Udayavni Special

ಸೌಲಭ್ಯ ಕೊಟ್ಟರೂ ನಿಲ್ಲದ ವಲಸಿಗರು


Team Udayavani, May 25, 2020, 6:20 AM IST

soulabhya

ಬೆಂಗಳೂರು: ನಿರ್ಮಾಣ ಕ್ಷೇತ್ರಕ್ಕೆ ಕೇಂದ್ರ-ರಾಜ್ಯದ ವಿಶೇಷ ಪ್ಯಾಕೇಜ್‌, ಅದರಲ್ಲಿ ಕಾರ್ಯನಿರ್ವಹಿಸುವ ಕಾರ್ಮಿಕರಿಗೆ ಪಡಿತರ ಜತೆಗೆ ಧನಸಹಾಯ ಕೊಟ್ಟರೂ  ಮೂಲಸೌಕರ್ಯ ಕ್ಷೇತ್ರ ಮಖಾಡೆ ಮಲಗಿದೆ. ಇದು ಸರ್ಕಾರವನ್ನು  ಚಿಂತೆಗೀಡು ಮಾಡಿದೆ. ಪ್ಯಾಕೇಜ್‌ ಘೋಷಿಸಿ ಹೆಚ್ಚು-ಕಡಿಮೆ 2 ವಾರ ಕಳೆದರೂ ಬೆಂಗಳೂರು ಸೇರಿ ಮಹಾನಗರಗಳಲ್ಲಿ ಇದುವರೆಗೂ ಶೇ.20ರಿಂದ 30 ಮಾತ್ರ ಕಾಮಗಾರಿ ಆರಂಭವಾಗಿವೆ. ಪ್ರತಿಷ್ಠಿತ ಕಂಪನಿಗಳು ಸಾಧ್ಯವಾದಷ್ಟು ಕಾರ್ಮಿಕರನ್ನು ತಮ್ಮ ನಿರ್ಮಾಣ ಹಂತದ  ಪ್ರದೇಶದಲ್ಲಿಯೇ ಉಳಿಸಿಕೊಂಡು ಕೆಲಸ ಆರಂಭಿಸಿದ್ದಾರೆ.

ಆದರೆ, ಸರ್ಕಾರ, ಕಂಪನಿಗಳ ನಿರೀಕ್ಷಿತ ಪ್ರಮಾಣದಲ್ಲಿ ಕಾಮಗಾರಿಗಳಿಗೆ ಚಾಲನೆ ಸಿಕ್ಕಿಲ್ಲ. ಈ ಮಧ್ಯೆ ಕಳೆದ ಒಂದು ವಾರದಿಂದ  ಒಂದೆಡೆ ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ ಮೂರಂಕಿ ದಾಟುತ್ತಿದ್ದು, ಇಲ್ಲಿಯೇ ಉಳಿದಿರುವ ಕಾರ್ಮಿಕರಲ್ಲಿ ಆತಂಕ  ಸೃಷ್ಟಿಸಿದೆ. ಮತ್ತೂಂದೆಡೆ ಕಾರ್ಮಿಕರ ಸಂಚಾರಕ್ಕೆ ಉಚಿತ ಪ್ರಯಾಣ ವ್ಯವಸ್ಥೆ ಕಲ್ಪಿಸಲಾಗಿದ್ದು, ಇದು ಊರುಗಳಿಗೆ ತೆರಳಲು ಪರೋಕ್ಷವಾಗಿ ಪ್ರೇರಣೆ ನೀಡಿದೆ. ಪರಿಣಾಮ ಪ್ರತಿವಲಸೆ ಶುರುವಾಗಿದೆ. ಇದೆಲ್ಲದರ ನಡುವೆ ಕಾಮಗಾರಿಗಳ ಪ್ರಗತಿಗೆ ಹಿನ್ನೆಡೆ ಉಂಟಾಗಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಸರ್ಕಾರಿ ಕಾಮಗಾರಿಗೂ ಕರಿನೆರಳು: ನಗರ ಪ್ರದೇಶದಲ್ಲಿ ಸರ್ಕಾರದ ಯೋಜನೆಗಳೂ ಹಣಕಾಸಿನ ಕೊರತೆಯಿಂದ ಕಾಮಗಾರಿ ಆರಂಭವಾಗಿಲ್ಲ. ಅಲ್ಲದೇ ಯಾವುದೇ ಹೊಸ ಕಾಮಗಾರಿ ಕೈಗೆತ್ತಿಕೊಳ್ಳಲು ಹಣಕಾಸು ಇಲಾಖೆ ಅನುಮತಿ  ಕಡ್ಡಾಯವಿದ್ದು ನಿರೀಕ್ಷಿತ ಮಟ್ಟದಲ್ಲಿ ಕಾಮಗಾರಿ ಆರಂಭವಾಗಿಲ್ಲ. ವಲಸೆ ಕಾರ್ಮಿಕರೂ ಗ್ರಾಮೀಣ ಪ್ರದೇಶಗಳಿಗೆ ತೆರಳಿದ್ದರಿಂದ ಪೂರ್ಣ ಪ್ರಮಾಣದಲ್ಲಿ ಕಾಮಗಾರಿ ಆರಂಭವಾಗಲು ಕನಿಷ್ಠ 6 ತಿಂಗಳು ತೆಗೆದುಕೊಳ್ಳಬಹುದು ಎಂಬ  ಅಭಿಪ್ರಾಯ ವ್ಯಕ್ತವಾಗುತ್ತಿದೆ.

