ಆಧಾರ್‌ ಗೊಂದಲ: ಕುಟುಂಬಕ್ಕೆ ಸಿಗದ ಪಡಿತರ

ಅಣ್ಣ-ತಂಗಿಯ ಕುಟುಂಬದ ವ್ಯಥೆ

Team Udayavani, Apr 16, 2020, 6:16 AM IST

ಆಧಾರ್‌ ಗೊಂದಲ: ಕುಟುಂಬಕ್ಕೆ ಸಿಗದ ಪಡಿತರ

ವಿಶೇಷ ವರದಿ-ಸುಳ್ಯ: ಕೊರಗ, ಮಲೆಕುಡಿಯ ಸಮುದಾಯಗಳಿಗೆ ಬುಟ್ಟಿ ಹೆಣೆಯುವಿಕೆ ನಿತ್ಯ ಕಸುಬಾಗಿದ್ದು, ಜೀವನ ನಿರ್ವಹಣೆಗೆ ದಾರಿ ಆಗಿದೆ. ಆದರೆ ಲಾಕ್‌ಡೌನ್‌ ಪರಿಣಾಮ ಬುಟ್ಟಿ ಹೆಣೆಯಲು ಸಾಧ್ಯವಿಲ್ಲದೆ ಕುಟುಂಬಗಳಿಗೆ ಪರ್ಯಾಯ ಆರ್ಥಿಕ ದಾರಿಯಿಲ್ಲದೆ ನಿತ್ಯ ಜೀವನಕ್ಕೆ ತೊಂದರೆ ಉಂಟಾಗಿದೆ.

ಇವರಿಬ್ಬರ ಕಥೆ, ಹಲವರ ವ್ಯಥೆ
ಸುಳ್ಯ ತಾಲೂಕಿನ ಪೆರುವಾಜೆ ಗ್ರಾಮದ ಜಾಲ್ಪಣೆಯ ಕೊರಗ ಸಮುದಾಯದ ವಯೋವೃದ್ಧ ಅಣ್ಣ- ತಂಗಿಯ ಕಥೆ ಈ ಸಮುದಾಯದ ಹಲವರ ವ್ಯಥೆಯೂ ಹೌದು. ಬಟ್ಯ ಹಾಗೂ ಹುಕ್ರು ಇಬ್ಬರು ವಯೋವೃದ್ಧ ಅಣ್ಣ-ತಂಗಿಗೆ ಸರಕಾರದ ಪಡಿತರ ಸಾಮಗ್ರಿ ಸಿಗದೆ ಒಂದು ವರ್ಷವೇ ಕಳೆದಿದೆ. ಈಗೀಗ ಅನಾರೋಗ್ಯದಿಂದ ಬುಟ್ಟಿ ಹೆಣೆಯಲಾಗುತ್ತಿಲ್ಲ. ಹಾಗಾಗಿ ನಿತ್ಯ ಬದುಕು ನೇಯುವುದೇ ಇವರಿಗೆ ಕಠಿನ.

ವರ್ಷದಿಂದ ಪಡಿತರ ಸಿಕ್ಕಿಲ್ಲ
ಬಟ್ಯ ಮತ್ತು ಹುಕ್ರು ಅವರದ್ದು ಏಕಾಂಗಿ ಜೀವನ. ಹೀಗಾಗಿ ಅಣ್ಣ ಬಟ್ಯನಿಗೂ ತಂಗಿ ಹುಕ್ರು ಮನೆಯಲ್ಲೇ ವಾಸ. ಬಟ್ಯನಿಗೆ ಆರೋಗ್ಯ ಸಮಸ್ಯೆಯಿದ್ದು, ಮಾತಿನಲ್ಲೂ ಸ್ಪಷ್ಟತೆ ಇಲ್ಲ. ಹುಕ್ರುವಿಗೂ ಆಗಾಗ್ಗೆ ಆರೋಗ್ಯ ಕೈ ಕೊಡುತ್ತಿದೆ. ಬಟ್ಯನಿಗೆ ಅಂತ್ಯೋದಯ ಕಾರ್ಡ್‌, ಹುಕ್ರುವಿಗೆ ಬಿಪಿಎಲ್‌ ಕಾರ್ಡ್‌ ಇದ್ದರೂ, ಇಬ್ಬರಿಗೂ ಒಂದು ವರ್ಷದಿಂದ ಪಡಿತರ ಸಿಗುತಿಲ್ಲ. ಕೋವಿಡ್ 19  ಭೀತಿಯ ಹೊತ್ತಲ್ಲಿ ದಾನಿಗಳು ನೀಡಿದ ಆಹಾರವೇ ಉದರ ತುಂಬಲು ಇರುವ ದಾರಿ ಎನ್ನುತ್ತಾರೆ ಹುಕ್ರು.

