ಶ್ರೀರಂಗಪಟ್ಟಣ : ಗೋಸಾಯಿಘಾಟ್ ಬಳಿ ತಾಯಿ, ಮಗಳು ಆತ್ಮಹತ್ಯೆ

Team Udayavani, Dec 18, 2021, 12:28 PM IST

ಶ್ರೀರಂಗಪಟ್ಟಣ : ಇಲ್ಲಿನ ಪವಿತ್ರ ಸ್ಥಳ ಗೋಸಾಯಿಘಾಟ್ ಬಳಿ ತಾಯಿ ಮತ್ತು ಮಗಳು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ಶುಕ್ರವಾರ ಸಂಜೆ ನಡೆದಿದೆ.

ಪಾಂಡವಪುರ ತಾಲೂಕಿನ ಲಕ್ಷ್ಮಿಸಾಗರ ಗ್ರಾಮದ ಪ್ರದೀಪ್ ಕುಮಾರ್ ಎಂಬುವರ ಪತ್ನಿ ಭಾರ್ಗವಿ (30) ಹಾಗೂ ದೀಕ್ಷ ( 3) ಮೃತರು. ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಆತ್ಮಹತ್ಯೆಗೆ ಶರಣಾಗಿರುವ ಶಂಖೆ ಪೊಲೀಸರಿಂದ ವ್ಯಕ್ತವಾಗಿದೆ. ಇವರು ಮೈಸೂರಿನ ಊಟಗಹಳ್ಳಿ ಗ್ರಾಮದಲ್ಲಿ ಸದ್ಯ ವಾಸವಾಗಿದ್ದರು ಎಂದು ತಿಳಿದು ಬಂದಿದೆ.

ಭಾರ್ಗವಿಯನ್ನು ದೇವೇಗೌಡನ ಕೊಪ್ಪಲಿನಿಂದ ಲಕ್ಷ್ಮಿ ಸಾಗರ ಪ್ರದೀಪ್ ಕುಮಾರ್ ಗೆ ವಿವಾಹ‌ಮಾಡಿ ಕೊಡಲಾಗಿತ್ತು. ಶುಕ್ರವಾರ ಸಂಜೆಯಲ್ಲಿ ಗಂಜಾಮ್ ನ ಗೋಸಾಯಿಘಾಟ್ ಗೆ ಬಂದು ಕಾವೇರಿ‌ ನದಿ ತೀರದಲ್ಲಿ ಚ ಪ್ಪಲಿ ,ಮೊಬೈಲ್ ಬಿಟ್ಟು ನೀರಲ್ಲಿ ಮುಳುಗಿದ್ದಾರೆ ಎಂದು‌ ಮೂಲಗಳು ತಿಳುಸಿವೆ.

ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿ, ತಾಯಿ ಮಗುವಿನ ಶವಗಳನ್ನು ಅಗ್ನಿ ಶಾಮಕ ದಳದ ಸಿಬ್ಬಂದಿಗಳ ಸಹಕಾರದಿಂದ ಮೇಲಕ್ಕೆತ್ತಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.