Udayavni Special

ಕೃಷಿ ಸಮಸ್ಯೆ ಪರಿಹಾರಕ್ಕೆ ಸ್ವಾವಲಂಬಿ ಸೂತ್ರ


Team Udayavani, May 14, 2018, 6:35 AM IST

13ksde2.jpg

ಈ ವರ್ಷ ಅತಿವೃಷ್ಟಿಯಾಗಿ ಫಸಲು ಹಾಳಾಯಿತು. ಜತೆಗೆ ಕಾರ್ಮಿಕರ ಕೊರತೆ, ಪ್ರಾಕೃತಿಕ ವಿಕೋಪ, ಅಕಾಲಿಕ ಮಳೆ ಎಲ್ಲ ಒಟ್ಟಿಗೆ ಬಂತು. ಕೈಗೆ ಬಂದ ತುತ್ತು ಬಾಯಿಗೆ ಬರಲಿಲ್ಲ. ಕೃಷಿಯ ಉಸಾಬರಿ ಬೇಡ. ಜಮೀನು ಮಾರಿ ನಗರಕ್ಕೆ ಹೋಗಿ ಆರಾಮ ಇರಬೇಕೆಂಬ ಹಂಬಲ ಇದೆ. ಆದರೆ ಜಮೀನು ಮಾರಾಟವೇ ಆಗುತ್ತಿಲ್ಲ. ಮಕ್ಕಳಿಗೆ ಕೃಷಿಯ ಬಗ್ಗೆ ಆಸಕ್ತಿ ಇಲ್ಲ. ನಮ್ಮ ವಯಸ್ಸು ಸಹಕರಿಸುವುದಿಲ್ಲ ಎಂಬ ಮಾತುಗಳು ಮಧ್ಯ ವಯಸ್ಕ ಕೃಷಿಕರದ್ದು. 

ಇಲ್ಲಿ ಹತಾಶೆ, ಜುಗುಪ್ಸೆ, ವೈರಾಗ್ಯ ಎಲ್ಲವೂ ಸೇರಿದ ಭಾವನೆಗಳು ವ್ಯಕ್ತವಾಗುತ್ತವೆ. ಅಡಿಕೆ ತೋಟ ಕಡಿದು ರಬ್ಬರ್‌ ಬೆಳೆಸಿದಾಗ, ರಬ್ಬರ್‌ ಧಾರಣೆ ಕುಸಿಯಿತು. ಅಡಿಕೆ ಧಾರಣೆಯೂ ಸಮಾಧಾನಕರವಾಗಿಲ್ಲ. ಮಾರುಕಟ್ಟೆಯು ಕೃಷಿಕರ ಪರವಾಗಿಲ್ಲ ಎಂಬ ಆತಂಕ. ಈ ಎಲ್ಲ ಸಮಸ್ಯೆಗಳನ್ನು ಮತ್ತೆ ಮತ್ತೆ ಮೆಲುಕು ಹಾಕುವ ಬದಲು ಸೂಕ್ತ ಪರಿಹಾರ ಕಾಣುವ ಕಡೆಗೆ ಕೃಷಿಕರ ಮನಸು ಹೊರಳುವುದೇ ಇಲ್ಲ. ಕಾರ್ಮಿಕರ ಕೊರತೆಯನ್ನೇ ಬೆಟ್ಟ ಮಾಡಿ ಆಕಾಶವೇ ತಲೆ ಮೇಲೆ ಬಿದ್ದಂತೆ ಚಡಪಡಿಸುವ ಕೃಷಿಕರು  ನಮ್ಮ ಜಮೀನಿನಲ್ಲಿ ನಾವೇ ದುಡಿಯುವ ಅಭ್ಯಾಸ ಬಹುತೇಕ ಮಂದಿ ಮಾಡುವುದಿಲ್ಲ.

