ಗ್ರಾಮೀಣ ಗ್ರಂಥಪಾಲಕರ “ಕನಿಷ್ಠ ವೇತನ’ ಜಾರಿಗೆ ಬೇಡಿಕೆ

ಸಂಕಷ್ಟದಲ್ಲಿ ಉಡುಪಿ ಜಿಲ್ಲೆಯ ನೂರಕ್ಕೂ ಮಿಕ್ಕಿ ಗ್ರಂಥಪಾಲಕರು

Team Udayavani, Oct 3, 2020, 5:30 AM IST

ಗ್ರಾಮೀಣ ಗ್ರಂಥಪಾಲಕರ “ಕನಿಷ್ಠ ವೇತನ’ ಜಾರಿಗೆ ಬೇಡಿಕೆ

ಸಾಂದರ್ಭಿಕ ಚಿತ್ರ

ಕುಂದಾಪುರ: ಕಳೆದ 32 ವರ್ಷಗಳಿಂದ ಗ್ರಾಮೀಣ ಗ್ರಂಥಾಲಯದಲ್ಲಿ ಸೇವೆ ಸಲ್ಲಿಸುತ್ತಿದ್ದರೂ, ಈಗಲೂ ಪಡೆಯುತ್ತಿರುವುದು ಅಲ್ಪ ಸಂಬಳ ಮಾತ್ರ. 2016ರಲ್ಲಿ ಮಾಸಿಕ 13,020 ರೂ. ಕನಿಷ್ಠ ವೇತನ ನಿಯಮ ಜಾರಿಗೆ ಸರಕಾರ ಅಧಿಸೂಚನೆ ಹೊರಡಿಸಿದ್ದರೂ, 2017 ರಲ್ಲಿ ಅದೇ ಅಧಿಸೂಚನೆಯನ್ನು ಹಿಂಪಡೆಯುವ ಮೂಲಕ ಗ್ರಂಥಪಾಲಕರ ಆಸೆಗೆ ತಣ್ಣೀರೆರಚಿದೆ. ಅದಾಗಿ 3-4 ವರ್ಷ ಕಳೆದರೂ ಇನ್ನೂ ಗ್ರಾಮೀಣ ಗ್ರಂಥಾಲಯಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಉಡುಪಿಯ ನೂರಕ್ಕೂ ಮಿಕ್ಕಿ ಸೇರಿದಂತೆ ರಾಜ್ಯಾದ್ಯಂತ ಒಟ್ಟಾರೆ 6,667 ಮಂದಿ ಗ್ರಂಥಪಾಲಕರು ಅದೇ 7 ಸಾವಿರ ರೂ. ಕನಿಷ್ಠ ವೇತನಕ್ಕೆ ದುಡಿಯುತ್ತಿದ್ದಾರೆ.

ಗ್ರಂಥಪಾಲಕರ ಅಳಲು
2019ರಲ್ಲಿ ಗ್ರಾಮೀಣ ಗ್ರಂಥಾ ಲಯಗಳನ್ನು ಸಾರ್ವಜನಿಕ ಗ್ರಂಥಾಲಯ ಇಲಾಖೆಯಿಂದ ಪಂಚಾಯತ್‌ ರಾಜ್‌ ಇಲಾಖೆಗೆ ವರ್ಗಾ ಯಿಸಿದರೂ ಗ್ರಾಮೀಣ ಗ್ರಂಥಾಲಯಗಳ ಮೇಲ್ವಿಚಾರಕರ ದೆಸೆ ಮಾತ್ರ ಬದಲಾಗಲೇ ಇಲ್ಲ. ಕೆಲ ಪಂಚಾಯತ್‌ಗಳು ಗ್ರಂಥಾಲಯ ಕೆಲಸ ಮಾತ್ರವಲ್ಲದೆ ತಮ್ಮ ಪಂಚಾಯತ್‌ ಕಚೇರಿ ಕೆಲಸವನ್ನು ಮಾಡಿಸಿಕೊಂಡು, ಇಲಾಖೆಯ ಆದೇಶದಂತೆ ಯಾವುದೇ ಭದ್ರತೆ ನೀಡದೇ ಕೊರೊನಾ ಕುರಿತ ಕೆಲಸವನ್ನು ಮಾಡಿಸಿಕೊಂಡರೂ ಹೆಚ್ಚಿನ ವೇತನವಾಗಲಿ, ಗೌರವ ಧನವಾಗಲಿ ನೀಡಲೇ ಇಲ್ಲ ಎನ್ನುವುದು ಗ್ರಂಥಪಾಲಕರ ಅಳಲು.

