ವಿರಾಮ ರಾಜ್ಯದ ಕನಸು
Team Udayavani, Feb 17, 2021, 6:25 AM IST
4 ದಿನ ಕೆಲಸ, 3 ದಿನ ವಿರಾಮ! ಭಾರತದಲ್ಲಿ ಈ ಮಾದರಿಯ ಹೊಸ “ಉದ್ಯೋಗಪರ್ವ’ ಆರಂಭಗೊಳ್ಳುವ ದಿನಗಳು ಹೆಚ್ಚು ದೂರವಿಲ್ಲ. ಕೆಲಸದ ಅವಧಿ ಸಂಬಂಧ ಕೇಂದ್ರ ಸರಕಾರ ಕಾರ್ಮಿಕ ನೀತಿಗಳಿಗೆ ತಿದ್ದುಪಡಿ ತರಲು ಮುಂದಾಗಿದೆ. ವಾರದಲ್ಲಿ 4 ಅಥವಾ 5 ಕರ್ತವ್ಯದ ದಿನಗಳಿಗೆ ನೂತನ ನೀತಿ ಅವಕಾಶ ಮಾಡಿಕೊಡಲಿದೆ. ಈ ಪರಿಕಲ್ಪನೆ ಸುತ್ತಾ ಒಂದು ಇಣುಕುನೋಟ…
2-3 ದಿನ ರಜೆ, ಏನು ಲಾಭ?
– “ವಾರದಲ್ಲಿ ಕೆಲಸ ಅವಧಿ ಕಡಿತಗೊಳಿಸುವುದಿಂದ ಉತ್ಪಾದಕತೆ ಹೆಚ್ಚುತ್ತೆ’ ಅಂತಾರೆ ಕಾರ್ಪೊರೇಟ್ ವಲಯ ತಜ್ಞರು.
– ಇಂಥ ನೀತಿಗಳಿಂದ ಸಂಸ್ಥೆ ಹೆಚ್ಚಿನ ಉದ್ಯೋಗಿಗಳನ್ನು ಉಳಿಸಿಕೊಳ್ಳಲು ಸಾಧ್ಯ.
– 2019ರಲ್ಲಿ ಮೈಕ್ರೋಸಾಫ್ಟ್ ಜಪಾನ್ ಈ ನೀತಿಯಿಂದಾಗಿ ಉತ್ಪನ್ನಗಳಲ್ಲಿ ಶೇ.40 ಹೆಚ್ಚು ಮಾರಾಟ ಕಂಡಿತ್ತು. ಅಲ್ಲದೆ ಪ್ರತೀ ತಿಂಗಳು ವಿದ್ಯುತ್ ಬಳಕೆ ಶೇ.23ರಷ್ಟು, ಕಾಗದ ಮುದ್ರಣ ಶೇ.59ರಷ್ಟು ಕಡಿಮೆಯಾಗಿತ್ತು.
ಉದ್ದೇಶಿತ ಕಾಯ್ದೆ ಹೇಳುವುದೇನು?
– ಉದ್ಯೋಗಿಗಳಿಗೆ ವಾರದಲ್ಲಿ 48 ಗಂಟೆ ಮಾತ್ರವೇ ಕೆಲಸಕ್ಕೆ ಅವಕಾಶ ನೀಡಬೇಕು.
– ಈ ಪ್ರಕಾರವಾಗಿ, ಉದ್ಯೋಗಿಯ ಒಪ್ಪಿಗೆ ಮೇರೆಗೆ ಆತ ನಿತ್ಯ 9.6 ತಾಸು ದುಡಿದು, ವಾರಾಂತ್ಯದಲ್ಲಿ 2 ದಿನ ರಜೆ ಪಡೆಯಬಹುದು.
– ವಾರಾಂತ್ಯದಲ್ಲಿ 3 ದಿನ ರಜೆ ಬೇಕಿರುವವರು, ನಿತ್ಯ 12 ತಾಸಿನಂತೆ 4 ದಿನ ದುಡಿಯುವುದು ಕಡ್ಡಾಯ.
– 2 ಅಥವಾ 3 ದಿನ ರಜೆ ಕ್ರಮಾನುಗತಿಯಲ್ಲೇ ನೀಡಬೇಕು. ಅಂದರೆ ವಾರದ ಮಧ್ಯದಲ್ಲೊಂದು, ವಾರಾಂತ್ಯದಲ್ಲೊಂದು ಎಂಬಂತೆ ಇಲ್ಲ.
– ವೀಕ್ ಡೇಗಳಲ್ಲಿ ಚಹಾ, ಲಂಚ್ ವಿರಾಮಗಳನ್ನೂ ಕರ್ತವ್ಯದ ಅವಧಿಯೆಂದೇ ಸಂಸ್ಥೆಗಳು ಪರಿಗಣಿಸುವುದು.