ಅಡಿಕೆ ಕೊಯ್ಯುವುದು, ಅಡಿಕೆಗೆ ಔಷಧ ಸಿಂಪಡಿಸುವುದು, ತೆಂಗಿನ ಕಾಯಿ ಕೀಳುವುದು ಮೊದಲಾದ ಕೆಲಸಗಳಿಗೆ ಅನುಭವ ಬೇಕು. ಅದು ಕಠಿನವಾದ ಕೆಲಸವಾಗಿರುವುದರಿಂದ ಅನುಭವಿ ಕಾರ್ಮಿಕರನ್ನು ಬಳಸುವುದು ಯೋಗ್ಯ. ಆದರೆ ಅಡಿಕೆ ಹೆಕ್ಕುವುದು, ಅಡಿಕೆ ತೋಟದ ಸೋಗೆ ತೆರವು ಮಾಡುವುದು, ತೋಟದ ನೀರಾವರಿ ವ್ಯವಸ್ಥೆ ನಿರ್ವಹಣೆ, ಮನೆಯ ಪರಿಸರದಲ್ಲಿ ತರಕಾರಿ ತೋಟ, ರಬ್ಬರ್‌ ಹಾಲು ಸಂಗ್ರಹಿಸುವುದು, ತೋಟಕ್ಕೆ ಪೋಷಕಾಂಶ ವಿತರಿಸುವುದು ಮೊದಲಾದ ಸುಲಭವೆನಿಸುವ ಕೆಲಸಗಳಿಗೆ ಕಾರ್ಮಿಕರನ್ನೆ ನಂಬಿ ಕುಳಿತುಕೊಳ್ಳಬಾರದು. ಇಂದಿನ ಕೃಷಿ ಕ್ಷೇತ್ರದ ಸಮಸ್ಯೆಗಳು ಬಹುತೇಕವಾಗಿ ಕಾರ್ಮಿಕರ ಅವಲಂಬನೆಯಿಂದಲೇ ಸೃಷ್ಟಿಯಾಗುತ್ತಿದೆ. ಸ್ವಲ್ಪ ಶ್ರಮ ವಹಿಸಿ ದುಡಿಯುವ ಮನೋಭಾವ ಇದ್ದರೆ ಕೃಷಿ ಕ್ಷೇತ್ರದ ಶೇ.75ರಷ್ಟು ಕೆಲಸಗಳನ್ನು ಜಮೀನಿನ ಮಾಲಕರೇ ನಿರ್ವಹಿಸಬಹುದು. ಕೃಷಿ ಕ್ಷೇತ್ರದ ಸುಲಭವಾದ ಕೆಲಸಗಳನ್ನು ನಾವೇ ಮಾಡುವುದರಿಂದ ನಮ್ಮ ಕೌಟುಂಬಿಕ ಆದಾಯವೂ ಹೆಚ್ಚುತ್ತದೆ. ನಮ್ಮ ಶರೀರಕ್ಕೆ ಸ್ವಲ್ಪ ಮಟ್ಟಿನ ವ್ಯಾಯಾಮವೂ ದೊರೆಯುತ್ತದೆ.