ತಂಬಿಂಗ್‌ ಸಮಸ್ಯೆ
ಪಡಿತರ ಸಾಮಗ್ರಿ ಪಡೆಯಲು ಅರ್ಹತೆ ಹೊಂದಿರುವ ಪಟ್ಟಿಯಲ್ಲಿ ಇವರಿಬ್ಬರ ಹೆಸರೇ ಇಲ್ಲ. ಹಳೆ ಕಾರ್ಡ್‌ ಬದಲಾಯಿಸದ ಕಾರಣ ಹೆಸರನ್ನೇ ಕೈಬಿಡಲಾಗಿದೆ. ಕೆಲ ಸಮಯಗಳ ಹಿಂದೆ ತಾಲೂಕು ಕಚೇರಿಗೆ ಕಾರ್ಡ್‌ ಸರಿಪಡಿಸಲು ಹೋದ ಸಂದರ್ಭ ಹುಕ್ರುವಿನ ಬೆರಳಚ್ಚು ದಾಖಲಾಗಲಿಲ್ಲ. ಬಟ್ಯನಿಗೆ ಹೊಸ ಕಾರ್ಡ್‌ನ ಕಥೆಯೇ ಗೊತ್ತಿಲ್ಲ. ಆತ ಹಳೆ ಕಾರ್ಡನ್ನೇ ನಂಬಿ ಕುಳಿತಿದ್ದಾನೆ. ಸೊಸೈಟಿಗೆ ಹೋಗುವುದನ್ನು ಬಿಟ್ಟು ಮನೆ ಮನೆ ತೆರಳಿ ಹಸಿವು ನೀಗಿಸುತ್ತಿದ್ದಾನೆ.

ಈಗಾಗಲೇ ಸೊಸೈಟಿ, ಗ್ರಾ.ಪಂ.ಗಳಲ್ಲಿ ತೆರಳಿ ವಿಚಾರಿಸಿದ್ದೇವೆ. ತಂಬಿಂಗ್‌ ಸಮರ್ಪಕವಾಗದೆ ಕಾರ್ಡ್‌ ಸರಿಯಾಗದು ಎಂಬ ಮಾಹಿತಿ ಸಿಕ್ಕಿರುವುದಾಗಿ ಹೇಳುತ್ತಾರೆ ಇವರ ಮನೆ ಪಕ್ಕದಲ್ಲಿರುವ ಸಹೋದರಿ ಪುತ್ರ ಐತ್ತಪ್ಪ ಕಾನಾವು.