ಶೋಚನೀಯ ಬದುಕು
ಹಿಂದೆ ಗ್ರಂಥಾಲಯ ಇಲಾಖೆಯೇ ಸ್ವತಃ ಸರಕಾರಿ ಮಾದರಿ ಸೇವಾ ನಿಯಮಾವಳಿ ಅನುಸರಿಸಿ ರೋಸ್ಟರ್‌ ಪದ್ಧತಿ ಅನ್ವಯವೇ ಗ್ರಾಮೀಣ ಗ್ರಂಥಪಾಲಕರನ್ನು ನೇಮಕ ಮಾಡಿಕೊಂಡರೂ, ಇವರ ಬದುಕು ಮಾತ್ರ ಅತ್ಯಂತ ಶೋಚನೀಯವಾಗಿದೆ. ಗ್ರಂಥಪಾಲಕರಾಗಿ ಕೆಲಸ ಮಾಡುತ್ತಿದ್ದ 500 ಮಂದಿ ಅಕಾಲಿಕ ಸಾವನ್ನಪ್ಪಿದರೂ, ಅವರ ಕುಟುಂಬಸ್ಥರಿಗೆ ಉದ್ಯೋಗವೇ ಕಲ್ಪಿಸಿಲ್ಲ.  ನೂರಾರು ಮಂದಿ ನಿವೃತ್ತಿ ಯಾದರೂ ಯಾವುದೇ ಭದ್ರತೆ ಯಿಲ್ಲ. ಒಂದು ಸಾವಿರ ಮಂದಿ ಗ್ರಂಥಪಾಲಕರು ನಿವೃತ್ತಿ ಅಂಚಿನಲ್ಲಿ ದ್ದಾರೆ. ವಯಸ್ಸಿನ ಮಿತಿಯಿಂದ ಬೇರೆ ಕೆಲಸಕ್ಕೆ ಸೇರಲು ಆಗಲ್ಲ. ಮಹಿಳೆ, ಅಂಗವಿಕಲರು, ಪ.ಜಾತಿ/ ಪಂಗಡದ ಶೇ. 50 ರಷ್ಟು ಹಾಗೂ ಹಿಂದುಳಿದ ವರ್ಗಕ್ಕೆ ಸೇರಿದ ಶೇ. 90 ರಷ್ಟು ಮಂದಿ ಕೆಲಸ ನಿರ್ವಹಿಸುತ್ತಿದ್ದು, ಈ ಅಲ್ಪ ವೇತನದಿಂದ ಕುಟುಂಬ ನಿರ್ವಹಣೆಯನ್ನು ಮಾಡಲಾಗದೇ ಸಂಕಷ್ಟದಲ್ಲಿದ್ದಾರೆ.

ಎಲ್ಲೆಲ್ಲಿ ಎಷ್ಟು?
ಉಡುಪಿ ಜಿಲ್ಲೆಯಲ್ಲಿ ಒಟ್ಟಾರೆ ಜಿಲ್ಲಾ ಕೇಂದ್ರ, ನಗರ ಕೇಂದ್ರ, ತಾಲೂಕು ಕೇಂದ್ರಗಳಲ್ಲಿರುವ ಗ್ರಂಥಾಲಯಗಳೆಲ್ಲ ಸೇರಿ 157 ಸಾರ್ವಜನಿಕ ಗ್ರಂಥಾಲಯಗಳಿವೆ. ಆದರೆ ಜಿಲ್ಲೆಯಲ್ಲಿ ಗ್ರಾಮೀಣ ಅಂದರೆ ಪಂಚಾಯತ್‌ ಮಟ್ಟದಲ್ಲಿರುವ ಗ್ರಂಥಾಯಲಗಳು 147. ಕುಂದಾಪುರ ತಾಲೂಕಿನಲ್ಲಿ 56, ಉಡುಪಿ ತಾಲೂಕಿನಲ್ಲಿ 61 ಹಾಗೂ ಕಾರ್ಕಳ ತಾಲೂಕಿನಲ್ಲಿ 30 ಗ್ರಾಮೀಣ ಗ್ರಂಥಾಲಯಗಳಿವೆ.