ಅದರಲ್ಲೂ ಮೇ 18ರ ನಂತರ ವಲಸೆ ಕಾರ್ಮಿಕರು, ಪ್ರವಾಸಿಗರು , ವಿದ್ಯಾರ್ಥಿಗಳು ಅಂತಾರಾಜ್ಯ ಸಂಚಾರಕ್ಕೆ ಕೇಂದ್ರ ಸರ್ಕಾರ ಮುಕ್ತ ಅವಕಾಶ ಕಲ್ಪಿಸಿ ಶ್ರಮಿಕ್‌ ರೈಲು ಸೇವೆ ಆರಂಭಿಸಿದ್ದರಿಂದ  ರಾಜ್ಯದಿಂದ ಉತ್ತರ ಭಾರತದ ರಾಜ್ಯಗಳಾದ ಉತ್ತರ ಪ್ರದೇಶ, ಬಿಹಾರ್‌, ಒಡಿಶಾ, ಜಾರ್ಖಂಡ್‌, ಛತ್ತೀಸ್‌ಗಡ ರಾಜ್ಯಗಳ ಲಕ್ಷಾಂತರ ಕಾರ್ಮಿಕರು ತವರಿಗೆ ಮರಳಲು ಹಾತೊರೆಯುತ್ತಿದ್ದು, ಶ್ರಮಿಕ್‌ ರೈಲಿನ ಮೂಲಕ ಹಂತ ಹಂತವಾಗಿ  ಅವರ ರಾಜ್ಯಗಳಿಗೆ ಕಳುಹಿಸುವುದು ಸರ್ಕಾರಕ್ಕೆ ದೊಡ್ಡ ತಲೆನೋವಾಗಿದೆ.

ಮರು ವಲಸೆ ಇನ್ನಷ್ಟು ಹೆಚ್ಚುವ ಸಾಧ್ಯತೆ: ರಾಜ್ಯ ಸರ್ಕಾರ ಏಕಾಏಕಿ ವಲಸೆ ಕಾರ್ಮಿಕರನ್ನು ಅವರ ರಾಜ್ಯಗಳಿಗೆ ತೆರಳಲು ಅವಕಾಶ ಕಲ್ಪಿಸಿದ್ದರಿಂದ ಲಕ್ಷಾಂತರ ಹೊರ ರಾಜ್ಯಗಳ ವಲಸೆ ಕಾರ್ಮಿಕರು ತವರು ಸೇರಿದರೆ ಸಾಕು ಎಂದು  ತಂಡೋಪತಂಡವಾಗಿ ಹೊರಟಿದ್ದರಿಂದ ನಗರ ಪ್ರದೇಶದಲ್ಲಿನ ನಿರ್ಮಾಣ ಕಾಮಗಾರಿ ಮೇಲೆ ಪರಿಣಾಮ ಬೀರುತ್ತದೆ ಎಂದು ರಿಯಲ್‌ ಎಸ್ಟೇಟ್‌ ಉದ್ಯಮಿಗಳು  ಸರ್ಕಾರದ ಮುಂದೆ ತಮ್ಮ ಅಳಲು ತೋಡಿಕೊಂಡಿದ್ದರಿಂದ ಅಗತ್ಯ ಆಹಾರದ ಕಿಟ್‌, ವಸತಿ ಕಲ್ಪಿಸುವ ಭರವಸೆ ನೀಡಿ ಇಲ್ಲಿಯೇ  ಉಳಿಸಿಕೊಳ್ಳುವ ಪ್ರಯತ್ನ ನಡೆಸಿತು.

