ಹೊಸದುರ್ಗ: ಆಳ ಸಮುದ್ರದಲ್ಲಿ ಶಂಕಿತ ಹಡಗು ಪತ್ತೆ
Team Udayavani, Jul 13, 2022, 1:29 AM IST
ಕುಂಬಳೆ : ಕಾಸರಗೋಡು ಜಿಲ್ಲೆಯ ಹೊಸದುರ್ಗ ಬಲ್ಲದ ಆಳ ಸಮುದ್ರದಲ್ಲಿ ಕಳೆದ ಎರಡು ದಿನಗಳಿಂದ ರಾತ್ರಿ ವೇಳೆಯಲ್ಲಿ ಹಡಗು ಗೋಚರಿಸಿದೆ.
ಹಡಗಿನ ಪ್ರಖರ ಬೆಳಕು ಸಮುದ್ರ ತೀರದುದ್ದಕ್ಕೂ ಕಾಣಿಸುತ್ತಿತ್ತು. ಕರಾವಳಿ ಜಾಗೃತ ಸಮಿತಿಯವರು ಇದನ್ನು ಕಂಡು ಕರಾವಳಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಪೊಲೀಸರು, ಕೇಂದ್ರ ಗುಪ್ತಚರ ವಿಭಾಗದ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ.
ಭಾರತೀಯ ನೌಕಾ ಪಡೆ ಮತ್ತು ಕರಾವಳಿ ಸಂರಕ್ಷಣ ಪಡೆಯ ಹಡಗುಗಳು ಬಂದರುಗಳಲ್ಲದೆ ಇತರೆಡೆಗಳಲ್ಲಿ ಸಮುದ್ರ ದಡದ ಮೂಲಕ ಸಾಗುವುದಿಲ್ಲ. ಆದರೆ ಇಲ್ಲಿ ಹಡಗೊಂದು ಸಮುದ್ರ ತೀರದಲ್ಲಿ ಪತ್ತೆಯಾಗಿರುವುದು ಹಲವು ಶಂಕೆಗೆ ಕಾರಣವಾಗಿದೆ.
ಸಮುದ್ರ ಮಾರ್ಗವಾಗಿ ಉಗ್ರವಾದಿಗಳು ನುಸುಳುವ ಸಾಧ್ಯತೆ ಇರುವುದಾಗಿ ದೇಶದ ಎಲ್ಲ ರಾಜ್ಯ ಸರಕಾರಗಳಿಗೆ ಸೂಚಿಸಲಾಗಿದೆ. ಸಮುದ್ರ ಮಾರ್ಗವಾಗಿ ಮಾದಕ ವಸ್ತು, ಆಯುಧ, ಚಿನ್ನ ಸಾಗಾಟ ನಡೆಯುತ್ತಿದೆ. ಇಂಥ ಕೃತ್ಯಗಳು ರಾತ್ರಿ ಕಾಲದಲ್ಲಿ ನಡೆಯುತ್ತಿದ್ದು ಇದನ್ನು ಕೇಂದ್ರ ಗುಪ್ತಚರ ವಿಭಾಗ ತನಿಖೆ ನಡೆಸುತ್ತಿದೆ. ಭಾರತೀಯ ನೌಕಾ ಪಡೆ ಮತ್ತು ಕರಾವಳಿ ಸಂರಕ್ಷಣ ಪಡೆಗೂ ಈ ಕುರಿತು ಜಾಗೃತರಾಗಿರಲು ಆದೇಶ ನೀಡಲಾಗಿದೆ. ಈ ಹಡಗನ್ನು ಪತ್ತೆಹಚ್ಚಲು ಸಂಬಂಧ ಪಟ್ಟ ಅಧಿಕಾರಿಗಳು ಮುಂದಾಗಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Australia; ಕೇಂದ್ರೀಯ ಗುತ್ತಿಗೆ ಪಟ್ಟಿ: ವಾರ್ನರ್, ಸ್ಟೋಯಿನಿಸ್, ಅಗರ್ ಹೊರಕ್ಕೆ
ACA ವಿರುದ್ಧ ಹೇಳಿಕೆ: ಕ್ರಿಕೆಟಿಗ ಹನುಮ ವಿಹಾರಿಗೆ ನೋಟಿಸ್
Rajasthan Royals; ಪ್ರಸಿದ್ಧ್ ಕೃಷ್ಣ ಬದಲಿಗೆ ಕೇಶವ ಮಹಾರಾಜ್
Uttara Kannada ಸಮುದ್ರದಲ್ಲಿ ಮತ್ತೆ ಜೆಲ್ಲಿಫಿಶ್ಗಳು: ಪ್ರವಾಸಿಗರಿಗೆ ಭಯ
IPL ;ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ಗೆ 12 ರನ್ಗಳ ಜಯ