ವಿದ್ಯುತ್‌, ಶೌಚಾಲಯ ಇಲ್ಲ!
ವಿವಾಹವಾಗಿದ್ದರೂ ಈಗ ಇಬ್ಬರೂ ಒಂಟಿಯಾಗಿದ್ದಾರೆ. ಹುಕ್ರುವಿಗೆ ಐದು ಸೆಂಟ್ಸ್‌ ಖಾಲಿ ಜಾಗ ಇದೆ. ಮನೆಗೆ ವಿದ್ಯುತ್‌ ಸಂಪರ್ಕ ಇತ್ತಾದರೂ ಬಿಲ್‌ ಕಟ್ಟಿಲ್ಲ ಎಂದು ಕೆಲವು ವರ್ಷಗಳ ಹಿಂದೆ ಸಂಪರ್ಕ ಕಡಿತ ಗೊಳಿಸಿದ್ದಾರೆ. ಹೀಗಾಗಿ ಚಿಮಿಣಿ ಬೆಳಕೇ ಈ ಕುಟುಂಬಕ್ಕೆ ಆಧಾರ. ಶೌಚಾಲಯ ಕೂಡ ಇಲ್ಲ. ಜಾತಿ ಪ್ರಮಾಣಪತ್ರದಲ್ಲಿ ಹೆಸರಿನ ಲೋಪ ಇರುವ ಕಾರಣ ಹೊಸ ಮನೆ ಕೂಡ ಮಂಜೂರಾಗುತ್ತಿಲ್ಲ. ಈ ಕುಟುಂಬಕ್ಕೆ ಕೊರಗ ಸಮುದಾಯದ ಐಟಿಡಿಪಿ ವತಿಯಿಂದ ವರ್ಷದಲ್ಲಿ ಆರು ತಿಂಗಳಿಗಷ್ಟೇ ದೊರೆಯುವ ಅಲ್ಪ ಆಹಾರ ಸಾಮಗ್ರಿ ಬಿಟ್ಟು ಉಳಿದ ಯಾವುದೇ ಸೌಲಭ್ಯಗಳು ದೊರೆಯುತ್ತಿಲ್ಲ.

269 ಕುಟುಂಬಗಳು
ತಾಲೂಕಿನಲ್ಲಿ 32 ಕೊರಗರ ಹಾಗೂ 237 ಮಲೆಕುಡಿಯ ಕುಟುಂಬಗಳಿವೆ. ಸರಕಾರದ ಕೊರಗರ ಐಟಿಡಿಪಿಯಲ್ಲಿ ನೀಡಲಾಗುವ ಸೌಲಭ್ಯ ವಿತರಿಸಲಾಗುತ್ತಿದೆ. ಗುರುತಿನ ಚೀಟಿಯೂ ಇದೆ ಎನ್ನುತ್ತಾರೆ ಸಮಾಜ ಕಲ್ಯಾಣ ಇಲಾಖಾಧಿಕಾರಿ ಲಕ್ಷ್ಮೀದೇವಿ. ಶೇ.65ಕ್ಕೂ ಅಧಿಕ ಮಂದಿಗೆ ಕಾಡಿನಲ್ಲಿ ಸಿಗುವ ಬಳ್ಳಿ ಬಳಸಿ ಹೆಣೆಯುವ ಬುಟ್ಟಿಯೇ ಜೀವನಾಧಾರ. ಆದರೆ ಈಗ ಕಾಡಿಗೂ ಪ್ರವೇಶ ಮಾಡುತ್ತಿಲ್ಲ. ಬಳ್ಳಿ ಸಿಕ್ಕಿ ಬುಟ್ಟಿ ಹೆಣೆದರೂ ಮಾರಾಟ ಮಾಡಲು ಮಾರುಕಟ್ಟೆ ವ್ಯವಸ್ಥೆ ಇಲ್ಲ. ಹೀಗಾಗಿ ಅಗತ್ಯ ವಸ್ತುಗಳ ಜತೆಗೆ ಆರ್ಥಿಕ ಸಹಕಾರದ ಅಗತ್ಯವೂ ಇದೆ ಎನ್ನುವುದು ಸಮುದಾಯದ ಹಲವರ ಅಭಿಪ್ರಾಯ.

 ಆಧಾರ್‌ ನೀಡದ ಕಾರಣ ರದ್ದಾಗಿದೆ
ಆಧಾರ್‌ ನೀಡದಿರುವ ಕಾರಣ ಹುಕ್ರು ಅವರ ಪಡಿತರ ಕಾರ್ಡ್‌ ರದ್ದುಗೊಂಡಿದೆ. ಕೋವಿಡ್ 19 ಲಾಕ್‌ಡೌನ್‌ ಮುಗಿದ ತತ್‌ಕ್ಷಣ ಪಡಿತರ ಚೀಟಿಗೆ ಹೊಸ ಅರ್ಜಿ ಸಲ್ಲಿಸಬೇಕಿದೆ. ಬಟ್ಯ ಅವರ ಕಾರ್ಡ್‌ ಸಂಖ್ಯೆ ಪಡೆದು ರೇಷನ್‌ ದೊರೆಯದಿರಲು ಕಾರಣವಾದ ಅಂಶಗಳ ಬಗ್ಗೆ ಪರಿಶೀಲಿಸಲಾಗುವುದು.
 - ಎಂ.ಕೆ. ಮಂಜುನಾಥನ್‌
ಜಂಟಿ ನಿರ್ದೇಶಕರು, ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆ ದ.ಕ.

