ಲಾಟರಿಗಳು, ಬೆಟ್ಟಿಂಗ್‌ ಮತ್ತು ಜೂಜುಗಳ ಮೇಲೆ GST ವಿಧಿಸುವುದು ತಪ್ಪಲ್ಲ: ಸುಪ್ರೀಂಕೋರ್ಟ್

Team Udayavani, Dec 3, 2020, 9:45 PM IST

ನವದೆಹಲಿ: ಲಾಟರಿಗಳು, ಬೆಟ್ಟಿಂಗ್‌ ಹಾಗೂ ಜೂಜು ಮೇಲೆ ಸರಕು ಮತ್ತು ಸೇವಾ ತೆರಿಗೆ(ಜಿಎಸ್‌ಟಿ) ವಿಧಿಸಿರುವುದನ್ನು ಎತ್ತಿಹಿಡಿಯುವ ಮೂಲಕ ಸುಪ್ರೀಂ ಕೋರ್ಟ್‌ ಗುರುವಾರ ಮಹತ್ವದ ತೀರ್ಪು ನೀಡಿದೆ.

ಇವುಗಳ ಮೇಲೆ ಜಿಎಸ್‌ಟಿ ವಿಧಿಸುವುದರಿಂದ ಸಂವಿಧಾನದಲ್ಲಿನ ಸಮಾನತೆಯ ಹಕ್ಕನ್ನು ಉಲ್ಲಂಘಿಸಿದಂತಾಗುವುದಿಲ್ಲ ಎಂದೂ ಅಭಿಪ್ರಾಯಪಟ್ಟಿದೆ. ಜತೆಗೆ, ಲಾಟರಿಗಳ ಮೇಲೆ ತೆರಿಗೆ ವಿಧಿಸುವ ಜಿಎಸ್‌ಟಿ ಕಾಯ್ದೆ, 2017ರ ನಿಬಂಧನೆಯನ್ನು ಎತ್ತಿಹಿಡಿದಿದೆ.

ಲಾಟರಿಗೆ ತೆರಿಗೆ ವಿಧಿಸುವುದರಿಂದ ಸಂವಿಧಾನ ನಮಗೆ ನೀಡಿರುವ ಸಮಾನತೆಯ ಹಕ್ಕು ಮತ್ತು ವೃತ್ತಿ ಆಯ್ಕೆಯ ಹಕ್ಕನ್ನು ಉಲ್ಲಂ ಸಿದಂತಾಗುತ್ತದೆ ಎಂದು ಆರೋಪಿಸಿ ಸ್ಕಿಲ್‌ ಲೋಟೋ ಸೊಲ್ಯೂಷನ್ಸ್‌ ಎಂಬ ಸಂಸ್ಥೆ ಅರ್ಜಿ ಸಲ್ಲಿಸಿತ್ತು. ಈ ಅರ್ಜಿಯನ್ನು ಕೋರ್ಟ್‌ ವಜಾ ಮಾಡಿದೆ.

ಇದನ್ನೂ ಓದಿ:“ಬ್ರಹ್ಮಪುತ್ರ ಡ್ಯಾಂ’ನಲ್ಲೂ ಚೀನಾ ಡ್ರಾಮಾ! ಯೋಜನೆ ಬಗ್ಗೆ ಆತಂಕ ಬೇಡವೆಂಬ ಸಮಜಾಯಿಷಿ