ಸಮಯವೂ ಕಡಿತ
ಹಿಂದೆ ಬೆಳಗ್ಗೆ 4 ಗಂಟೆ ಹಾಗೂ ಸಂಜೆ 4 ಗಂಟೆ ಒಟ್ಟು 8 ಗಂಟೆ ದಿನಂಪ್ರತಿ ಗ್ರಂಥಾಲಯವನ್ನು ತೆರೆಯಬೇಕು ಎನ್ನುವ ನಿಯಮವಿತ್ತು. ಆದರೆ ಈಗ ಸಮಯವನ್ನು ದಿನಕ್ಕೆ ಕೇವಲ 4 ಗಂಟೆ ಮಾತ್ರ ಅಂದರೆ ಬೆಳಗ್ಗೆ 2 ಹಾಗೂ ಸಂಜೆ 2 ಗಂಟೆ ಮಾತ್ರ ತೆರೆದಿಡಲು ಗ್ರಂಥಾಲಯ ನಿರ್ದೇಶಕರೇ ಆದೇಶಿಸಿದ್ದರು. ಇದರಿಂದ ಗ್ರಾಮೀಣ ಭಾಗದ ಶಾಲಾ – ಕಾಲೇಜು ಹೋಗುವ ಮಕ್ಕಳಿಗೆ, ಸಾರ್ವಜನಿಕರಿಗೆ ಪತ್ರಿಕೆ, ಪುಸ್ತಕಗಳನ್ನು ಓದಲು ತುಂಬಾ ತೊಂದರೆಯಾಗುತ್ತಿದೆ.

ಸಚಿವರಿಗೆ ಮನವಿ ಸಲ್ಲಿಕೆ
ಗ್ರಾಮೀಣ ಗ್ರಂಥಾಲಯಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಗ್ರಂಥಾಲಯ ಮೇಲ್ವಿಚಾರಕರ ಬದುಕು ಸಂಕಷ್ಟದಲ್ಲಿದೆ. 2016 ರಲ್ಲಿ ಹೊರಡಿಸಿದ ಅಧಿಸೂಚನೆಯಂತೆ ಕನಿಷ್ಠ ವೇತನ ಜಾರಿಯಾಗಲಿ. ಸಮಯ ಮಿತಿ ಸಡಿಲಿಸಿ ದಿನಕ್ಕೆ 8 ಗಂಟೆ ತೆರೆದಿರುವಂತೆ ಮಾಡಲಿ. ಕೆಲಸದ ಭದ್ರತೆ ನೀಡಲಿ ಎನ್ನುವುದು ಎಲ್ಲ ಗ್ರಂಥಪಾಲಕರ ಬೇಡಿಕೆಯಾಗಿದೆ. ಈ ಬಗ್ಗೆ ನಮ್ಮ ರಾಜ್ಯ ಸಂಘದಿಂದ ಸಚಿವ ಈಶ್ವರಪ್ಪನವರಿಗೂ ಮನವಿ ಸಲ್ಲಿಸಲಾಗಿದೆ.
– ಸುರೇಶ್‌ ಹೆಮ್ಮಾಡಿ, ಅಧ್ಯಕ್ಷರು, ಕುಂದಾಪುರ ತಾ| ಗ್ರಾಮೀಣ ಗ್ರಂಥಾಲಯ ನೌಕರರ ಸಂಘ

ಪ್ರಸ್ತಾವ ಸಲ್ಲಿಕೆ
ಗ್ರಾಮೀಣ ಗ್ರಂಥಾಲಯಗಳಲ್ಲಿ ಸೇವೆ ಸಲ್ಲಿಸುತ್ತಿರುವ ಗ್ರಂಥಾಲಯ ಮೇಲ್ವಿಚಾರಕರ ವೇತನ ಹೆಚ್ಚಳ ಹಾಗೂ ಕನಿಷ್ಠ ವೇತನ ನಿಯಮ ಜಾರಿ ಕುರಿತಂತೆ ಈಗಾಗಲೇ ಸಾರ್ವಜನಿಕ ಗ್ರಂಥಾಲಯ ಇಲಾಖೆಯಿಂದ ಪಂಚಾಯತ್‌ ರಾಜ್‌ ಇಲಾಖೆಗೆ ಪ್ರಸ್ತಾವ ಸಲ್ಲಿಸಲಾಗಿದೆ.
– ಸತೀಶ್‌ ಎಸ್‌. ಹೊಸಮನಿ, ರಾಜ್ಯ ನಿರ್ದೇಶಕರು, ಗಂಥಾಲಯ ಇಲಾಖೆ

ಟಾಪ್ ನ್ಯೂಸ್

ಗ್ರಾಹಕನಲ್ಲ, ಉದ್ಯಮಿಯೇ ರಾಜ!

