ಕಾಸರಗೋಡು : ವಾರಾಂತ್ಯ ಲಾಕ್ಡೌನ್ ಒಂದೇ ದಿನ
Team Udayavani, Aug 5, 2021, 7:18 AM IST
ಕಾಸರಗೋಡು: ಕೇರಳದಲ್ಲಿ ಕೋವಿಡ್ ಎರಡನೇ ಅಲೆಯ ಹಿನ್ನೆಲೆಯಲ್ಲಿ ಹೇರಿದ್ದ ನಿಯಂತ್ರಣವನ್ನು ಆ. 5ರಿಂದ ಇನ್ನಷ್ಟು ಸಡಿಲಗೊಳಿಸ ಲಾಗಿದೆ. ವಾರಾಂತ್ಯ ಲಾಕ್ಡೌನ್ ನಿಯಮದಲ್ಲಿ ಪರಿಷ್ಕರಣೆ ಮಾಡಲಾ ಗಿದ್ದು ಶನಿವಾರದ ಲಾಕ್ಡೌನ್ ಇರುವುದಿಲ್ಲ. ರವಿವಾರ ಮಾತ್ರ ಸಂಪೂರ್ಣ ಬಂದ್ ಇರಲಿದೆ.
ಅಂಗಡಿಗಳು ಬೆಳಗ್ಗೆ 7ರಿಂದ ರಾತ್ರಿ 9ರ ವರೆಗೆ ತೆರೆಯಬಹುದು. 1 ಡೋಸ್ ಲಸಿಕೆ ಪಡೆದವರು ಅಥವಾ ಕೋವಿಡ್ ನೆಗೆಟಿವ್ ಸರ್ಟಿ ಫಿಕೆಟ್ ಹೊಂದಿರುವ ನೌಕರರಿಗೆ, ಗ್ರಾಹಕರಿಗೆ ಮಾತ್ರ ಪ್ರವೇಶವಿರುತ್ತದೆ.
ಸ್ವಾತಂತ್ರ್ಯ ದಿನವಾದ ಆ. 15 ಮತ್ತು ಅವಿಟ್ಟಂ ದಿನವಾದ ಆ. 22ರಂದು (ರವಿವಾರ) ಲಾಕ್ಡೌನ್ ಇರುವುದಿಲ್ಲ. ಕೋವಿಡ್ ಟಿಪಿಆರ್ ಹಿನ್ನೆಲೆಯಲ್ಲಿ ಸ್ಥಳೀಯಾಡಳಿತಗಳನ್ನು ಮುಚ್ಚುವ ನಿರ್ಧಾರ ರದ್ದುಗೊಳಿಸಲಾಗಿದೆ. ಸೋಂಕು ಪೀಡಿತ ಪ್ರದೇಶಗಳಲ್ಲಿ ಮಾತ್ರ ನಿಯಂತ್ರಣ ಹೇರಲಾಗಿದೆ. ಪ್ರತಿಯೊಂದು ಪ್ರದೇಶದಲ್ಲಿ ಸಾವಿರ ಜನರಲ್ಲಿ ಎಷ್ಟು ಮಂದಿಗೆ ಸೋಂಕು ಬಾಧಿಸಿದೆ ಎಂಬ ಲೆಕ್ಕಾಚಾರದಲ್ಲಿ ನಿಯಂತ್ರಣ ಏರ್ಪಡಿಸಲಾಗುವುದು.