ಯುವಜನಾಂಗವು ಕೃಷಿ ಕ್ಷೇತ್ರವನ್ನು ತೀರಾ ನಿರ್ಲಕ್ಷಿಸುತ್ತಿದೆ. ಅನೇಕ ಕಡೆಗಳಲ್ಲಿ ಹಿಂದೆ ಫಲವತ್ತಾಗಿದ್ದ ಭೂಮಿ ಈಗ ಬರಡು ಬಿದ್ದಿರುವುದಕ್ಕೆ ಯುವಜನಾಂಗವೇ ಕಾರಣ. ಯುವಕರು ಪ್ರತಿ ದಿನದ ಕನಿಷ್ಠ 1 ಗಂಟೆಯನ್ನು ಮನೆಯ ಸುತ್ತ ತರಕಾರಿ ಕೃಷಿ, ಹೂದೋಟ, ಕೃಷಿ ನಿರ್ವಹಣೆ, ಅಪರೂಪದ ವೃಕ್ಷ ಸಂರಕ್ಷಣೆ ಮಾಡಬೇಕು. ಮನೆಯ ಹಿರಿಯರು ಮಕ್ಕಳಿಗೆ ಕೃಷಿ ಕ್ಷೇತ್ರದ ಬಗ್ಗೆ ಪ್ರೀತಿಯನ್ನು ಹುಟ್ಟಿಸಬೇಕು. ಕೃಷಿಯ ಕಷ್ಟಗಳು ನಮಗೆ ಇರಲಿ ಮಕ್ಕಳಿಗೆ ಬೇಡ ಎಂಬ ಅತಿಯಾದ ಪ್ರೀತಿಯಿಂದ ಯುವಜನಾಂಗಕ್ಕೆ ಕೃಷಿಯ ಬಗ್ಗೆ ಆಸಕ್ತಿ ಹಾಗೂ ಅರಿವು ಮೂಡುವುದಿಲ್ಲ. ಕೇರಳ ರಾಜ್ಯದ ಕೃಷಿ ಭವನಗಳು ಸಾವಯವ ಕೃಷಿ, ತರಕಾರಿ ಕೃಷಿಗೆ ಹೆಚ್ಚಿನ ಪ್ರೋತ್ಸಾಹ ನೀಡುತ್ತಿದೆ. ಪ್ರತಿ ಪೋಷಕರೂ ತಮ್ಮ ಮಕ್ಕಳಲ್ಲಿ ಕೃಷಿಯ ಬಗ್ಗೆ ಆಸಕ್ತಿ ಮೂಡುವಂತೆ ಅವರನ್ನು ಕೃಷಿಯಲ್ಲಿ ಕ್ರಿಯಾತ್ಮಕವಾಗಿ ತೊಡಗಿಕೊಳ್ಳುವಂತೆ ಮಾಡಬೇಕು.

ಕೃಷಿಕರಲ್ಲಿ ಯೋಜನೆಯ ಬಗ್ಗೆ ನಿಖರ ಅರಿವಿರಬೇಕು. ತಮ್ಮ ಕೃಷಿಯ ಗುಣಮಟ್ಟ, ಸಾಧ್ಯತೆ, ಪರಿಣಾಮದ ಮಾಹಿತಿ ಬೇಕು. ಪ್ರಾದೇಶಿಕ ಅಸಮಾನತೆಯಿಂದ ಕೃಷಿಯಲ್ಲಾಗುವ ನಷ್ಟವನ್ನು ಅರಿತುಕೊಳ್ಳುವ ಜಾಣ್ಮೆ ಇರಬೇಕು. ಕೃಷಿಗೆ ರೋಗ ಬಂದ ಮೇಲೆ ಚಿಕಿತ್ಸೆ ಕೊಡುವುದಕ್ಕಿಂತ, ರೋಗ ಬರುವ ಮೊದಲೇ ಸೂಕ್ತ ಮುಂಜಾಗ್ರತೆ ವಹಿಸಬೇಕು. ಸರಕಾರದಿಂದ ಕೃಷಿಕರಿಗಾಗಿ ಅನೇಕ ಸೌಲಭ್ಯಗಳು ಬಿಡುಗಡೆಯಾಗುತ್ತವೆ. ಅವುಗಳನ್ನು ಸಕಾಲದಲ್ಲಿ ಸ್ವೀಕರಿಸಿ ಕೃಷಿಯ ಅಭಿವೃದ್ಧಿಗೆ ಪ್ರಯತ್ನಿಸಬೇಕು. ಅಕಾಲಿಕ ಮಳೆಯಿಂದ ಅಡಿಕೆಯನ್ನು ರಕ್ಷಿಸಲು ಪ್ಲಾಸ್ಟಿಕ್‌ ಗೂಡುಗಳನ್ನು ನಿರ್ಮಿಸಬೇಕು. ರಬ್ಬರ್‌ ಹಾಲು ಪಾತ್ರೆಯಿಂದ ಸೋರಿ ಹೋಗದಂತೆ ಮುತುವರ್ಜಿ ವಹಿಸಬೇಕು. ಕೃಷಿಯ ನಿರ್ವಹಣಾ ವೆಚ್ಚ ಕಡಿಮೆ ಮಾಡುವ ಹಿನ್ನೆಲೆಯಲ್ಲಿ ಯಾಂತ್ರೀಕೃತ  ಪರಿಕರಗಳನ್ನು ಬಳಸಬೇಕು.