ಎಲ್ಲೆಲ್ಲಿ, ಏನ್ ಕಥೆ?
ಫ್ರಾನ್ಸ್: ಕೆಲಸದ ಅವಧಿ ಕಡಿತ ನೀತಿಯನ್ನು ಫ್ರಾನ್ಸ್ 20 ವರ್ಷಗಳ ಹಿಂದೆಯೇ ಜಾರಿಗೊಳಿಸಿದೆ. ಆದರೆ ಈ ನೀತಿ ಫ್ರೆಂಚ್ ಸಂಸ್ಥೆಗಳ ನಡುವೆ ಸ್ಪರ್ಧೆ ತಗ್ಗಿಸಿದೆ.
ನೆದರ್ಲ್ಯಾಂಡ್: 2000ದಿಂದ ವಾರಕ್ಕೆ 29 ಗಂಟೆ ಕೆಲಸದ ಅವಧಿ ನಿಗದಿಪಡಿಸಿತ್ತು.
ನ್ಯೂಜಿಲ್ಯಾಂಡ್– ಫಿನ್ ಲ್ಯಾಂಡ್: ಕಾರ್ಯಾವಧಿ ಕಡಿತ ಕುರಿತು ನಿರ್ಧರಿಸುವ ಹೊಣೆಯನ್ನು ಸಂಸ್ಥೆ ಮುಖ್ಯಸ್ಥರಿಗೆ ನೀಡಿವೆ.
ಸವಾಲುಗಳೇನು?
– ವೀಕ್ ಡೇಗಳು ಸಂಕುಚಿತಗೊಂಡು, ನೌಕರನಿಗೆ ಹೆಚ್ಚು ಒತ್ತಡ ಸೃಷ್ಟಿ .
– ಎಲ್ಲ ರೀತಿಯ ಉದ್ಯಮಗಳಿಗೆ ಇದು ಹೊಂದಿಕೆ ಆಗದು. ಉದಾ: ವಾರದಲ್ಲಿ ಏಳೂ ದಿನ ಆಹಾರ ಸೇವೆ ನೀಡುವ ರೆಸ್ಟಾರೆಂಟ್, ನಿತ್ಯವೂ ಪತ್ರಿಕೆ ಪ್ರಕಟಿಸುವ ಪತ್ರಿಕೋದ್ಯಮಕ್ಕೆ ಇದು ಸವಾಲು.
– ಪ್ರಸ್ತುತ ಭಾರತದಲ್ಲಿ ಹೆಚ್ಚಿನ ನೌಕರರು ಶಿಫ್ಟ್ಗಳಿಗೇ ಒಗ್ಗಿ ಹೋಗಿದ್ದಾರೆ.
ಭಾರತ ಈಗ ಎಷ್ಟು ಕೆಲಸ ಮಾಡ್ತಿದೆ?
ಇತರೆ ದೇಶಗಳಿಗೆ ಹೋಲಿಸಿದರೆ, ಭಾರತೀಯರು ವರ್ಷದಲ್ಲಿ ಸುದೀರ್ಘ ಕೆಲಸ ಮಾಡುತ್ತಿದ್ದಾರೆ. ವರ್ಷದಲ್ಲಿ 35 ವಾರ ಮಾತ್ರವೇ ದುಡಿಸಿಕೊಳ್ಳುವ ಫ್ರಾನ್ಸ್ ಈ ವಿಚಾರದಲ್ಲಿ ನಂ.1 ಸ್ಥಾನ ಪಡೆದಿದೆ.
ಟ್ರೆಂಡ್ ಆರಂಭ
1908ರಲ್ಲಿ ಅಮೆರಿಕದ ನ್ಯೂ ಇಂಗ್ಲೆಂಡ್ ಮಿಲ್ ಸಂಸ್ಥೆ ವಾರದಲ್ಲಿ 5 ದಿನ ಕೆಲಸ ಪದ್ಧತಿ ಅಳವಡಿಸಿತು. ಧಾರ್ಮಿಕ ಕಾರಣಗಳಿಗಾಗಿ ಈ ನೀತಿ ಜಾರಿಗೆ ಬಂದಿತ್ತು. ಯಹೂದಿಗಳಿಗೆ ಶನಿವಾರ ಪ್ರಾರ್ಥನಾ ದಿನವಾದ ಕಾರಣ ಅಂದು ರಜೆ ಪಡೆದು, ರವಿವಾರ ಕೆಲಸಕ್ಕೆ ಮರಳುತ್ತಿದ್ದರು. ರವಿವಾರ ಪ್ರಾರ್ಥನೆದಿನವಾಗಿದ್ದರಿಂದ, ಕ್ರಿಶ್ಚಿಯನ್ನರು ಅಂದು ರಜೆ ಪಡೆಯುತ್ತಿದ್ದರು. ಇಬ್ಬರಿಗೂ ಅನುಕೂಲವಾಗಲಿ ಎಂಬ ದೃಷ್ಟಿಯಿಂದ ಶನಿವಾರ- ರವಿವಾರ ವಾರಾಂತ್ಯದ ರಜೆಗಳಾಗಿ ಘೋಷಿಸಲಾಗಿತ್ತು.