ಗ್ರಾಹಕನಲ್ಲ, ಉದ್ಯಮಿಯೇ ರಾಜ!

ರೈತ ಆರ್ಥಿಕವಾಗಿ ಸದೃಢನಾದರೆ ಮಾತ್ರ ಭಾರತ ಆತ್ಮನಿರ್ಭರ

ರೈತ ಆರ್ಥಿಕವಾಗಿ ಸದೃಢನಾದರೆ ಮಾತ್ರ ಭಾರತ ಆತ್ಮನಿರ್ಭರ

ಭಾರತದ ವಸುದೈವ ಕುಟುಂಬಕಂ ಜಗತ್ತಿಗೇ ಮಾದರಿಯಾಗಲಿ

ಭಾರತದ ವಸುದೈವ ಕುಟುಂಬಕಂ ಜಗತ್ತಿಗೇ ಮಾದರಿಯಾಗಲಿ

ಇಂದು ಷೇರು ಮಾರುಕಟ್ಟೆಯಲ್ಲಿ ಎಲ್‌ಐಸಿ ಲಿಸ್ಟಿಂಗ್‌

ಇಂದು ಷೇರು ಮಾರುಕಟ್ಟೆಯಲ್ಲಿ ಎಲ್‌ಐಸಿ ಲಿಸ್ಟಿಂಗ್‌

“ಕಂಟೆಂಟ್‌ ಇಷ್ಟವಾಗದಿದ್ದರೆ ಕೆಲಸ ಬಿಡಿ’

“ಕಂಟೆಂಟ್‌ ಇಷ್ಟವಾಗದಿದ್ದರೆ ಕೆಲಸ ಬಿಡಿ’

ನೆರೆ ರಾಜ್ಯಗಳಿಗೆ 831.53 ಮಿ.ಯೂ. ವಿದ್ಯುತ್‌ ಮಾರಾಟ

ನೆರೆ ರಾಜ್ಯಗಳಿಗೆ 831.53 ಮಿ.ಯೂ. ವಿದ್ಯುತ್‌ ಮಾರಾಟ

ಐಪಿಎಲ್‌ 2022: ಡೆಲ್ಲಿ ಕ್ಯಾಪಿಟಲ್ಸ್‌ಗೆ 17 ರನ್‌ ಗೆಲುವು

ಐಪಿಎಲ್‌ 2022: ಪಂಜಾಬ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್‌ಗೆ 17 ರನ್‌ ಗೆಲುವು



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಡೆಂಗ್ಯೂ ನಿಯಂತ್ರಣಕ್ಕೆ ಕ್ರಮ ಕೈಗೊಳ್ಳಿ : ಸಚಿವ ಅಂಗಾರ