ಕಾರ್ಮಿಕರನ್ನು ಬಳಸಿ ತೋಟದ ಕಾಡು ಕಡಿಯುವ ಬದಲು ಯಂತ್ರವನ್ನು ಬಳಸಬೇಕು. ಅಡಿಕೆ ಸುಲಿಯಲು ಯಂತ್ರವನ್ನು ಬಳಸಬೇಕು, ಔಷಧಿ ಸಿಂಪಡಣೆಗೆ ನೂತನ ಆವಿಷ್ಕಾರಗನ್ನು ಬಳಸಿಕೊಳ್ಳಬೇಕು. ಹೀಗೆ ಯೋಗ್ಯ ಪರಿಕರವನ್ನು ಬಳಸಿಕೊಂಡು ಕೃಷಿ ಮಾಡುವ ಪದ್ಧತಿಯಿಂದ ಕೃಷಿ ಕ್ಷೇತ್ರದ ವಿವಿಧ ಸಮಸ್ಯೆಗಳನ್ನು ನಿವಾರಿಸಬಹುದು. ಕೃಷಿಯಲ್ಲಿ ಆಧುನಿಕ ತಳಿಗಳ ಅನ್ವೇಷಣೆ ಆಗಬೇಕು. ಪ್ರತಿಯೊಬ್ಬ ಕೃಷಿಕರೂ ಕೂಡ  ಒಂದೇ ಕೃಷಿಯನ್ನು ಅವಲಂಬಿಸದೆ ಮಿಶ್ರ ಬೆಳೆಯನ್ನು ಬೆಳೆಸಬೇಕು. ಆಗ ಒಂದು ಕೃಷಿಗೆ ಧಾರಣೆ ಕುಸಿದರೆ, ಆ ನಷ್ಟವನ್ನು ಇನ್ನೊಂದು ಕೃಷಿಯ ಮೂಲಕ ಸರಿದೂಗಿಸಬಹುದು. ಇಂದಿನ ಮಾರುಕಟ್ಟೆಯು ವ್ಯಾಪಾರಿಗಳು ಹಾಗೂ ಮಧ್ಯವರ್ತಿಗಳ ಹಿಡಿತದಲ್ಲಿದೆ. ಕೃಷಿಕರು ಕಷ್ಟಪಟ್ಟು ಬೆಳೆಸಿದ ಫಸಲಿಗೆ ಧಾರಣೆ ನಿಗದಿಸುವ ಅಧಿಕಾರ ಕೃಷಿಕರಿಗಿಲ್ಲ. ಧಾರಣೆ ನಿಗದಿಸುವ ಅಧಿಕಾರ ವ್ಯಾಪಾರಿಗೆ ಇದೆ. ಇದು ನಿಜವಾಗಿಯೂ ದುರಂತ. ಇದರಿಂದ ಕೃಷಿಕರು ಶೋಷಣೆಗೆ ಒಳಗಾಗುವ ಸಾಧ್ಯತೆಯೂ ಇದೆ. ಫಸಲು ಎಷ್ಟೇ ಉತ್ತಮವಿದ್ದರೂ ಅದರಲ್ಲಿ ಕೊರತೆಯನ್ನು ಕಂಡು ಹಿಡಿದು ಧಾರಣೆ ತಗ್ಗಿಸುವುದಕ್ಕಾಗಿ ವ್ಯಾಪಾರಿ ಪ್ರಯತ್ನಿಸುತ್ತಾನೆ. ಕೃಷಿಕರ ಪ್ರಗತಿ ಆಗದಿರುವುದಕ್ಕೆ ಮಾರುಕಟ್ಟೆಯೂ ಕೂಡಾ ಕಾರಣವಾಗುತ್ತದೆ. ಕೃಷಿಕರ ವಸ್ತುಗಳಿಗೆ ಕೃಷಿಕರೇ ಧಾರಣೆ ನಿರ್ಧರಿಸುವ ತನಕ ಮಾರುಕಟ್ಟೆಯಲ್ಲಿ ಕೃಷಿಕರ ಮೇಲಿನ ಶೋಷಣೆ ಕಡಿಮೆಯಾಗುವುದಿಲ್ಲ.

