ಮಲ್ಪೆ ಬಂದರು: ಲಾಕ್ಡೌನ್ ನಿಂದ ಮುಚ್ಚಿದ ಗಾಡಿ ಅಂಗಡಿ ಇನ್ನು ಮಳೆಗಾಲದಲ್ಲೂ ಬಂದ್
Team Udayavani, May 26, 2020, 5:55 AM IST
ಮಲ್ಪೆ : ಇಲ್ಲಿನ ಮೀನುಗಾರಿಕೆ ಬಂದರಿನಲ್ಲಿ ಗಾಡಿಯಂಗಡಿ ತೆರೆದು ಜೀವನ ಮುನ್ನಡೆ ಸುತ್ತಿದ್ದವರ ಪಾಲಿನ ಸೀಸನ್ ಬಹುತೇಕ ಮುಗಿಯುವ ಹಂತಕ್ಕೆ ಬಂದಿದ್ದು ಲಾಕ್ಡೌನ್ನಿಂದ ಮುಚ್ಚಿದ ಅಂಗಡಿಗಳು ಇನ್ನು ಮಳೆಗಾಲ ಮುಗಿಯುವವರೆಗೆ ತೆರೆಯುವುದಿಲ್ಲ. ಈ ಹಿನ್ನೆಲೆಯಲ್ಲಿ ಕೆಲವು ಅಂಗಡಿಗಳ ಮಾಲಕರು ಅಂಗಡಿಯಲ್ಲಿರುವ ಉಪಯುಕ್ತ ಸಾಮಗ್ರಿಗಳನ್ನು ತೆರವುಗೊಳಿಸಿ ಸ್ವಚ್ಛಗೊಳಿಸವ ಕೆಲಸಕ್ಕೆ ಮುಂದಾಗಿದ್ದಾರೆ.
ಮೀನುಗಾರಿಕೆ ಬಂದರಿನೊಳಗೆ ಸುಮಾರು 100ಕ್ಕೂ ಅಧಿಕ ಗಾಡಿ ಅಂಗಡಿಗಳಿವೆ. ಕಳೆದ ಎರಡು ತಿಂಗಳಿನಿಂದ ಲಾಕ್ಡೌನ್ ಕಾರಣಕ್ಕೆ ಎಲ್ಲ ಅಂಗಡಿಗಳು ಮುಚ್ಚಿವೆ. ಇದೀಗ ವಾರದ ಹಿಂದೆ ಯಾಂತ್ರಿಕ ಮೀನುಗಾರಿಕೆ ಆರಂಭಗೊಂಡಿದ್ದರೂ ಸಾಮಾ ಜಿಕ ಅಂತರ ಕಾಯ್ದುಕೊಳ್ಳುವ ಸಮಸ್ಯೆಯಿಂದಾಗಿ ಗಾಡಿ ಅಂಗಡಿಗಳನ್ನು ತೆರೆಯಲು ಅವಕಾಶ ಸಿಕ್ಕಿಲ್ಲ. ಗಾಡಿ ಆಂಗಡಿ ವ್ಯಾಪಾರಿಗಳು ಹೆಚ್ಚು ದುಡಿ ಯುತ್ತಿದ್ದ ಮಾರ್ಚ್ ನಿಂದ ಮೇ ತಿಂಗಳ ಅವಧಿಯಲ್ಲಿ ಕೋವಿಡ್-19 ಕಾಟ ಹೆಚ್ಚಿದ ಪರಿಣಾಮ ದುಡಿಮೆಯೇ ಇಲ್ಲದಂತಾ ಗಿದೆ. ಇದನ್ನೆ ನಂಬಿ ಜೀವನ ಸಾಗಿಸುತ್ತಿದ್ದವರ ಬದುಕು ಅತಂತ್ರವಾಗಿದೆ. ಮುಂಬರುವ ಮಳೆಗಾಲ ಎರಡು ತಿಂಗಳ ಅವಧಿಯಲ್ಲಿ ಮೀನುಗಾರಿಕೆ ಸ್ಥಗಿತವಾಗುವುದರಿಂದ ವ್ಯಾಪಾರ ವ್ಯವಹಾರಗಳು ಇಲ್ಲದೆ ಮತ್ತಷ್ಟು ಆರ್ಥಿಕ ಸಂಕಷ್ಟ ಎದುರಾಗಿದೆ.
ಸರಕಾರ ಕಾಳಜಿ ತೋರಬೇಕು
ಉತ್ತಮ ವ್ಯಾಪಾರ ಇರುವ ಮೀನುಗಾರಿಕೆ ಋತು ಅಂತ್ಯದ ಮೂರು ತಿಂಗಳು ಕೊರೊನಾ ಕೈಬಿಡುವಂತಾಗಿದೆ. ಬಂದರಿನಲ್ಲಿ ಪುಟ್ಟ ಅಂಗಡಿಯನ್ನು ಇಟ್ಟು ಜೀವನ ಸಾಗಿಸುವ ಬಡವರ ಬಗ್ಗೆ ಸರಕಾರ ಕಾಳಜಿ ತೋರಬೇಕು. ನಮಗೂ ಉಳಿದವರಂತೆ ಸಹಾಯಧನ ಒದಗಿಸಬೇಕು
-ಅಶೋಕ್ ಎಸ್. ಸುವರ್ಣ,
ಅಧ್ಯಕ್ಷರು, ಗಾಡಿ ಅಂಗಡಿ ವ್ಯಾಪಾರಸ್ಥರ ಸಂಘ, ಮಲ್ಪೆ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ಲೋಕಸಭಾ ಚುನಾವಣೆ: ಈ ಬಾರಿ ತೆಲಂಗಾಣದಲ್ಲಿ 10ಕ್ಕೂ ಅಧಿಕ ಕ್ಷೇತ್ರಗಳಲ್ಲಿ ಗೆಲುವು; ಅಭಯ ಪಾಟೀಲ
Sandalwood: ಪ್ರಕೃತಿಯ ಸುತ್ತ “ಕೃಷ್ಣಾವತಾರ’
Gadag: ಭ್ರಷ್ಟ ಅಧಿಕಾರಿಗೆ ಬಿಸಿ ಮುಟ್ಟಿಸಿದ ಲೋಕಾಯುಕ್ತ ಅಧಿಕಾರಿಗಳು
Arunachal Village: ಕೇವಲ ಒಂದು ಮತಕ್ಕಾಗಿ ಚುನಾವಣಾ ಅಧಿಕಾರಿಗಳ 40 ಕಿ.ಮೀ ಕಾಲ್ನಡಿಗೆ!
SSLC ಪರೀಕ್ಷೆ ವೇಳೆ ಉತ್ತರ ತೋರಿಸಲಿಲ್ಲ ಎಂದು ಸಹಪಾಠಿಗೆ ಚಾಕು ಇರಿದ ವಿದ್ಯಾರ್ಥಿಗಳು