ವಂಚಿಸಿ, ನಗದು ದೋಚಿದ ಪ್ರಕರಣ: ಓರ್ವ ಆರೋಪಿ ಬಂಧನ

Team Udayavani, Aug 16, 2020, 12:03 AM IST

ವಿಟ್ಲ: ಗ್ರಾಹಕನ ಸೋಗಿನಲ್ಲಿ ಬಂದು ಅಂಗಡಿ ಮಾಲಕರನ್ನು ವಂಚಿಸಿ ನಗದು ದೋಚಿದ ಪ್ರಕರಣದ ಓರ್ವ ಆರೋಪಿಯನ್ನು ವಿಟ್ಲ ಪೊಲೀಸರು ಉಪ್ಪಿನಂಗಡಿಯಲ್ಲಿ ಬಂ ಧಿಸಿದ್ದಾರೆ. ಉಪ್ಪಿನಂಗಡಿ ನೆಜಿಗಾರು ಅಂಬೊಟ್ಟು ನಿವಾಸಿ ಶಾಫಿ ಯಾನೆ ಮಹಮ್ಮದ್‌ ಶಾಫಿ (27) ಬಂಧಿ ತ ಆರೋಪಿ. ಕಾಸರಗೋಡು ಮೂಲದ ಇನ್ನೊಬ್ಬ ಆರೋಪಿಯ ಬಂಧನಕ್ಕೆ ಪೊಲೀಸರು ತೀವ್ರ ಶೋಧ ನಡೆಸುತ್ತಿದ್ದಾರೆ.

ಕೆಲವು ಸಮಯದ ಹಿಂದೆ, ಕುದ್ದುಪದವು ನಿವಾಸಿ ಶ್ರೀಧರ್‌ ರೈ ಅವರ ದಿನಸಿ ಅಂಗಡಿಗೆ ಗಿರಾಕಿಯ ಸೋಗಿನಲ್ಲಿ ಶಾಫಿ ಬಂದು ಪಶು ಆಹಾರ ಖರೀದಿಸಿದ್ದ. ಅಂಗಡಿ ಮಾಲಕ ಶ್ರೀಧರ್‌ ರೈ ಅವರು ಚಿಲ್ಲರೆ ನೀಡಲೆಂದು ತಿರುಗಿದಾಗ ಅವರನ್ನು ವಂಚಿಸಿ ಸುಮಾರು 33 ಸಾವಿರ ದೋಚಿ, ಪರಾರಿಯಾಗಿದ್ದ ಬಗ್ಗೆ ವಿಟ್ಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಈತನ ಮೇಲೆ ಪುತ್ತೂರು ನಗರ ಠಾಣೆಯಲ್ಲಿ ಅತ್ಯಾಚಾರ ಪ್ರಕರಣ, ಮಂಗಳೂರಿನಲ್ಲಿ ಒಂದು ಹಾಗೂ ಬೆಳ್ತಂಗಡಿಯಲ್ಲಿ 6 ಕಳ್ಳತನ ಪ್ರಕರಣಗಳು ದಾಖಲಾಗಿರುವ ಬಗ್ಗೆ ತನಿಖೆಯ ವೇಳೆ ತಿಳಿದುಬಂದಿದೆ. ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಗಿದೆ.