ಕಣ್ಣೂರು ವಿಮಾನ ನಿಲ್ದಾಣ: ವರ್ಷದಲ್ಲಿ 60 ಕಿಲೋ ಚಿನ್ನ, 30 ಲಕ್ಷ ರೂ. ಕೇಸರಿ ವಶಕ್ಕೆ

Team Udayavani, Dec 10, 2019, 12:31 AM IST

ಕಾಸರಗೋಡು: ಕಣ್ಣೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಕಾರ್ಯಾರಂಭಗೊಂಡು ಒಂದು ವರ್ಷವಾಗಿದ್ದು, ಈ ಅವಧಿಯಲ್ಲಿ ವಿಮಾನ ನಿಲ್ದಾಣದ ಮೂಲಕ ಅಕ್ರಮವಾಗಿ ಸಾಗಾಟ ಮಾಡಿದ 60 ಕಿಲೋ ಚಿನ್ನ ಮತ್ತು 30 ಲಕ್ಷ ರೂ. ಮೌಲ್ಯದ ಕೇಸರಿಯನ್ನು ವಶಪಡಿಸಿಕೊಳ್ಳಲಾಗಿದೆ.

ಇದೇ ವೇಳೆ 60 ಲಕ್ಷ ರೂ. ಮೌಲ್ಯದ ವಿದೇಶಿ ಕರೆನ್ಸಿಯನ್ನು ಕೂಡ ಕಸ್ಟಮ್ಸ್‌ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ. ಈ ಸಂಬಂಧ ಬಂಧಿತರಾದವರಲ್ಲಿ ಬಹುತೇಕ ಮಂದಿ ಕಾಸರಗೋಡು ಜಿಲ್ಲೆಯವರಾಗಿದ್ದಾರೆ. ಅಕ್ರಮ ಸಾಗಾಟ ತಂಡದಲ್ಲಿ ದೊಡ್ಡ ಜಾಲವೇ ಕಾರ್ಯವೆಸಗುತ್ತಿರುವ ಬಗ್ಗೆ ಕಸ್ಟಮ್ಸ್‌ಗೆ ಮಾಹಿತಿ ಲಭಿಸಿದ್ದರೂ ಜಾಲವನ್ನು ಭೇದಿಸಲು ಈವರೆಗೂ ಸಾಧ್ಯವಾಗಿಲ್ಲ.