ಕೆಲಸದ ಸಮಯಕ್ಕೆ ಹೊಸ ತಿರುವು ನೀಡಿದ ಫೋರ್ಡ್
ಪಶ್ಚಿಮ ರಾಷ್ಟ್ರಗಳಲ್ಲಿ ಕೈಗಾರಿಕಾ ಕ್ರಾಂತಿ ಆರಂಭವಾದ ಸಮಯದಲ್ಲಿ ದಿನಕ್ಕೆ 8 ಗಂಟೆ ಕೆಲಸ ಎನ್ನುವ ಪರಿಕಲ್ಪನೆಯೇ ಇರಲಿಲ್ಲ. ಆಗೆಲ್ಲ ಉದ್ಯೋಗಿಗಳು 10-16 ಗಂಟೆ ಕೆಲಸ ಮಾಡುತ್ತಿದ್ದರು. ಆದರೆ ಸೆಪ್ಟಂಬರ್ 25, 1926ರಂದು ಫೋರ್ಡ್ ಮೊಟಾರ್ ಕಂಪೆನಿಯ ಸ್ಥಾಪಕ ಹೆನ್ರಿ ಫೋರ್ಡ್, ತಮ್ಮ ಕಂಪೆನಿಯಲ್ಲಿ ವಾರಕ್ಕೆ 5 ದಿನ ಹಾಗೂ ದಿನಕ್ಕೆ 8 ಗಂಟೆ ಮಾತ್ರ ಕೆಲಸ ಎಂಬ ನವನಿಯಮ ತಂದುಬಿಟ್ಟರು. ಆರಂಭದಲ್ಲಿ ಈ ಸಂಗತಿ ಉದ್ಯಮ ವಲಯಗಳ ಹುಬ್ಬೇರಿಸಿದ್ದು ಸುಳ್ಳಲ್ಲ. ಆದರೆ ಈ ನವ ನಿಯಮದ ಅನಂತರದಿಂದ ಫೋರ್ಡ್ ಕಂಪೆನಿಯ ಉತ್ಪಾದಕತೆಯಲ್ಲಿ ಗಣನೀಯ ಬೆಳವಣಿಗೆ ದಾಖಲಾಗತೊಡಗಿತು. ಇದನ್ನು ನೋಡಿ ಕೈಗಾರಿಕಾ ವಲಯಗಳೆಲ್ಲ ಇದೇ ನಿಯಮ ಅಳವಡಿಸಿಕೊಳ್ಳಲಾರಂಭಿಸಿದವು. ಈ ವಿಚಾರವಾಗಿ ಫೋರ್ಡ್ ಅವರನ್ನು ಪ್ರಶ್ನಿಸಿದಾಗ, ಇದರಿಂದಾಗಿ ಕಂಪೆನಿಯೊಂದರ ಉತ್ಪಾದಕತೆ ಹೆಚ್ಚುವುದಷ್ಟೇ ಅಲ್ಲದೇ, ವಾರದಲ್ಲಿ ಹೆಚ್ಚು ರಜಾ ದಿನಗಳು ದೊರೆತರೆ, ನೌಕರ ವರ್ಗಕ್ಕೆ ಶಾಪಿಂಗ್ಗೆ ಹೋಗಲು ಸಮಯ ದೊರೆಯುತ್ತದೆ. ಇದರಿಂದ ಮಾರುಕಟ್ಟೆಗೂ ಲಾಭ ಎಂದಿದ್ದರು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Vote: ಉದಾಸೀನ ಮಾಡದಿರಿ, ತಪ್ಪದೇ ಮತ ಹಾಕಿ…
Ram Navami Astrology 2024:ಶ್ರೀರಾಮ ನವಮಿ ಯೋಗ ಫಲಾಫಲ-12 ರಾಶಿಗಳ ಮೇಲಿನ ಪರಿಣಾಮ ಹೇಗಿದೆ?
Rama Navami 2024: ರಾಮ ನವಮಿ ಇತಿಹಾಸವೇನು? ಆಚರಣೆ ಮಾಡುವ ವಿಧಾನ ಹೇಗೆ…
Rama Navami: ಶ್ರೀ ರಾಮನ ಹೆಜ್ಜೆಗಳು ಬದುಕಿನ ಆದರ್ಶವಾಗಲಿ… ಪೇಜಾವರ ಶ್ರೀ
Rama Navami 2024: April 17ರಂದು ಶ್ರೀರಾಮ ನವಮಿ- ಅಯೋಧ್ಯೆಯಲ್ಲಿ ವಿಶೇಷ ಪೂಜೆ, ಉತ್ಸವ