ಟಾಪ್ ನ್ಯೂಸ್

1-dfdsf

ದಾವೋಸ್ ನಲ್ಲಿ ಸಿಎಂ: ವರ್ಲ್ಡ್ ಎಕನಾಮಿಕ್ ಫೋರಮ್ ಸಮಾವೇಶದಲ್ಲಿ ಭಾಗಿ

Ashika

ಗ್ಲಾಮರಸ್ ಪಾತ್ರ, ಬೋಲ್ಡ್ ಲುಕ್.. ಕಾಣೆಯಾದವರ ಜೊತೆ ಆಶಿಕಾ ರಂಗನಾಥ್‌!

ಫ್ಯಾಟ್‌ ಸರ್ಜರಿ ಜೀವಕ್ಕೇ ವರಿ: ಹೆಚ್ಚುತ್ತಿದೆ ಸೌಂದರ್ಯ ಚಿಕಿತ್ಸೆ ಟ್ರೆಂಡ್‌

ಫ್ಯಾಟ್‌ ಸರ್ಜರಿ ಜೀವಕ್ಕೇ ವರಿ: ಹೆಚ್ಚುತ್ತಿದೆ ಸೌಂದರ್ಯ ಚಿಕಿತ್ಸೆ ಟ್ರೆಂಡ್‌

1-sdsa-d

ನನ್ನನ್ನು ಎನ್‌ಕೌಂಟರ್ ಮಾಡುವುದಾಗಿ ಬೆದರಿಕೆ ಹಾಕಲಾಗಿತ್ತು : ಅಜಂ ಖಾನ್

ಎಸ್.ಆರ್.ಪಾಟೀಲ್ ಗೆ ಟಿಕೆಟ್ ವಿಚಾರವಾಗಿ ನನ್ನ ಬಳಿ ಚರ್ಚೆ ಮಾಡಿಲ್ಲ: ಎಂ.ಬಿ.ಪಾಟೀಲ್

ಎಸ್.ಆರ್.ಪಾಟೀಲ್ ಗೆ ಟಿಕೆಟ್ ವಿಚಾರವಾಗಿ ನನ್ನ ಬಳಿ ಚರ್ಚೆ ಮಾಡಿಲ್ಲ: ಎಂ.ಬಿ.ಪಾಟೀಲ್

ಮೇ 27ಕ್ಕೆ ವೀಲ್ ಚೇರ್ ರೋಮಿಯೋ ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆ

ಮೇ 27ಕ್ಕೆ “ವೀಲ್ ಚೇರ್ ರೋಮಿಯೋ” ಸಿನಿಮಾ ರಾಜ್ಯಾದ್ಯಂತ ಬಿಡುಗಡೆ

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 458 ಅಂಕ ಜಿಗಿತ; ಮೇ 23ರಂದು ಲಾಭಗಳಿಸಿದ ಷೇರು ಯಾವುದು?

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 458 ಅಂಕ ಜಿಗಿತ; ಮೇ 23ರಂದು ಲಾಭಗಳಿಸಿದ ಷೇರು ಯಾವುದು?



