ ಸಲಾಂಗೆ ಛೀಮಾರಿ
IPL: ಇಂಪ್ಯಾಕ್ಟ್ ಪ್ಲೇಯರ್ ನಿಯಮಕ್ಕೆ ಅಕ್ಷರ್ ಪಟೇಲ್ ಕೂಡ ವಿರೋಧ
Politics: ನಾನು ಮನಸ್ಸು ಮಾಡಿದರೆ ರೆಡ್ಡಿಯನ್ನು ಬೆತ್ತಲೆ ನಿಲ್ಲಿಸುತ್ತೇನೆ; ಸಚಿವ ತಂಗಡಗಿ
Sumalatha Ambareesh: ಟ್ವೀಟ್ನಲ್ಲಿ ಸಂಸದೆ ಸುಮಲತಾ ಅಂಬರೀಶ್ ವಿವೇಕದ ಪಾಠ
B.S.Yediyurappa: ಶಾಸಕ ಪ್ರಭು ಚವ್ಹಾಣ ಹೆಸರು ಹೇಳುತ್ತಿದ್ದಂತೆ ಬಿಎಸ್ವೈ ಗರಂ