ಉಳ್ಳಾಲ:ಮನೆಗೆ ನುಗ್ಗಿದ ಕಳ್ಳರು;2 ಲಕ್ಷಕ್ಕೂ ಹೆಚ್ಚು ದೋಚಿದರು

Team Udayavani, Jun 30, 2017, 11:29 AM IST

ಉಳ್ಳಾಲ: ಇಲ್ಲಿನ ಕೊಣಾಜೆ ನಡುಪದವು ಸದಾಶಿವಯ್ಯ ಎನ್ನುವವರ ಮನೆಗೆ ಗುರುವಾರ ತಡರಾತ್ರಿ ಕಳ್ಳರು ನುಗ್ಗಿ  ಸುಮಾರು 2ಲಕ್ಷ ರೂಪಾಯಿಗೂ ಹೆಚ್ಚು ಮೌಲ್ಯದ ನಗ ನಗದು ಕಳವು ಮಾಡಿದ ಘಟನೆ ನಡೆದಿದೆ.              

 ರಾತ್ರಿ 2.30 ಗಂಟೆಗೆ ಮನೆಯ ಮುಂಬಾಗದ ಚಿಲಕ ಮುರಿದು ನುಗ್ಗಿ ಕಳ್ಳತನ ನಡೆಸಿದ್ದಾರೆ. ಈ ವೇಳೆ ಎಚ್ಚೆತ್ತ ಮನೆಯವರ ಬೊಬ್ಬೆ ಕೇಳಿ ಪರಾರಿಯಾಗಿದ್ದಾರೆ.                    

ಮುಂಬಯಿಗೆ ತೆರಳಲು ಬ್ಯಾಗ್‌ ನಲ್ಲಿಟ್ಟಿದ್ದ ನಗ ನಗದಿನೊಂದಿಗೆ ಪರಾರಿಯಾಗಿದ್ದಾರೆ ಎಂದು ದೂರು ನೀಡಲಾಗಿದೆ.                      

ಘಟನಾ ಸ್ಥಳಕ್ಕೆ ರಾತ್ರಿ ಕೊಣಾಜೆ ಪೊಲೀಸರು  ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಶ್ವಾನದಳ ಆಗಮಿಸಿದ್ದು ತನಿಖೆ ಮುಂದುವರಿದಿದೆ.                      

ಇನ್ನೊಂದು ಘಟನೆಯಲ್ಲಿ ಮುಡಿಪು ಜಮಿಲಾ ಮನೆಯ ಬಾಗಿಲು ಮುರಿದು ಒಳನುಗ್ಗಿದ ಕಳ್ಳರು  ಮನೆ ಪೂರ್ತಿ ಜಾಲಾಡಿ ಬರೀ ಕೈಲಿ ವಾಪಾಸಾಗಿದ್ದಾರೆ. ಮನೆಯಲ್ಲಿ  ಯಾವುದೇ ಸೊತ್ತು ಕಳವಾಗಿಲ್ಲ          

 ಎರಡೂ ಪ್ರಕರಣಕ್ಕೆ ಸಂಬಂಧಿಸಿ ಕೊಣಾಜೆ ಪೊಲೀಸ್ ಠಾಣೆಯಲ್ಲಿ ದೂರುಗಳು ದಾಖಲಾಗಿವೆ.