ಅಲ್ಲದೇ, ಕಾಮಗಾರಿ ನಡೆಯುವ ಸ್ಥಳದಲ್ಲಿಯೇ ವಸತಿ ಕಲ್ಪಿಸಿದ ಬೃಹತ್‌ ರಿಯಲ್‌ ಎಸ್ಟೇಟ್‌ ಸಂಸ್ಥೆಗಳು ಕಾರ್ಮಿಕರನ್ನು ತಮ್ಮಲ್ಲಿಯೇ  ಉಳಿಸಿಕೊಂಡರು. ಇನ್ನು ಬೆಂಗಳೂರಿನಿಂದ ಪ್ರತಿ ದಿನ ಉತ್ತರ ಭಾರತದ ರಾಜ್ಯಗಳಿಗೆ ಶ್ರಮಿಕ್‌ ರೈಲು ಕಳುಹಿಸಲಾಗುತ್ತಿದ್ದು, ಪ್ರತಿ ರೈಲಿನಲ್ಲಿ ಸುಮಾರು 1,200 ಕಾರ್ಮಿಕರು ಮಾತ್ರ ತೆರಳುತ್ತಿದ್ದಾರೆ. ಅಲ್ಲದೆ ಕೇಂದ್ರ ಸರ್ಕಾರ ಮುಂದಿನ ವಾರದಲ್ಲಿ 2,600 ಶ್ರಮಿಕ್‌ ರೈಲು ಬಿಡುವುದಾಗಿ ಹೇಳಿರುವುದರಿಂದ ಕಾರ್ಮಿಕರ ಮರು ವಲಸೆ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆ ಇದೆ.

ಹಳ್ಳಿಗಳಿಗೆ ತೆರಳಿ ವಲಸಿಗರ ಮನವೊಲಿಕೆ ಪ್ರಯತ್ನ!: “ಸರ್ಕಾರದೊಂದಿಗೆ ಮಾತುಕತೆ ನಡೆಸಿದ ನಂತರ ಪ್ಯಾಕೇಜ್‌ ಘೋಷಣೆ ಮತ್ತಿತರ ಪೂರಕ ಬೆಳವಣಿಗೆಗಳಿಂದ ರಾಜ್ಯದಲ್ಲಿ ಕಾರ್ಮಿಕರ ಪ್ರತಿವಲಸೆ ಕಡಿಮೆಯಾಗಿತ್ತು. ಇದು  ಉದ್ಯಮದ ಚೇತರಿಕೆ ದೃಷ್ಟಿಯಿಂದ ತುಸು ಆಶಾದಾಯಕವೂ ಆಗಿತ್ತು. ಆದರೆ, 3-4ದಿನಗಳಿಂದ ಹೆಚ್ಚಳವಾಗಿದೆ. ವಿವಿಧ ಕಂಪನಿಗಳಲ್ಲಿ ಕಾರ್ಯನಿರ್ವಹಿಸುವ ಕಾರ್ಮಿಕ ಗುತ್ತಿಗೆದಾರರ ಪ್ರತಿನಿಧಿಗಳು ಹಳ್ಳಿಗಳಿಗೆ ತೆರಳಿ, ಮನವೊಲಿಸುವುದು, ಭರವಸೆ ನೀಡುತ್ತಿದ್ದರೂ ಕಾರ್ಮಿಕರಿಂದ ಪೂರಕ ಸ್ಪಂದನೆ ದೊರೆಯುತ್ತಿಲ್ಲ. ಹೀಗಾಗಿ, ನಿರ್ಮಾಣ ಕಾಮಗಾರಿಗಳಿಗೆ ನಿರೀಕ್ಷಿತ ಮಟ್ಟದಲ್ಲಿ ಚಾಲನೆ ದೊರೆಯುತ್ತಿಲ್ಲ. ಸರ್ಕಾರಿ ಮೂಲ ಸೌಕರ್ಯ ಕಾಮಗಾರಿಗಳ  ಸ್ಥಿತಿಯೂ ಇದಕ್ಕಿಂತ ಭಿನ್ನವಾಗಿಲ್ಲ’ ಎಂದು ಭಾರತೀಯ ರಿಯಲ್‌ ಎಸ್ಟೇಟ್‌ ಡೆವಲಪರ್ ಸಂಘಗಳ ಒಕ್ಕೂಟದ ರಾಜ್ಯ ಘಟಕದ ಉಪಾಧ್ಯಕ್ಷ ಪ್ರದೀಪ್‌ ರಾಯ್ಕರ್‌ ಅಸಹಾಯಕತೆ ವ್ಯಕ್ತಪಡಿಸುತ್ತಾರೆ.