ಒಟ್ಟಿನಲ್ಲಿ ಕೃಷಿಕರು ತಮ್ಮ ಜಮೀನಿನ ಸುಲಭವಾದ ಕೃಷಿ ಕೆಲಸಗಳನ್ನು ತಾವೇ ನಿರ್ಧರಿಸುವುದು, ತಮ್ಮ ಮಕ್ಕಳನ್ನೂ ಕೂಡ ಕೃಷಿ ಕೆಲಸಗಳಲ್ಲಿ ತೊಡಗಿಸಿಕೊಳ್ಳುವುದು, ಕೃಷಿಯ ಗುಣಮಟ್ಟ ರಕ್ಷಣೆ, ಮಿಶ್ರ ಕೃಷಿ ಪದ್ಧತಿ, ಮಾರುಕಟ್ಟೆಯ ಧಾರಣೆ ನಿರ್ಣಯದ ಅಧಿಕಾರ ಗಳಿಸಿಕೊಳ್ಳುವುದೇ ಮೊದಲಾದ ಅನೇಕ ಕೃಷಿಪರ ಕೆಲಸಗಳನ್ನು ಶಕ್ತವಾಗಿ ಕೃಷಿಕರು ಒಗ್ಗಟ್ಟಿನಿಂದ ನಿರ್ವಹಿಸಿದರೆ ಇಂದಿನ ಕೃಷಿಯಲ್ಲಿ ಸಮಸ್ಯೆಗಳೇ ಇಲ್ಲ. ಆದ್ದರಿಂದ ಕೃಷಿಕರು ಸಮಸ್ಯೆಗಳ ಸುಳಿಯಲ್ಲಿ ಸಿಲುಕದೆ ತಮ್ಮ ಕೆಲಸಗಳನ್ನು ತಾವೇ ಮಾಡಿಕೊಳ್ಳುವ ಜಾಣ್ಮೆಯನ್ನು ಅಳವಡಿಸಿಕೊಳ್ಳಬೇಕು. ಹಾಗಾದಲ್ಲಿ ಕೃಷಿ ಖಂಡಿತವಾಗಿಯೂ ಕಬ್ಬಿಣದ ಕಡಲೆಯಲ್ಲ. ಕೃಷಿಯ ಸಂಪರ್ಕದಿಂದ ದೊರೆಯುವ ನೆಮ್ಮದಿ ಬೇರೆ ಯಾವ ಉದ್ಯೋಗದಲ್ಲೂ ದೊರೆಯುವುದಿಲ್ಲ. 