ಡೆಂಗ್ಯೂ ನಿಯಂತ್ರಣಕ್ಕೆ ಕ್ರಮ ಕೈಗೊಳ್ಳಿ : ಸಚಿವ ಅಂಗಾರ

ಸೌಹಾರ್ದದಿಂದ ಮಂದಿರ ಬಿಟ್ಟುಕೊಡಲಿ : ಪೇಜಾವರ ಶ್ರೀ

ಸೌಹಾರ್ದದಿಂದ ಮಂದಿರ ಬಿಟ್ಟುಕೊಡಲಿ : ಪೇಜಾವರ ಶ್ರೀ

ತ್ರಾಸಿ – ಮರವಂತೆ ಬೀಚ್‌: ಎಚ್ಚರಿಕೆ ನಿರ್ಲಕ್ಷಿಸುವ ಪ್ರವಾಸಿಗರು

ತ್ರಾಸಿ – ಮರವಂತೆ ಬೀಚ್‌: ಎಚ್ಚರಿಕೆ ನಿರ್ಲಕ್ಷಿಸುವ ಪ್ರವಾಸಿಗರು

ಕರಾವಳಿಯಾದ್ಯಂತ ಸಿಡಿಲು ಸಹಿತ ಭಾರೀ ಮಳೆ; ಹಲವೆಡೆ ಕೃತಕ ನೆರೆ ಸೃಷ್ಟಿ

ಕರಾವಳಿಯಾದ್ಯಂತ ಸಿಡಿಲು ಸಹಿತ ಭಾರೀ ಮಳೆ; ಹಲವೆಡೆ ಕೃತಕ ನೆರೆ ಸೃಷ್ಟಿ

ಕಲ್ಸಂಕ : ಆ್ಯಂಬುಲೆನ್ಸ್‌ನಲ್ಲಿ ಬೆಂಕಿ, ವಾಹನ ಸಂಚಾರ ಅಸ್ತವ್ಯಸ್ತ

ಕಲ್ಸಂಕ : ಆ್ಯಂಬುಲೆನ್ಸ್‌ನಲ್ಲಿ ಬೆಂಕಿ, ವಾಹನ ಸಂಚಾರ ಅಸ್ತವ್ಯಸ್ತ

MUST WATCH

udayavani youtube

ಜ್ಞಾನವಾಪಿ ಮಸೀದಿ ಸರ್ವೇ ಸಂಪೂರ್ಣ; ಬಾವಿಯಲ್ಲಿ ‘ಶಿವಲಿಂಗ’ಪತ್ತೆ

udayavani youtube

ದತ್ತ ಜಯಂತಿ ಸಮಯದಲ್ಲಿ ಹೋಮದ ಹೊಗೆ.. ಬೇರೆ ಸಮಯದಲ್ಲಿ ಮಾಂಸದ ಹೊಗೆ

udayavani youtube

ಶಾಲಾ ಪ್ರಾರಂಭೋತ್ಸವ ಹಿರಿಯಡ್ಕ ಸರಕಾರಿ ಪಬ್ಲಿಕ್ ಸ್ಕೂಲ್ ನಲ್ಲಿ ಮಕ್ಕಳಿಗೆ ಸಂಭ್ರಮದ ಸ್ವಾಗತ

udayavani youtube

ಶಂಕರನಾರಾಯಣ : ಶಾಲಾರಂಭದ ದಿನದಂದೇ ಸರಕಾರಿ ಶಾಲೆಯಲ್ಲಿ ಪ್ರತಿಭಟನೆ ಬಿಸಿ

udayavani youtube

ಫಲಜ್ಯೋತಿಷ್ಯದಲ್ಲಿ ದೀರ್ಘಕಾಲೀನ ಫಲಾದೇಶ ಮಾಡುವುದು ಹೇಗೆ ?

ಹೊಸ ಸೇರ್ಪಡೆ

ಗ್ರಾಹಕನಲ್ಲ, ಉದ್ಯಮಿಯೇ ರಾಜ!

ಗ್ರಾಹಕನಲ್ಲ, ಉದ್ಯಮಿಯೇ ರಾಜ!

ರೈತ ಆರ್ಥಿಕವಾಗಿ ಸದೃಢನಾದರೆ ಮಾತ್ರ ಭಾರತ ಆತ್ಮನಿರ್ಭರ

ರೈತ ಆರ್ಥಿಕವಾಗಿ ಸದೃಢನಾದರೆ ಮಾತ್ರ ಭಾರತ ಆತ್ಮನಿರ್ಭರ

ಭಾರತದ ವಸುದೈವ ಕುಟುಂಬಕಂ ಜಗತ್ತಿಗೇ ಮಾದರಿಯಾಗಲಿ

ಭಾರತದ ವಸುದೈವ ಕುಟುಂಬಕಂ ಜಗತ್ತಿಗೇ ಮಾದರಿಯಾಗಲಿ

ಇಂದು ಷೇರು ಮಾರುಕಟ್ಟೆಯಲ್ಲಿ ಎಲ್‌ಐಸಿ ಲಿಸ್ಟಿಂಗ್‌

ಇಂದು ಷೇರು ಮಾರುಕಟ್ಟೆಯಲ್ಲಿ ಎಲ್‌ಐಸಿ ಲಿಸ್ಟಿಂಗ್‌

“ಕಂಟೆಂಟ್‌ ಇಷ್ಟವಾಗದಿದ್ದರೆ ಕೆಲಸ ಬಿಡಿ’

“ಕಂಟೆಂಟ್‌ ಇಷ್ಟವಾಗದಿದ್ದರೆ ಕೆಲಸ ಬಿಡಿ’

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.