ಷೇರುಪೇಟೆ ವಹಿವಾಟಿಗೆ ಪೇಟಿಎಂ; ಮೊದಲ ದಿನದ ವಹಿವಾಟಿನಲ್ಲಿ ಶೇ.26ರಷ್ಟು ಇಳಿಕೆ ಕಂಡ ಷೇರು
ಷೇರುಪೇಟೆ ವಹಿವಾಟು ಆರಂಭವಾಗುತ್ತಿದ್ದಂತೆಯೇ ಪೇಟಿಎಂ ಷೇರು ಶೇ.9.3ರಷ್ಟು ಕುಸಿತ
Team Udayavani, Nov 18, 2021, 1:52 PM IST
ಮುಂಬಯಿ:ಪೇರುಪೇಟೆಯಲ್ಲಿ ಇಂದಿನಿಂದ (ನವೆಂಬರ್ 18) ಪೇಟಿಎಂನ ಷೇರುಗಳ ವಹಿವಾಟು ಆರಂಭವಾಗಿದ್ದು, ಮೊದಲ ದಿನದ ವಹಿವಾಟಿನಲ್ಲಿಯೇ ಪೇಟಿಎಂ ಷೇರುಗಳು ಶೇ.26ರಷ್ಟು ಕುಸಿತ ಕಂಡಿದೆ.
ಪೇಟಿಎಂ ಕಂಪನಿ ಇತ್ತೀಚೆಗಷ್ಟೇ ಐಪಿಒ ಮೂಲಕ ಸಾರ್ವಜನಿಕರಿಗೆ ಷೇರು ಖರೀದಿಸುವ ಅವಕಾಶ ಮಾಡಿಕೊಟ್ಟಿತ್ತು. ಪೇಟಿಎಂ ಐಪಿಒ ಮೂಲಕ ಪ್ರತಿ ಷೇರನ್ನು 2,150 ರೂಪಾಯಿ ಬೆಲೆಗೆ ವಿತರಣೆ ಮಾಡಿತ್ತು. ಆದರೆ ಇಂದು ಷೇರುಪೇಟೆ ವಹಿವಾಟು ಆರಂಭವಾಗುತ್ತಿದ್ದಂತೆಯೇ ಪೇಟಿಎಂ ಷೇರು ಶೇ.9.3ರಷ್ಟು ಕುಸಿತ ಕಂಡಿದ್ದು, 1,950ರೂಪಾಯಿಯಲ್ಲಿ ವಹಿವಾಟು ನಡೆಸಿತ್ತು.
ನಂತರದ ವಹಿವಾಟಿನಲ್ಲಿ ಮತ್ತಷ್ಟು ಕುಸಿತ ಕಂಡಿದ್ದು, ಶೇ.26ರಷ್ಟು ಇಳಿಕೆಯಾದ ಪರಿಣಾಮ ಮಧ್ಯಂತರ ಅವಧಿಯಲ್ಲಿ ಪೇಟಿಎಂ ಷೇರುಗಳ ಬೆಲೆ 1,585 ರೂಪಾಯಿಗೆ ಇಳಿಕೆಯಾಗುವಂತಾಗಿತ್ತು. ಪೇಟಿಎಂ ಕಂಪನಿಯ ಮಾರುಕಟ್ಟೆ ಮೌಲ್ಯ 1,26,737 ಕೋಟಿ ಆಗಿದೆ. ಕಳೆದ ವಾರ ಪೇಟಿಎಂ 18,300 ಕೋಟಿ ಮೊತ್ತದ ಷೇರುಗಳನ್ನು ಐಪಿಒ ಮೂಲಕ ಆರಂಭಿಸಿತ್ತು. ಬಿಎಸ್ ಇ, ಪೇಟಿಎಂ ಷೇರು ಆರಂಭಿಕವಾಗಿ 1,955 ರೂಪಾಯಿಯಲ್ಲಿ ವಹಿವಾಟು ನಡೆಸಿತ್ತು.
2010ರಲ್ಲಿ ಇಂಜಿನಿಯರಿಂಗ್ ಪದವೀಧರ ವಿಜಯ್ ಶೇಖರ್ ಶರ್ಮಾ ಪೇಟಿಎಂ ಅನ್ನು ಮೊಬೈಲ್ ರೀಚಾರ್ಜ್ ಮಾಡಲು ಆರಂಭಿಸಿದ್ದರು. ಈ ಕಂಪನಿ ಶೀಘ್ರವಾಗಿ ಜನರನ್ನು ಆಕರ್ಷಿಸುವ ಮೂಲಕ ಜನಪ್ರಿಯವಾಗಿತ್ತು. ಭಾರತದಲ್ಲಿ ಉಬರ್ ಮೊದಲ ಬಾರಿಗೆ ಶೀಘ್ರವಾಗಿ ಹಣ ಪಾವತಿಸಲು ಪೇಟಿಎಂ ಅನ್ನು ಬಳಕೆ ಮಾಡಲು ಆರಂಭಿಸಿತ್ತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Congress;ಕಾರ್ಕಳ ಕ್ಷೇತ್ರದಿಂದ 40 ಸಾವಿರ ಲೀಡ್ ಗೆ ಪ್ರಯತ್ನ: ಮುನಿಯಾಲು
Belgavi; ತಂದೆ ಮಾಡಿದ ಅಭಿವೃದ್ಧಿ ಕೆಲಸಗಳನ್ನು ಮುಂದುವರಿಸುತ್ತೇವೆ: ಶ್ರದ್ಧಾ ಶೆಟ್ಟರ್
ಮೂಡುಬೆಳ್ಳೆ : ವೈಭವದ ಹಸಿರುವಾಣಿ ಹೊರೆಕಾಣಿಕೆ ಮೆರವಣಿಗೆ
Mudigere; ಹುಲಿ ಹತ್ಯೆ ಆರೋಪದ ಮೇಲೆ ಇಬ್ಬರ ಬಂಧನ
BJP ಶ್ರೀರಾಮುಲು, ಗಾಯತ್ರಿ ಸಿದ್ದೇಶ್ವರ್ ಈಗಾಗಲೇ ಗೆದ್ದಿದ್ದಾರೆ: ಜನಾರ್ದನ ರೆಡ್ಡಿ