– ವಿರಾಜ್‌ ಅಡೂರು

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

Stoins1

ಅರಬ್ ನಾಡಿನಲ್ಲಿ ಸ್ಟೊಯ್ನ್ಸ್ ಬಿರುಗಾಳಿ ; ಪಂಜಾಬ್ ಗೆಲುವಿಗೆ 158 ಗುರಿ

sukbir

ಕೃಷಿ ಮಸೂದೆಗೆ ಅಂಕಿತ ಹಾಕಬೇಡಿ,ರೈತರು ನಮ್ಮನ್ನೆಂದು ಕ್ಷಮಿಸಲ್ಲ:ರಾಷ್ಟ್ರಪತಿಗೆ ಬಾದಲ್ ಮನವಿ

NEWS-TDY-01

ಚೆನ್ನೈ ವಿರುದ್ಧದ ಮೊದಲ ಪಂದ್ಯಕ್ಕೆ ರಾಜಸ್ಥಾನ್ ತಂಡಕ್ಕೆ ಬಟ್ಲರ್ ಅಲಭ್ಯ

ಚಿತ್ರದುರ್ಗ ಜಿಲ್ಲೆಯಲ್ಲಿ 254 ಜನರಿಗೆ ಕೋವಿಡ್ ಪಾಸಿಟಿವ್! 421 ಮಂದಿ ಗುಣಮುಖ

ಚಿತ್ರದುರ್ಗ ಜಿಲ್ಲೆಯಲ್ಲಿ 254 ಜನರಿಗೆ ಕೋವಿಡ್ ಪಾಸಿಟಿವ್! 421 ಮಂದಿ ಗುಣಮುಖ

punjab-delhin

ಐಪಿಎಲ್ 2020: ಟಾಸ್ ಗೆದ್ದ ಪಂಜಾಬ್ ಬೌಲಿಂಗ್ ಆಯ್ಕೆ

ಚಾಮರಾಜನಗರ : ಕೋವಿಡ್ ಸೋಂಕಿಗೆ ಓರ್ವ ಸಾವು, 73 ಮಂದಿ ಗುಣಮುಖ, 66 ಹೊಸ ಪ್ರಕರಣ ದೃಢ

ಚಾಮರಾಜನಗರ : ಕೋವಿಡ್ ಸೋಂಕಿಗೆ ಓರ್ವ ಸಾವು, 73 ಮಂದಿ ಗುಣಮುಖ, 66 ಹೊಸ ಪ್ರಕರಣ ದೃಢ

ಭಾರಿ ಮಳೆಗೆ ಭದ್ರಾವತಿಯ ಹೊಸ ಸೇತುವೆ ಮುಳುಗಡೆ: ವಾಹನ ಸಂಚಾರ ಬಂದ್

ಭಾರಿ ಮಳೆಗೆ ಭದ್ರಾವತಿಯ ಹೊಸ ಸೇತುವೆ ಮುಳುಗಡೆ: ವಾಹನ ಸಂಚಾರ ಬಂದ್






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಸಚಿವ, ಶಾಸಕರ ರಾಜೀನಾಮೆಗೆ ಬಿಜೆಪಿ ಪಂಜಿನ ಮೆರವಣಿಗೆ