* ಶಂಕರ ಪಾಗೋಜಿ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಲಿಂಗಾಯತ ಅಭಿವೃದ್ದಿ ನಿಗಮ ಸ್ಥಾಪಿಸುವಂತೆ ಬಸವ ಪರ ಸಂಘಟನೆ ಒತ್ತಾಯ

ಲಿಂಗಾಯತ ಅಭಿವೃದ್ದಿ ನಿಗಮ ಸ್ಥಾಪಿಸುವಂತೆ ಬಸವ ಪರ ಸಂಘಟನೆ ಒತ್ತಾಯ

DK-Shivkumar

ತಪ್ಪು ಮಾಡಿದ್ದರೆ ಶಿಕ್ಷೆಗೆ ಸಿದ್ಧ, ಸವಾಲಿನಿಂದ ಹಿಂದೆ ಸರಿಯೋಲ್ಲ: ಡಿಕೆ ಶಿವಕುಮಾರ್

covid-india

ದೇಶದಲ್ಲಿ ಒಂದೇ ದಿನ 19,148 ಮಂದಿಗೆ ಕೋವಿಡ್: 6 ಲಕ್ಷ ದಾಟಿದ ಸೋಂಕಿತರ ಪ್ರಮಾಣ

govinda-karajola

ಜು.6ರಂದು ಡಾ.ಬಾಬು ಜಗಜೀವನ್ ರಾಂ 34ನೇ ಪುಣ್ಯಸ್ಮರಣೆ, ಸರಳ ಕಾರ್ಯಕ್ರಮ: ಗೋವಿಂದ ಕಾರಜೋಳ

ಡಿ.ಕೆ.ಶಿವಕುಮಾರ್ ನನ್ನ ಮಿತ್ರ, ಅಲ್ಲ ಪಕ್ಷದ ಅಧ್ಯಕ್ಷ ಅಷ್ಟೇ : ಸಚಿವ ರಮೇಶ ಜಾರಕಿಹೊಳಿ

ಡಿ.ಕೆ.ಶಿವಕುಮಾರ್ ನನ್ನ ಮಿತ್ರ ಅಲ್ಲ, ಪಕ್ಷದ ಅಧ್ಯಕ್ಷ ಅಷ್ಟೇ : ಸಚಿವ ರಮೇಶ ಜಾರಕಿಹೊಳಿ

dks

ಡಿ.ಕೆ.ಶಿ ಡೈನಾಮಿಕ್ ಲೀಡರ್, ಕಾಂಗ್ರೆಸ್ ಮತ್ತೆ ಅಧಿಕಾರಕ್ಕೇರುವ ವಿಶ್ವಾಸ:ಕೆ.ಸಿ ವೇಣುಗೋಪಾಲ್

ಈಗ ದೆಹಲಿ ತೊರೆಯಲಿರುವ ಪ್ರಿಯಾಂಕಾ ಲಕ್ನೋ ಬಂಗಲೆಯಲ್ಲಿ ವಾಸ್ತವ್ಯಕ್ಕೆ ಸಿದ್ಧತೆ

ಅಂದು ಇಂದಿರಾ;ಈಗ ದೆಹಲಿ ತೊರೆಯಲಿರುವ ಪ್ರಿಯಾಂಕಾ ಲಕ್ನೋ ಬಂಗಲೆಯಲ್ಲಿ ವಾಸ್ತವ್ಯಕ್ಕೆ ಸಿದ್ಧತೆ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