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Untitled-1

ಪುತ್ತೂರು: ಗಾಂಜಾ ಸರಬರಾಜುದಾರ ಪೊಲೀಸರ ಬಲೆಗೆ; 5.86 ಲಕ್ಷ ಮೌಲ್ಯದ ಸೊತ್ತುಗಳು ವಶಕ್ಕೆ

tree

ಹೆದ್ದಾರಿ ಅಭಿವೃದ್ಧಿ: ಮರಗಳ ತೆರವಿಗೆ ಕ್ಷಣಗಣನೆ

narega

ಕಡಬ: 2ನೇ ಬಾರಿ ಜಿಲ್ಲೆಯಲ್ಲೇ ಗುರಿ ಮೀರಿದ ಸಾಧನೆ

ಉಜಿರೆ ಎಸ್ ಡಿಎಂ ಎಜ್ಯುಕೇಶನ್ ಸೊಸೈಟಿ ಕಾರ್ಯದರ್ಶಿ ಡಾ. ಯಶೋವರ್ಮ ನಿಧನ

ಉಜಿರೆ ಎಸ್ ಡಿಎಂ ಎಜ್ಯುಕೇಶನ್ ಸೊಸೈಟಿ ಕಾರ್ಯದರ್ಶಿ ಡಾ.ಯಶೋವರ್ಮ ನಿಧನ

azan

2.35 ಕೋ.ರೂ. ವೆಚ್ಚದಲ್ಲಿ ಮೌಲಾನಾ ಆಜಾದ್‌ ಮಾದರಿ ಶಾಲೆಗೆ ಕಟ್ಟಡ ಸಿದ್ಧ

MUST WATCH

udayavani youtube

ಶಿರೂರು ಆಳ ಸಮುದ್ರದಲ್ಲಿ‌ ಮುಳುಗಿದ ಮೀನುಗಾರಿಕಾ ದೋಣಿ

udayavani youtube

ಉಡುಪಿಯಲ್ಲಿ ‘ ಮಾವಿನ ಮೇಳ ‘ | ನಾಳೆ ( may 23) ಕೊನೇ ದಿನ

udayavani youtube

ಶಿರ್ವ : ನೂತನ ಹೈಟೆಕ್‌ ಬಸ್ಸು ನಿಲ್ದಾಣ ಲೋಕಾರ್ಪಣೆ

udayavani youtube

ಬೆಳ್ತಂಗಡಿಯಲ್ಲೊಂದು ಗೋಡಂಬಿಯಾಕಾರದ ಮೊಟ್ಟೆ ಇಡುವ ಕೋಳಿ..

udayavani youtube

ಆಗ ನಿಮ್ಮಲ್ಲಿ 2 ಆಯ್ಕೆಗಳಿರುತ್ತವೆ .. ಅದೇನಂದ್ರೆ..

ಹೊಸ ಸೇರ್ಪಡೆ

ಬೆಂಗಳೂರು: ಉಡುಗೊರೆ, ಲಾಟರಿ ನೆಪದಲ್ಲಿ ವಂಚನೆ

ಬೆಂಗಳೂರು: ಉಡುಗೊರೆ, ಲಾಟರಿ ನೆಪದಲ್ಲಿ ವಂಚನೆ

1-dfdsf

ದಾವೋಸ್ ನಲ್ಲಿ ಸಿಎಂ: ವರ್ಲ್ಡ್ ಎಕನಾಮಿಕ್ ಫೋರಮ್ ಸಮಾವೇಶದಲ್ಲಿ ಭಾಗಿ

Ashika

ಗ್ಲಾಮರಸ್ ಪಾತ್ರ, ಬೋಲ್ಡ್ ಲುಕ್.. ಕಾಣೆಯಾದವರ ಜೊತೆ ಆಶಿಕಾ ರಂಗನಾಥ್‌!

ಫ್ಯಾಟ್‌ ಸರ್ಜರಿ ಜೀವಕ್ಕೇ ವರಿ: ಹೆಚ್ಚುತ್ತಿದೆ ಸೌಂದರ್ಯ ಚಿಕಿತ್ಸೆ ಟ್ರೆಂಡ್‌

ಫ್ಯಾಟ್‌ ಸರ್ಜರಿ ಜೀವಕ್ಕೇ ವರಿ: ಹೆಚ್ಚುತ್ತಿದೆ ಸೌಂದರ್ಯ ಚಿಕಿತ್ಸೆ ಟ್ರೆಂಡ್‌

1-sdsa-d

ನನ್ನನ್ನು ಎನ್‌ಕೌಂಟರ್ ಮಾಡುವುದಾಗಿ ಬೆದರಿಕೆ ಹಾಕಲಾಗಿತ್ತು : ಅಜಂ ಖಾನ್

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.