ಸಚಿವ, ಶಾಸಕರ ರಾಜೀನಾಮೆಗೆ ಬಿಜೆಪಿ ಪಂಜಿನ ಮೆರವಣಿಗೆ

ಕಾಸರಗೋಡು: ಜನಪರ ಹೊಟೇಲ್‌ಗ‌ಳ ಉದ್ಘಾಟನೆ

ಕಾಸರಗೋಡು: ಜನಪರ ಹೊಟೇಲ್‌ಗ‌ಳ ಉದ್ಘಾಟನೆ

mogral

ಮೊಗ್ರಾಲ್‌ ಯುನಾನಿ ಆಸ್ಪತ್ರೆಯ ನೂನತ ಕಟ್ಟಡಕ್ಕೆ ಶಿಲಾನ್ಯಾಸ

ಜಿಲ್ಲಾಧಿಕಾರಿ ಕಚೇರಿಗೆ ಬಿಜೆಪಿ ಮಹಿಳಾ ಮೋರ್ಚಾದಿಂದ ಪ್ರತಿಭಟನೆ ಜಾಥಾ

ಜಿಲ್ಲಾಧಿಕಾರಿ ಕಚೇರಿಗೆ ಬಿಜೆಪಿ ಮಹಿಳಾ ಮೋರ್ಚಾದಿಂದ ಪ್ರತಿಭಟನೆ ಜಾಥಾ

ಪೈನ್‌ ಆ್ಯಂಡ್‌ ಪಾಲಿಯೇಟಿವ್‌ ವಾಹನಕ್ಕೆ ಸಚಿವ ಇ. ಚಂದ್ರಶೇಖರನ್ ರಿಂದ ಹಸುರು ನಿಶಾನೆ

ಪೈನ್‌ ಆ್ಯಂಡ್‌ ಪಾಲಿಯೇಟಿವ್‌ ವಾಹನಕ್ಕೆ ಸಚಿವ ಇ. ಚಂದ್ರಶೇಖರನ್ ರಿಂದ ಹಸುರು ನಿಶಾನೆ

MUST WATCH

udayavani youtube

Dr.Harsha Kamath : ಕಾರ್ಕಳದ ಈ Doctor ಕಲಾ ಕುಸುರಿಯ Master | Udayavani

udayavani youtube

ಮುಂಬೈಯಿಂದ ಡ್ರಗ್ಸ್‌ ತಂದು ಮಂಗಳೂರಿನಲ್ಲಿ ಮಾರಾಟ ಮಾಡುತ್ತಿದ್ದರು: ನಗರ ಪೊಲೀಸ್ ಆಯುಕ್ತ

udayavani youtube

ಕುತಂತ್ರಿ ಚೀನಾವನ್ನು ಕಟ್ಟಿ ಹಾಕುವುದು ಹೇಗೆ?

udayavani youtube

ಭಾಗಶಃ ಕುಸಿದ ಉಡುಪಿಯ ಹಳೆಯ ಕಟ್ಟಡ: ಓರ್ವ ಮಹಿಳೆಗೆ ಗಾಯ | Udayavani

udayavani youtube

ಹಂಪನಕಟ್ಟೆಯಲ್ಲಿ ಪತ್ತೆಯಾದ ಶತಮಾನದ ಹಿಂದಿನ ಬಾವಿ!



ಹೊಸ ಸೇರ್ಪಡೆ

Stoins1

ಅರಬ್ ನಾಡಿನಲ್ಲಿ ಸ್ಟೊಯ್ನ್ಸ್ ಬಿರುಗಾಳಿ ; ಪಂಜಾಬ್ ಗೆಲುವಿಗೆ 158 ಗುರಿ

sukbir

ಕೃಷಿ ಮಸೂದೆಗೆ ಅಂಕಿತ ಹಾಕಬೇಡಿ,ರೈತರು ನಮ್ಮನ್ನೆಂದು ಕ್ಷಮಿಸಲ್ಲ:ರಾಷ್ಟ್ರಪತಿಗೆ ಬಾದಲ್ ಮನವಿ

NEWS-TDY-01

ಚೆನ್ನೈ ವಿರುದ್ಧದ ಮೊದಲ ಪಂದ್ಯಕ್ಕೆ ರಾಜಸ್ಥಾನ್ ತಂಡಕ್ಕೆ ಬಟ್ಲರ್ ಅಲಭ್ಯ

ಬೀದರ್ ನಲ್ಲಿ 77 ಕೋವಿಡ್ ಪಾಸಿಟಿವ್ ಕೇಸ್ ಪತ್ತೆ! ಸೋಂಕಿತರ ಸಂಖ್ಯೆ 5823ಕ್ಕೆ ಏರಿಕೆ

ಬೀದರ್ ನಲ್ಲಿ 77 ಕೋವಿಡ್ ಪಾಸಿಟಿವ್ ಕೇಸ್ ಪತ್ತೆ! ಸೋಂಕಿತರ ಸಂಖ್ಯೆ 5823ಕ್ಕೆ ಏರಿಕೆ

ಕರಿನಂಜನಪುರ ರಸ್ತೆಗೆ ಮಾಜಿ ಶಾಸಕ ಸಿ.ಗುರುಸ್ವಾಮಿ ಹೆಸರಿಡಲು ಗುಂಡ್ಲುಪೇಟೆ ಶಾಸಕ ಸಲಹೆ

ಕರಿನಂಜನಪುರ ರಸ್ತೆಗೆ ಮಾಜಿ ಶಾಸಕ ಸಿ.ಗುರುಸ್ವಾಮಿ ಹೆಸರಿಡಲು ಗುಂಡ್ಲುಪೇಟೆ ಶಾಸಕ ಸಲಹೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.