hd-kumaraswmay

ವೈರಸ್ ಸೋಂಕಿತರು ಚಿಕಿತ್ಸೆಯಿಲ್ಲದೆ ನರಳುತ್ತಿದ್ದಾರೆ, ಸಚಿವರಲ್ಲಿ ಸಮನ್ವಯವಿಲ್ಲ: HDK ಕಿಡಿ

anxity

ಶಕ್ತಿಸೌಧದಲ್ಲಿ ಕೋವಿಡ್‌ 19 ಕಾಟ: ಆತಂಕ

cc warn

ನಿಯಮ ಉಲ್ಲಂಘಿಸಿದರೆ ತಿಳಿ ಹೇಳುವ ಸಿಸಿ ಕ್ಯಾಮೆರಾ

napatte

735 ಸೋಂಕಿತರ ಪತ್ತೆ; ಹಿನ್ನೆಲೆ ನಾಪತ್ತೆ

total-sation

ಟೋಟಲ್‌ ಸ್ಟೇಷನ್‌ ಸರ್ವೆ ಅವ್ಯವಹಾರದಲ್ಲಿ ಅಧಿಕಾರಿ?

MUST WATCH

udayavani youtube

Manoj Kumar : Success story of Indigenous Dairy Farmer from Moodbidri

udayavani youtube

Udupi’s Master Chariot Maker Lakshmi Narayan Acharya

udayavani youtube

LIC ಅಧಿಕಾರಿಯ ‘Part Time’ ಕೃಷಿ ‘ಪಾಲಿಸಿ’! | LIC Officer Excels in Agriculture

udayavani youtube

SSLC ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದ Medical Education Minister Dr Sudhakar

udayavani youtube

Let locals put first priority in government’s new sand policy


ಹೊಸ ಸೇರ್ಪಡೆ

ಲಿಂಗಾಯತ ಅಭಿವೃದ್ದಿ ನಿಗಮ ಸ್ಥಾಪಿಸುವಂತೆ ಬಸವ ಪರ ಸಂಘಟನೆ ಒತ್ತಾಯ

ಲಿಂಗಾಯತ ಅಭಿವೃದ್ದಿ ನಿಗಮ ಸ್ಥಾಪಿಸುವಂತೆ ಬಸವ ಪರ ಸಂಘಟನೆ ಒತ್ತಾಯ

ವೈದ್ಯರ ಮೇಲೆ ಹಲ್ಲೆ ಖೇದಕರ

ವೈದ್ಯರ ಮೇಲೆ ಹಲ್ಲೆ ಖೇದಕರ

ಖಾಸಗಿ ಅನುದಾನರಹಿತ ಶಾಲಾ ಶಿಕ್ಷಕರಿಗೆ ಸಹಾಯಧನಕ್ಕೆ ಮನವಿ

ಖಾಸಗಿ ಅನುದಾನರಹಿತ ಶಾಲಾ ಶಿಕ್ಷಕರಿಗೆ ಸಹಾಯಧನಕ್ಕೆ ಮನವಿ

ಕೋವಿಡ್ ಸೇನಾನಿಗಳ ಸೇವೆ ಶ್ಲಾಘನೀಯ: ವಿರುಪಾಕ್ಷಪ್ಪ

ಕೋವಿಡ್ ಸೇನಾನಿಗಳ ಸೇವೆ ಶ್ಲಾಘನೀಯ: ವಿರುಪಾಕ್ಷಪ್ಪ

DK-Shivkumar

ತಪ್ಪು ಮಾಡಿದ್ದರೆ ಶಿಕ್ಷೆಗೆ ಸಿದ್ಧ, ಸವಾಲಿನಿಂದ ಹಿಂದೆ ಸರಿಯೋಲ್ಲ: ಡಿಕೆ ಶಿವಕುಮಾರ್

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.